帝樂德國餐廳 (Fashion Walk) (已結業)

今日午餐水準備平日稍為遜色,主菜牛扒本人要三成.但今次我感覺大概已經六,七成,熱葷方面refill比較慢,餐湯係鷹嘴豆忌廉湯,源源不及磨菇忌廉或粟米忌廉湯,整體嚟講還算不錯的!

🇩🇪 帝樂德國餐外帶回家有一段日子沒有吃過德國餐了，內心突然有一股想吃的衝動，前陣子特意外賣回家與家人共享極富傳統的德國美食。點了餐廳最馳名的德國脆皮燒豬肘和德國腸拼盤。🌭 德式香腸拼盤(2-3 person) $280在德國菜中，香腸絕對是最受歡迎的美食之一，德國腸款式眾多，所以點選德國腸拼盤就能一次品嚐到多款口味。香腸每款味道都不錯，印象較深刻的是表面有交叉切面的德國金裝牛肉豬肉腸，肉味香濃，腸衣爽脆。另一款腸身較淺色的紐倫堡馬祖林豬肉腸亦充滿豐富的油香，味道濃郁。香腸配酸椰菜及薯仔沙律，始終腸類會偏鹹，建議配合德國麵包同吃。🍖 脆皮燒豬肘配酸椰菜及脆炸薯仔 $250德國餐必點的當然是脆皮燒豬肘，外賣回家後以焗爐稍稍加熱，豬手烤至外皮焦香酥脆，咬下時發出脆卜卜聲響，內裡充滿豐富肉汁。豬手足4人份量，非常抵食。怕膩的朋友建議配搭酸椰菜同吃，可以中和肥膩感。值得一提的是，店家提供的配菜份量十足，而且酸菜和薯蓉的味道都超讚的。🍝 卡邦尼意大利粉配半熟蛋釀大菇及煙肉 $175由於是外賣，賣相方面經個人運送後會有點走樣，卻不影響味道。大菇沒有想像中大，但卡邦尼意大利粉忌廉味香濃，意粉仍保持彈

生日正日晚上約7：30同朋友到銅鑼灣king Ludwig餐廳用膳，我好耐以前去過佢哋尖東分店，呢幾年未幫襯過，朋友未試過德國菜，於是就食下。點左名菜德國豬手同埋德國腸併盤，另外兩杯飲品。豬手好林，皮也好脆，保持著以前的水準。德國腸就正常味道，無特別驚喜。反而伴碟的薯仔好好食。用膳完畢時多次舉手示意叫店員，當時室內場內有一名年約三十多歲戴眼鏡的女店員，當時室內場大概七八枱客，但該女店員多次行到附近都無注意到我。後來女店員站在近大門位置一直低頭，並沒有抬頭留意四周客人情況，我一直在 舉手她也沒有留意，大概低頭數分鐘後我叫“唔該”但她也沒有反應，我再要叫多次她才有所動作，施然地行來。該員工拎單過黎時施既沒有表示嫌意，也沒有說多謝惠顧，連基本例牌對話我 告訴客人對單，或者結帳的銀碼都沒有，態度差劣。我比左信用卡，碌卡後佢同樣沒有任何表示 丟低張卡便離開。我自己都做過餐飲前線工作，在生日遇到這些差劣服務，實在失望！

我對Salad Bar一向都情有獨鍾，但而家就算去酒店食buffet,都未必食到有heart嘅Salad Bar呢間德國餐廳以往都有食過，但以往去都係大量炸物，年紀大了都唔敢食咁多。前排行過見佢有Semi Lunch, 包Salad Bar，圍起嚟都係百幾蚊今日一早過海做嘢，諗住可以食得Hea D, 就專登訂檯試下。初初諗住唔好太高要求，食得飽、又坐得耐就滿足。點知充滿驚喜。內部裝修老實講係比較殘舊，充滿九十年代風味！外面仲有大量室外座位，黃昏時飲杯啤酒🍻，食下豬手，真心幾ChillSalad Bar有 Cold Cut, mussels and shrimps, 仲有各式Salad, 蔬菜都好新鮮熱食有德國腸配酸菜，芝士焗椰菜花，串燒同焗蛋餅。仲有黑糖包同小餐包湯係雜菜湯食完頭盤就到主菜 Egg Benedicts 絕無欺場，隻蛋用足傳統烹調方法製成，並非係坊間烚半熟蛋就當係。一切開有大量蛋黃汁湧出來。墊底嘅包有烤過，吸收埋蛋汁，口感豐富又滿足。Fish and Chips 粉漿薄又脆口，而舊魚無雪味，外脆內軟Sirloin 其實要求做到七成， 本身食開熟扒就唔會期待有咩期望。 點

