帝樂 - 德國餐廳 (美麗華廣場) (已結業)

法國菜是浪漫，意大利菜是細緻，德國菜是粗曠。香港的西餐廳，從來都是專做德國菜較少。此店由集團經營，能做到性價比高的德國餐廳。對比尖東，赤柱美利樓分店，此店較方便，是聚會詳談的好地方。平日以98元半自助餐招徠生意，多上班族來午膳。晚上設有樂隊駐場，吸引聽歌客，並有平台經營酒吧，吸引煙民。磚牆設計帶出粗曠風格。以棕色為主調，中午時雖引入光線，仍保持昏暗的幽雅格調。中德餐比較🍴德國人最喜食豬，咸豬手名聞遐邇，處理豬腩手法似中國人，以針處理豬皮，才加以焗製。我點選主菜是豬頸肉，可蘸蜜汁或芥末。豬肉質鮮嫩。德國菜質樸，要食客自己調味。其次，德國人儉樸，會把豬肉製作香腸以加長保鮮期。法蘭克福腸舉世聞名，傳到美國促成熱狗的發明。在此可多試數款香腸，欣賞德國文化。再其次，德國人喜製酸菜，以便每日有蔬菜進食，與中國人亦相似。伴與香腸一齊食，有德國風味。德國人的酸瓜亦隨漢堡包傳到美國。其四，中德均有薄餅，德式薄餅餅底是薄而脆，十分香口。其五， 中德均重食薑，德國薑餅成聖誕節美食。今日有豆蓉湯，更有甘筍薑湯，少許薑味，色澤美麗。每日均有一款肉食無限量供應，今日是炸魚。魚較薄身，沒有特別。如該日是燒焗脷，肋骨

原本用餐時間兩小時但用餐開始一小時後便問了五次食不食甜品說話要非常大聲不然聽不到朋友說話因為歌手唱歌太大聲豬手很脆皮但膻味很重香腸拼盤是十分普通的香腸是pasta 比較好

今日同朋友黎慶祝生日，我地book 左位然後要等夠鐘先有枱。店員見我地早到安排左我地係outdoor 坐住等幾細心。環境好靚好舒服...重有live band ，比較少商場餐廳會有。呢到既份量都唔算大，如果人多可能要叫多少少。Fish & chips德國腸拼盤比相像中少腸類同份量比起其他德國餐廳太少了。脆皮燒豬肘個皮燒得好脆，肉質都幾淋又唔會乾身。不過唔算多肉，唔係幾夠食。薯餅配蝦&帶子比個圖吸引左...幾好食但唔夠喉因為朋友生日關係...有壓軸既生日歌環節😂😂 如果想朋友有難忘生日，真可以黎試下。唔想買蛋糕既話，可以叫dessert 要求寫字。

係美麗華行完街 見肚餓望下水牌有乜野好食，咁岩見到呢一間德國餐廳幾吸引，所以就入去試下。溫馨提示 事前記得book位，因為我地一行8人入去咁岩有人取消booking先入到去。環境不錯，氣氛相當有情調，仲有樂隊表演(提外話，表演個男人幾好歌喉）咁我地叫左幾樣食物，以下逐一介紹芝士煙肉焗蠔蠔好肥美，又多汁食落唔「流」必食推介煙肉三文魚洋蔥薄餅餅底好薄，好鬆軟，味道一流不過略微咸左d。羊架焗薯我認為個薯仔搶左做主角，太好食，又入味，羊架不過不失。德國腸拼盤味道遍咸，要靠旁邊既酸菜中和翻先可以。普普通通之作同上，之不過係不同品種脆皮豬手外皮酥脆口感，肉質鮮美滋味，一流總括而言，呢間德國餐情調可算是滿分，食物質素對得住價錢，可以再試誠意推介比大家

