常滿百家菜

营业中

休息中

今日小編黎到到荃灣搵好野食，突然見到有間餐廳好特別，火鍋放題而且點心任食，作為好奇寶寶既我當然忍吾住要去好好品嚐一下。黎到見到餐最平只要$158就可以任飲任食火鍋同點心，真係好抵食。而且仲會有好多熟食，飲料任飲，有汽水又有啤酒，一邊食火鍋一邊飲啤酒，真係人生一大享受。。小編見餐廳推銷緊椰子燉雞湯鍋，當然要trytry，個湯係好靚既奶白色，而且飲落好濃椰子味，好飲到差吾多飲晒成鍋湯，搞到要叫服務員加湯先可以開始打邊爐。。火鍋配料都幾多選擇，除左有牛、豬、魚之外，仲有手打丸，而且凍櫃亦都有各款菜、肉、丸可供選擇。小編特別鐘意手打鯪魚丸，味道鮮甜，而且咬落彈牙。。另外作為重點之一既任食點心，亦都冇得輸，點心既味道質素好高，無論係小籠包、燒賣定係蝦餃，都好高質，皮薄餡靚。。常滿百家菜 (荃灣)荃灣眾安街55號大鴻輝(荃灣)中心12樓。最高為(5/5)味道⭐️⭐️⭐️⭐️價錢⭐️⭐️⭐️⭐⭐環境⭐️⭐️⭐️⭐️服務⭐️⭐️⭐️⭐️⭐推薦星數⭐️⭐️⭐️⭐️⭐。#hkfood#hkfoodie#hkfoodbloggger#hkfoodblog#hkrestaurant#foodphotography#openricehk#foodp

如果喜歡食火鍋這裡當然有好多選擇，但除了火鍋任食外這裡又有一個吸引我嘅地方，點心都可以任食，而且還有平時飲茶時嘅必食特點！多叫幾次都已經值回票價！這裡都係全層，座位闊落，但因疫情關係枱與枱之間多了塊間板，但這個不會影響我嘅食欲！先點了個微辣嘅雞煲，雞件十分入味，雞肉嫩滑帶點辣味！而在這裡還有個自己小食吧，可以先取一些冷熱小食同步進行，有喜愛嘅薑醋、雞翼、雞肉串燒等小食！當然這個才是我最愛嘅部份😍點心，真係差不多樣樣都啱食，最強烈推介當然就係常滿蝦餃皇同埋鮮蝦燒賣皇，如果喜歡吃真心叫多一兩次就已經可以回本，用料足，蝦餃皇大大隻彈牙爽口鮮蝦咬開啖啖蝦肉，而燒賣皇豬肉同大大隻彈牙蝦肉亦十分有口感，而流沙包亦係搣開中間流沙從中間流出，炸雲吞亦十分香脆蝦肉彈牙，基本上今晚反而主打了點心😜，當然不是啦，當雞煲食完就可加湯進入火鍋，火鍋材料都係自助形式在自助吧取，而肉類就係入紙點選確保肉質新鮮，本地滑牛、手打丸、海生蝦就係我嘅目標！滑牛軟滑有口感，手打丸夠彈牙爽口，海生蝦都十分彈牙爽口鮮味！飲品有樽裝維他奶，又係一個情意結，又凍又熱任你選擇！最後留肚食埋個茶樓必吃芒果布甸，真材實料內有芒果肉，呢個價