•海鮮小食拼盤樣樣都有 岩哂樣樣都想試既我( 中蝦 脆炸魚柳 青口肉 炸薯條 魷魚圈 配香草酸瓜醬 )炸得金黃香脆 將佢配埋啤酒絕配💓•德國咸豬手咸豬手肉質滑加嫩個皮脆卜卜 夠香口好味yum yum 🧡

在不同地方見到帝樂，但就唔知原來銅鑼灣有分店！今日行經，又撞啱食飯時間，望一望餐牌，啱食就入去一試！在決定是否點主菜之前，先走到自助餐桌看一看有什麼食物；發現熱盤都有好多選擇；所以決定不要主菜，純粹食頭盤及甜品。頭盤沙律選擇都多種類，有菜，有瓜，估唔到頭盤都有蝦及青口。熱盤真係唔錯，有兩款pizza，又有春卷及雞串，雞串真心好食，個醬好惹味，回頭了兩三次，其次大推的是羅宋湯，料多夠熱，湯焦包食，太滿足。甜品方面，由於我的午飯時間比較晏，所以補充得慢，或是直情不補充！這個有點扣分！但都明白！整體而言，推介！

週日中午嘅銅鑼灣，印象中都係好似sogo一帶咁人山人海，估唔到離地鐵站5分鐘路程，就可以去到一個人少又環境靚嘅地方。餐廳有室外同室內座位，室外對住維園景，室內就好有德國啤酒屋嘅氣氛，仲有好多卡位。我最鐘意係呢度可以坐好耐， lunch semi-buffet時間好吸引，係12:00-14:45， 同朋友黎真係夠曬時間傾計。餐牌主菜選擇幾多，呢度最出名其實係德國豬手，但因為見到buffet bar都有好多野食，所以點左個冇咁heavy嘅主菜。Buffet bar有沙律、凍肉拼盤、生果、甜品等等，最鐘意風乾黑椒牛肉片、炸雞粒同埋火龍果啫喱杯。中段會有新野出，可以不時出去兜個圈睇睇。厚切美國西冷牛肉陪炸薯角及時菜牛肉係煎到有格仔紋的，好似卡通片入面嘅美味牛扒，睇到都好治愈。牛肉筋唔多，雖然唔太厚，但多汁同入味。班尼迪烚蛋配菠菜及煙三文魚賣相好吸引，菠菜爽口，最下面係英式鬆餅，被熱辣辣嘅流心蛋漿同芝士鋪滿，入口層次好豐富。凍齋啡唔想咁脹氣，所以冇點啤酒，清清地嗌左杯齋啡。

know king ludwig for 8 years. used to be never perfect but ok! now however it has nothing to do with German/Bavarian cuiaine anymore. I am writing this a a person coming from Munich who visited them for many years. NO: we do not offer half cooked sausages, we do not sell shrimps or spring rolls or unsalted unidentified potatoes and we also do not sell seafood platters in a proper German restaurant. it got really disgusting. such a shame!

德國啤酒節又黎喇🥳🍻作為節日L梗係要啤啤佢應下節啦😚-帝樂有六款draught beer提供🍺我地嗌咗德國嘅Maisel’s Weisse🇩🇪佢係麥味最重嘅一款 帶有微甜嘅果香味🌾如果你驚黑啤苦又嫌lager太淡 依款就岩晒😼-黎到德國餐廳當然要食德國名物燒豬手🐷大大件嘅脆皮燒豬肘($250)即叫即燒🔥外皮香脆而肉質嫩滑 配上酸椰菜同炸薯仔打完卡後職員仲會幫手起肉 超貼心👍🏻-小食方面 炸香脆蝦醬魷魚圈($95)香脆惹味肉類小食拼盤($190)有雞翼香腸肉丸 岩晒食肉獸😈-話說佢地依家售賣緊Oktober Pass🍺$580就可以歎6杯啤酒+2杯mocktail+2款小食同朋友黎飲飽食醉都咪話唔chill呀🤪-#德國啤酒節2021 #Oktoberfest2021 #帝樂德國餐廳 #kingludwigbeerhall

