常滿百家菜

营业中

休息中

香港後生仔相信不是個個都特別鍾意去飲茶食點心，但有時都會想食下蝦餃燒賣，上網搵到這間酒樓晚市火鍋放題，同時包括點心放題，就同朋友一試，因為在同區嘅酒樓，所以曾經中午時候試過點心，覺得非常出色， 所以今次未嚟之前都有小期待。餐廳環境就不多說了，一間典型酒樓，地方寬敞光猛。食物種類方面，點心選擇有20款， 除了王牌蝦餃和燒賣外，亦有特色的天津狗不理、酸甜炸雲吞、蘿蔔絲酥餅等等。火鍋配料，除了基本的肥牛或雞之外，比較特別亦有油炸鬼、牛展及牛脷。因為太肚餓的關係，坐下我們先點了點心，大約數十分鐘點心送到檯面，即叫即蒸，非常新鮮！我最喜歡蘿蔔絲酥餅！炸至金黃色，外層相當香脆，一條條基本上闊度一樣的絲，包裹著香甜的白蘿蔔，真正外脆內軟。蝦餃亦有驚喜，皮不算薄，但是內餡相當多，最少有兩隻大蝦！而且鮮蝦相當彈牙。正在品嚐點心的時候，點了的肉類火鍋配料很快就呈上來。肥牛顏色鮮豔，肉脂比例平均，亦是有驚喜的，而且完全沒有急凍的雪藏味。一般肉類就需要點菜，其他蔬菜肉丸就放置在外面給客人自取。值得一提，一般我們火鍋都會用響鈴，但常滿沒有這選擇，反而多了鬼馬樣雙花，亦即油炸鬼， 浸於水中三至五秒，比響鈴更有口感

第一次食中午火鍋點心自助餐148加一, 十一點半至到四點。 留意如果任食點心自己搵位，但火鍋的話就要同佢講。 因為個位置有啲唔同。 我哋坐咗近門口位。叫咗個鴛鴦鍋鹹菜豬肚湯加皮蛋芫茜湯火鍋料有蝦，牛肉，豬肉，魚頭，脆肉鯇等等， 任食點心火鍋紙同任食點食的點餐紙有不同，點心款式都ok，覺得這個價錢都可以了。抵食的。 如果假期前夕嚟就貴啲，閒日嚟食就會平少少是日就係假日前夕所以係148加一。魚頭幾新鮮，蝦都幾好味，彈牙爽口，牛肉唔似一般超肥嘅肥牛都幾好食， 仲有牛脷牛展 。本身好想試下個鬼馬百花，叫咗幾次都冇嚟到有d失望，跟住問佢佢話冇。火鍋嘅點心，每款叫左一至兩件這試下，叫咗叉燒包，流沙包，真係有流沙，狗不理 未食過係一啲肉餡嘅包，炸鹹水角，馬拉糕，蒸翠玉瓜， 蒸雞柳， 蝦餃同燒賣有驚喜，不過個皮就散開咗賣上冇咁靚，但好食的。炸雲吞都係有小小蝦如果多啲醬汁仲好，都幾脆口，炸饅頭都好好味一定要點鍊奶， 炸鹹水角，炸蘿蔔絲酥餅。， 食物整體一般唔算太差又唔係話超好味，但對得住個價錢，一般如果中午飲茶出面飲茶，閒閒地都一百蚊啦。