今晚約咗朋友食晚餐，已經係第二次幫襯呢間餐廳，因為上次用餐後覺得唔錯，所以推介朋友過來食。夜晚七點左右就入坐，提早幾日訂咗位。今日朋友個仔都一齊去，坐低就有個短頭髮女仔侍應過來俾支螢光棒個小朋友，氹到個小朋友鬼咁開心，點咗幾樣嘢，個脆皮燒豬肘非食不可！層皮真係冇得頂！個pizza都係勁好食，個朋友讚不絕口！話想嗌多個添！其他幾樣嘢都算唔錯。最後講個甜品，個火焰雪山真係好好食，好耐冇食過咁好食既甜品，又大份！另外嗌咗個jumbo cake，真係超大份！我地6個人食兩份甜品都食唔曬！甜品水準比想像中高好多！另外，如果有朋友生日，係呢度dinner 真係好有feel，現場有樂隊献唱生日歌，超正！5個人加一個小朋友埋單$1400左右，用citibank credit card 減咗$400，好抵食！因為呢排做緊Citibank credit card 優惠！💳好耐冇試過咁愉快既晚餐，啲員工態度比出面啲餐廳好太多，回家途中朋友個仔話好鐘意支螢光棒，要多謝個姐姐，所以想係呢度同個短頭髮姐姐講聲多謝！

同朋友聚會 事前已經諗定想食德國大餐於是上網搵咗哩間飲品四杯飲品都好好飲 各有特色建議好似我哋咁Share飲可以試多啲炸魚薯條炸得好香脆 煙三文魚德式風味脆烤餅餅底好脆 厚度適中上面嘅煙三文魚同配菜都好足料味道好夾 德國鹹豬手食德國餐 梗係要食德國鹹豬手啦哩隻鹹豬手夠曬入味 外皮好脆入面啲肉好嫩滑伴碟嘅薯仔都好夠脆 好好味

有些事情就是一不離二，早陣子才到訪過德國餐廳「Schnee German Restaurant」，估不到事隔不久，有機會來到尖沙咀美麗華商場的「Prost by King Ludwig」再嚐德國菜。餐廳位置不好找，但環境非常有氣氛，不單地方闊落，裝潢有格調，更設有大型露天花園。今晚菜式由友人發辦，我們一眾人就等着食物上桌。人多的話，最好先來一客「巴伐利亞煙肉及芝士碟」（$175），有煙熏肉腸、火腿、芝士……等等，全是較少吃到的食物，一邊交談，一邊淺嘗，是很好的開場，亦是很合宜的佐酒小吃。來吃德國菜，沒有吃德國鹹豬手，似乎若有所失，「脆皮燒豬肘配酸椰菜及薯仔」（$225）隆重登場，不用多說，豬手會由店員即席切成小件，而豬皮可以說是爆脆，鹹香入味，又不油膩，肉下脂肪猶如食下骨膠原，肉質軟腍，伴一些酸菜消消滯膩。下一道菜「烤德國雞配新奧爾良焗飯」（$195）較有趣，是德美混合菜，飯粒有用香料煮過，入口微辣帶少少濕潤，而且鮮味十足。除了有烤雞，還有風乾腸、毛茄、珍珠筍、檸檬及焗蒜，賣相十分吸引，烤雞亦焗得焦香，皮脆肉嫩，很豐富的一道菜式！來吃德國菜真不可以人少來，除了不夠氣氛，亦因為德國菜份量

第二次去這裡食晚飯，因為與朋友們一起夾錢做King Parrot會員，貪佢有優惠，食物又唔差呢！不過今晚真係好嬲！1）昨晚唔多人，見到侍應無嘢做，行嚟行去，但係坐咗好耐，都無一個侍應給我一杯水，要叫先至有！（今時今日咁嘅服務態度，我只能講：「無得頂」）2）因為坐得近門口，有些熱，我要求換位（因為我見今晚有好幾張枱無人坐，我才會問），侍應答：唔可以，因為有人訂咗），如果訂位可以選擇位置，點解我朋友訂位時，你唔講呀？(大家都是6人枱)3）今晚豬手失準，我有點失望！豬皮唔脆（豬手係呢間餐廳的招牌菜之一喎）大家都知道香港已經係物價高的地方，呢類餐廳食飯每人平均消費都要二、三百蚊，還要收10%服務費！無收加一的茶餐廳，食客一坐低，侍應就會給你一杯茶！這是基本禮貌和服務，唔係咁都要教嘛？我都唔明差到幾乎無服務的餐廳，還好意思收服務費，試問怎樣介紹給朋友呢？如果我們繼續保持呢種服務態度，我們的香港還有吸引力嗎？連本地人都接受不了，試問如何給遊客留下好印象呢？This is the second time to dine out with my friends at this restaurant,

