帝樂德國餐廳 (Fashion Walk) (已結業)

一年一度嘅Oktoberfest又到啦🍻 德國啤酒節最適合約埋一班朋友一齊飲啤酒🍺食豬手🐽 帝樂餐廳 King Ludwig嘅Oktoberfest活動已經正式開鑼🇩🇪 由宜家到10尾都可以去盡情食盡情飲🥳🌃 環境銅鑼灣嘅King Ludwig位於銅鑼灣Fashion Walk，仲要喺正轉角位，搶眼又方便😚 餐廳好大，有室內同室外位置～ 餐廳設計好有傳統德國風情，好似去咗歐洲小酒館咁🇩🇪 😋 食物🧀️ 傳統瑞士燒芝士配金華火腿牛角窩夫 $138🐮 德累斯頓燴牛肉配煎薯餅 $268🍺 德國生啤 Franziskaner Weissbier $80🍺 德國生啤 Maisel's Weisse $80🍻 Hoegaarden 蜜桃/西柚啤 (啤酒節限定)今次黎就專登試咗Oktoberfest special menu🤩 一入餐廳已經聞到好香濃嘅芝士味🧀️ 原來係黎自大大餅嘅傳統瑞士芝士🇨🇭餐廳首先會用火爐將瑞士芝士嘅表面燒融🔥 等到芝士燒到熱辣辣帶微焦之後就一嘢鏟落火腿牛角窩夫度，好IG-able😛芝士底下係牛角窩夫配金華火腿，同芝士絕配🍖 熱熔芝士超濃厚好鹹香，帶濃郁嘅發酵同「腐乳」味，都幾過

一年容易又到啤酒節🥳 銅鑼灣地膽153今次就去咗 Fashion Walk 嘅德國餐廳感受氣氛✨ ———❝ 傳統瑞士燒芝士牛角窩夫配金門火腿 | $138（期間限定）面層鋪上熱溶芝士同火腿，底部有牛角窩夫，配搭幾創新獨特✨ 不過記得趁熱食！❝ 德累斯頓燴牛肉 | $268（期間限定）手撕牛肋肉份量不少，燴過亦頗是入味多汁☺️ 不過153私心覺得鋪底有燶邊嘅薯餅係最正的！❤️❝ 慕尼黑啤酒節特色拼盤｜$1588（期間限定）超勁量拼盤！下層有多款香腸、脆皮燒豬肘、燒排骨等鋪得滿滿，上層掛住串燒好吸引😍拼盤份量足夠6-8人食，想試記得搵多啲朋友嚟～🍻❝ Summer Cooler | $62以西柚為基底的夏日特飲，酸甜調味剛剛好，消暑解渴很不錯✨

之前喺赤柱美利樓食過一間叫帝樂嘅德國餐廳，知道佢呢排啤酒節搞緊啲活動，所以就去喺Fashion Walk嘅分店試下😋🧀傳統瑞士燒芝士牛角窩夫, 金門火腿 $138 呢度菜好適合打卡，因為餐廳會喺中間一張枱用火將啲芝士整熔，再倒上去，上枱之後一定要趁熱食，快快去手打張卡就要即刻放落口，如果唔係，啲芝士會變硬，咁就冇咁好食，流心芝士配埋Ham同窩夫非常夾，味道偏鹹所以係十分之好嘅下酒菜，芝士愛好者必叫呀🥔德雷斯頓燴牛肉, 紅椰菜, 煎薯餅 $268 薯仔條係由新鮮薯仔切成，再將佢半煎炸咁放係底，配埋面頭嘅德雷斯頓燴牛肉同埋紅椰菜，一濃一淡，簡直係絕配，牛面頰肉十分軟腍，牛肉味亦都好濃郁，份量亦都岩岩好，食完又唔會覺得好頂胃會搞到飲唔到啤酒咁，所以都幾正🍺Beer Passport $260 嚟到重頭戲梗係飲啤酒啦，買咗呢個Beer Passport，就可以試晒5款唔同嘅啤酒，今次就叫咗Hoegaarden嘅柚子同埋白桃味，係味道比較清淡嘅啤酒，所以配食濃味嘅嘢係一流，剩低果3款，就留返下次再試📍銅鑼灣京士頓街8號Fashion Walk新豪大廈地下A及C號舖 - 帝樂德國餐廳

