廣成冰室 (裝修中)

咁岩到上水上堂 同朋友都想搵下上水特色美食！一搵就搵到呢間舖頭 11點半到 離遠已經望到有好多人企係門口等 等10分鐘内都好快就入得 門口有餐牌 有早餐同茶餐而我就揀左茶餐 $40 太多人關係 等左10分鐘以上先有野食牛肉通粉牛肉半生熟 浸一浸就可以 份量亦都有好多好滑而且好有肉味 加上湯底用左薑絲調味 唔太濃 亦都好清新雞治超級厚既炒蛋 亦都十分之滑！ 不過方包擦左牛油關係 令到雞治好香口茶走見到隔離枱好多都係飲咖啡/奶茶 當然都要點返杯茶走！ 香港既奶茶真係好滑 好香口 好有茶味 出色！

廣城冰室係上水唯一一間冰室，已經有好多年歷史，長期都好多人食，呢幾年仲多左唔少遊客過黎食。牛肉通雞治凍奶茶係我嘅必食之選，牛肉通加左啲薑絲，辟走左啲味之餘，仲有辣辣地嘅味道！都幾惹味幾好！但啲通粉長期都有啲偏淋，老人家冇牙個啲都可以食得落添呀！不過黎食嘅係回憶，唔會介意咁多嘅！佢呢度嘅辣油真係不得了，自家製。加少少就令個通粉更加香口！呢度最特別就係佢地個紅豆冰，個三角柱冰柱好特別，好適合打卡！紅豆都足料！唔錯！

廣成冰室歷史悠久佢中午嘅套餐牛肉通粉湯底好味中有得揀菠蘿油或者蛋治，可以配凍熱飲，但紅豆冰就要分開叫，如果一個人去想飲紅豆冰再加個餐就會變咗有兩杯野飲no所以呢個係超級唔好，但分開叫就會貴左好多，以我個人嘅推介兩個人去食係最好嘅，你可以叫一個餐另外再叫紅豆冰再叫多個通粉，會比較化算同抵食，紅豆冰不在話吓超級特別超級好味，我會比較推介揀蛋治，因為佢個蛋治係超級多蛋，成個巨無霸咁，價錢就不算便宜，泊車都算方便，門口好多咪錶位，大家不妨去試吓啦！

咁岩去開上水行下，就諗起廣成，佢賣嘅野同門面一睇就知係食懷舊味。餐牌好簡單﹕早餐/茶餐平時通常都要排好耐隊，今日條隊短左，可能未到lunch hour，都算快入到去。我就揀左茶餐牛肉通/蛋治/凍奶茶少甜加個菠蘿油。菠蘿油先上左個菠蘿油，搵支叉壓一壓包面即刻彈番上黎就知係好包，配埋牛油真係無得彈。奶茶係舊式冰室傳統絲襪奶茶方式泡制，茶香得黎又濃。薑絲牛肉通粉牛肉夠腍同埋無梳打粉果種感覺，個湯清清地，配合薑絲唔會覺得辣之外仲好夠味雞旦三文治蛋份量好多，佢係無加牛奶整的，唔係炒滑蛋果種。蛋汁滲晒落個包到而且大大啖真係好正。

黎親上水必來食的一間老牌冰室！無論任何時段都要排隊的😅必食早餐/茶餐其實餐牌也有其他散叫食物既😅但係身為精明師奶仔既我叫餐係必然的，因為真心抵食夾大件！話時話過來左新年，加左＄2蚊價呀！成本高漲明白既，而且性價比的確高😎店內綠色墻身，一把把吊扇，陳設充滿舊時的味道。重點係全院滿座……迫爆人呀😂😂😂如果,shopping 完要坐入黎都應該幾有難度了！先黎左個菠蘿油😽😽🍍🍍罪惡感極重吧!還是將整個吃掉🐖成個胃部都佔左我一半的位置了😂😂😂由於等主角～牛肉通粉🐂的時間有點兒耐的關係……還是大胃王上身把整份吃哂！！！！精明眼🤑師奶仔又出動！！何以稱得上為性價比極高的一份餐呢?當然係有佢的原因！！呢碗牛肉通粉我數過足足係有成15塊牛肉片架！！！係街市買送多年既經驗！抵過買呀😝最後，整埋個提神奶茶，真係成個人都回哂魂啦！水滾茶靚不在話下，茶香奶滑先係精粹呀麻☕最後，完美的早餐咪就係囉！

