帝京軒

去帝京酒店，通常只為公司既event。有時係晚宴，有時係會議，晚宴多數係中菜，會議都會有幾款餅點的，從來都覺得帝京的菜色十分普通，選擇呢個場地原因只有兩個，一、價錢實惠，二、服務一流，夾過幾間唔同既酒店(四星或五星級)，只有呢間既服務員最專業而且話頭醒尾。因此對帝京軒的食物，都沒有太大的期望。這次，顯然小妹是錯的，因為是日午飯，實是回味。推介一︰叉燒，肥瘦適中，甜而不膩，最令人讚嘆的是，連切功都好講究，厚薄的比例是剛好的，可惜的是，小妹忘了影相。推介二：叉燒餐包，一向都唔食包既我，因為老細親自夾了一個叉燒餐包過黎，焗住要食，點知一試難忘，剛才已經解釋了它的叉燒奧妙，加上個包皮唔厚又夠鬆，最重要係熱辣辣咬落去果陣，個皮係有少少脆既感覺，oishii推介三：燒賣，蝦同豬肉比例完美之餘，蝦肉仲好彈牙，好明顯係新鮮到不得了既蝦啦，正其他點心雖然及不上以上三款推介，但都保持了應有水準，因此值得一同分享。只有一道菜色比較失望，是帝京燒鵝瀨粉。可能因為註明左係「帝京燒鵝」，直覺會好好好好食，因此見到咁瘦既鵝經已卻步，賣相輸了一步，食落去又冇乜味道，所以失望至極都係果句啦，呢度環境唔錯，係嘈左少少，普

The Winter Melon "Zhong" was amazing. It was light on salt but rich in taste. Had scallops and shrimps in there. The best one I have every had and I have had tried quite a few of these.Salt Bake Chicken was superb as well. Chicken dishes are usually my favorite and this was definitely one of the best ones that I have had. Steamed salty fish pork cake - lots of salty fish (too much) but tasted quite goodBeef "larm" in light soup - good dish as well, beef was very tender Fried rice - nothing speci

客人指定黎呢間酒店,咁呢間就呢間啦,中菜就中菜,悶d就悶d7個人,叫左:點心 - 菜心 - 一般,唔熱,有d油春卷 - 一般芋角 - 一般xo醬煎腸粉 - 無食到叉燒包 - 賣點係裏面d叉燒夠大粒?都ok既,呢到既叉燒應該幾靚雜菌餃 - 好味,無過度調味,有野菌鮮味蝦餃 - 無食到小菜 - 蜜汁火方 - 火腿好乾硬,好似老火湯d湯渣咁...加左d桂花汁,好似都係無咩分別中間既糖煮蓮子唔綿.....生平未試過蜜汁火方呢味菜,但覺得佢整得唔好食lor龍井蝦仁 - 雞粉蝦仁,食完口渴足一個晏晝荔枝橙皮炒飯 - 首先侍應哥哥拎左碟飯到隔離裝,裝左15分鐘......然後,碟飯炒得都幾油,又放得都幾凍而荔枝(糖水荔枝)同橙皮好似係炒完碟飯先撈入去咁,同碟飯完全無關飲品 - 叫左兩罐diet coke,而叫兩支水居然只有Bonaqua揀....而家d五星級點搞架埋單hkd900,唔係我比,都好肉痛唔係話太難食既,但我覺得唔值呢個價錢,唔值呢個級數

今日同愛人終於去了 帝京軒 飲茶, 12:30pm 度到, 得三成人客度, 個場一般大, 但樓底高, 一邊有落地大窗望向九龍塘, 感覺開揚, D 檯擺得不密, 坐是頗舒適的.叫了 8 樣點心.....1)蝦餃 --- 一入囗已發覺味精味, 皮算薄, 亦乾身.2)芋角 --- 皮脆, 但芋容唔夠香同滑.3)果蒸粽 --- 甚入味, 料亦足,有水準.4)鳳爪 --- 夠淋亦入味, 件頭一般5)叉燒飽 --- 皮唔夠滑, 但 D 料不太鹹,ok.6)娥姐粉果 --- 奇怪地脹卜卜既?? 唔係扁平既咩?? 仲有, 入面好多蝦同豬肉, 味道不算差, 但似食蝦餃多D.7)奶皇飽 --- 一樣皮唔夠滑, 個(咸) 其實幾得,但份量太少, 有D寡口.8)杏仁糊 --- 愛人 like 杏仁茶,但只有杏仁糊, 都好 la...., 生磨的,香口但唔夠滑, 而且唔夠熱, 糖水大忌!!! 埋單 230元, 不貴, service 也不錯, 到尾時也有七成客. 但食物水準卻需加強才行. 而且味精亦多, 成個下午都不停飲水. 若論附近小弟首選始終是 翠園, 其點心水準需略差於 洗衣街 的 利苑, 但沒有咁重味精

