常滿百家菜

营业中

休息中

常滿百家菜，你嘅美味私房菜，點心好好食，老細羅生好好人又好靚仔。鳳爪好吃汁濃蒜香，唔似一般酒樓俾啲紅色油浸住，蝦餃大大粒，蝦鮮味又爽又彈牙，腸粉夠滑又有米香，甜品楊枝金露奶滑芒果香美味又可口，芒果布丁果香味濃又夠滑配花奶一同吃一流，小菜非一般水準。既味美又夠鑊氣，小食種類多，人人食過笑哈哈。火煱配料極新鮮，海蝦上枱仲會跳，飲品，啤酒款色又多，環境舒適，景觀開揚，氣氛濃厚，地點交通方便，值得同大家推介。

星期六來常滿食午餐，1:35pm到達選左午市任點餐，有3張紙，每位96元另加一收費下午2時後入座，可選下午茶任點餐，有2張紙（圖中，下面的2張），每位83元另加一自己霸枱，要搭枱，我是任點，搭枱客是散叫飲茶。點心紙內的點心最好吃，同散叫一樣，即叫即蒸，蝦餃大大粒，皮厚，蝦肉大，粒粒都有3粒蝦仁。其他蒸點、包點、炸物都好好味。除咗牛柏葉硬到食唔到之外，其他點心都好好。麵飯、甜品類就一般般，粉麵飯類都好大碗，蠔仔粥不錯，雪菜炒年糕冇味道。馬豆糕、桂花糕都不錯，楊枝甘露就麻麻哋。最唔掂嘅係小食類，全部都有叫，白灼菜苗上枱是碎濕濕嘅白灼生菜。流沙蛋，冰凍有冰粒，雪得太耐。花雕醉雞都食得下，叉燒又薄又乾。辣鹹菜牛肚、茄子，味道好，賣相差。海蜇頭得兩條仔，碎濕濕，唔好俾好過啦。

假期前加左價，都係$178+1。一見2張單，以為選擇不多....魚蛋任取，街買，但可愛嘛，仲要有，唔係到到任食有嫁。丸類自取，但手打丸同蝦就可剔單，基本上都任食嘅。有少許冷盤，都ok嘅仲有糖水，紅豆沙，豆腐花薑醋好好味，調較到唔太甜，有薑嘅辣，個蛋又入味。熱葷唔多，但雞串同麥樂雞，好味，雞串個汁同質地好鮮夠林但唔韌。無限量嘅花膠，食左4轉。飲品都唔少，其實每樣飲一支，飲左4支都飽左一半添。點心就一定要早叫，因為第一轉，真係要等成個鐘。但值得等。個蝦餃真係超大，我地encore左2粒。仲有個蘿蔔絲酥卷，都超正，係大件左，食到飽晒。總之，一句，抵食嘅，8點前先減$20。總之幫襯左4，5次，一定會再黎。

今個星期天氣突然凍左超多!大家記得要著夠衫啊☃️天氣咁凍最想做既野就係打邊爐! 今日就介紹我同👦🏻之前食既一間邊爐加點心任食既餐廳😆其實佢係酒樓黎，不過就專做邊爐加點心任食～.🔸鍋底估唔到湯底都幾多選擇，免費既都可以揀雞煲、魚煲等，但今次我地想試多啲款點心，就揀左無咁飽既鮮茄薯仔排骨鍋，湯底味道普通～.🔸火鍋配料有落單既肉類同手打丸類，亦都有自助既火鍋配料區。肥牛當然唔係啲靚牛穀飼牛果啲，只係普普通通既肥牛，但都算幾好唔會話成塊得肥膏果種，肉質都唔嚡口。佢個一級牛拼盤仲居然連牛脷都有，都算厚切嫁。🔸熟食及飲品區熟食區啲食物有驚喜！都幾多選擇有涼拌、豬腳薑、炸薯角等等，涼拌整得幾好食！好香花椒味🤤而其他熟食普遍都幾不錯手，而且一盤食完仲會fill其他款添🤣飲品除左有枝裝汔水、同大大壺涼茶，最得我心係個暖粒粒既維他奶！冬天凍冰冰飲枝真係好正😍🔸點心區果然係專做點心既舖頭，點心好不錯！大推蘿蔔絲酥餅！首先依樣野本身已經唔係間間有得食，加上佢個酥餅皮超級鬆脆但又唔會太油膩，入面滿滿蘿蔔餡，仲有佢既點心係落單即蒸/整熱，所以每次上碟都熱辣辣😍我地食到好飽都仲要encore左個蘿蔔絲酥餅！另外炸雲啓