一直都知上水有間廣成冰室人氣好高好懷舊好出名嘅大大杯紅豆冰今次專登慕名而來想試下係咪咁高質 講真去到真係懷舊風味綠色吊扇 傳統嘅味道 不過店鋪好細 卡位闊度更細同對面三唔識7 嘅人機乎膝頭掂膝頭而且環境唔太乾淨雖然sell 懷舊但賺咁多唔該翻新下 著重下清潔食物唔算大份 男仔黎講 通粉加菠蘿油原全唔飽 菠蘿油又唔係新鮮 整定好耐放係個櫃通粉黎講牛肉通算鮮甜牛肉都算係多 又淋身不過講到紅豆冰 係就係好多紅豆不過飲完麻麻地仲要賣26蚊一杯 覺得唔係想像中咁好

下午茶時段，咁岩係上水有野做，就黎呢到買外賣返去食。見到個雞蛋三文治好似幾出名，就揀呢間啦。叫左個茶餐$38，有蛋治有牛肉通粉，再加杯凍檸茶。外賣等左大概20分鐘，比左張飛我之後就周圍行陣先返去拎。個蛋治唔同平時既就咁煎隻蛋放上去。呢個蛋治夠厚，口感幾好，幾滑。茶餐廳黎講算唔錯仲有個牛肉通粉。見到好多好評，但係可能係外賣既原因，呢次麻麻地，個湯有點淡，牛肉一般。冇影到餐牌，放返張2年前影落既以供參考。

北上作樂但未到約定時間，而又可節省車費的前題下，先在極少踏足的上水稍作逗留醫肚！網上介紹的食店當然不少，但此廣成冰室在上水區的推介列上名列前茅。就為它的老字號名氣，為它的食物，更為它與我家人同名，我非試不可。哈～店面裝飾古舊，保持七八十年代的佈置，座位較為擁擠，通道非常窄，小心伙計傳菜會有輕微碰到食客的情況。而理所當然茶餐廳要搭枱啦！我點了一份HK$38的茶餐，包括一杯咖啡，牛肉通粉及蛋治。可能週末人多坐滿，出餐要點時間，等了差不多20分鐘先來一杯咖啡，港式咖啡香滑度不過不失。不久牛肉通粉就到了，牛肉有點半生熟，浸一下剛剛好，並混有少量薑絲吊味，不過整體通粉味道略淡。吃完通粉再等了會，蛋治到了。厚厚的鮮蛋夾在中間，蛋香幼滑，不錯！若到上水走走也不妨支持一下，老牌茶餐廳也算是買少見少了～

香港買少見少的紅豆刨冰、最難得係紅豆和冰如此比例、冇得輸！👍😋😋超厚「雞蛋多士 」vs 澳牛 、蛋味香、蛋不過火也不會過濕、廣成贏一條街、好味！👍「牛肉通粉 」vs 澳牛、廣成通粉冇澳牛滑口、湯底只有酒味、廣成輸一條街！👎落單嘅姐姐一直推介佢哋嘅菠蘿油、話剩得最後幾個唔要就冇啦！我話菠蘿包唔熱、佢竟然話俾我聽係熱！等位個十幾分鐘睇住一直擺喺玻璃櫃喎⋯⋯！🤣🤣🤣不過、又真係唔夠1分鐘售罄！決定下次一試！👍😜三點三下午茶:鴦走紅豆刨冰牛肉通粉雞蛋三文治😋😋😋😋😋

住左係上水咁多年，遠近馳名既的廣成冰室，我係只光顧過一次。朋友成日問:"您咪成日食廣成？", 事實真係無乜既。好啦，新年第一日老婆話想試下廣成！ 我話好多人等架，不如晏d先啦，3點幾差4點地到，嘩，仲係好多人。拎左飛，不過等左十幾分鐘就入到。食廣成，梗係食風味，食懷舊，食情懷。不過，食野都係食物最重要，叫左杯奶茶，幾得，香滑，飲完口都無苦澀味，唔會飲到口榎。另外又叫左個奶醬多，配奶茶一流。 老婆叫左個茶餐，我痴小小食下，牛肉通牛肉嫩滑，非一般茶記可比。上水名店，經典食物，雖則不能話人人喜愛。但老港情懷，買少見少。望住店內陳設，再望翻社會變遷，有覺物是人非，過去格調，風度，人情漸漸凋零，所以就算只比錢食個感覺，已非一般商場豪裝大店，連鎖集團可比。

