影片
更多
2009-11-29
12 浏览
呢日收工到河畔吃飯，見平日食開的地方對面開左間廣東人小廚，新開張就試試佢虛實，行過來試下﹗店鋪新開當然新淨光鮮，絕大部份食客都坐在門外位置，有小炒火鍋煲仔飯等供應。來到驚見呢度竟然有炭爐邊爐，有睇開我食評既朋友都知我對炭火邊爐有情意結，本來諗住今晚食小炒都按奈不住要打個炭火邊爐﹗起爐先知不是用炭而係用一舊圓形的煤來生火，煤也過癮沒太大所謂﹗光頭老闆見我坐低係咁影相都好SOCIAL行過來同我打招呼，又叫我地影得靚0的，仲介紹有咩好食。睇餐牌食物不貴，邊爐料幾十蚊有交易，佢推介蕃茄薯仔牛粒鍋，再加多碟佢話最靚既手切肥牛及一碟靚蜆，蔬菜方面就點左個雜菌拼盤。寒夜漫漫有個煤爐滾住確係暖洋洋，$58既牛粒鍋湯底有蕃茄薯仔粟米及蘿蔔，仲有十幾廿粒牛粒，湯看色水已知是清雞湯開出來，試過果真如此，湯底牛粒味道反而幾好，當然此家邊爐不能與我的心水餐廳荃灣豬骨張作同日而喻。牛是打邊爐最重要的一環，手切肥牛$100碟，睇番賣相就唔多似係手切，如此薄切似機切牛多，肥牛色水紅潤紋理亦勻稱，輕灼之下入口腍滑，香而有牛味，還不錯，味道應是安格斯牛片。肥牛片之外老闆仲俾左幾粒牛粒我地試，厚切達到2cm，大粒非常，淥佢
店鋪新開當然新淨光鮮，絕大部份食客都坐在門外位置，有小炒火鍋煲仔飯等供應。
來到驚見呢度竟然有炭爐邊爐，有睇開我食評既朋友都知我對炭火邊爐有情意結，本來諗住今晚食小炒都按奈不住要打個炭火邊爐﹗
起爐先知不是用炭而係用一舊圓形的煤來生火，煤也過癮沒太大所謂﹗光頭老闆見我坐低係咁影相都好SOCIAL行過來同我打招呼，又叫我地影得靚0的，仲介紹有咩好食。
睇餐牌食物不貴，邊爐料幾十蚊有交易，佢推介蕃茄薯仔牛粒鍋，再加多碟佢話最靚既手切肥牛及一碟靚蜆，蔬菜方面就點左個雜菌拼盤。
寒夜漫漫有個煤爐滾住確係暖洋洋，$58既牛粒鍋湯底有蕃茄薯仔粟米及蘿蔔，仲有十幾廿粒牛粒，湯看色水已知是清雞湯開出來，試過果真如此，湯底牛粒味道反而幾好，當然此家邊爐不能與我的心水餐廳荃灣豬骨張作同日而喻。
牛是打邊爐最重要的一環，手切肥牛$100碟，睇番賣相就唔多似係手切，如此薄切似機切牛多，肥牛色水紅潤紋理亦勻稱，輕灼之下入口腍滑，香而有牛味，還不錯，味道應是安格斯牛片。
肥牛片之外老闆仲俾左幾粒牛粒我地試，厚切達到2cm，大粒非常，淥佢十五分鐘之後食，牛味濃郁，夠大粒有口感，食家話牛粒味道比肥牛片更出色，我也有此同感。
蜆$28碟，雖然唔係好大隻不過灼熟食落十分鮮甜，細味之下仲有微鹹的海水味，正﹗
雜菌籃不用多介紹，金菇雞肶菇秀珍菇冬菇樣樣都有0的﹗
待應姐姐笑容可掬十分HELPFUL有禮貌幫得手，開頭舊煤燒得唔係咁均勻佢都主動見我地幾個字湯都未滾幫我地成個爐換過一個，抵讚。
總結以煤打邊爐同炭一樣有特色，呢間野個湯底就比較弱，食物除了牛之外其他廿幾三十蚊就有交易，十分抵食﹗不過以煤來用燃料確不及炭爐之火力，湯要耐一點先滾到﹗
來呢度也不一定只係打邊爐，亦有88蚊既羊腩煲，在我地對面就有一枱食緊煤爐羊腩，見佢地也相當有風味﹗
加多四五支籃妹，埋單320蚊，又近又方面可以接受，有機會再來風味一下會再來的﹗
张贴
