帝樂德國餐廳 (Fashion Walk) (已結業)

今日慶祝朋友生日，之前喺網上見到呢間餐廳有優惠，身份證號碼及字母，只要中4個免費送德國脆皮燒豬手，我哋嘅壽星仔剛好中哂，見佢有得送德國脆皮燒豬手 ($240)，好似幾抵玩，咁就一於book枱啦！去到餐廳佢安排嘅位置唔錯，u型梳化俾我哋五個人啱啱好，在場嘅氣氛都唔錯，嗰晚都好似聽到兩至三次生日歌，同埋場地會有live show,雖然聲浪有時幾大，但的確幾適合慶祝生日。食物方面豬手的確係佢哋嘅招牌菜，外皮鬆脆，贈品來講佢算高質，其他肉類同沙律就不過不失啦，最後埋單請埋朋友都係每人$250左右，所以我都幾推介想慶祝生日嘅朋友嚟呢度食飯，夠飽夠抵食！

又係我介紹嘢食今次來到銅鑼灣係一間食德國嘢嘅餐廳其實都冇乜期望因為除夕通常都係又貴又唔好食不過有一次食lunch發現佢有一個dinner set七百幾八百蚊兩個人都算係合情合理不妨一試嘅心態就訂咗四位嚟食預先都有照呀一隻德國豬手 其實我哋總共嗌咗四個餐 應該係四個主食佢個除夕嘅牛扒 set 非常之好 可惜 牛柳配大蝦 牛柳硬度 好似食牛肉乾咁 就有啲失望啦 至於魚 煮得都ok 因為我就好憎食魚嘅 好怕魚嘅腥味咁呢個魚又唔腥喎 反而最有驚喜 就係個德國豬手皮又夠脆 肉有夠嫩 基本上 對住個德國豬手 我都係食唔停食完又食食完又食呢一餐比我想像之中好 甜品ok如果你問我我唔可以話佢好好食呀 但係喺價錢上面同埋食物質素而言 都可以食嘅 大家都可以去試下呀

今日去左銅鑼灣食德國野， 呢間鋪幾間分店，之前都試過， 都可以。叫左個豬手， 枱枱都叫， 不過好唔好彩我地漏左單， 算啦咁有無酒精啤酒， 味道同有酒精都接近一樣。 幾好。碟腸都幾大碟， 但我覺得條條都冇乜大分別， 味道普通呢啲拼盤都冇乜特別。呢個包個鵝肝味醬都幾香， 幾濃呢個好普通火焰雪山， 慶祝生日可以加20蚊寫名， 仲有專人為你唱生日歌添。

今晚相約朋友在銅鑼灣看戲順便晚飯直落，看完神級歸位後都晚上十點多，朋友說像餓鬼的我們同食極都唔飽怪獸的你不如去試下德國豬手啦～又幾好主意喎⋯⋯就這樣～行了去維園方向望到公園入口位置的德國餐廳取位，餐廳裝飾得好有氣氛而且還有live band 現場唱歌。我們選了戶外位置坐，有小小微風而且看到街景不錯～不錯。餐牌都未看就來個啤酒飲著一同研究，先係點了脆皮德國咸豬手，細的雜錦德國肉腸，最後就係薯條雜錦拼盤。整體食物質素相當好而且服務做到滿分添，豬手送來會現場幫你分好方便客人進食。薯條雜錦拼盤內，雞翼同薯條我比較喜歡配醬汁不會覺得熱氣而且炸得皮脆肉嫩又金香。而這道雜錦德國肉腸便可以嚐到不同口味肉腸真係要試一試，整體好滿意好滿足三五知己聚會首選地

環境4分：德國式餐廳格局，主要係木枱木櫈，大部分都係木嘅裝修，坐落比較舒服。夥記著住制服，大大杯啤酒攞出攞入，好有氣氛，可以畀四分。衛生4分：正常歐洲西式餐廳， 衛生情況唔錯，所以畀四分。服務5分：用心解釋今期嘅優惠，而且快手快腳，可以畀五分。味道4分：1)      豬手原隻上畀你睇完之後，就幫你切成一舊舊，份量都足夠兩個人食，但係可能焗得耐果頭，略嫌有D韌。2)      炸魚條配薯條，炸得非常脆，點埋D沙律醬非常一流，而且最好係免費嘅。3)      啤酒大大杯成一公升咁多，一晚飲一杯咩都夠曬喉，啤酒不太濃味而有淡淡嘅啤酒香味，德國啤酒的確利害，所以畀四分。抵食4分：呢期會員食滿250蚊送一款小食，我就揀咗炸魚薯條配薯條，呢個優惠都非常之抵， 而且happy hour杯超大啤酒都係一百多D蚊，會員仲有折，所以抵食程度可以畀四分。

