常滿百家菜

营业中

休息中

雞煲味道ok ge ...但食完真係好口渴，應該好多味精。講下點心先點心叫左小籠包，不過不失，d皮厚，但味道ok ...ge...流沙包 ...餡好少 ...有d失望，無流沙感覺，同埋我6點幾入場叫左流沙包，見半個鐘仲未有，問下d員工，佢地話點心係耐d, 點知去到7點半都仲未有，then叫多次之後差5多8點先有得食，個陣都已經要離場 .....牛肉球同炸饅頭正常無特別 ...出面d夾餸無咩點夾，因為唔太吸引，有腸粉，薯條，幾款糖水，麥樂雞，豬肉餅，薑醋等等 ...火鍋配料其實正正常常ge. 但係要等好耐先有 ..最好叫完第1round, 就叫定第2round差5多 ...又唔會話唔抵死ge, 只係唔會再食咁解

星期日同老豆去飲荼，四周都大排長龍，老豆提議去呢間，冇所謂順佢意。未上到酒樓先要係下面排隊等升降機..上到去坐低左，但好耐都冇人黎招呼我地，冇計人手唔夠。即係填點心紙醫下個肚先。等左20分鐘到，d點心都陸續上枱。菜苗餃- 熱辣辣，不過就痴底，一啖一隻，味道清淡而且入面有馬"睇"，咬落有口感而且健康啱哂老人家，又唔"un"唔洗咬好耐。叉燒包都係熱辣辣，d料同包既比例就差d。開始果時有d乾，要食到去有叉燒果d位mix埋一齊先冇咁乾。蟹籽燒賣就正正常常，口感實，有咬口。布拉腸粉夠滑，食落唔會好似d粉漿咁，完全係冇味，要靠鼓油去吊味。啱哂老人家要幾咸自己話事。而且都好大碟下。叉燒腸就差d，d叉燒有少少雪藏味，但d腸粉就夠滑，口感就淋淋地痴痴地咁。

之前約女友人LT食佢o既生日飯,由於我同男友要攪結婚o既o野,就約佢尋日(9-10-2015 Fri)或者16-10-2015 (Fri)晚食,佢話佢可以早出o黎食就尋晚,佢就揀o左呢o度,於是約埋女友人WK,我男友都係今個月生日,就請埋佢.之後好攪笑地,LT有兩個男友人Y同我未見過o既都話o黎,加埋LT兩個女,就一共8個人食.LT book o左6:30pm,我放工後6:12pm到,先攞枱.安頓好,LT同佢兩個女都o黎到,我同佢大女出去睇有咩攞,原來係熟食同甜品,我先攞熱豆腐花同兩件西多士先.1. 西多士幾厚,食落,裡面o既料幾夠,有粗粒花生醬,口感係正常,但因為冇糖漿,所以味道爭啲.2. 豆腐花呢,由於我開頭見唔到有蔗糖,所以加o左好糖水,豆腐花係滑o既.3. – 4. LT大女攞o左薯條同麥樂雞,我黐食薯條,腍o既.而麥樂雞,佢大女一食,就大嗌唔得,哈哈.而呢o度俾o左兩個爐我o地,所以我叫o左四個湯底,有香茜皮蛋鍋,沙爹鍋,澳門豬骨鍋,同野菌豆腐鍋,四個湯o黎到時,我嗅到野菌豆腐鍋陣味好勁.澳門豬骨鍋裡面有一大舊豬骨. 香茜皮蛋鍋都有好多香茜.我o地剔o野食,呢張menu o既

原本想食一鍋堂，點知full booking...結果就是旦揀左間野泥打邊爐，見到呢間野8點前埋單就119蚊，甘抵冇理由5食呀!上到去，環境好細，有d簡陋，但埋位果陣，周圍d野都幾乾淨，衛生還好。呀姐問加10蚊可以任飲，問我地加5加，緊係加啦!10蚊飲2至3罐都回到本。打邊爐一定會叫肥牛，芝士丸，蟹子丸，生菜...佢既肥牛脂肪比例不平均，食落口就不及其他火鍋店。好彩其他丸類都還可以，芝士丸入面既芝士好多，一咬落去就爆晒出泥，蟹子丸都係，好食到吃多左1set泥。呢間野除左打邊爐之外，點心都任食5嬲，佢份野寫蝦餃係必食，我就叫左一籠，另外又叫左腸粉，小籠包。先講個蝦餃，味道還好，但係皮包得太厚啦。腸粉相反，個皮就好薄，非常之滑，食落口差d就滑左落去喉嚨。小籠包又係失敗之作，小籠包穿左個皮，入面又鎖5住d肉汁，d肉又硬，食左1舊就食5到落去。最後仲食埋個甜品，楊枝金露好好食，不過佢收得好埋，比較難搵。但有個係兩粒丸(5知咩泥)，超伏，仲苦過d藥水。有時候想搵個人幫手落單都搵5到，d人超忙，係去到7點30先多人番工。