9 0 後 的 味 蕾 .一年一度嘅德國啤酒節又嚟啦，以前都好鍾意同啲朋友去Marco Polo個啤酒節，今年疫情好似冇搞，不過都比我搵到間德國餐廳應下節😎.呢間餐廳有室內室外，飲住啤酒食煙都得😂，餐廳嘅裝修好有德國餐廳feel，員工仲着咗特色嘅德國服裝，搵返當年喺德國旅行嘅感覺，環境幾大同舒適，慢慢坐，慢慢吹！.話明啤酒節梗係要啤啤佢，我哋每人都揀咗一大杯，6款啤酒任你揀，總有一款岩你口味.🔸Lowenbrau 嚟自德國既清甜啤酒，推薦比平時少飲啤酒既朋友，特別係女士，味道唔會好苦.🔸Arcobrau Schloss Dunkel 德國黑啤，麥味幾濃郁，唔會好苦，幾唔錯.🔸炸魷魚圈大概有6件，魷魚滑身彈牙，外層用左厚麵粉漿去炸，炸到外層脆卜卜.🔸小食拼盤牛肉丸、腸、雞翼、薯條拼盤，最得意係有啲迷你德國結麵包，增添德國菜色彩.🔸德國豬手超大份，3-4人份量，皮炸到好脆，入邊既肉又嫩滑，唔乾，咸咸地，同啤酒係絕配，side dish仲有酸菜開胃今年餐廳特意係10月份推出一款啤酒通行證，啱晒一班朋友或者一班同事一齊用😎

又到十月嘅德國啤酒節啦！今次King Ludwig 推出左Eat, Drink & Repeat!1️⃣Shrimp Paste Fried Squid Rings with Garlic Dip $95飲啤酒🍻當然唔少得配小食啦！點一點蒜茸醬再配上酥脆嘅魷魚圈，滋味無窮。🙆🏻‍♀️美味指數:7.12/102️⃣”Oktoberfest” Meat Platter with Pretzel (2-4 persons) 🥨 $225呢個拼盤包括有黑森林火腿，烤豬腩肉，紅椰菜拌小紅莓醬沙律，牛肉肝醬，德國藍芝士和金文拔芝士。🥨🥨🥨配芝士及牛肉肝醬好夾！烤豬腩肉唔會好油膩，反而有淡淡嘅香氣。🙆🏻‍♀️美味指數:7.45/103️⃣Crispy Roasted Pork Knuckle with Sauerkraut and Crispy Fried Potatoes $250脆皮燒豬肘，皮脆肉嫩！冇諗過我哋兩個👭🏼可以清哂成隻燒豬肘，店員都有啲驚訝。配菜嘅酸椰菜及脆炸薯仔🥔都唔錯。🙆🏻‍♀️美味指數:7.54/104️⃣Draught Beer - Arcobrau Schloss Dunkel $80/ 50

筆者自小受家庭影響，蠻重視節日的儀式感，故非常期待季節的轉換。踏入十月，除了慶祝人人皆會盛裝打扮的萬聖節 (筆者並沒有任何宗教信仰)，德國啤酒節 Oktoberfest 也是每年的重頭戲。位於銅鑼灣的「King Ludwig 帝樂德國餐廳」正舉辦第19屆德國啤酒節，為大家設計了一系列的主題餐飲美食，盡情享受歡樂氣氛。環境：✨餐廳走復古古堡風，深木色桌椅、具質感的木櫃，配上戰爭圖案旗幟、以獸骨組成的吊燈、仿動物頭標本等等，充滿英雄陽剛之氣息。✨在舉行德國啤酒節期間，餐廳獨具匠心地演繹德國啤酒節概念，掛上色彩繽紛的派對旗子，播放着節奏輕快的外語音樂，氣氛歡樂。服務：✨餐廳職員均換上傳統德國啤酒節的服飾，女職員打扮尤其可愛，眼前一亮！✨態度友善，積極收拾餐具及清潔檯面，送餐速度亦令人滿意。🐷 脆皮燒豬肘配酸椰菜及脆炸薯仔 ($250)✨此乃享譽世界的名菜，廚師把脂肪較厚的豬肘醃製過後，烤至外皮焦香酥脆。✨吃下去肉質柔軟不柴，肥而不膩，下酒一流！✨拍照過後，職員會幫助切開一件件，整隻燒豬肘分成8件，方便食用。🦑 炸香脆蝦醬魷魚圈配蒜蓉醬 ($95)✨炸魷魚圈比較不常見，但口感比我們想像中好！✨

