幸福班戟 (K11 Musea) (已結業)

在日本吃過「幸福班戟」，都試下香港啦，諗住分別吾會太大，但朋友們吃過已說香港既好一般喎，今日見冇人排隊，算啦，試一試啦，點知一食，是空氣感的，但沒有蛋味，班戟比係日本吃時細一個圈，焦糖咖啡完全冇咖啡味，食物同咖啡紙盒紙杯上，我堂食喎，外賣嗎？服務員又冇禮貌，因有小朋友一同食，所以想坐靠近牆邊，服務員即回應你「有分別咩？」今時今日既環境仲有呢種服務態度，吾該，吾想做請返家等你父母養你，失望，吾會再試。

食完晚飯去左呢間幸福班戟食梳乎厘班戟。呢間係日本已經有唔少分店，過江龍嚟到香港暫時有三間分店。店舖要求食客每人最少叫一份食物或飲品，我同朋友分叫左一份朱古力味同一個芝士慕絲雜莓醬味梳乎厘。佢呢到d班戟menu上睇好似比平時貴，但d班戟嚟到就會知佢其實係抵食。班戟一份有成3大舊，每舊有番咁上下size，直情食得飽人。佢d梳乎厘比出面有口感，食落去唔會好似食緊空氣咁入面鬆泡泡，每一啖都有實在感。香蛋味既班戟加埋濃濃既朱古力/雜莓醬點綴真係從味覺上帶俾食客幸福既感覺，十分推薦!

K11 muse 只要寵物坐車車，便可以進去商場。今次我們決定帶他們去吃班戟，而我們點了香蕉雪糕班戟！因為牠們可以吃香蕉嘛~班戟都是即叫即整的!熱呼呼的 非常鬆軟！！跟名字一樣，吃了非常幸福

這間被譽為食完會有幸福感的「幸福班戟」（幸せのパンケーキ，又名A Happy Pancake），在日本是人氣排長龍的梳乎厘班戟名店。先在2014年於大阪開設第一間店，翌年7月就發展至東京班戟激戰區表參道開分店，至今在日本共21間分店。在香港，已經開了三間分店，分別銅鑼灣、尖沙咀和沙田。今日好難得經過唔使排隊，立刻狗衝入去拎枱，成功點左一份原味！店內的班戟全部即叫即做，每個需時20分鐘，麵糰使用日本小麥粉和雞蛋製成，再以160度高溫在鐵板上蒸焗。原味幸福pancake會加上麥蘆卡蜂蜜牛油、焦糖漿，班戟輕盈得入口即溶，蛋味極香！平時我們會吃到太實沒有空氣感的班戟又或者食完好像食了一團風，沒有味道沒有口感。幸福班戟的蒸焗方法令到件事啱啱好，日本雞蛋比美國、泰國雞蛋蛋味更出！啲幸福感真係返曬黎！The pancake served in this restaurant is famous for giving u the sense of happiness and content. In Japan, this is one of the popular pancake shop with

I ordered the Tiramisu flavored one and the actual pancake was light and fluffy as you’d expect, they also have the typical cocoa powder and cream although they can definitely add more coffee taste as they only had a small squeezy syringe filled with coffee to add flavor. Besides that, it was pretty good. A friend ordered the cream cheese berry one which also tasted really good. Would definitely recommend. I tried this once in Japan before and ordered the original flavor; I’d say the original fl

呢排日日因為疫情就算放假都好少出街（口罩慳得一個得一個😜事關真係唔知要用到幾時😖）難得第日放假唔好哂左個口罩收工就出左去K11 Musea 到食下野行下享受一下少左自由行既空氣😌順道去品嚐一下平時人龍不絕既日式梳乎厘pancake店「幸せのパンケーキ」💜由於少左自由行同少左香港人出街既關係位都唔駛等 可以即入即坐 牆身少女味超濃🎀坐低打開menu有多種口味&有分咸/甜之分大大話話夾埋有成約十款供選擇真係花多眼亂，樣樣都想試😋黎之前做哂功課知道奶茶醬係EarlGreyTea所以一黎就決定左要奶茶醬口味Pancake即叫即整同朋友吹下水，唔覺唔覺就好快有得食啦🍴🥞奶茶班戟配自家製穀麥PANCAKE with MILK TEA SAUCE & HOMEMADE GRANOLA奶茶醬香甜帶有清新伯爵茶味，忌廉幼滑甜甜哋👍🏻軟熟班戟帶有淡淡蛋香味口感偏向蛋糕形既梳乎厘加埋穀麥既咬口🥰口感豐富，甜道剛好個人頗喜歡💕不過就略嫌奶茶醬&穀麥少咗啲啲差啲唔太夠醬食埋最後一口（笑）呢排天氣涼配杯熱茶暖下身就最好不過啦🤭又可以減輕下罪惡感🤣🥞幸福班戟 朋友叫既但因為疫情其間都係唔好分享食物好啲小心保重身體要

