帝苑餅店

营业中

休息中

It's my first trial of desserts Fine Food.Napoleon is a must as it's my husband's favour.Unlucky that the shop only served one favour a day.So I picked the Strawberry Napoleon and sweet and salty brownie.The pastries of Strawberry Napoleon were super crispy and strawberries were sweet and fresh.Unlike the other shops which the fillings were cream,the custard gave a different texture of the desserts.Great favour with custard filling which seemed to be healthier.The brownie that actually surpri

今日專誠來 Fine Foods 買聖誕禮物，這裡已佈置到非常有聖誕氣氛，Christmas 的魔力足以令一眾消費者大破慳囊，阿J我要進內盡情購物一番！甫進店內，各式各樣的聖誕食品已放在眼前。好大的薑餅屋! 我都想我屋企有咁大，可容納得下這麼巨型及造型精緻的 Gingerbread House!買了數盒 Almond Dragee (杏仁朱古力) 及 Hazelnut Dragee (榛子朱古力) 給家中的小朋友，味道不知道好不好，待聖誕過後便有分曉。也買了一個北極熊冰屋給公司同事，全白朱古力人手製，造型精緻，希望好睇又好食啦！最後行去餅房買番件蛋糕獎勵一吓自已。左揀右揀，最後選了粉紅色的 Fig & Passion Fruit Mousse Cake。開開心心地拿着漂亮的蛋糕盒回家慢慢嘆。選這蛋糕，全因它樣子漂亮，沒想到這件無花果及熱情果慕司蛋糕會咁好食！我地只用10秒已清了這件蛋糕，好食到連不吃甜的阿P都話好吃!熱情果慕司微酸，同粉紅色的無花果忌簾味道十分匹配，阿P說這是他第2喜歡的蛋糕，第1名仍然是 Robuchon 的 White Chocolate Passion Fruit

此酒店級數的甜品, 我經常都會光顧的, 但帝苑這間便是第一次.今次挑選了較受歡迎的, 首先講講芒果拿破倫, 幾層酥皮夾著忌廉, 中間仲有鮮芒果肉. 品嚐後發覺酥皮除左薄之外, 仲好鬆脆呀, 加埋芒果肉同埋忌廉, 好有層次感呀~~另外仲有玫瑰紅莓Macaron, 大大個macaron中間有幾粒紅莓, 側邊仲有小macaron添, 樣子夠晒可愛, 味道除左有玫瑰芬香外, 仲食得出紅莓既新鮮, Macaron都整得好鬆軟~雖然係酒店級數, 但係始終價錢略貴呀.

晚飯後係尖東海旁行返去港鐵站，今年既聖誕燈飾好早有得睇啦，睇睇下經過呢間cake shop,綠色帳篷像英國既餐廳，就行左入去。黎到當然選擇呢度既招牌芒果拿破崙啦，賣相是幾層酥皮夾雜住芒果粒和忌廉，咬落就知係好鬆化，好脆既酥皮，芒果亦係好新鮮既果肉。另外我選左Green apple cheese cake, 嘩 只係個相頭已經贏晒啦！大小同顏色都係成個青蘋果咁，點捨得食呀。外皮其實係白朱古力，裡面係有青蘋果粒既芝士蛋糕，味道酸酸地好醒胃。無論外表同味道都充滿驚喜既蛋糕店。

Mango Napoleon $458/10說Fine Foods是香港數一數二最佳的餅店, 該沒人反對。這次就試試它的拿破崙吧。酥餅牛油味香濃, 鬆脆而帶點實在, 用刀切開依舊完整無缺, 不會散滿一桌, 配上香滑的吉士和大塊甜美的芒果, 都不錯。不過, 個人喜愛較少吉士的版本, 感覺乾爽點, 較不甜膩。

