常滿百家菜

营业中

休息中

放工相約朋友往荃灣常滿百家菜食火鍋+點心放題，去到當然先order蝦餃皇，大大隻夠彈牙，之後食炸雲吞、小籠包和燒賣，火鍋我們order沙爹和皮蛋莞茜湯底，d肥牛油花細密漂亮，入口即熔，魚皮餃，龍蝦丸和芝心丸都可口非常，另外d海蝦很生猛和新鮮，小弟都飲了6罐可樂，又飽又開心很盡興的3小時!

又係準時收工嘅時候. 有事要去英皇娛樂廣場, 見到有任食火煱+點心, 免茶芥免加一, $129蚊, 8點前埋單每位平$20. 膽粗粗又去試下任飲係要每位+10元, 我呢D CHEAP精當然死都唔飲, 我飲得太少唔抵...任飲我見到有橙汁, 有獅威, 有7喜青檸, 有提子味汽水由於6點幾到, 仲有大把位, 我地唔駛等就入得. 即刻睇下出面有咩攞先長檯有4樣涼菜, 6樣熱葷. 涼菜有醉雞, 酸菜鴨腎, 青瓜海哲頭(勁少海哲頭)等等. 熱野就有炸薯條, 蝦, 豉油皇腸粉, 蒸蛋等等.火煱調味料有辣椒粒, 炸蒜, 生蒜, 蔥, 沙茶醬. 任攞. 仲有糖水三款, 湯三款, 豆花. 睇睇火煱生料+點心紙. 點心款式好少. 生料款式亦唔多. 呢個價錢係咁上下吧.先講講小食同點心. 鴨腎OK, 炸薯條有驚喜, 竟然唔係林滋滋. 蝦都算惹味. 春卷正常. 鳳瓜好一般, 唔係幾入味. 雜菌蒸雞, 唔覺有雜菌, 雞亦係無咩味. 燒賣形狀大細超, 味道可以接受. 蝦餃算多蝦肉.千層糕, 齊齊整, OK啦. 流沙包好流心, 色水都好靚, 不過....原來係無味...終於講到火煱果PART. 湯底, 異常深色,

在葵涌辦好事後，雖然已到午飯時間，不過上次在附近的石籬商場內某酒樓吃了一頓差午飯，所以今次都是搭巴士出返荃灣搵食好過﹗在川龍街下車，這一帶的確有非常多食店選擇，不過看到對面街那幢英皇娛樂廣場，就想起好耐之前看過食家Johnny Law寫的常滿百家菜食評，那時才知道常滿由悅來坊搬到來這裡﹗既然來到就上去試試看。乘電梯往12字樓，一開門已聽到酒樓傳來的人聲鼎沸的聲音，幸好我一個人好易有位，給安排在收銀處附近位置坐。枱面上已放了兩張點心紙，一張是點心類，另一張是小食和炒粉麵飯。但不見有紙張是關於以前我到常滿食開的任食餐，難不成已取消了嗎﹖不過點心逐碟計也不是太貴，好似現在的中午市段，大中小點都是$12.80，碟頭飯$30，燒味飯更是$13.80，真是平到無朋友，便宜到發笑﹗屯門的街坊酒樓都做不到這個價格呢。坐下後無邊位侍應肯理我，叫了幾次先有一個肯幫我開壺茶咋。幸好食飯期間的服務情況已正常，加水收碟相當快手。在這旺場時段，算是不錯啦。本身好少吃燒味飯，不過咁平又的確好難抵抗這吸引力的…哈哈。可以選擇的有燒鵝﹑燒腩仔﹑油雞﹑切雞﹑叉燒及薰蹄，我第一次見到燒味飯有薰蹄配，我本身好鐘意薰蹄的，不過

呢一座入面有2間任食邊爐，我兩間都未食過，係樓下打上去分別問價錢，呢間平少少，我就求求其揀左呢間~七點半上到岩岩坐到眼見既最後一張吉檯, 唔駛等位, good~ (八點前埋單平廿蚊, 所以到八點會多返D檯)打邊爐既料選擇唔多, 都係大路野, 黎既分量ok, 2個人就俾4粒, 會幾樣野放埋一碟, 唔駛放到一檯都係又樣樣多到死...最開心既係有點心, 蝦餃燒賣牛肉排骨鳳爪....... 我覺得質素唔錯, 有翻叫, 又真係即蒸, 好味! 其實都仲有D熱食放係出面任拎, 不過老公睇完唔吸引拎好少, 所以冇乜食過~講返服務, 呢到既阿姐全部都服務態度ok, 手腳夠快! 又會換下碟~而家D野咁貴, 因為有埋點心, 所以埋單百五蚊一個人我覺得係抵既!

常滿百家菜,從悅來坊搬過來已有一段日子了,今天首次來這裡午茶,點心分別要了如下,常滿蝦餃皇,蝦餃大小不一,水準普通.鹹水角,餡料過少,勝在鮮炸皮脆.潮州粉果,幾多料,味道還不錯.蒙古流沙飽,不知為何稱蒙古?但餡汁都幾流,好味.鮮蝦豆苗餃,蝦爽豆苗嫩,口感味道都可以.蘿蔔絲酥餅,不太油,蘿蔔絲帶甜,外皮有點硬亦不夠酥.杏片炸鮮奶,杏片仍脆,夠甜,算幾好味.今天是普通日子,大中小點一律12.8元,茗茶每位6元,都幾抵食.從地庫升上12層樓之後,窗口位置,景觀亦頗佳,服務及點心水準就一般了,而整體質素,還有很多提升的空間.No.602(279)