今日約咗朋友晚餐，特登留肚去試下呢間出名嘅甜品店。一入到店舖已經覺得裝修好企理好靚。我地經店員推介試咗朱古力香蕉班㦸同時令鮮果班戟。朱古力醬香得嚟唔會太甜，配埋忌廉同軟熟嘅香蕉真係絕配。時令鮮果種類亦都好豐富，有士多啤梨、香蕉、奇異果等等。配埋有豐富蛋香嘅班戟實在係大滿足。餐廳好體貼地有免費嘅清水提供，不過我同朋友都加咗一杯凍紅茶試下。食完甜品後飲返啖茶又確實幾refresh嘅。嘢食好味之餘，餐廳仲使用環保嘅粟米餐具，值得支持。希望快啲開多啲分店啦！

而家去食 排15分鐘左右就有位叫左原味、奶茶味pancake奶茶味香濃 有肉桂調味👍🏻同果仁好夾最正都係原味 蛋香 軟綿綿 舊cream同一般既唔一樣 特別好食❤️飲品叫左雲呢拿latte同香蕉牛奶 冇乜特別 正常的味道雖然冇日本咁好食 不過喺香港想食都會再去🤤

今天來到K11, 終於看到之前大排長龍的幸福班戟的人龍少了, 但是都要排. 大概排了30分鐘便入坐.餐廳必須每人點一樣, 所以我們二人點了一個幸福班戟和一杯飲品飲品很快便來, 點了雲呢拿牛奶咖啡, 沒有咖啡味, 以為是在飲牛奶. 而且因為班戟是即叫即整, 要等二十分鐘, 所以飲品飲完,班戟也沒來, 所以安排有點不貼心等了二十分鐘,幸福班戟來了. 但賣相非常失望. 是用紙碟盛著,好想在小賣店買的一樣. 來吃梳乎里班戟的人大部分都是來打卡, 但用紙碟盛著即刻令心情變差, 而且餐具都是即棄的梳乎里班戟有三塊, 但份量只有手心那麼大, 份量很少吃一口也是非常失望, 因為完全沒有梳乎里的感覺, 口感比教實, 只是比普通班戟軟身, 也不重蛋味我也吃過幾間香港的梳乎里班戟店, 這間可算是最差的一間, 如果要再排長龍來吃便不了

疫症下諗住少啲人排隊 中，所以決定去試下。我兩個大人 加 一個BB ，有BB車同行，服務員原先安排我們坐喺較擠迫嘅位置，叫我地將BB車放在另一邊，我地同佢講：BB車想放喺我地隔離，唔介意等下一張枱。服務員回應「好」 ，於是安排排喺我地後面嘅顧客先行入座。好快又輪到我地，我地目測BB車係可以放喺我地旁邊，所以入座，點知同一個服務員都係叫我地將BB車泊喺出菜處旁，我地唔想再糾纏，所以聽話地泊好架車， 唯有抱住BB食。點知嘢食未到，我就發現服務員倒瀉凍飲，整濕咗掛喺BB車後嘅奶粉袋！服務員無話我地知，我走過去自己抹時佢地又唔幫手，又唔俾紙巾，只係細細聲講「唔好意思」就算！ 作為一間日本餐廳，呢種服務實在令人太失望！！講返食物，我地叫咗朱古力香蕉pancake 、跟餐熱咖啡、皇室奶茶。 pancake 唔係好鬆軟，無驚喜。朱古力醬不太甜，幾好；忌廉好香，好好味，令pancake 生色不少！ 但全部都用即棄餐具，非常唔環保。同埋令顧客唔會有「enjoy」嘅感覺！如果只係想一試，都可以嚟吓嘅；但如果想享受一下，就唔建議嚟呢間分店！最後我地準備離開時，服務員嚟執枱，佢都執緊嘢，佢先問我地：「啲食物唔