一年一度德國🇩🇪啤酒🍻節又嚟，星期五晚去啤啤佢，食吓豬手，真係好爽！ 私心推介 豬🐽手 - 外脆內軟，送酒一流！炸魷魚🦑圈 - 個脆漿夠薄，好好味！食唔停口！ 炸雞翼 - 正常小食 德國🇩🇪啤酒 - 新鮮好味，推介！ 啤酒🍻節其間，除咗有beer pass，星期五同星期六仲有勁飲大賽！好似仲有個「大胃王」挑戰，限時45分鐘！Happy Hour 推介🫶🏻

家人生日，要有地方一班人慶祝，即刻諗起食德國野，又有豬手又有意粉pizza，食嘅野相對多元化。King Ludwig嘅分店少左，銅鑼灣分店坐得好舒服，枱同枱之間有空間，不過冇live band，少咁啲氣氛。呢個招牌豬手真心冇得輸，次次必點，皮脆肉嫩，裡面的肉雖然多，但一啲都唔會乾柴。下面墊左啲開胃嘅酸菜，伴碟嘅薯條都相當唔錯。羊架有三舊，相對難sharer啲，豬手比較出色，羊有啲羶味，試一次就算。Pizza當然唔係佢嘅主打，不過一大班人齊齊食，都開心嘅，餅底少少厚，但算係足料。呢個有少少失望，咖哩味OK，但個包好乾亦唔香，而且裡面的雞件斬到好大舊，完全唔入味。

自去年十二月起，來第二次了。晚上總見戶外用餐人山人海，而且食正西北風！老公愛上這裏的黑森林蛋糕。下午茶時段，環境清幽，背景音樂静靜的，不喧嘩。餐廳有室內和戶外，怕有人在戶外食煙，選了室內。今天吃了兩種甜品，黑森林和火焰雪山杏仁芭菲。三人消化了份量超大的兩件甜品，差不多包了全廳，大滿足見到之前有德國老外給劣評，說德國沒有海鮮餐，說不地道。其實，他會不會自己在德國內陸城市住大鄉里咋？咪以為只有德國豬手同啤酒，雖然我反而對德國豬手不大有興趣。下次會再來。據悉這裡的中午自助餐也不錯，吃過，再評。

Weekday忙裡偷閒享受一下happy hour, 好耐都未試過唔洗再理幾點閂門，超爽，今年終於可以解禁就算唔餓，出嚟銅鑼灣湊吓熱鬧先Snack platter 呢度薯條好好食，叫個肉類小食拼盤就有薯條，雞翼，香腸，青口，魚柳可以試多幾樣嘢Shrimp Pizza個人喜好有沙律菜既pizza, 蝦大隻又爽口，揀蕃茄底比較清新唔漏，批底啱啱好唔會太乾，用刀叉切到，唔會切到碎晒Royal Long Island Happy hour當然要有酒，年紀大由舊年開始由6杯cocktail 一餐，轉為少酌微醺一下

📍King Ludwig Beerhall #KingLudwigBeerhall #MFJ銅鑼灣 #MFJ西餐 #MFJ德國菜人均消費: HKD 250食過赤柱 King Ludwig Beerhall，今日到銅鑼灣！ Outdoor環境好舒服，下午時間好寧靜，啱晒傾吓偈！🆗 Snack Platter $190「肉類小食拼盤 」有雞翼，香腸，炸魷魚，薯條等等，款式算多，但味道比較偏淡，幸好仲有沙律醬蘸下🆗 Spaghetti "Carbonara" with Portobello Mushroom,"Onsen" Egg and Pancetta $175「卡邦尼意大利粉配半熟蛋釀大菇及煙肉」賣相都可以，但食落又係冇咩味好淡，隻溫泉蛋唔錯，但唔算昇華到個意粉環境同服務都唔錯，但食物質素就一般飲埋酒$250/人唔算貴，如果淨係飲下野就ok #mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblo

在銅鑼灣想簡易吃一間西餐廳，基本都要百元以上。不如吃一家平民價半自助餐廳，因應客人食量自由選擇只付自助沙律吧或加點主菜。所以套餐均送餐飲及甜品，加 $40 還可以飲紅/白/啤酒，性價比相當高。食物方面︰雖然沙律吧款式少 (每月更換部份新款) ，但麵包、西餐熱湯、焗盤熱食、冷盤凍肉及沙律味道都不錯，甚至比不少酒店自助餐質素更好。麵包必食︰黑麥酸種吐司 (配煙三文魚或火腿很搭)冷盤必食 - 餐廳自選風乾火腿 (每次款式不同)沙律必食 - 南瓜沙律、紫薯沙律額外加 $40 主菜 - 香煎三文魚意大利飯︰超值！一大塊三文魚，輕煎後去除油脂感，魚皮脆口肉質嫩滑。意大利飯份量多，完全吸入香濃奶油味，飯質彈牙不糊口。可借偏油膩，女生最多應該吃到一半。甜品方面 - 是次附送Tiramisu 意大利餅︰(每次/每月更換)蛋糕充滿濃郁咖啡香，但偏乾偏甜。忌廉硬身，應該是過度打發？或是放雪櫃存放太久？而且忌廉很甜，濃郁咖啡加可可粉也不能中和甜度。

近來好多人移民 我都有朋友即將離開香港喇 一班人就黎食飯farewell 啦一大班人坐低就叫左啤酒通行證小食併盤食德國菜點小得咸豬手呢德國香腸墨西哥脆片燒豬肋骨烤雞肉沙爹巴馬火腿pizza 酥炸魷魚其實今日重點都係飲酒🤣

要捉住啤酒節嘅尾巴🍻餐廳開係銅鑼灣Fashion walk有室外座位好有氣氛🤩室內以木色為主好似德國啤酒屋😍而家啤酒節仲有攤位遊戲玩😆.🌟脆皮燒豬肘 配酸菜脆炸薯 $280豬手好大隻外皮燒到金黃色 超脆💓皮下帶厚厚脂肪我都係切走唔食😂太邪惡了豬肘肉質好嫩啖啖肉🥳配埋酸菜就好夾🥗可以解下膩👍🏻炸薯都好脆🥔.🌟美式香辣焗海鮮飯 $288海鮮飯好入味😍粒粒飯都係紅色🍎有海鮮同番茄整成嘅醬汁🌶️有咬口唔會過淋👍🏻配料有三文魚 中蝦🦐同魷魚🦑三文魚外皮煎到好脆😋魚油好香❤️‍🔥中蝦夠晒彈牙❣️蝦膏好惹味魷魚有咬口🥰.🌟德國香腸配薯蓉呢個係圖文不符😂餐牌嘅腸轉到幾個圈😂腸就冇咩特別薯蓉反而好綿滑🥔仲有加少少原粒口感👍🏻好多牛油好creamy🧈.🌟Frozen sour🍹🌟Frozen Novel🍸🌟Daiquiri 🍷.📍 帝樂 - 德國餐廳 (Fashion Walk) (銅鑼灣)銅鑼灣京士頓街8號Fashion Walk新豪大廈地下A及C號舖

每逢假日經過維園對出街角嘅德國餐廳，都見有唔少人喺室外位置飲嘢傾偈🍻 齋係睇都覺得夠晒chill～🥳今次趁住慕尼黑啤酒節開幕，初次到訪 King Ludwig, 卻發現餐廳室內別有一番風味。餐廳裝潢以原木色系為主，樸實得嚟帶點歷史感，令人猶如置身德國小鎮嘅啤酒屋🏘———❝ 脆皮燒豬肘配酸椰菜及脆炸薯仔 | $280豬肘表皮燒至呈金黃色，咬落脆卜卜🤤 唔好睇佢個樣好似冇乜汁咁，食落其實一啲都唔乾，皮脆肉嫩好好食！👍🏻評分：8/10———❝ 德國麵包圈配傳統芝士醬* | $45極具德國代表性嘅bretzel (每客一件)，包體軟身得嚟有嚼勁😼 配以香濃惹味嘅 Obatzter 芝士醬，令人食唔停口！😍評分：7.5/10———❝ 傳統德式薯餅配手撕豬肋肉及蘋果蓉* | $60德國慶典市集常見嘅 Kartoffelpuffer — 德式薯餅，煎至外表金黃香脆，十分香口！同場嘅手撕豬肉非常入味，蘋果蓉香甜解膩，令人食唔停口🤪評分：7.5/10———❝ 德國風乾火腿芝士筒* | $70Black forest ham 肉味濃郁，而且帶有微微煙燻香味😌 配搭味道濃烈嘅藍芝士，以及清新解膩嘅車厘茄🍅