上次行過見到呢間，朋友話佢食過尖東店唔錯，今次就推介我地試下。一入去已經見到有live band表演緊，但因為呢度有outdoor可以揀，壽星話要坐戶外，超怕熱嘅我都要聽話啦，咁又可以靜啲傾下計。 其實都有好多把大風扇架啦，但可能真係太熱，我一啲都感覺唔到啲風...我地嗌左四樣野:豬手，pizza，薯餅，面團，當然唔少得啤酒啦~首先上嘅係肉丸面團，order嘅時候侍應已經溫馨提示左呢一道菜係比較濃味嘅，但一入口都真係嚇一嚇，不過唔難接受，仲愈食愈好味。跟住呢個煙肉蛋薯餅，最鐘意食炸野嘅我比塊薯餅吸引住，雖然係普通野但我好鐘意！ 呢個pizza可以再加配料，我地加左火腿，一上見到切開左12份，細細件好方便食，而且鐘意佢係好脆，但脆得黎又唔乾，值得一試。豬手出場，其實我麻麻地鐘意食佢啲骨膠原，我覺得太黏口啦，所以我揀左食肉，啲肉都好滑，唔錯！呢度有幾款德國啤酒，飲下傾下我地都坐左三個幾鐘先捨得走，雖然真係好熱，但呢餐感覺良好，天氣涼返啲嘅時候可以再黎多次~

其實耐唔耐想放肆食好野時，我都會和同事去呢間餐廳食半自助午餐。因為佢的半自助食物已經足夠令一個女士食得飽飽，先講餐湯，今日是番茄湯，最愛食酸味的我最為欣賞，湯味偏酸，充滿番茄味，很開胃。講番半自助午餐先，在不選擇食主菜下，佢包自助沙律、餐湯，飲品同甜品，好抵食。沙律bar 有好多食物，沙律都有4-5款選擇，我就食了沙律醬伴生果粒，生果新鮮又甜，而沙律菜都好新鮮，加埋自選沙律汁食，一流，而凍盤的長通粉幾好食，通粉軟硬適中。沙律吧還有麵包、pizza、炸物及德國腸，我選了煙三文魚包，細細件，一啖可以食晒，麵包非常鬆軟，可以再encore。而炸物我食了好似麥記之麥樂雞，新鮮炸，熱辣辣，好好味，加上德國腸，腸味濃，再食埋parma ham, 已經好滿足，沙律吧食完2-3round 已經好飽，唔駛食主菜，所以我通常食沙律自助午餐。最後點了凍檸茶，茶味都ok,而甜品是tiramisu,有驚喜，唔太甜，好食。

朋友慶生，一個30度嘅晚上，選擇咗坐outdoor，一來可以吸煙，二來室內有live band，對於想傾計嘅我地嚟講太過嘈。雖然outdoor有幾把風扇，但實在不太感覺到有風吹，而且仲愈食愈熱 。我哋三個女仔叫咗四個餸， 豬手，pizza，薯餅， 麵團， 另外仲每人叫咗兩杯德國啤酒， 開頭仲擔心 四個餸會唔夠食， 但結果啲餸幾大碟， 最後食淨咗外賣返屋企。 之前食過尖東站分店，相比之下，個人覺得尖東分店比較好食，而且menu較多選擇。 值得一讚，嘅係 服務員態度好好， 而且當晚光顧嘅客人唔多 ，唔需要等位， 喺尖沙咀嚟講算係一個唔錯嘅晚飯選擇。

