帝苑餅店

营业中

休息中

傳統餅店生日蛋糕帝苑啲蛋糕不嬲都幾出名， 但係可能呢幾年出左好多新cake shop, 又多ig shop, 同埋尖東有啲吊腳，帝苑好似比人忘記左。咁岩今日去開尖沙咀食飯， 所以揀左呢度買蛋糕。上網睇左有得online order, 都幾方便。 但係都打個電話問下， 電話問完， 原來就咁電話都可以訂， 但係要2日前訂， 生日牌免費加， 拎蛋糕個日先比錢。酒店質素， 價錢都合理， 唔似細鋪要比deposit, 又唔似啲大牌子， 生日牌要加錢， 生日牌呢度一蚊都唔洗。 服務好好。去到拎蛋糕， 見到smartone 有promotion 85折, 不過我唔係smartone, 再問， 原來好多信用卡都有折。 埋單都有88折。 好彩冇上網訂定先。門口都幾靚蛋糕一磅， 幾甜， 幾足料，比起平時啲一磅 感覺大啲。 earl grey 味都幾濃。5個人食有啲飽， 可以分8個人食。生日牌啲字仲要幾靚。

哥哥去做證婚，一對新人送上一大盒蝴蝶酥，加廿蚊利是。後來上網睇一盒蝴蝶酥好像要成$180, 折現好像比較好。滿滿的一盒，少甜，牛油香適中，酥脆，cafe風格鐵盒存氣也很好，令人想一塊接一塊。

女孩子就係會行行下想食d 甜野，今日行到過黎尖東經過fine foods 就俾入面凍櫃d 西餅吸引左呢度既蛋糕之前已經訂過黎食，真係好好味呀！既然又未到食晚飯既時間就決定入去坐下食件cake 先我揀左一件tiramisu 同埋黑森林，計埋加一$105 有找自從係sabatini 食過tiramisu 之後，覺得去邊度食既tiramisu 都唔夠好味但係唔知點解見到又會好想叫黎食呢度既tiramisu 梗係好足料啦，朱古力粉、cream cheese、手指餅（定係清蛋糕？）同埋咖啡酒呢幾樣野真係決一不可，一定要跟返傳統有咖啡酒中和一下甜味，唔會只係單單得甜味咁悶呢件係黑森林蛋糕上面既cherries 浸過冧酒，好香酒味又淋曬，加埋下面蛋糕一齊食，好美味啊～港式黑森林我好喜歡，但係間唔中食d 傳統既口味會令人覺得新鮮中間有層朱古力既cream 仲有夾埋d 碎既cherries面頭個層雖然係好多cream，但係唔會有油膩感同埋甜度太甜好好食呀 講完野食就講下環境啦！其實環境就真係好唔好架啦，因為只係大堂放幾張檯係度，唔係一個適合傾計既地方都係預人食件cake 飲杯茶就走而且d 櫈都唔算坐得舒

都說帝苑餅店的蝴蝶酥超級美味， 今次適逢電訊公司送上生日禮券，便換了一盒來試， 果然一開盒就聞到陣陣牛油甜香， 而且口感非常酥脆，配珈琲一流， 我要極力克制才沒有一次把整盒KO掉呢😝

時日太快...！原來不知不覺間，爸爸已60歲大壽！小時候，爸爸總給我最好的！到現在長了，當想給他最好的！所以，在準備他60大壽的生日蛋糕！也做了一輪資料搜集！最後，選了帝苑餅店！因為，爸爸喜歡傳統的忌廉蛋糕！首先，蛋糕盒是高貴的硬盒子！生日牌子，是取餅前才即席製作的！至於蛋糕的味道！蛋糕上層鋪上很多的士多啤梨！可惜感上有點酸！（利申：我是偏怕酸的！）忌廉是軟滑的、甜度適中！蛋糕是鬆化的！可惜...也許家人偏向傳統！對這麼西式化的蛋糕不習慣！他們會覺得忌廉比較多！感覺有點膩！所以，家人並不太欣賞這蛋糕！哈哈！他們是可愛的！下次還是買美心蛋糕好了！也許它才是對我們家來說，最親切的味道！