今天去了Fine Foods買蛋卷，對於這蛋卷的味道的睇法，P和J的反應十分不同。對同一款食物有如此大的分歧，我諗這是頭一次。先講包裝，酒店出品，一貫的精緻小巧，鐵盒密封功夫十分嚴密，存氣能力極佳。有別於坊間的傳統蛋卷，這裡的蛋卷非常短身，全部都完整無缺，造型可愛，外型滿分。急不及待一啖咬落去，非常脆，但這脆比較像法式薄脆，和傳统的鬆脆口感不同。我完全食唔到蛋味，只吃到好重的椰油味，是我最害怕的味道。這蛋卷，我真的不不不不喜歡。等阿P放工回家，我立即叫不嗜甜食的他試食蛋卷，他放入口，然後對我說：「幾好味呀！」，我聽完，呆了，叫他再食多條，食吓有無食到啲椰油味，他好細心咁食，之後話佢應該知道我講緊乜，不過對他來說，那椰味甚輕，而且不bother佢，佢淨係覺得好脆同好甜。算，我諗係我嘅問題....不過我點都prefer傳統蛋卷，皇后蛋卷始終是我的至愛，又抵食。

Green Apple Cheese CakeLam脷: 3/5Raspberry TartLam脷: 4/5抵食:4/5相機: 4/5平時去Fine Foods多數買蝴蝶酥，今次專登坐底嘆翻件cake呢個青蘋果芝士蛋糕賣相好令 面頭係白朱古力，裡面係cheese cake+青蘋果粒+脆脆,酸酸地甜甜地☺ 但芝士蛋糕比例好少Vi比較喜歡紅桑子tarttart皮好香好脆,吉士軟滑，配埋酸酸地既紅桑子正 以酒店黎講,呢度ge cake幾抵食,平均$4x一件, size比其他酒店大, 係high tea ge 好地方

媽媽生日，除了答應為她預備晚餐外，生日蛋糕當然也少不了。之前想過城中不同店舖較特別的出品，如玫瑰花蛋糕、棉花糖馬卡龍蛋糕、彩虹蛋糕等，但思前想後，還是穩陣的選了我最喜愛的餅店之一的帝苑，訂媽最喜愛的拿破崙，該沒錯。預早兩天過去下單，下午六時多充斥著許多慕名而來的遊客和港人，店員工作快手快腳說話急促，雖減少了少許等待的時間，但服務變成流水式作業，比起以往親切的態度有點落差。雜果拿破崙 $330 (1lb)當晚吃畢晚餐休息一會後就將蛋糕端出來，一磅裝夠六至八人共享，四四方方的蛋糕上舖滿雜果，色彩繽紛悅目，又紅又綠的看得我們心花怒放。由中間一刀切下聽見那酥皮咯咯在響，眾人頓時四目交投，表示驚喜興奮！急不及待嚐一口，發現酥皮焗得金黃香脆，牛油味濃，千層酥皮上輕抺了一層朱古力避免吉士或水果和它直接接觸而受潮不脆，而中間滿佈雲呢拿籽的吉士醬香甜奶滑，加上新鮮多汁的鮮果，每吃一口都覺得好幸福好回味，這個蛋糕真的沒選錯。雖然這出品的價錢比一般貴，但確實做到一分錢一分貨，見媽喜上眉梢笑逐顏開，一切也值得。

喺彩晶軒食飯同行既親戚買左個抹茶芒果蛋糕作為飯後甜品小豬都係第一次食呢到既蛋糕🙈🙈可惜唔記得影個蛋糕呀😩身為一個抹茶控來說呢個蛋糕好好食😂😂同其他抹茶蛋糕既分別係會食得岀個味道有層次外面個抹茶慕絲較甜 易入口冇左一般會有澀澀地既味道入面既抹茶cream先有平時帶澀既味而中間既芒果甜甜地 亦中和返成個蛋糕連媽媽平時唔好抹茶都覺得唔錯！