星期日去荃灣行街, 行到肚餓又要搵地方開餐, 本來想找日式放題, 但行左幾間都無位, 要等餐死!只好算了, 行到大鴻輝想起有間中式火鍋算OK, 所以上去食!星期日$139+$10, 任飲任食+中式點心任點! 但任飲要再+10, 呢樣有少少取巧!!今次係第3次光顧, 老實講環境真係麻麻地, 有點舊! 前菜有好多款, 中場時有片皮鴨, 都幾特別!坐低點野食,先來蝦餃燒賣炸吞牛百頁! 蝦餃大隻, 好熱, 比好多大酒樓好食好多! 正! 應該唔係食物工廠貨色! 呢度最好是有D海鮮任點, 蝦,蟶子,蜆! 呢3款配料都唔係細隻, 蝦大隻過其他火鍋店, 蟶子有男人中指咁大隻,味道幾好....唔錯唔錯!呢度D配料都有廿幾三十款, 以任食來講算多!肥牛肥左D,但唔肥就唔係肥牛,唔會有D火鍋店咁鞋, OK!其他野都唔差, 只係上菜點慢同成日漏野! 有D配料點左3次都無來, 鄰桌反而有.....舊幾水質素唔錯,可以一試,行開荃灣都會再來!

成日黎呢間飲早茶，今次更加早起身黎飲茶，叫左成枱野！由於爸爸唔鍾意人影野食相，所以偷影左一張算啦！今日既點心非常正！蝦餃皮厚薄適中，蝦肉超多，十分爽口彈牙。燒賣大粒足粒，多蝦肉及豬肉，鮮甜爽口，不過就包得唔靚。煎釀茄子十分軟淋又香！百花釀魚肚，蝦滑唔夠爽口，偏淋。薑蔥牛栢葉十分入味又爽口。炸海鮮卷香脆函料酸甜。其他餃皮略厚，函料十足。叫左成枱野都係3百頭，超抵食。

我的打邊爐引又黎，唯有叫朋友陪我去打邊爐，想起好耐不如去城市中心附近的打邊爐。大約7點左右到達，人數不多，等都不用等已經有得食。因為成日 都食雞煲的關係，所以今次叫左皮旦香茜湯底。今次有2張單，粉紅色單是海鮮類，售完即止。當然我同朋友即叫左一堆返黎，蜆同聖子細細但夠鮮甜，魚都好有口感，但數量不多，最好大家一早即叫定 2次就會好點。牛肉一般，太肥。蝦都夠新鮮同大隻。冬菇，生根，魚都正常。雞夠滑又吾鞋。點心都有得落單和出面的小食部都有驚喜，香辣牛𦟌好有四川味，好味道。蝦餃大隻又 皮夠薄但又吾會爛。小籠包都有湯汁，如果有薑更好。蕃薯糖水，蕃薯吾夠淋，糖水都有少少薑味，之前比較出色。飲品有橙汁（菓汁先生），汽水，茶，啤酒都叫齊。蝦多士又新鮮又脆，好推介！燒賣都好味，料足同有少少肥豬肉，好香。排骨一般，或許梳打粉太多，偏淋。當然要食冬瓜，響鈴，2樣都正常味道，菜肉餃子足料好味。流沙包只可當作奶皇包食。最後仲有片皮鴨，香口又吾叫好油，加上青瓜和醬汁包起來不錯，但一人只限2件。最後我地食左2個鐘左右，飽飽咁離開。其實這間酒樓價錢抵，又有糖水和點心，都係＄149。如果再夜少少可以再平宜點。不過唯一一般

這天是慶祝姨甥的生日飯局, ;還未到6:00p.m. LIFT門一開, 已有人在等位, 真不明白為何星期六就不能BOOK位? 弄得門口擠擁得水涉不通, 到了6:00p.m.開始叫入坐, 入坐之後又不是想像中的滿坐, 也許只是造勢讓人錯覺是很多人光顧罷了!我們一共七個人, 一入坐立即點了一個豬骨湯底煱和一個辣雞煱, 等了5至10分鐘才來了一個豬骨煱, 又等了很久, 差不多15至20分鐘, 還要催促的辣雞煱才姗姗來遲,, 而且煱又不夠滾, 任食兩小時跟本沒有足夠時間去弄熟食物, 花膠, 响鈴click了好幾次直到埋單都從來沒有見過, 豬骨火煱和辣雞煱都不夠味道, 雖是另有任取食物提供, 但因坐位太迫, 令人難以離開坐位去自取食物, 蝦餃和燒賣雖然是大粒, 但味道很淡, 小籠飽一夾, 飽底就甩了, 湯汁全部流了出來, 食夠兩個鐘, 待應便會立即很不禮貌地呼喝你夠鐘起身走人, 一句講晒: 不值一來! 無下次.