King Ludwig德國啤酒節又嚟喇 已經係第20屆啱晒約埋一班朋友飲飽食醉買左「啤酒節通行證🔖」一張證可以換10杯500cc既啤酒唔一定要一個人飲哂 可以同朋友share飲仲可以分開幾次去唔同餐廳飲又得🍻餐廳提供多款啤酒 當然德國啤酒係重點啦除左有大家成日飲開既Stella Artois、Hoegaarden 仲有Maisel's Weisse、Löwenbräu、Leffe Brune我都飲左兩杯Lowenbrau飲落麥味比較濃 質地比較厚 值得一試.全晚最難忘係有主持人請觀眾上台玩遊戲鬥耐直手舉住2L啤酒連杯🍻💪🏻🏋🏻好耐無試過係餐廳食飯全場人咁有氣氛 一齊起哄一齊笑.餐廳紅磚牆 仲有由德國運黎既傢俬 夠哂氣派再加上餐廳職員嘅衣着、花園內嘅攤位遊戲佈置入到黎就好似置身於德國現場參加啤酒節.《脆皮燒豬手配椰菜頭炸脆薯仔》豬手真係稱得上皮脆肉嫩 一d都唔韌估唔到咁巨型嘅豬手都可以整到啲肉咁嫩口咬落去個皮真係「咯咯聲」係咪睇字都有聲有畫面呢仲要係飲下食下傾下成個鐘之後都仲keep到咁脆 高質!!.《德國香腸拼盤》啖啖都係肉 啱晒食肉獸 有唔同種類既肉腸脆口彈牙嘅腸衣裂開就爆發肉汁 帶

旅遊局搞咗個夏日賞賞你promo，睇到有張依家餐廳主菜300減240 coupon，網上睇到菜單有週末lunch set，剛好可以兩個人叫咸豬手作為主菜，覺得幾抵，先來試下。週日中午來到，入場時發現食客全是老人家，覺得好奇怪，個伺應只比我地a la carte主菜單，我地主動問lunch set先目無表情話用coupon無得食，只可以嗌a la carte。張coupon網頁無講呢個限制，訂位時我特別告知用張coupon，接線員工亦無話唔可以用。無法，硬住頭皮叫招牌菜咸豬手，為了湊數外加一份德國豬排骨。豬排骨其實唔錯，但調味完全係泰式，上面鋪滿紅綠辣椒，德國人肯定唔收貨。咸豬手算大份，但脂肪多，炸過更加肥，腥味非常重，兩個人食咗一半已經感覺漏，連食肉獸先生都頂唔順，我只可以狂加芥末醬先遮得住腥味，勉強食落去。薯仔同酸菜係豬手下面已經被肥油浸到淋曬，一個字：肥膩。本來興高采烈以為價廉物美可以嘆豬手和salad bar的兩人默默食完，失望之餘都在想：以前食過噶香脆豬手係呢度無法復原，仲要一肚氣，返屋企正經食翻滴蔬菜解膩。扣減咗coupon後盛惠285元，完全唔值，無下次！

同朋友去完buns 2020玩完, 之後就決定去食啲好嘢補番數。我哋今次就去咗佢嘅銅鑼灣分店去食佢個超級出名嘅德國脆豬手。招牌德國脆燒豬手 ($250)個豬手真係不愧係招牌, 超級香脆, 連埋佢嘅酸椰菜係一perfect match。香燒紐倫堡豬肉腸配酸椰菜 ($135)呢個紐倫堡豬肉腸呢就令到我有啲失望啦, 因為佢餐牌度睇係有超級多圈, 但係黎到嘅時候淨係得兩小圈。我覺得佢呢個份量135蚊就有啲overpriced啦, 而且佢個香腸嘅味道亦都比較普通, 所以就個人唔係好推薦。美式香辣焗海鮮飯, 三文魚, 中蝦, 魷魚 - 2人份 ($270)因為有個朋友好鍾意食海鮮飯, 所以我哋就叫咗一個二人份。啲海鮮都比較新鮮, 我覺得如果你嚟到嘅話, 都不妨一試呢道菜。Address: #food #foodie #foodhk #foodiehk #尖沙咀 #美食 #尖沙咀美食 #赤柱美食 #赤柱 #銅鑼灣美食 #銅鑼灣 #hkrestaurant #hongkong #foodlover #香港