一向都好鍾意食蛋糕嘅我，對蛋糕嘅要求越黎越高今次屋企人生日就買左帝苑餅店嘅士多啤利拿破倫蛋糕。帝苑餅店嘅拿破倫一直都好評如潮，一試之下真係名不虛傳賣相很好，味道更好！！一切開，一層酥皮一層吉士，好分明。酥皮因為既新鮮又鬆化，好容易切開，又唔會切爛一食入口，酥皮鬆化香脆，吉士份量適中，絕配最重要係唔會好甜食完之後係會有再想食嘅感覺士多啤利方面，都鮮甜，下次我會試芒果拿破倫呢PS. 個生日牌D字都寫得好靚，可見餅店嘅細節位都做得好好，值得一讚

Fine food is one of the best cake shop i have tried Every cake here is made with dairy cream and fresh ingredients that will never make your month greasy.  This time i have picked strawberry mousse cake, chef put macaroon on the side of the pink, round cake. The whole texture of the cake become richer because of the chewy macaroon. At the same time,sweetness of the cake is just right. Girls may not be that guilty after tasting this cake  Because of my phone's problem, i can not put the photo he

話說嗰日食完帝苑雅苑座嘅自助餐做緊promotion每四位顧客就會送一盒蝴蝶酥咁我哋嗰晚總共就有兩盒嘅有睇我雅苑座個review其實都大概知道我對佢嘅蝴蝶酥係失望嘅咁所以拎咗呢返屋企本身都冇太大期望點知又係期望越低驚喜越大第二日一開呢盒蝴蝶酥已經聞到好香嘅牛油味咁佢今次送嘅蝴蝶酥就全部係原味嘅成盒好似都有接近30幾塊份量都幾多又係未擺入口淨係睇個賣相已經見到自助餐嘅蝴蝶酥同埋呢一盒蝴蝶酥嘅分別自助餐嗰啲已經擺到好乾完全唔吸引而呢一盒蝴蝶酥仲係有啲閃令令嘅感覺一咬落去 嘩又係完全兩個世界le一盒先至係帝苑嘅水準㗎嘛真係好鬆脆又好食唔會過甜亦都唔會油膩得滯所有野都啱啱好真係完全高水準之作佢仲要係每一塊嘅水準都係一模一樣咁好食咁鬆脆個鐵盒又幾靚所以我又覺得好奇怪既然佢自助餐擺得出嚟梗係希望啲人會買㗎啦點知佢就擺啲完全唔好食嘅我哋嗰晚食完其實全部人都唔會有衝動去買佢送嘅呢一盒俾咗咁大個驚喜搞到其實好想返去買

母親節，當然要買個蛋糕來慶祝啦！蛋榚個樣好華麗上面兩個朱古力波點綴左成個蛋糕難怪我次次經過都比佢深深吸引其他的蛋糕我都吾揀，我只揀一個而且朱古力牌d字體好令朱古力味好濃，內裏有朱古力慕絲，一層層口感醉人不過，主角媽媽怕甜，下次都揀水果蛋糕

今日收到的～精緻鐵盒包裝，內面再有個咭紙套。幾靚～綜合口味：芝麻、抹茶及原味～每款味道有六塊，甜度適中，鬆脆。芝麻：有原粒芝麻在面，不會太濃。抹茶：新鮮配搭，抹茶味剛好，香而不苦。原味：甜度適中～#有點貴#未至於好食到要返去買#更愛傳統餅店的大大個蝴蝶酥

今年的太太生日餅，有久違多年沒有品嚐，由尖咀帝苑Fine Foods製作的St. Honoré cake坐陣....和太太心有靈犀一點通，當小弟捧出這蛋糕出來之際，太太就開口說她老早就想吃這裡的聖安娜餅了....不知是真還是在逗大家開心....舅父仔伉儷一向極愛這餅。偌大的一個餅，橫豎我們一家三口都未必吃得完，倒不如糾眾叫他倆來，一起解決之....整個餅最引人的，莫過於便是那多於山堆，幼滑香甜的忌廉，以及圍邊沾了大量焦糖的忌廉泡芙。兩者同皆是她倆姐弟的最愛，怪不得吃得兩人眉開眼笑，轉眼就將大半個餅掃清光，看得我這個局外人目瞪口呆....不過不得不讚是，整個餅在甜度的平衡上控制得很好。甜，就要甜得徹底不要不湯不水.....而酥皮底亦見非常鬆化....兩個字的結論 : "好吃".....