今日行咗成日山，之後就去咗荃灣搵食荃灣大鴻輝12樓有間常滿百家菜係食點心火鍋放題，非常適合今日超級肚餓嘅我哋，呢到任飲任食冇時間限制都係$158/位今日揀咗 椰子燉雞湯鍋底 椰味香濃部分食物可以外面自取，例如牛肉海蝦等等配料就係點心紙上選擇既，仲有一啲熱食糖水豆腐花可以自取一定要讚下呢度嘅肥牛海蝦係必點既食物，雖然今次價錢平，但個肥牛絕對係優質，唔會全部都係肥膏 海鮮我哋就食咗先蝦同埋鮮魷夠曬新鮮爽口彈牙好食到點咗幾次呀除咗邊爐仲有即製點心款式都好多，燒賣蝦餃小籠包等等，都有成20款點心咁多即叫即蒸全部皮薄餡靚飲品方面真係樣樣都有，啤酒可樂汽水菊花茶無糖茶類等等，最特別就係有熱嘅麥精同維他奶 真係應有盡有而家物價高漲 樣樣都貴 百五蚊仲有呢個質素真係去邊度搵呢 真係超抵

之前禁制令期間已經好想黎食架啦，依家開放番晚市之後終於有時間黎食。呢間常滿百家菜主打火鍋+點心，晚市最平只要$158就可以任飲任食😁。除左有各款火鍋配料之外，仲有好多精美點心，只需要一個價錢就可以食到甘多款，認真扺食😝。。小編揀左椰子燉雞湯鍋底，上到黎好香椰子味，真係點都要飲番兩碗先😋。而火鍋配料方面小編特別推薦大家食手打鯪魚丸同手打墨魚丸🤩，咬落彈牙，而且味濃，好好食。。而點心方面都好出色，尤其係小籠包、燒賣同蝦餃，皮薄之餘餡料又好足，真係皮薄餡靚👍🏻。

今日嚟到荃灣大鴻輝中心, 呢棟大廈全部都係食肆意, 打邊爐最出名。今日就去試下咗點心火鍋放題！我鍾意中式點心, 呢度係一個價錢, 任點任食。點咗鳳爪、蝦餃、燒賣、小籠包、椰汁饅頭。點心特別之處係自家手工製作, 畀出邊食到嘅大粒。蝦餃好多蝦肉, 爽口彈牙, 材料新鮮。 燒賣啖啖肉, 十分鮮嫩。饅頭充滿椰汁清甜味。自助點心區仲有煎釀三寶、豬腳薑、豬紅、豬皮、雞腳、串燒雞腎, 前菜等, 真係幾多選擇！煎釀矮瓜 魚肉爽滑彈牙, 香口惹味！火鍋可以揀雞煲或者湯底價打邊爐。我地食完點心都半飽, 就揀咗個豬骨湯底。呢度火鍋配料都幾多, 海鮮有海蝦、脆肉鯇腩、墨魚滑等！材料幾新鮮！火鍋自助區仲有丸類、蔬菜、啤酒汽水, 自己選擇, 款式多幾特別。我就鍾意呢個碧螺春, 冰凍解渴, 又可以消滯減膩！

常滿百家菜荃灣眾安街55號大鴻輝(荃灣)中心12樓今日約左朋友係荃灣食飯，一直都知道荃灣大鴻輝係美食集中地，今次朋友帶左我黎試呢間點心+火鍋既放題，一次過試晒兩樣真係幾抵價錢都好抵只係$158/位，任飲任食，如果夜晚8點前埋單或者9點後入座仲可以減多廿蚊，真係超值。。而食物方面都唔馬虎架，有成廿款點心可以揀，火鍋湯底都成十款可以選擇呢到既點心真係幾正，蝦餃燒賣都係大大粒， 全部都係即叫即蒸熱辣辣，除左點心之外，出面仲有好多熟食可以任囉，我今晚見到有豬腳薑，雞肉串， 椒鹽豬扒，咖哩豬皮蘿蔔。。火鍋配料方面都唔錯，有部份係外面自己囉，有d就係落單叫既，餐廳都無咩漏單既情況，落左單好快就送到黎，自己最鐘意就係呢到既海蝦同肥牛，非常新鮮最後當然要食埋甜品啦，呢到有芒果布甸，桂花糕，馬豆糕，雪糕仲有豆腐花，真係好豐富，我同朋友都食到捧住個肚走