新既一年開始，1月1日！老公帶我食好野，去左上水出名廣成冰室，聞名不如見面，嘆番個茶餐先！叫左佢地出名茶餐-牛肉通粉+雞蛋三文冶，熱奶茶💕哩度d牛肉真係好嫩，食落好輕，唔老！雞蛋三文冶d雞蛋就好滑。另外老公叫左奶醬西多士+紅豆冰，紅豆冰要收$26杯，仲貴過奶醬多士🙄就係多左個三角冰，紅豆偏甜，老公話無咩特別。價錢太貴，杯紅豆冰！👎🏻 茶餐抵食好多，不過都唔係話好特別！哩度d座位真係好窄，肥d都坐唔落，快食快走！

廣城冰室已經有好多年歷史，咁多年都仲係咁多人食，仲有唔少遊客過黎食添。佢個牛肉通雞治凍奶茶係我嘅必食之選，牛肉通加左啲薑絲，辟走左啲味之餘，仲有辣辣地嘅味道，唔錯唔錯！不過啲通粉長期都有啲偏淋，可能一次過整一大煲，所以就淋左啲。佢呢度嘅辣油真煲不得了，自家製，好好食！加少少就令個通粉更加香口！呢度比較特別就係佢地個紅豆冰，個三角柱冰柱好特別，好適合打卡嫁！不過呢幾年食都比以前差左，我係黎食回憶嘅！

今次去試懷舊餐，搭火車入上水，再行15分鐘，去到廣成冰室，門口feel已經好懷舊啦。它們主打款式，分别是懷舊紅豆冰、鮮牛肉通心粉、菠蘿油。我叫了常餐，有牛通、( 厚蛋三文治，菠蘿油)二選一，加杯奶茶。正如店主說牛通特別之處是用新鲜牛肉，牛肉係嫩啲，味道鲜甜，不得不試。蛋比一般蛋治厚少少，未至於特厚，一般水準，奶茶滑口，茶味不濃不淡，啱哂我。紅豆冰冇得跟餐，只可以單叫。第一次見有三角錐的冰，放在紅豆上，果然係懷舊版，红豆又霖又多，不太甜，冰慢慢溶化，不會因為飲得慢，變咗水，係點都要試既推介！！！👍當然要食理菠蘿包啦，包面脆，但相比下不及翠華，但它多了一種椰香味，不錯，夠哂特別。記得它們星期四休息，每日1630就閂門，如果想試紅豆冰，平日11點後，假期 1點後，先有得供應，免得空手而回。

—一坐低就要落單 雖然阿姐冇黑面 但同去食澳牛一樣咁緊張綜觀全場不外乎就係通粉 蛋治而所謂嘅“早餐” 寫住供應到下晝一點 依我所見就係直至售罄全日供應茶餐($38)牛肉通粉有薑絲 牛肉好腍 冇梳打粉醃肉味通粉都煮到腍哂雞蛋三文治唔重牛油味都整到好嫩滑其實我麻麻未熟蛋汁滴落嚟嘅炒蛋呢款熟哂唔係落好多牛油 但仲好滑嘅好得我心個包如果可以厚d就好 因為好快變到扁哂同事話紅豆冰都唔錯千其唔好嗌叉燒————————————————廣成冰室上水石湖墟新成路10號

昨日有珠海朋友来香港购物，之后帶她去了上水驰名的广成冰室，老香港情怀，丝袜奶茶、鲜牛肉通粉和鸡蛋三文治，简单的食物，但制作用心，味道很好！放d 照片比大家睇。呢d 舊店越來越少。味道keep 到一食落就係兒時味道。有時真係幾感動。奶茶唔洗講，好滑，飲完唔會"鞋口"鮮牛通是好好食，爽口，湯底唔會淡。旦治都好正，入面d 牛油香淡淡地出來唔會搶哂雞蛋味。說實在能食到呢種風味已經買少見少。我朋友就食唔出有咩特別，始終呢d 老香港味道外地人好難品出味道來