很久沒有食了，因之前裝修，今日同家人去食晚餐。發現原來個豬手真係好耐無食了，真係好好好食呀😋😋😋😋😋😋。咖哩飽都超正呀，不過個意粉就好一般🤪🤪。還有一隊 live band 係度唱歌，好有氣氛👍🏿👍🏿

我今天做了表姑媽，因為我的表弟做了爸爸，下午跟家人一起去醫院探完BB一家之後，晚上靚嫲嫲帶了我們去吃咸豬手和德國腸！🐷🐷我從小就喜歡食德國咸豬手，小時候的我可以一次食一隻架！今次點了脆脆咸豬手、德國腸拼盤、燒豬肋骨、牛尾湯和德國麵包！這間店的脆脆咸豬手比我想象中好吃，外皮極脆不靭，肉地好軟好好味，食到停唔到口，份量都幾大，還帶了些回家吃！下次會約朋友再來這間分店再吃！

今天朋友請食飯 一行六人，大吃大喝之日， 睇見個餐牌全部都係肉， 男人多所以亂嗌一餐實有人包底海鮮飯 腸仔拼盤 德國咸豬手 羊肩併紅酒汁豬手 雜肉拼盤 肉丸pasta。。。 好多肉全部都係肉 如果真係要揀一樣。。肉丸pasta都算叫做好味純粹講氣氛這間餐廳係唔錯㗎 食物水準亦都不過不失， 但係冇乜驚喜囉 食完亦都冇一樣嘢係特別有印象話好好味好好味 真係純粹搵個地方可以坐一大班人飲下啤酒食下飯吹下水， 這間餐廳都係唔錯嘅選擇 額外一提嘅係冇酒精飲品選擇唔多， 亦都係普普通通嘅貨色。。。 冇乜出色嘅mocktails

Not a place I would go to for my after work sesh with my friends and colleagues.Poor food and hygiene.... heard workers from other stores talking about their hygiene issues as well. I hope it's not as bad as they meant. Alcohol and atmosphere are great but not where I would go for this price tag!

兩週年結婚，當天去完美食展、摩天輪🎡後，先生想食徳國豬手，不是berliner 就是King Ludwig ,打電話才發現港島區只剩赤柱和銅鑼灣king Ludwig. 聖誕夜只剩下outdoor. 那好吧，就訂枱8:00食嚇得我和先生只有聖誕大餐提供，幸好有a la carte,先生點了豬手、腸併盤、麵包圈、啤酒。未算坐滿人，但侍應不是很主動加水，而且好像常常漏了你request 的order. 如request ketchup. 放了聖誕節擺設，室外有暖爐，一點都不凍。麵包圈反而是我的至愛。豬手大大份，唯配菜的酸菜份量太少

同朋友慶祝生日約了7點,但遲了15分鐘到場,好彩都仲有得入座。臨近聖誕現場環境佈置都充滿住聖誕氣氛, 現場會有live band 即席表演。氣氛一流瑞士芝士麵糰配肉丸伴鮮茄汁肉丸夠彈牙,配著茄汁吃味道很好,不能與ikea 的相題並論。而芝士麵糰口感很特別,不會太粉之餘更帶一點Q彈,很有咬口。整體成碟也很高質。第二樣吃了德國腸拼盤,外皮好脆,唔會太咸,好好食而且一次過可以試唔同既腸,好好之後食主菜脆皮燒豬手,店員會成整豬手拎上黎,之後係你視線範圍內切豬手豬手的皮薄但好脆, 唔會有中式豬手果隻油膩感所以食完唔會有太大罪惡感而且肉質非常嫩滑，唔會好鞋,配酸菜同芥辣食一流而配菜有薯仔沙律,酸酸的感覺很開胃最後因朋友生日,所以點了火焰蛋糕拎完蛋糕出黎突然會有人出黎唱生日歌,帶動整晚的氣氛到達高潮。總括而言，呢間餐廳用黎慶祝生日真係好好，食物環境，氣氛也一流。