轉眼間，又到一年一度嘅10月啤酒節！曾幾何時，阿叔同朋友都有參加過由酒店舉辦嘅慶祝活動，當年嘅限定啤酒杯我依然保留住架，雖然已經係好多年前嘅事，不過仲記得當時場內氣氛好高漲，人人起晒身跳晒舞，玩得好開心！可惜疫情下，此情已不再。見呢排疫情好番少少，我哋一行4人為咗趁熱鬧，今年就特別嚟咗呢間德國餐廳玩住先！ 脆皮燒豬肘配酸椰菜燒薯仔($250)，永遠都覺得除咗德國腸外，飲啤酒就要配食豬手。呢度嘅豬手大個你塊面，足夠4個人享用，非常抵食。如果覺得太膩，建議你食埋酸椰菜，好味之集亦可中和番豬手嘅膩感。 脆炸辣雞塊伴鹹蛋黃($85)，非常邪惡嘅小食，雞件鹹鹹地，又辣辣地，食嚟配啤酒真係一流！ 海鮮小食拼盤($210)，另一邪惡佐酒小食，拼盤有齊脆炸魚柳、中蝦、青口肉、魷魚圈、炸薯條，非常豐富。 為慶祝10月啤酒節，呢間餐廳宜家做緊$520啤酒節通行證，通行證包有6杯啤酒、2杯特飲同2份小食，除番晒都幾抵食，想同一班朋友啤啤佢，開心吓? 宜家係時候喇！

有咩驅使我哋10日去咗呢間餐廳兩次呢🤨🤨一來我哋本身好鍾意食佢哋嘅豬手，所以其實間唔中都會去⋯而咁啱朋友仔見佢哋做緊啤酒節promotion 又話想試下⋯所以就係因為咁，10日裏面去咗兩次啦😬😬食嘅嘢都有小小唔同，但其實食德國菜都係啖啖肉，最重要係可以再傾住計一齊開心暢飲🍺嘅感覺😝😝所以啤酒節嚟，超滿足😍😍🐷脆皮燒豬肘配酸椰菜燒薯仔($250)豬手真係每次必食，你會見到每枱都會叫，份量好大隻，塊皮炸到脆卜卜，D肉又好juicy，配埋酸椰菜食會無咁膩，再配埋啤洒絕對係無敵😜😜🍤海鮮小食拼盤($210)有脆炸魚柳、中蝦、青口肉、魷魚圈、炸薯條、配香草酸瓜醬🐓脆炸辣雞塊伴鹹蛋黃($85)呢個真係有驚喜，鹹蛋黃包住D炸雞，但D雞仲係好滑，必試推介😋🍖肉類小食拼盤($190)有脆炸雞翼、豬肉香腸、豬牛肉丸、炸薯條、配甜酸沙律醬🥨德國麵包圈配牛仔肝醬($35)個樣好靚嘅典型德國麵包，就好似法國有法包同牛角包一樣，要試😛🍺啤酒: Hoegaarden (0.5L $75, 1L $160) Stella (0.5L $68) 咁有氣氛嘅餐廳，同朋友或者情侶飲下酒傾下計，正呀🍻

呢間聽人講過幾好食，今日lunch就去到呢間食，發現原來lunch set仲有semi buffet加飲品甜品食添，lunch set餐牌價錢平均都唔洗$200，我就揀咗西冷牛都係只需$150，好抵食！先講Semi buffet ，選擇比我想像中多同好食，有沙律水果同冷盤、亦有炸雞、蛋撻（咸嘅，蛋味好重，共非麵包咸個種）、火腿、栗米西蘭花、蘑菇忌廉湯、腸仔…等等；大部分都唔錯，而且呢個Semi buffet 嘅食物可以拼成一個all day breakfast添，淨係食呢啲「前菜」都真係可以食到飽😻至於Main course唔錯但都有少少失望🥺因為我叫咗medium但佢比medium well我，同隔離掉亂咗；塊扒唔厚，同埋多咗少少筋同韌～但以呢個價位都幾好食，而且佢嘅薯角夠香脆另外我哋一行人叫咗豬手，覺得豬手好好食！必叫呀，相信大部分人都為呢個豬手而黎最甜品略為失色，右邊係一個類似拖肥醬要黎點麵包，左邊士多啤梨朱古力蛋糕，個人覺得太甜，係死甜嘅甜～呢個食咗兩啖就停口了總結黎講呢間食物唔錯，好啱一大班人一齊聚餐添😋