影片
几年前喺沙田河畔开左个头，一直都会间唔中去下，直到有次去到见到关门大吉。事隔几年上网再揾返，难忘佢啲牛同大粒鱼皮饺，决定再访。地点令我有少少困惑，又沙田又葵涌，建议大家信google map, 唔好走左去沙田。当晚十点半入座，第一眼同之前河畔好大差别，入舖，干净光猛。一色用电炉而非炭炉。无错，睇到呢度你可能会问: 无炭炉烧烤？系，无炭炉。老细话我知佢都好想做返炭炉，气氛完全唔同，佢都知。问题系之前做得太出名，树大招风，曾经有间装修好既新舖受到食环拖延审批九个月，结果都要放弃，啱既地方又难揾，无办法。老细话炭炉同新花款正在安排紧。我就谂，佢出名唔通只系个炭炉？唔会既，系因为野食同汤底都好先有之前打落既名气。所以当晚无炭炉，照打。拣左沙嗲汤底，有豆腐，芋头，冬茹，唐芹，好香。老板加左个蒸笼喺上面，先蒸大蚬，再打边炉，唔错，大蚬好鲜甜爽囗。叫左手切牛，肥廋适中，好林好甜，牛味浓！粉肠新鲜干净，唔会预先处理得太林。鱼面老细无介绍错，好弹牙实净，唔伦工减料。我最钟意食佢地鱼皮饺，皮好烟un，馅好正，一啲都唔腥。生蚝都唔差，不过个人偏爱广岛蚝多啲。蛏子成个筷子咁长，好新鲜又好甜，一定要叫。虾丸好大粒，食过最大粒既虾丸，好结实。生料同汤底同以前一样出色，会继续支持！寄语老细，逆境波唔易打，见到你地依旧有心制作，本身唔写食评既我都要写返一篇支持你地。
继续阅读
<特色炭火边炉烧烤 – 广东人>沙田河畔既广东人小厨，几年前岩岩开业已吃过及介绍过，由于摆哂出街俾食环日捉夜捉，最后连牌都钉埋，近半年又在后面几个铺再开过，继续以炭会友。老实生火的是煤是炭我就唔多知，所以都无选择烧烤，但冬日可以对住个火，的确风味过人。不知是否转了手关系，老板很后生，做事勤奋醒目过人，除了帮客人烧烤外，聊天问感受外。无端端又走来话请我食个$118既醉鸡汤底，见佢咁有心做好佢，当然帮佢写番篇短评。醉鸡锅足料，鸡件十来廿件，但就酒味过浓，灼料够味但如药材与酒比例再调调会更好﹔牛肉$208，香软味浓。其余生料都大碟，有相为证。未有酒牌，自己去对面7仔买酒便可，老板仔仲话将转战大围，铺位已落实，叫我留意佢地Facebook咁话。最近又冻番，对住个炉暖洋洋的感觉十分好Feel，围炉夜话，酒也喝多几瓶呢﹗我的FB: smallsmallsmalllin
继续阅读