有朋友13號去日本工作2個月，安排於12號為他餞行，由他本人親自選擇，他表示此家食府可以任飲任食點心火鍋可以一試，於是我們一行4人便相約於此。約晚上7時我們到達，坐下後我們便出去拿熟食及湯，還有豆腐花，跟着我們便拿點心紙，有蝦餃，燒賣，小籠包，牛肉球，蒸排骨，炸雲吞，九不理，叉燒包等，食物並没有將貨就價，例如蝦餃內裡有多隻大蝦，其他中式食府大多數都是一隻左右，各款點心都是可以一試，食完全部點心就物超所值，而火鍋我們選了鴛鴦窩，分别是水煮窩(辣)及沙爹窩，肥牛，貢丸，白菜仔，芝心丸，烏冬，海蝦等火鍋配料也有而且質量合格其他的任飲任食火鍋都只是火鍋配料，但這裡有點心，而且用料十足，並没有將貨就價，賣單每人也只是$139+加一($10)=$149，食完各款點心已值回票價。

星期日又同爸媽飲早茶，這間已食過無數咁多次，爸媽係常客，次次都黎呢間飲早茶@@叫的點心都不外乎係果D，蝦餃燒賣，次次都係食呢D，所以都無心機影啦，哈哈...蝦餃皮就比較厚，但超多蝦，好爽下，所以都係正！百花釀魚肚係mother最愛，所以次次都叫，但魚肚麻麻。一般都會叫蝦餃、燒賣、叉燒腸、白滑布拉腸，鳳爪、百花釀魚肚、牛百葉，炒米粉，咖哩尤魚埋單唔使$300，都算OK。

如果唔求食物質素，只求揾個地方醫下肚又可以坐得耐的話，常滿係首選 尋日星期六，友人約hotpot , 冇book 位下去了幾間都好full ,咁就去常滿碰一碰運氣，一開lift 門唔見好多人等，咁就出去攞飛，唔夠10分鐘就有枱！ 其他層數一開lift 就見到超多人，我好奇怪點解依度冇乜人等？！ 雖然火鍋食物一般，唔多火鍋料選擇,一般肥牛，魚片，丸類都有，菜都差不多佔一半，但點心ok 喎，蝦餃（好大粒，足料），燒賣（熱辣辣，正，又大粒），鹹水角（外脆，料少d），炸雲吞（正，脆卜卜，叫完再叫），鳳爪，牛栢葉，牛肉，都係正常，掂！ 最好就係冇時間限制，我地坐了三個半鐘，乜都抵番哂啦！百五炆有點心+火鍋，加十炆可任飲，都好抵啦！ 出面都有熟食攞，但賣相唔吸引，d野食望落去凍冰冰，唔熱咁！

看到宣傳，上次吃至尊雞煲有點兒過飽，所以再嚐一趟雞煲。怎知到場才發現其實不是甚麼雞煲專門店，就像是酒樓般，只是有雞煲供應的火鍋酒家罷了。生怕火鍋後豆腐花已賣清，所以等媽媽時先吃一碗，微溫，但一點兒也不滑，吃一碗試試好了。食品種類也不算少，還有點心可選，其中常滿蝦餃皇至為美味，甚至比酒樓午市散叫的更美味，蝦肉多而皮不太厚；相反，燒賣、小籠包則僅屬一般，一試也無謂，留胃子的位置給其他食物吧。這個預設辣醬有點兒像pre-混了甜醬般。講到明是「常滿雞煲」，當然不會期望雞煲真是常常都滿，但至少店員一端來時還應該是「較為滿」吧，總不至於這麼少，就像是先試試吃，淺嘗其雞舨。與至尊雞煲可想是天壤之別，因至尊的雞是吃不盡的，一件接一件但後來還是總會找著雞，千雞吃盡還撈來的。這兒的雞，對我家三人而言，似乎不一會兒便吃完了。都是那些肉類，豬頸肉、肥牛、花姿、海生蝦。似乎較美味的就是海生蝦，新鮮味美。而墨丸則可謂差劣，連譚仔的質素也比不上，削削的口感，毫無彈性。任飲果汁先生還是貨真價實的。