日本pancake已經喺香港風靡咗一段好長嘅時間，每次有新舖頭開，都會出現好長嘅人龍、好難嘅訂枱同埋好多人嘅討論。雖然我都係一個pancake嘅粉絲，但係因為我唔鍾意排隊，所以通常我會等熱潮過咗之後先至去試。 好耐之前我已經想去食幸福班戟，嗰陣時只有銅鑼灣一間分店，而且網上訂枱有唔少限制，所以一直都未有機會食到。 早排我發現尖沙咀有分店，我諗隔咗咁耐又有咁多其他品牌嘅日本班戟， 應該少啲人排掛，我專登揀比較早嘅時間去，即係大概早餐至午餐之間嘅時間，雖然都要等但係我大概等咗一個字就入得。 估唔到咁早已經有咁多人嚟食班戟! 入到去，可能係新開啦，覺得間舖都幾靚幾舒服，好啱女仔嘅style。我點咗個朱古力香蕉班戟， 佢係即叫即整嘅，所以都要畀啲時間等佢製作。班戟賣相都ok嘅，但係因為佢係用個紙盤裝住，所以一定冇擺喺個靚碟影咁好睇。 食落口班戟都算鬆軟，但係個蛋香味唔夠，真係有啲失望，因為蛋香味係我心目中係好食嘅班戟一個好重要嘅元素。而朱古力香蕉忌廉都係咁啦，正正常常。整體嚟講味道ok嘅，不過唔算好好食，好彩唔使排咁耐，當小食咁食下都ok嘅，但如果排咁耐咁樣嘅味道一定會失望啦。

試過咁多間pancake 店， 未試過呢間。見唔多人所以試下。類似快餐店咁，先去俾錢選pancake, 然後坐埋位等。好彩我唔趕時間，因為要等成半個鐘（當時鋪頭仲要唔多人，加埋無五枱）先有得食。我叫咗Tiramisu 味，但講真一d都唔香，仲要d朱古力醬多到完全食唔到tiramisu 味，d pancake 唔覺得好食，好失望🥺如果要排隊等好耐，就要認真諗諗。唯一覺得意外既係d員工態度竟然幾好，始料不及！

又來到一年一度的Pancake Tuesday🥞🥞🥞，每年的鬆餅節日都不一樣，通常會在二月或三月的一個星期二，而2020年就是2月25日。這個節日源自於信仰，經過幾個世紀的流傳就變成了傳統的節慶。其實鬆餅節的由來是因為有基督教聖灰禮儀日至復活節，中間有47天的齋戒期，以紀念耶穌受難，所以在齋戒期前，有這個特殊的星期二可吸收大量營養食物，然後迎接接下來的齋戒期。而現在比如在英國或美國，人們在家慶祝時，通常就用平底鍋一次過煎很多份鬆餅，便可吃上一整天。我們今天特意來到尖沙咀K11 Musea，去品嚐pancake，我們選了藍妹醬芝士pancake，蛋味香濃，pancake軟身又不太甜。力推！😋😋😋

難得放假没有約人就去食個tea，一支公就去試一試這間好出名的幸福班戟，想試好耐了，下午4點鐘來到已經没有位了…，好多人都唔知要等幾耐，決定改外賣，點了一款期間限定的抹茶味班戟，抹茶味濃，班戟好鬆軟有空氣感，唔會好甜，係好味。不過百幾蚊食一個班戟等了半小時…試一次就算，哈哈

兩截隊伍總共排了整整一小時，終於和3位朋友成功入座，而且是店內範圍的卡座，可以欣賞精緻的牆紙。按照食評選了兩客最熱門的朱古力香蕉班戟 ($89)。然後，其中一位朋友說每間食店都應該試試基本款式才知道實力如何，於是另外兩客點了原味的「幸福班戟」($80)。遠望一度以為上面橙色的是啫喱，原來是裝滿 Manuka honey sauce 的膠管。不得不讚蜜糖味道香濃，成為整份班戟的靈魂。幼滑鬆軟、充滿空氣感的班戟，配合呍呢拿雪糕，一冷一熱口感不錯。相比之下，朱古力醬只是普通貨色，得個甜字並不醇厚，香蕉又未夠九成熟，所以不太推薦……－－雖然木盤手感好，但裝班戟的紙兜賣相市井平民(與價錢不成正比)、而且極不環保，希望店方考慮轉用瓷碟。