點心放題x任食火鍋平時和公司同事lunch飲茶都要$100起冇諗過點心放題(午市/晚市)都只需$138仲要包埋任食火鍋 好難唔回本😂驚食窮佢就真到底個老闆有冇賺錢 乜都有得食 聚會首選.✨✨✨點心TOP 3✨✨✨全部點心都係即叫即整 所以要等15分鐘左右▪️蒙古流沙包💛熱辣辣 一撕開啲奶皇就湧出來甜度適中 而且饀都幾多 包都夠軟熟 必試▪️常滿蝦餃皇🦐晶瑩剔透 勁大粒蝦餃每顆都有三隻蝦 幾爽口彈牙 質素係平時特點級數▪️鮮蝦燒賣皇🍤佢嘅蝦類點心真係出色燒賣都係啖啖蝦肉 唔會因為係放題而hea住整.任食火鍋就同平時出面平價版的差不多正正常常 唔會太高要求 我會當佢係bonus有驚喜嘅係免費鍋底竟然有🍲雞煲/魚煲揀就算普通湯底都可以雙拼 全部唔洗加錢牛肉種類幾多🥩有肥牛 牛展 牛脷 滑牛除了一般的丸類蔬菜 仲有手打鯪魚球/墨魚丸.最令我有深刻印象的是甜品吧 意想不到！竟然有桂花糕😱一大桶豆腐花自己裝 同雀巢雪糕飲品方面有樂天 啤酒 支裝汽水 果汁先生etc咩類型嘅顧客都兼顧到 種類幾多 有成三個雪櫃水準都唔錯 美中不足的是環境衛生一般般但$138任飲任食2小時就不能要求太多了

最近又俾我發現到一間性價比超高既火鍋放題~~火鍋店位於荃灣人流好旺既鴻輝(荃灣)中心入面~呢道唔單只火鍋任食, 點心都係任食架!!! 仲有雞煲添呀~~~ 每位無限時任食$158, 淨係睇價錢都覺得超底~~餐牌紙落order....可先食雞煲再打邊爐OR直接打邊爐~~另外有成廿款點心食添丫~~真係第一次又食點心又打邊爐呢火鍋配料可用點餐紙落單, 亦有自取區....自取區以蔬菜, 丸類為主...食物不斷refill~~仲有熟食添丫, 真係好多選擇超豐富~~啤酒汽水任飲~~~先食雞煲先~~~要左少辣~~OK喎, 真係堅少辣~~份量都有半隻雞, 2個人食岩岩好...雞煲夠惹味, 雞肉都好嫩滑精選肥牛質素幾好喔~ 不斷encore肥牛都幾軟腍, 又甘香~~以呢個價錢都食到靚牛完全回本呀!!海生蝦好新鮮~~ 爽口彈牙!!脆肉鯇魚好耐冇食過咁正既脆肉鯇!! 非常新鮮~ 魚肉結實爽口, 必食之選!!!魚頭大大塊斬件魚頭, 好滑手打墨魚丸好香墨魚味, 口感彈牙~~蝦餃未食過咁大粒既蝦餃!!! 超超超級大粒!!!!!入面既餡係平時蝦餃既2-3倍!!蝦肉非常大粒, 而且新鮮爽口彈牙~~必食呀!!!鳳爪夠惹味

星期一來食午市點心放題。蝦餃值得一試。雖然人客唔多，7成滿，但等候食物時間比較長。啊姐D服務就接近零，態度惡劣。碟要自己清，追食物就話等下啦⋯⋯環境一般，冷氣不太夠⋯⋯

點心ok, 蝦餃燒賣牛柏葉正，炸雲吞同個春捲有驚喜，估唔到重係脆既，火鍋既食物就普通，蝦可以一試，而炸物都有驚喜，尤其係雞翼，唔係放到凍哂，有微溫而且脆，但冷氣堅唔夠....

今晚難得一家人帶埋嫲嫲出街食飯，後生嘅想打邊爐，嫲嫲就怕熱氣，咁我就想起嚟呢度食就可以各適其適啦🤗先講雞煲，雞嘅份量唔算少，我哋五個人每人兩三件左右，雞肉都嫩滑，味道唔會太咸，食完雞就加湯打邊爐，湯一早已放在檯面自己加的。火鍋料嘅肉類海鮮係剔紙仔，其他丸類蔬菜係自助區自己攞，蔬菜夠新鮮👍🏻牛肉就一般，豬肉嚡口不試也罷，蝦就正常。另外自助區有小食、甜品供應，水準一般。點心方面，蝦餃大隻但個皮散左賣相唔掂味道可以，燒賣同鳳爪正常。值得一提，呢度飲品係任飲，竟然有大樽裝可樂😱啤酒都係大大支任飲。我哋八時前離座重要每位減$20，真係好抵👍🏻今晚無咩人，所以唔會覺得坐得好迫。不過明顯佢哋嘅人手不足，好多時要我自己清理碟、汽水樽，不過咁嘅價錢，我都唔會期望有服務😅