朋友推介呢間抵食火鍋放題, 加埋點心任食都係$158蚊加一一位, 真係性價比甚高！樓上鋪地方幾大, 裝修酒樓格局！椰子燉雞湯鍋湯底入面有椰子和雞髀, 煲滾先飲一碗湯再打邊爐, 好香濃椰子味！火鍋配料有十多款, 肥牛、海蝦、手打丸類, 剔紙點單。自助大排檔酒樓設有大排檔, 自取啤酒汽水、各式丸類和蔬菜, 選擇都算幾多。除咗火鍋配料, 仲有好多熟食涼菜、薯條、串燒、當歸炆雞腳、豬皮豬紅、豬腳薑, 多不勝數！雞肉串燒好入味, 肉質嫩滑。炆雞腳有當歸尾, 炆得淋身黏口, 充滿骨膠原。晚飯時間就好少食點心, 所以最後就點咗幾個奶黃包和馬拉糕。奶黃包有流心。馬拉糕軟熟熱辣辣, 新鮮炮製！仲有紅豆沙、番薯糖水同我最鍾意嘅豆腐花, 食埋甜品, 就為呢一餐劃上完美句號。

今日去貨倉點貨，勞動左一日，好肚餓！放工一於去荃灣食放題，老公話我哋好耐冇去飲茶食點心，所以就揀咗 常滿百家菜。一入到門口差唔多座無虛席，睇得出好多都係熟客仔。晚市價錢優惠，火鍋點心餐 成人 $158。已經可以食到雞煲、點心 + 火鍋 放題。飲品任飲，自助餐區又有小食，認真好抵食 ，地點又方便，下次可以介紹同事嚟試吓！香辣雞煲第一時間叫雞煲，小辣啱我哋口味。雞煲熱辣辣香噴噴，醬汁惹味，雞件份量多，雞肉入口都好嫩滑，十分之足料。點心款式都算多，有我哋最喜歡嘅招牌小籠包、蝦餃王、鮮蝦燒賣王、蒙古流沙包、酸甜炸雲吞、蘿蔔絲酥餅；應有盡有淨係食點心都已經勁滿足！點心味道非常出色，食物即叫即蒸，新鮮滾熱辣，蘿蔔絲酥餅炸至金黃香脆，一口咬落去一條條香甜雪白的蘿蔔絲，外脆內軟。平時飲茶收費昂貴的蝦餃王、鮮蝦燒賣王都係任叫任食。蝦餃好似乒乓波咁大粒，蝦肉鮮甜彈牙，另外鮮蝦燒賣王也是不能錯過，必食推介！大排檔自取食完雞煲加湯就可以打邊爐啦！晚市於大排檔可以自取多款時令蔬菜同埋火鍋配料，各位食客都好踴躍！我自己就鍾意食涼拌青瓜啦！火鍋配料精選肥牛、本地滑牛 牛肉既質素都唔錯 ，海生蝦好新鮮，手打墨魚丸結實

今晚去完探客...諗住食返餐好嘅正值喺荃灣好多嘢食...諗住搵一間心水點知行行吓落大雨碰啱附近係大鴻輝就走入去搵一間試吓啦呢間價錢抵到飛起$158 +1....就可以火鍋點心任你食見到佢嘅Menu只都有好多唔同嘅選擇而且出邊都有好多唔同嘅熱食冷盤任君選擇而且仲有好多人都鍾意食嘅豬腳薑添佢唔單止外面有好多唔同種類嘅火鍋配料而且Menu只仲有好多新鮮嘅食材俾你選擇我同老友記都揀選咗好多唔同嘅點心嚟試吓我最鍾意食佢哋嘅蝦餃大大隻而且裏面全部都係蝦肉佢哋嘅小籠包同埋燒賣都做得非常出色我自己都叫咗兩次嚟食坦白講咁抵食嘅價錢有咁嘅質素真係尚算唔錯啦

