影片
以上资料只供参考，请与餐厅确认详情
-
网上订座服务暂停
今晚同朋友去了这间位于大鸿辉(荃湾)中心12楼全层嘅常满百家菜食饭，这里最大卖点，除了有任食火锅外，还有另一个选择，就系任食小菜，在无限时任点任食，在点菜纸上嘅几十款小菜及点心放题，对于平时喜欢食开火锅任食嘅朋友又多了个新选择，落单后店员即按人数上了弹牙爽口嘅蚝皇扣鲍鱼及口感滑润及浓郁的奶香嘅蒸双皮奶一份本身喜欢食点心，佢嘅选择亦十分大路，有大大只又弹牙嘅虾饺皇、同样份量十足嘅鲜虾蒸烧卖，多点几次就已经返了本，而其他点心同样出色，炸云吞、咸水角、萝卜丝酥饼、芋丝炸春卷，亦十分香口，所有点心落单先蒸，够晒新鲜！而今晚除了点心外就系任点任食小菜，今次点了外脆内软酸甜醒胃嘅菠萝咕噜肉、樟茶鸭皮脆肉腍，肉质色泽亦较深，香气浓郁、获气十足嘅京葱爆牛肉，入口牛肉嫩滑京葱爽脆，带有甜香和咸香、粟米鱼柳，鱼柳炸到外脆内软，再淋上粟米粒芡汁，非常开胃、京式赛螃蟹入口鲜嫩爽滑，碟碟分量都唔算大，但要样样食就真系未必得，人多想试多啲就冇问题，如果人少少，都系重点选择，以上菜式都系口味不错嘅选择！店内亦有个熟食小区，都系酒楼内常见食物，落单前亦可取小吃，而这里还有任饮汽水啤酒，最爱就系佢嘅樽装汽水！十分传统！整晚感觉食物质素绝对满意，上菜速度快，点心即点即蒸，所以时间会耐少少，但绝不走单！一个价钱绝对超值！
继续阅读
收工打算同个朋友饮夜茶， 朋友有间好嘢推介， 佢话又有得食点心又可以打埋边炉，仲要好抵食， 任饮任食冇限时。呢到好中式茶楼feel，咁夜都咁多食客，都坐满咗8/9成。乜嘢都系自助嘅，坐低即刻调返个酱料先，呢啲都系基本嘢，重点系佢有桶自制豆腐花，仲有黄糖可以自己落，豆香十足，好滑。火锅配料主要都喺自助区 自提自取，有部分可以用纸落单，选择都几多，除咗一般嘅丸类/蔬菜之外，我觉得佢嘅牛舌/海虾/鱼头，都很新鲜值得一食。选择真系包罗万有，一定要留肚，食多啲，冇限时嘅火锅点心放题，回本冇难度。海虾还是活的，好生猛。不得不提呢到嘅点心，全部即点即蒸，虾饺/烧卖劲出色，馅料真材实料，好巨型。炸馒头都系即叫即炸 入口嘅时候热辣辣，配埋炼奶系最佳配搭。饮品竟然有一支支嘅玻璃樽汽水提供， 好耐都未饮过玻璃樽嘅汽水，好够气，冻冰冰，好爽。 啤酒都系无限量供应，任饮的。甜品方面有自家制糕点及啫哩，仲有一杯杯唔同口味嘅雪糕提供。
继续阅读
这间酒楼推出的无限时点心火锅放题，每位竟然只需$215，还送羊腩煲一锅，超级抵食！点心和火锅汤底及配料的选择甚多！羊腩煲汤汁浓郁，羊肉够嫩不膻，支竹马碲均非常入味。另设有自助区自取火锅配料，还有不少热盘炸物锅物和甜品，可以边吃边等上菜，最惊喜是每晚8点后自助区还有片皮鸭任取！饮品同样任饮，有罐装饮品、汽水、啤酒等，最喜欢他们竟然有怀旧樽装维他奶，有冷有热非常周到，禁不住喝了好几支！甜品除了多款雪糕外，还有酒楼经典糕点及糖水如桂花糕、马豆糕、椰丝啫喱、芒果布甸、红豆沙、蕃薯糖水等，嗜甜之人大满足！
继续阅读