今日一家人去左荃灣常滿食中午（12:30-4）點心火鍋放題 只係$138（再加一）就可以滿足你又想打邊爐 又想食點心既心態！必點燒賣 勁足料 勁大粒 同埋流沙奶皇！火鍋既肥牛 同埋牛舌都好正好好食！ 重簡左個咸菜豬肚湯底！豬肚夠林 又入味！另外 如果唔想打邊爐 重有淨點心放題 2:00後 只係$75咋👍🏻

那時仲未比譴散，8:00pm放工同🤴🏻行街到9:00pm就為食佢個特價時段$118任食放題，包括點心、小炒、燒味、甜品等！上到去全場3-4枱客比軟冷清，好有舊中式酒樓裝修，侍應探熱後安排座位，有6張點餐紙可以選擇，大多數都係剔點心為主，加幾樣小炒共20幾款！點心比小菜出色，例如蝦餃大隻脹卜卜，雞腳好淋入味！燒味中叉燒，燒鴨乾左少少！你問好唔好食就講真係好一般，主要係這些舊式酒樓食的是熱鬧氣氛及人多嘈吵的感覺😥希望疫情過後會有返這種香港人飲茶的熱鬧😆

第一次去試任食點心，結果唔係食到飽，而係等到飽，由 12:15pm交點心紙，諗住即叫即蒸要些少時間係正常，點知一追再追侍應又再補填點心紙，結果都要 2pm 先到。咁小食晤駛蒸可以快些少啦，唔係，青瓜海蜇呀，醉雞呀一樣要等咁耐。咁咩原因呢? 全部失單嗎? 又唔係，點心紙上名叫老火湯係一碗芫茜滾肉片係有晌合理時間出現，即表示並唔係失單啦。諗唔通。還有，隔離檯嘅趣事，有人叫左 錦鹵雲吞，個傳菜員放低左碗汁之後就走開，無錦鹵雲吞，隔離枱客當然問侍應個錦鹵雲吞呢? 咁呀侍應跑去追個傳菜員問：你做咩淨係放低d汁呀，個錦鹵雲吞呢? 呀傳菜員答：見到有咩咪比咩 law..... 聽到，笑左。

今早十點約會一位住在東涌的朋友飲茶，中間落墨我們選擇到荃灣一盅兩件，飲完茶🍵，還可以孖住行吓街，而她媽媽原來都住在荃灣，所以她對荃灣好熟悉，她毫不猶豫建議就到常滿百家菜，雖然酒樓裝修有點舊，不過都能帶給我們童年與父母的快樂回憶!$62（常滿懷舊點心大拼盆）雞球大包最為矚目，有半個面咁大😜蝦餃、燒賣都好大隻，最重要真材實料，真係有好多蝦🦐鮮蝦菜苗餃都有好大隻蝦🦐香芋燒腩卷梗係男人嘅至愛😗水晶包有紅豆及綠豆餡各一粒另外，枝竹鴛鴦扎，份量啱啱好😋（雞扎/鴨腳扎各一件）朋友叫一定要試百花釀魚肚，蝦膠真係好彈牙😉其實，還有很多其他懷舊點心，但因太飽了，要下次再試，給大家一點小驚喜，原來所有點心大中小點同價，精明的你識得揀啦😁😁

疫情期間叫外賣晚餐：咖哩牛腩飯加山竹牛肉福建炒飯加雞扎同埋一個懷舊大包套餐呢間嘢送嚟嘅咖哩牛腩飯冇咖哩味又唔夠咸. 懷舊雞包餐個雞包嘅皮仲要係苦苦地嘅... 雞扎同埋山竹牛肉球味道都怪怪地又好淡.