是日到訪常滿由於並非午市時段店中仍有不少空桌故不用排隊拎籌 而我與父親亦如以往般自己「搵位坐」行至近窗一桌「中枱」（可坐6人）眼看桌上只有一堆未整理的乾淨食具 想著沒人便欲坐下 忽然一女服務員即反應極大，以近乎吆喝的語氣說：「你幾多個？？！張枱有人坐！」「『佢』4個呀！你地兩個人坐依張做乜？？！果邊有得搭枱。」並要求我倆到另一桌「搭枱」本來「搭枱」實屬平凡事但該桌並沒有放上「賓客留座」的牌亦沒有任何人在使用該桌就算要求我們「搭枱」亦不應如此沒禮貌因為其態度卑劣，我父親決定於該桌就坐 結果該女服務員不但沒有為其態度而道歉更在旁冷嘲熱諷，「單單打打」後來才得悉該女服務員與一男性熟客略有交情特地為該男性熟客「留位」怎料我倆事前毫不知情以致無辜「受罪」經過這次，煩請各方食客小心否則有機會受到部分服務員無故冷待

           我們6:45PM到達吃火鍋點心放題,無限時真係好抵架,不過見熟食區不斷飛快地比人清晒好多食物了…… 炒飯質素OK WO~反而 凍食的青瓜海蜇不太受歡迎咁,明明好好味呢~ 海皇羹 也足料,有蛋白~肉絲,蝦肉,菜絲~ 魚香茄子GOOD~因為愛吃而夾左好多~ 薯條也是不錯的選擇~味道剛好,脆卜卜 鴨齋 可惜地真係好咸又好多油…. 咁快連 豆花 都比人食左半桶..雖然係碎左D…不過仍是好味~ 雪耳糖水太過甜了~唔怪之得無乜人攞~主角火鍋底 豆腐什菌煲不過什菌只有1種菇…秀珍菇~好恐怖的是我地恰恰下果陣,有一隻有尾指指甲咁大的黑色甲蟲痴0係其中一塊熟了的生菜上…WOW……..好驚……………….其他配料點左 白蘿蔔 GOOD,生根,腐竹,擔仔麵,烏冬~芋絲,貢丸,牛肉味道不錯,點左1碟肥牛,成枱得我同姐會食…所以叫1碟便夠了~共7大片~好長的7片~味道不錯~雞柳,豬肉也是正~ 仲扲左好多調味料,例如蒜茸,蔥,蔥之類~ 黠心方面,唔算叫得多~因為熟食區已經掃到好飽了~ 燒賣,蝦餃唔會熟過頭~即蒸的~!口感不錯~今次加左飲品$10任飲 果汁先生機的飲

10-3-2013(日)是日早上，做乖乖女，陪爸媽來到「常滿百家菜」喝早茶。爸媽常來這裡喝茶，說這店經常都坐滿食客；我從沒來過這兒喝茶，也想看看它經常坐滿食客的原因。好吃？平價？好服務？好！吃完便知！約十時多來到，星期日早茶的價格為：(大、中、小點) $12.8；(特點) $16.8。 皮蛋瘦肉粥：上桌時冷冰冰的，一點溫熱也沒有。皮蛋被切成薄絲片而上，味道帶點混濁，應是皮蛋本身已帶點問題；全碗也沒有瘦肉，只有肉碎數粒，還少得可憐。粥底放了很多的味精粉，感覺像喝一碗味精水，吃完要喝多幾杯茶沖解呢！ 蟹籽燒賣皇：蒸得頗濕，蟹籽不少，但是沒有味道的。燒賣內有很多肥肉粒，怕肥膩的人一定要把它們挑出來呢！ 招牌小籠包：不明白為何會叫作「招牌」！蒸得頗濕，用筷子一夾起，外皮已散開，肉餡及汁液隨即跌下，肉餡又是藏滿肥肉粒。。。 百花釀魚肚：賣相不錯，但魚肚及蝦膠的咬感像橡皮膠一樣，硬膠感重，欠爽口彈牙。 瑤柱蛋白炒飯：上桌時冷冰冰的，一點溫熱也沒有。吃不到瑤柱，飯也炒得很濕身。真不明解為何這店會經常坐滿食客？好吃？顯然不是。平價？也不像是。好服務？亦不見得。難道是。。。與「能置身在高處