帝苑餅店

营业中

休息中

朋友送上的Mango & black sesame Cream Cake(Marble style）看上去美美的，雲石面加金薄，清雅帶點貴氣，加上黑芝麻配芒果，吃上去濃濃的黑芝麻加甜甜的芒果肉，這配搭確有驚喜，除美美的雲石面裝飾糖皮較甜外，整體味道及配搭都很好，喜歡喜歡。

今次經朋友介紹了帝苑酒店嘅蛋糕, 咁我就試下先。係網上面訂咗一個＜芝麻脆片比利時朱古力蛋糕>蛋糕外表簡約時尚, 外層係用比利時朱古力包住， 而內層切開， 一層朱古力mousse ，幾層海綿蛋糕 ，夾雜住啲芝麻。味道方面朱古力味不太濃 ,因為配合住咗芝麻。還可以寫埋生日牌…奉送蠟燭及刀……係生日蛋糕不錯嘅選擇

帝苑餅店係酒店附屬產物, 由那裡出了個香港土產餅神之後, 轉接再脫變成現在這華麗的外型, 每日的產量應該幾駭人, 如果你在中午飯後左右到現場見到一車車由餅房推出來嘅"貨"! 而其中占大部份的都是拿破崙餅, 春天係士多啤梨旺季, 好自然整間餅店會被士多啤梨香氣彌漫着,今年太座送嘅生日餅居然係好久不見的士多啤梨拿破崙餅, 由於是即日食, 整件餅filo 碎片好乾身, 餅房忌廉係融和的口感, 而這吉士尺忌廉跟每一夥士多啤梨是完全填滿空間, 令客人切餅時的難度倍減, 但每次當切這餅時還是必須一些額外的道具, 調整呼吸後才切下去, 不同餅店出品的拿破崙餅都有不同的難度而帝苑的士多啤梨喺呢十年左右的確係改良咗好多好多, 每一粒都係多汁豐滿,外形大小一致, 整個餅的每一個細節九成完美,

青蘋果芝士蛋糕🍏🧁呢個係人氣極高嘅青蘋果芝士蛋糕🧁，外表形象似一個青蘋果🍏，其實係白朱古力做嘅，外表精緻，非常𥄫睛👀入面就係酸酸甜甜嘅cream cheese🤤，裏面就有蘋果肉😚，cheese上仲有一啲脆粒牛油香😛，不過我個人建議唔好食晒白朱古力蘋果面，因為真係好甜好膩🙊開心果芝士蛋糕🥜🧁呢個係一個特別限量版嘅開心果蛋糕🧁，外層係開心果味嘅朱古力包住裏面有蛋糕🍰，上面有嘅 Raspberry🍒同埋 strawberry 🍓，而開心果味朱古力裏面有一啲 nuts 係有咬口嘅🤭，裏面係一個蛋糕在底層有朱古力脆脆🍫，層次感好豐富，值得一試💁🏻‍♀️

如果你同我一樣 覺得蛋糕太多cream 好滯嘅話我相信你會喜歡帝苑嘅拿破崙蛋糕佢係我食過最好味嘅蛋糕一層層嘅拿破崙好鬆化 一啲都唔油膩啲士多啤梨仲要唔酸添大家一定要買呀提提你 每逢節日都好難買架所以要記得預約啦仲有仲有帝苑個蝴蝶酥都好好味架 要試要試！

《帝苑酒店high tea》快閃high tea 9個字，食個cake🍰☕️我個拿破倫脆💥到我傾唔到計，好正，加埋杯latte ....yum yum😋好滿足喔！雖然坐嘅環境一般，有幾張枱坐下，擺明唔係比你嘆茶嘅地方。不過對於媽媽黎講已足夠，有個地方比我地坐低食完就閃。靚媽朋友就叫左個佢至愛嘅hazelnut cake，當然大家都要外賣多幾個cake番去比老公同小朋友啦

囡囡生日的正日就跟她去了迪士尼酒店吃晚餐. 由於當日沒有預備蛋糕, 感覺好像欠了什麼似的. 故此, 今天就到了帝苑餅店買了一個芒果拿跛倫回家一起吃. 一進入店舖, 就發現它多了蛋糕以外的東西售賣. 這些東西從朱古力到週味料都有, 而且質素相當高. 其中最吸引的有曲其, 蛋卷及蝴碟蘇, 打算吃完今天買的芒果拿跛倫再回來試試. 說回這個芒果拿跛倫, 真的不好意思, 沒有拍照全個蛋糕. 因為賣相實在美觀, 囡囡變得很興奮, 急不及待已經把它切開及放進口中. 現在來說說口感, 吉士很軟滑, 芒果很香甜, 酥皮亦很硊. 整個蛋糕盛惠差不多HKD400, 以一個酒店餅店的價錢來說很合理, 而且味道十分好, 個人認為很值得試試. 