日本朋友黎香港玩, 一班朋友同佢黎食德國菜. 呢度的裝修夠氣氛. 而且重有live band. 令人有置身國外的感覺. 若果坐outdoor應該會更有味道, 不過天氣開始熱都係坐裡面有冷氣比較爽.由於人多關係, 長枱傾計有點困難. 所以選菜方面由另一邊朋友負責. 我們來吃.食品太多不能每樣介紹. 但食得德國菜唔係唔叫豬手呀? "脆皮燒豬肘配酸椰菜及薯仔" - 呢個菜需要比較多時間去處理. 所以一坐落, 店員已經話呢個可以先落單. 但最後先出場. 一黎到侍應會比我地望一望, 然後就會幫你即場切開. 不過切開左還是很大份. 啖啖肉. 個皮脆之餘都有點煙韌. 若果一早上的話食完佢應該都飽左1/3.  終於都明白最後出場的原因(笑).另一個食德國菜不能沒有的就係德國腸. "德國腸拼盤配酸椰菜及燒薯、薯仔沙律"個薯仔沙律黎到時大家勁係度猜咩黎. 試完之後的評語係薯仔. 但係又未到薯蓉的程度. 需要咀嚼的.德國腸拼盤上有好幾種腸. 係朋友的傳送下, 試左幾款. 雖然分辨唔到. 但全部味道都不錯. 鐘意飲酒的話. 搵佢黎送酒一流. 呢度的腸仔比我想像中味道正常, 因為試過另外的店鋪, 呢類腸仔都咸得

唔係韓國菜就係日本料理，悶唔悶啲呀？今個生日飯黎個徳國菜‼️即場屠宰徳國咸豬手就不在話下，仲有非常熱門嘅足料烤餅🍤🍕同釀飯🥘，真係另一番風味！ 非常足料唔係講笑。飯粒沾滿微辣醬汁👍🏻烤餅香脆，配上彈牙蝦身，唔錯！🍺🍺🍺‼️另外依度有一大張長型枱滿足晒你咁多人嘅需要，酒杯份量可以大到你隻腳掌咁大，氣氛勝於一般街bar👍🏻想傾幾耐都得喇！因為係生日飯，所以唔想再食美心生日蛋糕。依度只要嗌甜品嘅時候叫佢插支蠟燭，明晒！蛋糕甜品送上時自動配上現場Band隊配樂，成間餐廳無人唔知你生日，so warm🙈生日個位仲有神秘Mission，包保難忘🎉 有service charge噢。

Thanks my friend brought me here, it was really a fantastic night. They had live band even in weekdays, music was good.I love pork knuckle a lot. My friend ordered for me. The skin was crispy, meat was soft, good and tasty . I don't drink alcohol much, we had s summer mocktail. It was a bit sour, so fresh.

Prost By King Lugwid位於尖沙咀美麗華商場入面一間德國菜嘅餐廳食德國菜通常大家都必定會叫豬手同埋腸依度嘅豬手 即叫即製 製作需時 需要耐心等候差不多食曬成餐飯到最後先來但完全冇令我失望熱辣辣 外皮脆卜卜肉質嫰滑 火喉剛剛好份量都幾大份凱撒沙律配蟹餅個蟹餅好好味 味道又幾夾我地亦叫左一個pasta係手撕豬肉波浪麵波浪麵幾特別 味道不錯Side dish點左薯條侍應仲好有心思將茄汁整成笑哈哈圖樣㖭甜品揀左朱古力窩夫配草莓雪糕仲有醬同埋蛋白cream點個窩夫唔算脆 但個雪糕又幾好味餐廳有室外室內座位室內仲設有一個小型stage有一男一女外籍人士駐場唱歌唱嘅歌曲都比較流行而且唱得真係幾好聽當晚食飯有幾枱客人都慶祝生日會有即場互動超有氣氛不過依度就未必適合靜靜地傾計嘅地方環境氣氛： ★★★★☆食物質素： ★★★★★服務態度： ★★★★☆