Lady個娘親好鐘意食蛋糕,其中最愛拿破崙💖久聞帝苑餅店既拿破崙"品質高,口碑好",就襯母親20歲大壽買過返去賀一賀佢😎個cake訂得好趕，前一日打去訂，個sales姐姐聽到話要聽日要,都失笑左一下🙈但都俾我訂到~原本都擔心芒果未到時候唔夠甜,不過名牌果然係名牌,一d都無令大家失望👍👍而且拿破崙夾層d吉士唔會太甜,重有粒粒雲呢拿籽~酥皮做得唔算厚,同吉士crossover出一種魔法效應,令人欲罷不能💓💓💓

我家的女神(我細妹) 既生日慶典全家上下年年都會大費周章周圍搜羅蛋糕禮物...去氹佢開心! 其實做細真係好好, 我下一世都好想做阿妹唔想做家姐. 由於今晚放工就要趕住同女神食飯唔經尖東所以就lunch time 仆落尖東攞左番公司先. 蛋糕個樣真係同website 既相一樣唔係食物圖片只供參考個隻. 包蛋糕的途中貪心的我又打左個鬼主意就係買多兩件小cake 番公司同我至愛buddy 互相happy下. 拿破崙永遠都冇得輸!!! 個d pastry 一層又一層超鬆脆, 中間夾食芒果忌廉,咬落去忌廉爆晒出黎真係好治癒呀. 另一個係macaroons上下好似三文治咁夾住raspberries 同cream, 頂頂仲要勁高貴優雅咁有粒mini rose. 真係好適合貴婦的第二個胃呀🤣🤣

過完年有利是錢, 一嘗酒店high-tea享受, 同朋友到尖東帝苑食個cake, 閒聊一下。想不到酒店內既cake價錢平均都係50蚊左右, 都唔算太貴, 餅店旁仲有幾張檯比人坐住食, 不過就要計加一。 除左cake之外, 都有供應coffee or tea, 不過價錢就偏貴少少。揀左壺Peach & passion fruit tea, 不過冇影相, 因為都係一個茶壺沖好, 賣相沒什麼特別。第一round既果茶色水濃得呈血紅色, 果味其實不太出, 冇咩味, 在口中等留一陣先感受到有淡淡Peach味,不過就可以無限refill熱水, 但其實飲到第三round已經係似飲緊滾水。 個人認為rose macaroon係最好食, 馬卡龍表面脆, 少少甜, 一咬下表面出現裂紋, 內側帶點煙韌, 沒有刺鼻既花香味。圍邊紅梅就好酸, 好彩hi到少少cream中和少少酸味 朋友食左呢個律子cake, 表面律子味幾突出, 但入面似粒粒律子碎既一pat pat, 一陣怪味, 中左伏!!! 蛋糕每款賣相精緻, 但味道都是一般般, 勝在有個位可以坐下, 冇限時交檯, 重點唔放落食物, 消磨時間算係一個唔錯既地方

甜。酸。苦。辣 - 我最鍾意嘅味道排位一定係甜甜啦😋Pancake、souffle、creme brulee、mille feuille、gelato 等等等等♥️我都好鍾意！新年對我嚟講最佳賀禮，甜的實冇錯，重點係要有質素嘅甜點賀禮😆哈哈！心意都好重要嫁！絕對唔好係陳師奶送俾黃老太再轉送出嚟嗰種😂收到「帝苑餅店」嘅蝴蝶酥 🎀 開心到爆燈！聽說，平時買已經唔容易，新年收到，可想而知送禮者係幾咁有心意🤩有原味同埋芝麻兩種口味，我個人就覺得原味已經好好味⭐️⭐️⭐️⭐️⭐️好重牛油香，亦都好鬆好脆！正呀👍🏽