重陽節出尖沙咀除了逛館、添秋裝，還去了 帝苑餅店 拎了三盒新餅，因為繼超美味 芝麻蝴蝶酥，餅店又出了三款新品 (推廣價每份$128)！新出品配上新包裝，得體大方之餘，還帶點卡通可愛氣息；另外所有出品都是一盒兩份獨立包裝出品，有助保鮮，設計貼心，送禮自用都一流呀～　為食小魔對新品一直虎視眈眈，好啦打開 腰果酥 一起分享吧！三款成品中，最愛輕香清脆、微甜可口的腰果酥，一口剛好吞下一件，香氣依依，好好吃呢，一盒兩包超快吃完了～　另外小兄妹也愛吃 蛋卷，這款蛋卷比平時的短一半，香脆之餘甜度亦不高，特別適合小朋友／怕甜的朋友吃用，輕鬆當是下午茶小吃最好！特別一提為食小兄妹知道吃蛋卷很散，所以由哥哥帶頭以盒蓋盛起蛋卷碎，十分之叻叻！　最後一款是 杏仁酥，其實味道與腰果酥頗相似，也一樣的香脆可口、清甜美味；不過可能杏仁的樣子長得有點像巫婆手指（看得 Halloween 影片太多了...），兩兄妹都不敢亦不肯吃呢....說起來，還有一星期就是Halloween了，媽媽的心情也很緊張，卻不是因為鬼節，而是節日後一連串幼稚園面試就要開始啦...  Bless us!!

有時Lunch唔想食得太heavy ,但又想食甜品，我與朋友一定想起帝苑餅店。午膳時候很多在尖東附近工作的人會在此pack三文治回公司食，手快有手慢無。而我每次來到必吃德國包，連德國餐廳的德國包未必一定好味，但這處有過之而無不及， 配上鮮甜味滿滿的蟹柳是绝配，加入大量菜、蕃茄，鮮甜度爆燈。 帝苑甜品一向出名外觀設計特別，味道高水準啦！不太甜，出名是有原因的。Mango Chocolate Mousse 好似荷包蛋，幾過癮，最愛不太甜，香濃朱古力，中間有芒果流心，正！德國蟹肉三文治包蟹肉多到漏出黎，鲜甜度足夠，包有咬口Raspberry macaroon 帶著酸酸甜甜的红梅味，合度好處，好清新

同老公行街，食咗晚餐，睇到呢間甜點店，好多甜點好想食哦，但是又食唔落啦，最終我抵不過誘惑決定打包外帶O(∩_∩)O~Green apple cheese cake 外形真真係青蘋果哦，睇個造型都捨不得打開了！面層是白朱古力，不算太甜！內裹是芝士蛋糕，加上粒粒脆脆與青蘋果粒，酸酸甜甜，吃在口中相當美味！原味蝴蝶酥 蝴蝶嘅造型好可愛，除了應有的牛油香，還輕輕地塗上了一層糖，除了多了一份討人歡喜的甜味，也令蝴蝶酥更香更脆。大小如手掌心，一口剛好可以吃掉一半，往往讓人一吃停不了口。

老婆最愛這裡的蝴蝶酥, 做得特別出色, 甜度適中, 酥脆無比, 一口咬落去, 脆得發聲, 絕無黏牙的情況。 由初期不到$100包, 到現在$140包, 依然十分支持。 店內員工服務良好, 今天帶了個私家飯盒去買, 煩請店員將袋裝蝴蝶酥放入飯盒, 但飯盒裝不下所有, 餘下的幾盒,還特別包好,真的很讚!

您愛吃蛋卷嗎? 對酒店級的出品, 又有沒有興趣呢? 這天來到帝苑酒店的Fine Foods, 本來只打算購買蝴蝶酥給姐姐的, 但文迪看見全新推出的牛油蛋卷, 又心思思想試試, 那就順道買一客回家吃.牛油蛋卷 Egg Rolls $128: 8.5分, 原價$160, 但現在特價$128, 一客有16條蛋卷. 先要讚讚這個精美的鐵盒, 卡通圖案很可愛.牛油蛋卷賣相呈金黃色, 質感相當鬆化, 牛油味道香濃, 也帶蛋香, 水準不俗. 而且這款蛋卷不是長身的那款, 吃的時候就更為便利.帝苑餅店 Fine Foods全新推出的牛油蛋卷, 質感對辦, 相當鬆化, 牛油味香濃而帶蛋香, 加上包裝精緻可愛, 實是送禮的好選擇, 值得推介.

已經錯過好多次喇，今日又係apm擺攤位。一於試下佢行到埋去，得返1件Napoleon。即刻嗱嗱聲order，唔好執輸丫！酥皮焗得好好，一層層好清晰，好脆。就咁食層酥皮都好正丫！芒果好多，又甜。啲custard唔會過甜，仲可以見到一粒粒的vanilla seed。果然名不虛傳，一定會有第二次，第三次。。。