帝樂 - 德國餐廳 (美利樓) (已結業)

已經很久沒有到赤柱，赤柱大轉變，開了很多間新餐廳，變得很像一個新地方了。原先我們想吃意大利焗飯，所以先到美利樓一樓，但那所餐廳的菜式選擇十分少，走到二樓看看，據說這所餐廳最出名的就是德國豬手，想也不想就進門了。原先我們想點一個沙律一個豬手，但看到menu在豬手旁邊寫着是給一至兩人用 (一般西餐都是十分大份)！所以我們都決定稍後再點沙律，果然這個決定是沒有錯的 因為一隻豬手已經十分大碟了！第一眼看到豬手十分驚訝，以為成盤都是肉！幸好原來內裏還有一舊很大的骨頭。第一口吃下去的時候發現豬肉味十分重，應該不是冰鮮貨，而且肉質也不會很老，用叉子便很容易可以把肉分開。不過，他的皮就硬了點，即使用刀也要用九牛二虎之力才可以把它切開，豬手皮黏着'骨膠原，味道十分豐富，食下去時十分香脆。豬手旁邊更有酸菜和薯塊做伴碟，我們二人最後都吃不下全部。同時價錢還算合理，大約二百多塊一碟，與坊間其他餐廳算差不多吧。

難得同老公拍拖，不如入下赤柱行下順便食埋飯，想食德國菜，就選擇依間、入去巳見有得唱歌，裝修好靚，叫左咸豬手，waitress 仲幫我地切開，好脆，入口好香，好大隻，我地兩人食唔哂，三文魚，肉質好，鮮美，仲叫左幾支啤酒，係咁柔和架環境下，好滿足

入赤柱，當然要去美利樓食King Lidwig 啦！有分室內及室外的我們選了坐室外，比較有風味~~木檯子，木椅子，還有可愛的壁燈可惜餐廳用膠片封了窗邊，隔住膠片望海的感覺真的很麻麻...不然望著海景食晚飯，應該更有風味呢~先來的是農夫包配香草芝士及牛肝醬農夫包的麥味香濃，無論配上香滑的芝士還是甘香濃滑的牛肝醬都一樣好味下一味的是意式肉丸耳朵粉微酸的的蕃茄醬配上煙韌的耳朵粉，好滋味呀肉丸足足有四大粒, 煎得很香口~德國豬手，樣子十分對板，上枱時已經切好了，依然係熱辣辣的~~皮都ok 脆，但脆得有點韌，不是鬆脆的脆肉質頗幼嫩，鹹香好味~配上酸菜及炸得脆脆的薯仔食，好味呀~再來的是牛扒，是米飯班主指定的~牛扒烤得很焦香，一切開是剛好粉嫩的五成熟，不過肉味則不太濃....配菜是一個新鮮蕃茄，如果蕃茄烤一烤會更好另外有幾條蘆筍，多添纖維都是好的~~除了主菜以外，我們都想多添纖維，所以另外點了三碟配菜蒜片西蘭花，蒜片焦香，西蘭花爽脆，Good~芝士菠菜，芝士香濃又creamy，菠菜亦很軟滑，perfect match 呀！炒紅椰菜，紫紅色的很漂亮~紅椰菜炒得軟身入味，不錯呀~這三份質數高的配菜只是

夏天快到了，就襯著風和日麗的假日，與三五好友相約赤柱的這間德國餐廳，共進午膳。預先有預約outdoor，所以大約12點左右便進入餐廳，眼看不少人選擇了午式自助餐，雖然東西豐富，但我們最後也選擇了散叫，為了能更好好享受美食與美景。叫了兩杯麥啤，酒味不濃，小麥味也不濃，不過非常容易入口，而且很合襯味道偏咸的德國菜。對於喝慣酒的朋友未必喜歡，但對於不常喝酒的朋友來說，應該喜歡，容易接受，味道帶點甜。野菌沙律，其實沒有太特別，而且份量不大。勝在野菌炒得很入味與黑醋的酸，蔬菜本身的爽甜，非常合拍。麵包出場！上面掛著的心型麵包是啤酒麵包，老實說啤味就沒有了，不過麵包就好像剛剛焗好就拿上檯一樣，熱辣辣，很鬆軟！中間的是麵包條，有硬身口感的，也有穌皮的。下方就是農夫包了！其實焗到外皮非常脆口，有嚼口的那種，但包內卻鬆軟無比，而且有麵包的甜味。左邊白色醬是香草芝士，右邊淺赤色是牛肝醬。我個人喜歡芝士，芝士味不是非常濃郁的那種，卻是有持久的芝士香留在口中，但不少朋友喜歡牛肝醬，味道有些許像鵝肝！麵包上有小型葵花籽和鹽粒，有人或者會覺得太鹹，但只要咀嚼多口麵包，鹽粒自然帶出麵包的甜味。德國腸拼盤，我會說不少

