影片
想去呢间野食好耐啦，星期日终于同女朋友去左。火锅同烧烤一齐食，感觉的确好新奇。火锅叫左冬荫公汤底，味道ok，不够辣，酸味适中。用来灼肥牛味道几夹。点左几样都ok，系猪润唔系黄沙既，差d。烧烤食物不错，只要自己留意唔好烧“浓”就好。烧完食物有烧火香味，非常好。重点一提，服务好得出奇！全程有人教要点烧，要点整，仲批埋粟米，捞埋牛油。食完好满意。好好味，好满足。但埋单就真系贵左d既。我谂多d人黎，share食会好d。如果有d set 就更好啦。
继续阅读
天气冻冻地, 最好打边炉。系Shatin其实选择不多,最后去依间,因为有位唔洗等。不过坐低左,就有少少后悔。因为价钱一啲都唔平,系大酒楼价钱,大排档格局。老实一句,有得打边炉又可以串烧,其实感觉好新鲜,所以都唔会因为价钱而影响心情。叫咗羊肉、菇、鸡翼及金沙骨串烧，羊肉要左两串,鸡翼一串有三只,金沙骨就净系得壹件,十几廿蚊,真系好金嘅金沙骨。至于火锅，叫咗冬阴公汤底,味道一般,又唔系太浓,$88汤底有蕃茄、水、虾等等，但做火锅汤底就真系淡咗少少。火锅料就叫咗一啲美国肥牛,仲有两碟菜,加埋响铃。肥牛大大件，不过得个几块，咁就百几蚊,真系好鬼贵。两个人,食咗四百几蚊,真系好贵！
继续阅读
千万不要去这间食店，A级价钱，D级水准，火锅汤底完全冇味，仲要净系加水，完本已经冇味架啦！仲加水.....👍👍👍牛肉细碟收$188,鸡脾一只$46,牛仔骨一条，斩开三件，每件收$20。鸡扒$38，再叫块鸡皮$10，块鸡扒系冇鸡皮，隔离就系我另外叫𠮶块鸡皮👍👍👍叫稻庭乌冬，佢就嚟咗碟普通乌冬，到我哋问佢，佢至话今日冇稻庭乌冬。阿老板！两者价钱是不一样的！你知道吗??????我朋友话，因为沙田冇乜兢争，所以食物几差都有人帮衬。Ok!! Fine!! 😡😡😡三个人，埋单$795~完全物无所值😤😤😤
继续阅读
星期六放假~谂住约埋三五知己去食饭,但又谂唔到食咩~其中一位朋友就推介黎呢间食....起初听到系要食室外都冇咩所谓啦~跟住仲要话系要食炭烧+打边炉~~~心里就不禁讲左句"痴线的....大热天时食炭烧,真系前世未热过"。但无耐真系谂唔到食咩,只好顺住疯子的意思~硬住头皮去试下~~ 由于都几早到 ,所以唔使等就有位。一去到见到个场同一般大排档无咩唔同~系张台多左个大窿......跟住就开始叫野食,我地主力系食炭烧食物~首先叫左菠罗、羊架、海鲜同d平时BBQ的材料啦~~~~上场首先整左D波罗黎醒下胃先,跟住就系考真功夫的时候,烧海鲜~好在我地当中有个朋友对BBQ好有研究,所以由佢去发挥系一个好的选择~~~场内提供的调味料有好多,可以任君选择~~有好的厨师加上又有D好新鲜的海鲜~大家越食越知味。 烧烧下开始觉得热,叫左D啤酒啤啤佢~~同其他地方不同的系用战斗碗黎饮啤唔系用杯~~真系觉得饮起黎好有FEEL~一班人系个咁FREE的环境下~把酒谈心真系一个唔错的选择~~ 食下食下店内越来越多人,跟住放在场的调味料就不够用~而且加炭又有D费时~~所以要预早少少同店员讲好加炭,唔系就要重新开炉.....这是有待改善的地方~ 总括而言,这是一个不错的食饭选举~我有点感谢我地的疯子大厨推介,真系一个意料之外而且有气氛的地方~我真心认为可以一试~特别系一D想大显自己料理的人士更加需要一试~
继续阅读
同好多人一样，睇左无记的夜宵磨而发现这家店，同时刚有朋友在国外回来，又想不到食咩，所以希望试一下体验一些较特别点菜式。原本想话打个电话订个位，不用去到等，点知阿姐话先到先得，有点失望，但都不碍我们想试试的心情。大约七点去到，有放枱的位置已坐满人（上昼落雨，少左枱），等左10分钟左右，可能有点热冇乜人。坐上枱即时拎起menu，点左个海鲜㶽，叫左D菜同海鲜清清肠胃先。但因为要准备炭炉同㶽所以等左约十分钟，又要等个㶽滚，所以有开始叫到可以落野用左20分钟左右。首先，个㶽系几足料的，有D虾同大蚬配撘罗白薯仔等。跟住系我们叫的海鲜，有元贝、虾等，都几新鲜大只，对得起呢个价$。唯一争少少系配豉油的调味料，只有4种，不太满足到我呢D喜欢混酱的客人。打完边炉，随即就换上烧烤装备。转换速度尚算快，我们叫了牛肉、猪扒、厚多士、海鲜等，这些都需要阁下自己的个人手艺。食物腌得不错，但唯独鸡中翼差左小小，有点淡。最值得一提的系原条烧茄子，老板见我地搅到一头烟，就出手教我地点整，本来本人并不好茄子，但试过老板的手势，真的停不了口~最后，我觉得夏天先来烧野食真系要做足准备，真系几热。但系为左食出风味，都值得一试。推介大家想试试不同风味，可以去下。
继续阅读