見呢間酒樓以傳統點心自居, 要排下隊都要試下!點心種類都幾多, 我哋就以特色為主. <<黑椒大腸>>愈來愈少地方有得食.無一陣味, 乾淨夠淋, 夠入味!!<<沙嗲魷魚>>又係好出色! 爽口而彈牙!! <<百花釀魚肚>>啖啖蝦膠, 魚肚亦有海鮮甜味!!<<燒賣>>同一般茶樓食嘅差不多.<<芝麻卷>>呢樣出面最難搵!!!又煙韌又清甜!! 同回憶中嘅味道相近似!酒樓全日都有點人放題任食,自問食量大嘅可以一試!!  

史力加先生又綁了幾位朋友來試一試任吃點心。沒辦法，就是看到「任吃」兩字欲罷不能😂午市任吃點心主要有3張點心紙👇但所提供的點心並非只有飽點，一般去茶樓都會點的燒賣、蝦餃、牛肉球及鳳爪等也有👍🏻而我們4人當然瘋狂地點了很多，為大家重點推介幾款不得不試點心😋👍🏻蝦籽燒賣：大粒，多蝦，平時為特點，屬可番本之選👍🏻蝦餃：比燒賣更大粒，咬開見到多隻蝦，外皮不會過厚，重點番本位！👍🏻薑蔥牛柏葉：現時較少茶樓提供的懷舊點心，濃郁薑、蔥、蒜味，值等一試👍🏻炸物：咸水角、春卷、炸雲吞均是即叫即炸，熱騰騰👍🏻牛肉球、鳳爪、飽點、燒味：水平如平常茶樓的味道，但以任吃來說，都可試一試最後4人只需400多元，就吃了接近30籠或碟點心😆所以都值得推介大家試試👍🏻😄

今日咁岩工作來到荃灣，剛巧經過大鴻輝，見到好多任食火鍋，但竟然比我見到間任食點心，咁當然點都要試試，一入到去見到人頭湧湧，但我地2個人，所以都幾快就有位啦，就係搭枱，一坐低就問你任食定散叫，咁我哋望一望餐牌，其實任點點心都幾多選擇，咁我哋研究左一陣之後，就希望叫碟小炒食下，所以就放棄咗任食念頭，食物都好快就到，咁我哋叫咗蝦餃，三色腸，蘿蔔卷，仲有我覺得最正嘅廈門炒米，食物出色，並且價錢唔貴，同任食差不多價，下次一定會再來試。

呢間常滿上一次幫係三年前，當時都係一間正正常常任食打邊爐，食材都係正常水準，但都算乾淨，又有點心叫，一家人或者同同事一齊去食都幾開心。事別三年，竟然變左一間我成世女覺得最差既食店，我11點去食，個場勁亂，以後好快搞掂，點知由開始食到食完都keep 住咁亂，有三四個侍應，佢地不到清枱拉枱拉凳，移黎移去，但整極都係咁亂，最搞笑既係無啦啦拉左張枱係我地旁邊，我老公行開左，就拉斜左我老公張凳，方便佢地係我地旁邊set張枱同4張凳，我伸手就可以掂到張枱，可想而知係幾迫。啲下欄車，不停係旁邊拉黎拉去，清完枱就放係路中心，完全無諗住要拉返入廚房，清清下枱既侍應，又無啦啦係度掃地。好恐怖！我點左個東陰公魚湯底，成嚿未斬過既鯇魚（正方形咁），放咗喺湯嘅中間，嚿魚佔咗煲嘅面積5分3左右。個湯有鹹酸菜，係大陸嗰種酸菜魚咁嘅味，個湯好似水溝鹹酸菜加少少辣咁，難食到不得了，完全唔冇可能係冬陰公。佢用咗個鐵嘅雞煲煱，勁少水，好奇怪呀成個煲！打邊爐嘅材料，都係垃垃圾圾咁放喺個膠兜上面，唔同種類都冇分開，放得好亂，個場又亂，啲嘢食又亂，覺得食完會肚痛，個稻庭烏冬係冰嗰隻，放喺枱上面已經解凍左又乾爭爭，夾上嚟已經碎晒，