2020真的好難過.朋友建議食番餐勁既開心下～我地最後簡左位於荃灣既常滿百家菜酒家！除左任飲任食火鍋🍲😳仲有任食點心！.🥢晚市任飲任食點心放題+火鍋($158, 星期五六日+$10)夜晚食點心真係好新穎😂點心即叫即蒸🥰熱辣辣真係好好食！最喜歡燒賣蝦餃～encore左好多round🥳·🍲火鍋湯底選擇左冬蔭公魚鍋🐟酸辣口感好開胃😋火鍋配料絕對唔少~肉類海鮮類丸類蔬菜類仲有熟食！好豐富🤪最後一定要食埋雪糕🤩好飽好抵食·📍常滿百家菜酒家

好耐都無打過邊爐~有朋友介紹呢間晚市任飲任食火鍋🍲除咗火鍋任食😳仲有點心可以任食啊!!.📍常滿百家菜酒家.晚市任飲任食點心放題+火鍋($158, 星期五六日+$10)-平時放假星期六日先有得同屋企人去酒樓飲下茶食下點心😆依家夜晚都食到啦!!點心即叫即蒸~熱辣辣蝦餃燒賣真係好好食🥰火鍋湯底叫左冬蔭公魚鍋🐟大大舊魚配埋冬蔭公湯底~酸酸地辣辣地幾好味😋火鍋配料選擇多~除左有火鍋紙填寫肉類海鮮類，仲有得出去自己夾想食嘅丸類蔬菜類同熟食~真係一坐低就有野食🤪食飽哂仲可以有雪糕任拎🤩好滿足嘅一餐!

疫情緩和，真係要出街刷返餐勁！勁耐無去飲茶，又想打邊爐，荃灣嘅常滿百家菜有點心+打邊爐放題，一次滿足我兩個願望!😋落單之前，職員同我地介紹酒樓最出名係點心，所以我地緊係點多幾款試下啦。招牌小籠包每粒都好多湯，係高質嘅酒樓水準。蝦餃皇同燒賣皇都係好足料，啖啖蝦，宜家真係好少見有酒樓有咁嘅份量，大讚！👍🏻牛肉球又係好大粒，身為牛魔王又係清曬☺️懷舊馬拉糕食落好鬆化，唔會太甜，細細舊，食完都繼續大把quota試其他食物。⭐️有一樣好值得欣賞係點餐可以一舊一舊咁點，咁就容易預計份量，唔會浪費食物，又可以試多幾款。至於火鍋，因為諗住食咁多野，就嗌左個清清地嘅香茜皮蛋鍋。我同阿妹都係食肉獸，所以就主打食牛肉。⭐️大推介：一級牛拼盤（肥牛、牛展、牛脷）牛脷真係最愛，有咬口，又唔會好韌咬唔開。精選肥牛唔會太多脂肪，真係啖啖肉都唔怕肥！除左餐單上可以嗌嘅食物外，係酒樓中央都擺左好多其他食材（refill得好快）同醬料，可以根據自己喜好攞返埋位淥。當然就唔少得飲品同甜品啦。最後我同阿妹食到抱住個肚走🤣下次屋企人話搵地方飲茶，都會再黎依度拜會啲足料點心😍

之前聽朋友講過呢間野好抵食因為一個價錢可以食到飲茶嘅點心又可以打邊爐！任點任吃 啊！基本上火鍋食物都係任點任吃配料可自己填單，外邊雪櫃都有啲可以自己去攞鍋底：椰子雞湯鍋底滋補養生，裏面雞唔會好多不過都可以出去自己攞香氣撲鼻 ，椰子香味真係食肥牛嘅時候都會有啊！肥牛、牛脷、墨魚滑，真係超級正如果唔知食咩牛女可以嗌佢嘅佢既拼盆！一級牛拼盤，唔洗諗有咩食仲有海蝦可以食埋，任點任吃，你驚會回唔到本？食完之後仲可以食埋啲蔬菜🥬都好多款式選擇即叫即製點心真係好驚喜✨常滿蝦餃皇大大粒！好足料，又有大蝦🦐夠新鮮，爽口彈牙👍🏻皮薄，食咗三舊！燒賣 都係大大粒，半肥瘦豬肉配上冬菇 仲有一樣就一定要食嘅小籠包皮薄多肉汁，夾既事後真係要小心而且記得要熱嘅時候食！肉汁湧出 ，回味無窮！