近期工作忙爆，生活乏味，與友人即興的星期六番半日工，收工後入赤柱行下，食下。放放鬆，叉叉電！ 入到去已4點，去 Stanley Cave嘆左個tea, 再出發四圍行。晚餐就去食King Ludwing ！咁多間分店，最好食都係赤柱，水準就是不一樣！

第一之去赤柱, 咁去到呢間野食晚餐....點左幾樣野...農夫面包: 硬崩崩,味道尚可,口感差D,如果佢招牌係呢樣...咁我覺得已經失敗德國腸仔拼盤: 好普通到唔普通既野食,只不過街面小食搬上貴價餐廳上芝士唔知咩麵: 食落淋Baba  ,味道古怪, 食左4/5 就無食了沙冰: 只有呢個唔錯

特燈入赤柱試呢間德國野除左沙律同羊架 其他2款都較咸朋友說德國野都偏咸德國腸普通最出名的豬手不錯！上台時熱辣辣！正羊架要5成 變了接近全熟 麻麻地沙律反而最好食XD

美利樓是一所古蹟，保育就難不開商業化。內裡有些餐廳有露天位，可觀看日落，情侶們來浪漫下也算不錯。有些價錢比較貴，我個人認為這間價錢尚可接受。要享受環境，價錢又不是天價，食物味道當然也不能要求太多。總括而言，味道尚算合格。這客三文魚，沒有很濃的汁，可食到三文魚肉本身的口感和味道。薯仔餅雖然叫馳名，但我個人認為也是普通的薯餅，無勝人之處，而且口感有點油。    這客好似是其中一款德國傳統菜式，我之前也未曾在德國食過，所以無從比較它有多傳統。汁幾惹味，能增進食慾，德國雲吞口感幾得意，有少少彈牙。如果你問我喜不喜歡，我只能說入鄉隨俗，一試無妨。      豬肉好難咬，我只食了一塊便讓給朋友食。汁雖然算合格，但我不喜歡食太粗糙的肉。

因為一早book好位 所以唔駛等位 不過其實入到去都仲見到indoor有空檯 我係book左outdoor 氣氛好可以望下海麻一開始揀依間餐廳都係睇環境 同埋見佢有live band所以吸引左是日係慶祝男友生日 佢都幾滿意個環境 我個人都幾鍾意本身諗住outdoor會好凍 點知佢有暖爐 都幾surprise!仲有擋風玻璃膠 所以大家唔駛怕 outdoor都唔驚凍野食方面呢 我地都係懶得諗 又想試多幾款野所以叫左個二人set $588 有兩個前菜 兩碗湯 兩份主菜同埋有甜品 都幾完整 最衰就係唔包野飲同埋佢真係正如之前食評所講唔會主動提供水 所以要問佢拎 值得一提既係侍應既態度真係麻麻 無咩禮貌 仲聽到佢行過講粗口鬧人添-_-好啦講返野食方面 前菜係什麼紅酒醬伴肉片個人認為麻麻 凍凍的肉 味道酸酸 肉質鬆散 但男友發現配蕃茄味道幾夾 又真係好食d之後有個包 有兩種醬 有芝士醬同牛肝醬個包硬左d 不過好的地方係佢暖暖地 都幾好味個湯我幾鍾意 個大蝦湯 味道幾清 洋蔥入晒味隻蝦又夠大夠爽 可惜太快到 未食完前菜 令到個湯放涼了而前菜呢 有德國腸 豬手 西蘭花為一碟 德國腸同超市買的味道差不多