今餐係慶祝好友生日， 當然要預先訂位啦！基本上唔洗等就直接有得坐。Happy Friday 餐廳有活動，有live band 又有MC 帶遊戲。一心諗住黎傾計既我地就覺得有啲嘈啦⋯⋯(坐出面無咁嘈，不過係正highway隔離，怕食塵)一行四位美女，叫左以下呢幾款：先講野飲： Arcobrau Weissbier , Hell Draught 非常推介呢杯啤酒，愈飲愈順喉，不知不覺都飲左唔少呀！再講野食：1) 期間限定既海鮮拼盤有八爪魚、大蝦兩隻、同埋三文魚等等配埋有栗米仔同秋葵。票米仔唔係平時罐頭果種味，唔知係咪新鮮既呢？2) 帶子意粉 呢個意粉就失色啲啦，外型單調，味道偏淡。 100個唔推介！佢其他前菜都好好食，唔好點佢呀！3) 德國豬手   食德國菜，點可以唔點德國豬手呢？上菜前 waiter 們會問需唔需要幫手切，唔想搞到雞手鴨腳既我地一口就話要啦。呢隻豬手皮脆肉嫩, 唔會有死咸既感覺。記得對上果次係出面食豬手，啲邊位會乾到好似牙籤咁，所以呢度已經做得好好啦。朋友一路食一路講：嘩 啲肉好嫩呀！點埋mustard絕對係一種享受。食哂咸野，當然要有甜品先至圓滿！深明我面前呢班女人係

又有好長時間未食過啦，今次食味道依然好正，豬手皮脆肉嫩，香腸食落都幾彈牙，酸椰菜消濟。豬手size好似細咗，不過就剛剛好可以食得曬，唔會浪費，德國黑啤好正，一個人就飲咗1L。下次繼續。

尋晚仲伏去左鰂魚涌某韓式餐廳“happy hour“，一碟翼两杯啤，四舊水。😬今晚要對自己個肚作補償。食咸豬手，德國腸，甜品，啤酒：700文好味。（一份豬手，二百幾，腸要百幾）可惜遲左一步，冇哂豬腿，剩得豬手。豬腿較多肉同多皮。食德國燒豬手，都係鍾意塊脆脆豬皮嘛！焗薯仔好回味，唔似其他餐廳用油炸，真焗的，外脆內軟，真正roast photos（英國Sundy roast 主角之一）。睇餐牌，以為好大碟，其實只係一般。豬手夠兩至三人食，啖啖肉，好昜飽。腸仔係迷你型，豬肉味濃，真肉腸（唔係茶記早餐果款，好味）例牌有酸菜伴碟，我唔係德國酸菜粉絲冇嘢講。甜品，經典黑森林蛋糕。🎂都好味，唔太甜，車厘子啫喱同酒味略小，重手少少就更好。其實，唔好睇少黑森林蛋糕，就因為係經典，要做得好唔易㗎，出面坊間MX....之類,食唔到囉！我個人會俾7分佢（當然係10公滿分啦）。舊蛋糕要100文。不過，有成近四寸高。算足本㗎。飽飽

今日夜晚約左成班朋友打羽毛球，由7點到9點打足兩個，打完個個都餓過餓狼🤷🏻‍♀️，就去左搵好野完。其實... 做完運動仲要咁夜就應該食light d既... 不過難得一齊食飯，我地就揀左食德國豬手✌🏻🐖餐廳位於維園對面，係銅鑼灣站行過去大約5分鐘，好方便。餐廳好大，outdoor都有好多位，不過夏天就比較熱，相信會少d人揀坐呢到😂Indoor area 比 outdoor 多座位，餐廳佈置都幾靚，好德國bar feel，有d鹿頭掛係場做裝修。餐廳仲有live band，比二十個like佢👍🏻👍🏻👍🏻 可能個台距離我地張枱比較遠，音樂聲音岩岩好，之前去過個d live band 餐廳都會比較嘈，難傾計，呢到就岩岩好。不過唔知坐台前會唔會嘈d呢🤔🤔叫左呢個肉丸麵團 (其實唔知係咪呢個名🤦🏻‍♀️，唔記得左，不過餐牌上有佢嘅圖) 麵團份量唔算多，味道都還可以，酸酸地幾開胃，肉丸就反而味道軟淡。黎德國餐廳食嘢，主角當然係豬手啦😍 呢到嘅份量係足一隻豬手，無翻4個人以上真係唔好亂嗌🤦🏻‍♀️server會係上枱前自動幫客人切好，如果要影相📸就預早講定啦😉 豬手炸得好好好脆，個皮咬落去卜卜聲好正，味道唔