上網見到呢間常滿百家菜做緊個下午茶優惠，各位$75加一任食點心兩小時半（1400-1630）放題，本住好似好抵咁就同女朋友慕名黎試下，點知...就係一個噩夢既開始......下午2時準時到達店鋪，內裹客似雲來，幾乎座無虛席，店鋪員工少而且忙得不可開交，我同女朋友順利攞到位坐低，興致勃勃想攞起點餐紙怒叫一波點心。下午茶點心紙只有兩張，一張有十款左右既點心，都係一D比較大路既款式，例如鳳爪蝦餃燒賣之類，而另一張就係老火湯酸辣湯炒飯之類咁，咁就拿拿林叫左D野食，洗定碗筷等住食。一路等等等，由坐低一路等，我已經等到有D燥，終於等左半個鐘以上先至擠牙膏咁擠左五樣點心黎，味道就一般般不過不失，最大問題係出點心速度太過慢，我地坐對面果兩位客人都等左勁耐先有野食黎到。咁好啦我當你廚房忙，點心要蒸無問題，但係出野食實在太慢，員工服務態度又差，唔想做可以唔做嫁，搞到等左成粒幾鐘先至黎得10碟左右既點心，客人多點心出野又慢，究竟貴公司係點做生意？仲好意思話做點心放題，你地人手根本負荷唔黎，就無謂勉強做放題黎催谷生意額啦唔該。最終，我地兩時坐到未夠三點半，食左十碟點心左右終於忍唔住埋單走人，埋單$165，我個

有段時間都冇同屋企人飲茶，另因疫症高峰期，連出街食個飯都比以前難咗，但我覺得減少可以，冇就唔可以嘅，飲茶都系種家庭樂趣尼呢個時候一個月飲兩餐茶都仲系值得，更何況咁多食市同員工都受緊疫症影響，無薪假、清價、減人工、可能工都難保，合情理適當地支持對佢哋系種支持燒賣-燒賣size中等，比平時酒樓食到嘅細粒d，不過味道出奇地唔差，菇香味都幾重，我自己就比較鐘意食菇香味較出嘅燒賣，唯一要彈嘅系皮太薄夾起嘅時候有少少爛皮狀況，不過都已經可以接受嘅都蘿蔔絲餅-超大舊，外皮比較厚，系鬆脆而且都包得晒d餡料，入面蘿蔔絲冇經太多調味，食得出佢嘅蘿蔔原味，所以真系唔錯牛肉腸-牛肉腸上枱就已經唔夠熱，唔知系冷豉油淋嘅關係定原本腸粉蒸得唔夠熱嘅關係，味道還可，只系皮過厚同唔夠熱有d失準糯米卷-同想像般一樣咁好咬口，同味道入面，煙軔口感熱騰騰咁入口，好滿足呀馬拉糕-呢到嘅馬拉糕完全接受唔到，食落已feel到個馬拉糕要發發唔起嘅口感，實的的嘅口感同入口好似成塊蛋漿粉味入口咁，一d都唔似自家製，一個都冇食晒叉燒飯-叉燒同飯分上，叉燒都有少許醬汁，不過食得出叉燒系叮過，因為蜜糖味似甩晒嘅感覺，但十幾蚊一個飯當然冇話幾高

常滿百家菜，你嘅美味私房菜，點心好好食，老細羅生好好人又好靚仔。鳳爪好吃汁濃蒜香，唔似一般酒樓俾啲紅色油浸住，蝦餃大大粒，蝦鮮味又爽又彈牙，腸粉夠滑又有米香，甜品楊枝金露奶滑芒果香美味又可口，芒果布丁果香味濃又夠滑配花奶一同吃一流，小菜非一般水準。既味美又夠鑊氣，小食種類多，人人食過笑哈哈。火煱配料極新鮮，海蝦上枱仲會跳，飲品，啤酒款色又多，環境舒適，景觀開揚，氣氛濃厚，地點交通方便，值得同大家推介。