11月22日同朋友去了赤柱,之後搵食,朋友話未食過德國菜,就同佢來了這裏,我們兩個人點左一個湯,冬菇雲吞湯,一個細的什腸,一個豬手一齊食呀.其實可能時間太早,只是6點幾左右,餐廳好像還沒有開的樣子,有一堆仕應站著好似開會,我們問是否已可入座,跟住帶我們入座後又沒有給水...問了仕應還說客人沒說要水我們是不會給水的,我們就說要水,然後等左好耐,還要追才有.那碗冬菇雲吞湯好清,好普通的一碗湯,沒有甚麼特別,很簡單. 之後迷仔什腸,有幾款,每款兩條,一些薯仔配菜,腸OK呀,其實都是沒有甚麼特別的,加一些甜的沙嗲醬及黃介辣一齊食,感覺好一點.最後的豬手好大隻呀,好香,仕應幫我地切開左佢,嘩,真的好多肉,D肉好脆口呀,朋友話啖啖肉呀.兩個人食到好鬼飽呀,有一個仕應很好,我們要熱水,佢不停加俾我地. 還很有禮貌的呀.

兩個人入赤柱之前食咗D嘢，晚飯時間唔算餓，見到個豬手夠一至兩個人食，點咗嚟食。豬手超級香脆，但味道唔錯，但偏鹹，食到最尾太"漏"頂唔順，伴菜薯仔入口有牛油味，好正，但伴碟酸菜就不是我杯茶........餐廳入面裝修好有氣氛，好似真係去咗德國食飯咁，四周陳設明顯有用心佈置，值得一讚。最後食剩3分1隻，唔想浪費，麻煩侍應包起，但侍應包起後，明顯唔記得邊個叫打包，帶住份打包喺店入面四圍搵，但我叫都叫唔住佢，之後個打包就不知所縱。我就叫埋單，順口追下個打包，點知佢哋將隔離枱張單當係我哋，俾錯單。我哋叫侍應嚟，再一次追返我哋個打包，侍應答咗一句「唔係我做，我唔知道」，睇嚟呢間餐廳有必要重新培訓D員工........

今日同肥髀慶祝考試成績好！佢話要去德國餐廳食自助餐，因為要就魚佬放工，所以食下午茶自助餐！前一日打電話訂位！因為肥髀想坐室內卡位！（除非無位，我哋好少坐室外，夏天好熱好晒，冬天好凍好大風）餐廳話只要我哋準時三點到，就可以安排！當我到時！餐廳果然安排卡位比我哋！（果然有口齒）食物種類都唔少！雖然係德國菜！但其中都有啲日本冷麵，美國雜菜湯之類嘅食物！味道都可以！填補速度都正常！我食嘅食物溫度都啱，湯夠熱，香腸即燒！雖然只有兩款，因為夠熱，皮脆有肉汁！意粉可以自己選配料，廚師煮好後由侍應送上枱，我哋叫咗個忌廉汁及蕃茄汁！因為即煮嘅關係！夠熱又幾好味！自己最著重甜品，款式幾多，我試咗幾款，咖啡奶凍，麵包布甸，味道都可以！今次嘅驚喜係有dreyer's雪榚！雖然只有一種味道，但係都已經好驚喜！侍應好勤快，收碟都勤！因為餐廳內地台有啲暗級！侍應都會提醒！而且服務時都有禮！地方更加無得頂，我雖然唔係遊客，下午茶嚟講價錢係貴！但响咁靚嘅食飯！都係一件好開心嘅事！

