帝樂德國餐廳 (Fashion Walk) (已結業)

今日慶祝朋友生日，之前喺網上見到呢間餐廳有優惠，身份證號碼及字母，只要中4個免費送德國脆皮燒豬手，我哋嘅壽星仔剛好中哂，見佢有得送德國脆皮燒豬手 ($240)，好似幾抵玩，咁就一於book枱啦！
去到餐廳佢安排嘅位置唔錯，u型梳化俾我哋五個人啱啱好，在場嘅氣氛都唔錯，嗰晚都好似聽到兩至三次生日歌，同埋場地會有live show,雖然聲浪有時幾大，但的確幾適合慶祝生日。
食物方面豬手的確係佢哋嘅招牌菜，外皮鬆脆，贈品來講佢算高質，其他肉類同沙律就不過不失啦，最後埋單請埋朋友都係每人$250左右，所以我都幾推介想慶祝生日嘅朋友嚟呢度食飯，夠飽夠抵食！