今次带大家嚟到荃湾众安街嘅常满百家菜，位置方便，气氛热闹，家庭聚会或朋友饭聚都啱晒！呢度最近推出咗无限时点心同火锅放题，仲有多个必食新推广，真系CP值爆灯！📍香港荃湾众安街55号大鸿辉(荃湾)中心12楼🍲 火锅放题火锅区精选肉类选择多：有肥牛、牛颊、牛肩、猪肉片等，全部都切得厚薄适中，入口鲜嫩。仲有手打虾滑、鲜鲍鱼、大虾等新鲜海鲜任攞，海鲜控绝对会开心到飞起！配料方面有多款新鲜蔬菜、菇菌、粟米、豆腐等，汤底鲜甜，火锅配料齐全，打边炉感觉一流。🥟 无限时点心 x 经典茶楼味道点心方面选择丰富，无限时任叫，完全冇压力： - 虾饺皇：皮薄馅靓，虾仁爽口弹牙。 - 烧卖皇：肉香味浓，带少少蟹籽，啖啖肉汁。 - 凤爪：咸香惹味，入口即化，酱汁好惹味。 - 奶皇包，叉烧包：甜品类点心，馅料香甜，包身松软。 点心款式多到眼花撩乱，啱晒大胃王或者打卡一族！🦆 晚上限定片皮鸭最大惊喜！每晚8点后，自助区会有片皮鸭提供。师傅即场切鸭，鸭皮脆口，鸭肉多汁，配埋薄饼皮、青瓜同甜面酱，完美还原北京片皮鸭经典风味！去得啱时间记得留肚等食，完全唔输比外面高级中菜馆！🥤 饮品自助 x 港式经典饮品冷柜有大量怀旧汽水（樽装可乐、维他奶等）任拎，打边炉同食点心最啱，无限refill，饮到够本！环境宽敞，座位多，适合大group聚会或家庭饭局常满百家菜依家嘅无限时点心火锅放题真系性价比超高，羊腩煲暖笠笠令人难忘，片皮鸭限定惊喜加分！点心选择够多，火锅配料新鲜，饮品够多款，每个细节都见心思。食量无底or想揾地方chill半日嘅你，呢度绝对值得bookmark再嚟！
继续阅读
以前成日睇宣传易都有呢间餐厅嘅广告😂标榜任食点心同自助火锅，两样都系我钟意嘅嘢，所以间唔中都会去吓。老实讲，其实佢只系一间好普通同埋古旧，仲有少少麻甩嘅酒楼，环境有啲残旧同嘈吵。但系价格同埋食物我都觉得几好。夏天周围打边炉都有提供冬瓜盅/冬瓜汤底，呢度都唔例外。但系估唔到一间咁随意嘅餐厅，佢都会将个冬瓜摆得咁精美俾我哋。而且店员仲会周不时过嚟提醒我哋冬瓜要煲腍啲先切，如果唔系好易整亲。食物方面其实选择唔系好多，都唔系话好精美好高级。有部份系自己剔纸仔叫嘅，另外丸菜𠮶啲就喺出面自助吧自己拎。🐂肥牛方面本身对佢完全冇期望嘅，但今次竟然出乎左我意料。啲肥牛完全唔似平时啲cheap牛一大块肥膏连住少少肉，入口有牛味而且唔鞋。（请原谅我挂住食唔记得影😂）🐟平时喺出面叫鱼头都会斩到好细旧或者叫好多转先嚟一转。但系呢度好大方，斩到大大嚿，而且长叫长有，我哋都encore咗好多次。🦑我最欣赏嘅系佢啲手打墨鱼丸。入边有粒粒墨鱼肉，食得出佢系真材实料。🐗另外仲有得叫滑牛，虽然明显有乸过，但系都依然有肉既口感。除咗火锅之外，呢度都仲有得任食点心，不过其实食吓食吓都好饱，食唔到几多点心。我哋净系叫咗虾饺🥟虾饺虽然皮唔薄，但系馅几靓，入面好多虾，而且好爽口。大大只咁都几好食。之前嚟都有食过佢其他点心全部都很不错🤤我自己比较建议平日嘅晚上呢度，会好过星期六日，人多起上嚟呢度都真系几嘈同埋成日漏单嘅。
继续阅读