之前看過 《常滿百家菜》的食評，我想：他們真的那麼差嗎？於是，請自試一下。下午 3:45到場了，於是點餐了。山竹牛肉、乾蒸燒賣、鮮蝦豆苗餃、荔芋鴨腳扎、三色蒸腸粉、椰汁馬豆糕承惠：港幣 126 圓牛肉球比較紅，是真的牛肉嗎？馬蹄比較爽口。乾蒸燒賣的鮮蝦跟豬肉，達到標準。豆苗餃的豆苗很爽，不老的，也有鮮蝦，不過薑汁比較多。鴨腳扎的配料很好，荔芋入口溶掉，達標。三色腸粉只有叉燒腸粉達標，其他粉料太厚，醬油不夠味道。馬豆糕很衛生，口感很好。

我最近常常看到電視見到有一間任食點心好似好好味，打算復活節同家人一齊去品嚐，去到真的好多人，又有懷舊點心真的好期待，我先叫了一個點心拼盤、炸蝦角、三色腸粉和銀針粉，先來個腸粉皮好厚身唔好食個豉油不是甜豉油，蝦角有拳頭今大蝦肉也算ok 個皮好脆因為是新鮮炸出來，點心拼盤來到個樣子好差不美觀睇見就唔想食，蝦餃蝦唔太新鮮，燒賣還可以入口，豆芽餃入面菜好差霉霉爛爛真的好難食，中間還有一個大大雞包也是唔好食得個大字，最後是食水晶飽也好有點甜個皮又是一樣好厚身，我最喜歡食甜品也覺得好差好難放都入口，還有個銀針粉冇來到，你們想想我只叫了4個點心又2點坐到4點幾到未來到我未走唔食啦！去到收銀比錢還唔比你走話要取消了個點心先可以收到錢，是否好其怪呢？我未話去這裡是食任食點心，因為任食點心種類好普通和選擇好少，所以放棄冇食了。

今次係第N次食..我響熊貓酒店嗰邊.食到大鴻輝呢邊.....最喜愛蝦餃...其他點心都好好......今日168+10%...最重要係無限時間..1800-0030...任飲任食.. 朋友聚會最佳選擇... 群組聚會最佳選擇..呢度係我經常去嘅地方.. 推介蝦餃..鮮蝦燒賣..我嘅下一次群組聚會.. 都係選擇呢度.. 應該會有三十幾人.. 朋友吹水聚會必選嘅地方......我和我的朋友.....已將呢度成為飯堂...小馬字

老公話試下3間，我見食平要不太好，本想唔去，但老公話試下啦，所以就去了試下，雞煲味道ok ge ...但食完真係好口渴，應該好多味精。點心叫左小籠包，不過不失，d皮厚，但味道ok ...ge...鳳爪，蝦餃，燒賣，雞摘，牛肉球正常無特別 ...出面d夾餸無咩點夾，因為唔太吸引，有腸粉，薯條，幾款糖水，麥樂雞，豬肉餅，薑醋等等 ...火鍋配料其實正正常常ge. 但無太多選擇。

今天和家人出荃灣吃飯，經過大鸿輝商場，整座商場都是經營食店，中式，台式、日式等等，入了一家邊爐點心任飲任食的常滿火鍋酒家，店内算人多但也不難入座，也不需要輪筹，先來一個麻辣鷄煲，味道分大辣、中辣、小辣和不辣，我們選擇了小辣，味道不錯全是用雞脾斬件的，吃完雞煲加湯可打邊爐，材料有鷄、蝦、蜆、鲩魚、肥牛，水尤'牛柏葉，云吞，魚頭等等，種類不算多也不算少，但除左蝦比較好大隻新鮮外，其他都不算新鮮，再點了些點心，但不知是否漏了單，足足等了半小時以上才到，味道则麻麻不太好，可能生粉用得太多，其他還有豬腳羗，鸡腳，口水鸡，炸鸡亦.酸辣湯、糖水等等，片皮鸭出一次要排隊取，飲品種類也算多，有牛奶公司雪糕，服務员態度也算好的，埋單每位一百七十幾，不過不失吧！

垃圾 d人態度又差。野又難食3點3坐低 5分鐘就落單啦 等到4點都未有野食 好啦野食到左 又差一個牛栢葉 問個呀姐話要蒸耐d check都吾check 甘好啦等多5分鐘仲未到再問另一個呀姐 佢話原來冇落單 野食黎到 真系超難食如果想挑戰自己就去食啦

今天突然又想 打返個邊爐 ，見上次常滿的晚飯都不錯 ，點知打邊爐都有些驚喜 。除了平時打邊爐的 必備食物之外，竟然仲有 蝦餃燒賣， 排骨鳳爪，食物種類包羅萬有 ，精美點心即叫即蒸 ，又要打邊爐 ，又要食蝦餃 ，不得不提就是有埋我心愛的維他奶 。大人細路都食得開心又滿足