平時朝早會同屋企人來到 常滿百家菜飲早茶 有次見到牆上張貼晚市海報 $158 火鍋加點心不限時任飲任食 超化算的 終於能抽空過來用餐火鍋湯底有十多種選擇 經典的芫茜皮蛋/胡椒豬肚湯底這裏都有提供 店內新推出椰子燉雞湯底 這個我比較感興趣 一於點選這個 除了火鍋還可選雞煲湯底清澈卻十分惹味 濃郁的雞湯帶有椰子的清香 鍋中有雞件及椰肉 湯底越淆越出味 建議先飲用湯底然後再打邊爐打邊爐當然唔少得肥牛啦 這裏的肥牛 色澤紅潤脂肪厚薄度易適中 質素不錯另外還有大量火鍋配料提供 意想不到的是海鮮也可以任點任食 脆鯇片又厚又肥美 口感爽脆吾腥 牛舌彈牙 還有油炸鬼釀百花這類的傳統美食海蝦非常新鮮 我一個人食咗十幾隻 味道鮮甜 肉質彈牙 仲要夠大隻 啖啖都是肉經過一輪海鮮嘅洗禮之後 湯底變得非常甜 當然要放啲吸湯配料 如: 山根/響鈴 吸收湯底的所有精華 有爆汁效果 好吃得停不了由於湯底真的超棒 淥烏冬也是不可或缺的 店內採用洞庭烏冬 口感煙韌彈牙 麵質細滑 是我最喜愛吃的烏冬品牌吃過火鍋後便是點心時間 點心選擇同樣多樣化 有蝦餃，燒賣 ，炸雲吞，流心奶黃包 ，鳳爪，排骨… 全部都是無限追加 最令我忘

朋友在荃灣返工，約了他去了荃灣大鴻輝12樓的，常滿百家菜食點心火鍋放題，這是一間非常抵食的火鍋放題。這放題火鍋店佔地算寬敞，座位相隔寬闊，坐得舒服，店員亦都很殷勤有禮，所以久不久約朋友在荃灣食飯，都會選擇在這點聚餐。雖然這裏是火鍋放題，但這裏的點心做得非常出色。我們點了蝦餃皇，燒賣皇等，非常真材實料，蝦餃包著兩隻大蝦，而且燒賣也是非常夠份量，豬肉與彈牙蝦肉，非常值得推介。火鍋方面我們點了鴛鴦鍋底有沙嗲及清湯。另外火鍋配料選擇算多，除了肥牛外，亦有一些鮮牛拼盤，和豚肉，肉質新鮮。另外丸類和蔬菜類可以在外面自取。除了火鍋配料之外，他們還有一些熟食，例如豬腳薑，口水雞手，拍青瓜，雞腎，炸雞軟骨等等。有很多食品給食客選擇，滿足一下為食的人。飲品方面有啤酒，汽水，我最喜歡他們有一些蘋果汁，橙汁，和不含糖的罐裝茶，滿足不同食客的口味。食完火鍋與點心之後，這裏還有雪糕，和自製的啫喱，芒果布甸，豆腐花等。總結：客家常滿菜性價比高，除了可食到一般的火鍋之外，他們還有很有水準的點心，飲品和甜品都可以滿足到各人的口話，消費亦不高，是一間很大眾化的火鍋點心放題。