今天天氣好舒服 雖然有點下雨了 但很涼快 我們四人訂了室外的位子 不會熱 有點涼風耶 望出去的風景是美麗的大海喔 好RELAX喔~!! 擺放食物的桌子在室內和室外都有 款式不算多 室內的都是 冷盆、沙拉、前菜、甜品、雪糕 全部都擺得好精緻 好美 好吸引呢~~ 所以我首先要來一盆《冷盆、沙拉、前菜》左上《HAM》的火腿味很香 但不會很咸 左中《鮮果沙拉》是我最愛的蜜瓜和哈蜜瓜呢左下《薯仔沙拉》酸酸咸咸的凱撒醬好好吃 中上《類似咕嚕肉的東西》酸甜的 味道很不錯 中間《煙三文魚小漢堡》三文魚味道好香濃        只是包比較乾 表妹說如果可以選 她會選擇單吃三文魚不吃包XD 中下《辣味螺肉》螺肉很爽脆彈牙 味道微辣 調味剛好 右上《生菜配凱撒醬》生菜很新鮮 配上凱撒醬的味道很棒 右下《凍蝦》大隻又爽口彈牙 蝦味很濃 很讚喔~~ 吃完頭盆 我們向室外的PASTA和燒烤開動 PASTA可以選自己喜歡的配料和意粉種類 配料的份量可以自己拿多拿少 還有紅白兩汁 有火腿、粟米、洋蔥、蟹柳、蘑菇、蝦、煙肉等 選好配料給主廚 做好會專人送到座上喔 =] 兩種醬汁都點了 我還是比較喜歡茄汁 味道比較濃 白

呢間餐廳嘅分店食過好幾次，聽同事講話赤柱分店有tea buffet，仲幾好食咁，所以weekend專程去赤柱一試。Tea buffet 由3點鐘開始，至4點半。$168+1。由於我哋冇訂位，店員叫我哋2：45 walk-in 等位。2：50已可以入去坐。呢度樓底高，亦有好開揚嘅景色，環境較分店佳。Buffet開始，差唔多已坐滿人。費用包1杯飲品，可選啡茶同啤酒。德國啤酒出名好飲，咁梗係飲啤酒啦！不過味道同普通啤酒差唔多，唔似真正德國啤酒咁清甜。沙律有4-5款，亦有好幾款特色醬汁選擇。冷盤有少量煙三文魚同ham。甜品選擇則較多。熱食有5款，但同＂德國＂好似冇嘜關係。炒椰菜花、甜酸魚柳、咖喱雞等... 仲有春卷同咖喱角呢啲小食，好似去咗酒樓食自助餐咁。最＂德國＂嘅腸喺outdoor area，約有4款，仲有燒雞槌同ribs。唔知係腸燒得太耐、定係腸嘅品種唔同，總係覺得冇散嗌咁好食。好似有層較硬嘅衣喺面咁。至於燒嘅肉類亦冇嘜特別，唔夠入味，ribs啲肉都幾實。最好味應該係個意粉。入座時店員會俾張飛你攞意粉用。燒烤區旁有個凍櫃，入面有8款配料如粟米、煙肉、蝦等。自己揀完就俾廚師整，有白汁同蕃茄

之前食過一次既餐廳，那次是個別點菜的，望到別人BUFFET，好似好多野食，於是決定下次來必定揀自助餐。今次是隔多月，再次光臨，因為到步都差不多兩點多，食LUNCH好似唔係好抵，因為好快到下午茶時間，佢地2:30PM開始派飛，到3:00PM先入得，可以行下先。3:00即刻有得入，一坐低，WAITER交底每人一張飛，原來係到出面拿SPAGETTI用。我緊係最先COUNTER睇下有乜食，海產類的只有一碟蜆和一碟蝦，都無失望，因為我都無諗過會有三文魚等的魚類野。新鮮菜都有兩、三盆，包括椒類，只是雜菜和水牛芝士蕃茄合胃口而已，不過芝士太細，一個五亳子大小。有其他小吃，日式的海帶，懷疑這是否德國餐館﹗而小吃中頗喜歡火腿，咸淡適易。還有三、四盆熱食的，我本身食自助餐就只選特式野食，所以些都是看了看罷了。來了一輪菜和小吃後，我轉戰多面COUNTER。外面有意粉和德國腸，上之來吃一碟腸便百多元，今次想食個夠，WAITER每樣比左一條，有雞、牛、豬，每樣都試勻。意粉原來係自助形式，自己選要材料，有蜆、蝦、煙肉，菇等，廚師先生問你要白汁定紅定，我揀左白汁，佢地煮好會送上，都幾快手。講起意粉，可能係全餐中最好