坊間賣蝴蝶酥嘅餅店不少，蝴蝶酥更加成為其中一種熱賣嘅香港手信。多年前已經試過四重奏嘅蝴蝶酥，好記得當時仲成日賣到斷貨，要訂先有，當時一試印象深刻，香甜酥脆停唔到口，鐵盒裝成為我當時嘅送禮首選。隔咗幾年冇食，今個新年，朋友新咗盒蝴蝶酥俾我，一望盒面，原來係近來經常俾人拎嚟同四重奏比較嘅帝苑餅店。同樣鐵盒裝，一打開盒已經聞到好香濃嘅牛油味，每塊蝴蝶酥都整齊緊密排列好，用盡盒內所有空間。造型比較圓身可愛❤️帝苑嘅蝴蝶酥食落更酥脆，牛油味更香濃，甜度亦比較啱我口味。

情人節lunch buffet咁即係OpenRice有六折橋旁😃😃熟食方面不太多選擇，只有海南雞飯和燒味拼盤。刺身方便選擇不算太多，有三文魚帆立貝。不過味道尚算新鮮乾淨。最令人滿意的就係甜品選擇非常多，即叫即整的班cake，有20幾種蛋糕選擇，而且最令人難忘的蝴蝶酥曲奇🍪。Häagen-Dazs雪糕🍦冧酒提子味😍 電話預約可以安排窗口位最適合不過😊😊有OpenRice折扣平均一個人$270左右

依間嘢, 好味既.佢最出名係果個乜嘢拿破輪.係好出色既...面脆, 中間吉士香滑, 個底又脆番, 真係抵死.仲食咗個乜嘢開心果乜乜乜, 個糖衣真係好香開心果味, 老實講都有少少喜出望外. 因為依D綠綠地色的脆皮, 多數都係屎黎既, 冇諗過咁香開心果味. 裡面酸酸地果醬, 好味, 都好夾.個囡食咗個rasberry rose乜乜乜, 唔記得喇, rose味係幾夠既, 但唔係我杯茶, 一般喇.我地dine-in, +10%, ok喇, 會回頭既.

之前黎呢間餅店通常都係買拿破崙蛋糕同埋蝴蝶酥，因為出名好食，今次係網上訂蛋糕的時候見到佢出左一個仿雲石面既蛋糕，於是今次生日，朋友就特別為我買左呢個蛋糕俾我試下!Mango & black sesame Cream Cake($480)，蛋糕面的顏色都幾靚，灰灰地白白地既雲石面，但佢同出面雲石面的蛋糕唔同，佢上面果層其實係糖霜來的。蛋糕底部有條好似麻繩的裝飾，其實都係由糖霜整成的。蛋糕入面有4層，兩層係黑芝麻，另外兩層係芒果。外層仿雲石的地方由於是糖霜，所以好甜。但內裡黑芝麻餡料唔太甜，芒果係甜的，唔係酸的，海綿蛋糕鬆軟，所以都不錯!不過就衰左係個雲石面到啦!下次如果再揀，我都係揀返拿破崙蛋糕比較穩陣!

今日和同事路過見到好多款式、好吸引，色彩鮮豔、精緻，本來是買走帶回公司慢慢食，之後發現可以坐下來在餐廳食，我們便決定坐底食之外，再加杯咖啡試試，店舖都已經是聖誕節氣氛，我同事點了拿破倫，我就點了個伯爵朱古力（因為不太記得名字），一杯美式咖啡、一杯泡沫咖啡。先講件拿破倫，個酥皮做得起好，看得出一層一層既酥皮好脆，唔太甜，連男同事都話好正，另外個伯爵朱古力就外觀好得意，好奇才點了這個，完全沒有伯爵茶既味道，朱古力味係好濃郁，至於咖啡就一般般。

呵呵呵阿姐又大一歲了！友人本來想surprise 買蛋糕俾我，但係我咁醒目唔小心踢爆左！既然都踢爆左，不如就唔好俾surprise 啦由我自己選擇返個蛋糕啦平時都係食連鎖餅舖既蛋糕，今次到自己生日梗係要食d 唔同d 架啦我㨂左bailey cheesecake係唔係好靚呢我好愛個蛋糕呢個蛋糕好香咖啡味，bailey 味重，餅底仲有咖啡粒磨出黎既粒粒如果鐘意食咖啡我highly recommend 食呢個cake上面個兩舊macaron 我唔會用正常standard去評，因為又放左入雪櫃又室温又放返入雪櫃一定無平時買到個d 味道咁好不過都surprisingly 唔會濕，咖啡味，個邊仲有少少脆真係估佢唔到呢個蛋糕係岩鐘意食甜、同埋接受到咖啡味既人order 既～

踏入年尾，親朋好友既生日，已經排山倒海輪住嚟😅11月只係過左半個月，已經食左三次蛋糕🤪而三次既蛋糕都係同一間，就係帝苑餅店，點解三次都係同一間餅店，梗係好食啦，拿破崙超晒班，食幾多次都好好味，真係不得了🤣另外Bailey's Cheese Cake都唔錯，希望生日主角會鍾意啦☺️

呢日我地一班同事約左出來食飯, 順道慶祝其中一個同事生日~咁我地就喺帝苑餅店買左Strawberry Napoleon同佢食~Strawberry Napoleon ($390)真係唔講得笑, 喺我未食過呢間嘅Napoleon之前,我一直都覺得Napoleon係一般嘅貨色~一層層酥皮想脆又唔夠脆, 中間夾住d cream又好膩的樣子~但我食過呢間之後, 我先發現,原來Napoleon 係可以咁好食嫁!佢外表好靚感覺高貴不在講,佢個味道真係好食到連我男友唔中意蛋糕,都話佢超好味!佢d酥皮一層層, 層次分期,層層入口時都仲好鬆脆!中間夾住d cream, 一d都唔膩,好香甜, 連d酥皮一齊食真係好好食!其實我之前已食過芒果的~今次食士多啤梨的, 2個都好好食!都好match!如果想食Napoleon, 真係要喺呢度買!蛋糕可以上佢官網訂左先~而去拎蛋糕嗰日, 我地仲買左盒4 Assorted Butterfly Cookies 食!4 Assorted Butterfly Cookies  ($198)我之前未食過的~ 但呢間d蝴蝶酥真係冇得輸!所以難怪佢地自己都喺官網寫:"帝苑酒店蝴蝶酥