平日放假或星期六都會特登早d起身去飲佢地嘅早茶,因為除左好味同d茶好飲之外,最緊要係抵食呀.(朝早7:30至11:00時段都免茶芥同10%服務費呀)......但lunch時段ge詬就正價所以都幾貴下.d茶係我飲過咁多唔同ge酒家都正,好香好有茶味,如果冇收茶錢嘅話就真係好正呀!蝦餃--好好食同有蝦味ga叉燒飽--唔咸同個飽好軟林林糯米卷--正,好香瑤柱餃--好味同做得幾精緻焗雞批--好香牛油酥皮味,個d雞肉切得好細粒炸芋角--好香口但唔油煎蝦米腸--好味流沙奶皇包--好軟同d流沙好多珍菌上素餃--幾有特色,但有時覺得d菌有dd硬鹹水角--好香口又唔油膩紫薯茸茶棵--好有特色ge甜點,鐘意食蕃薯ge人嘅必食之選個人就認為早茶大優惠之一嘅糯米雞唔係太好味.......有大舊同冇咩荷葉香味. 而d粥就一般咁!位都幾舒服&寬敞,但d service就麻麻地,好似成日唔夠人手咁,特別係沖茶同比點心紙....不過大體上都ok啦!

尋晚(4-12-09 Fri)公司又o係o度舉行annual dinner,同兩年前o係o度食(http://www.openrice.com/restaurant/commentdetail.htm?commentid=1866635)o既唔同,今次係自助餐.呢晚菜色好豐富,冷盤o既三文魚刺身,各式凍肉片,沙律呢啲唔使講啦,我就食o左:魚翅,料都幾多,不過翅好似唔多喎,但有肉絲,韭黃都幾香,可以.羊鞍,我唔覺有羶味,配以薄荷醬,我就食o左兩件o勒.咕嚕雞球,酸甜適中,亦可以.青辣椒牛柳呢個好唔得,硬o既,亦冇乜味.烤鴨胸蜜餞栗子啖啖肉又好好味.菜粒牛肉粒炒飯有粟米粒加強口感,但牛肉粒就普通.燒味,睇個樣幾靚,我試o左半肥瘦叉燒同燒鵝,半肥瘦叉燒就係我最鍾意o個種,鬆鬆軟軟又香又甜,好好味呀!而燒鵝都有水準o既.之後都食甜品喇,我食o左南瓜芝士餅,檸檬撻,燉蛋,聖誕樹木蛋糕同唔得咩o野.南瓜芝士餅我覺得麻麻,可能我唔係話太鍾意南瓜味啦.而檸檬撻有個蛋白泡o係面,食o左後,就見到檸檬醬,都唔太差,而撻皮係最好食,好脆.燉蛋同唔得咩o野就一般.最後o既聖誕樹木蛋糕食落有啲o鞋口,好貼切樹木

琴日有親戚结婚係呢度請飲喜酒, 剛開席時我選擇飲橙汁, 但飲完第一杯橙汁後覺得啲有少少苦, 于是我老公幫我同傳菜阿姐講想換杯" 檸樂" . 出咗三道菜, 有位親戚走到我地呢圍枱度想同我地乾杯, 但係我隻酒杯依然是空的, 我用什麼來乾杯??用空杯內的空氣來乾.... 第ニ次再同傳菜阿姐講可唔可以俾" 檸樂" , 之後有位穿啡色制服嘅員工走嚟同我地講: " 大會無包呢種飲品, 咁樣係要另外收費", 我地唔明佢咁係什麼意思??如果係無" 檸樂"的話, 佢地可以同我講一聲, 我可轉飲"淨可樂" ; 定係呢位員工已經同主人家講有位賓客想飲" 檸樂" , 但主人家無回覆會唔會俾錢, 所以佢嚟通知我地一聲" 咁樣係要另外收費" ??都算啦, 我老公回答佢: "ok ! 我俾啦! " 我老公連錢包都攞定出嚟準備俾錢, 過咗成十分鐘我隻杯依然係空無嘢飲....第三次再問傳菜阿姐, 佢話嚟緊啦, 唔駛你地俾錢.... " 檸樂" 到咗, 但係我已經唔敢飲, 怕飲完之後唔知再要等幾耐才有第二杯, 我唔想用四塊浸過可樂而又未篤過嘅檸檬同對新人敬酒..... 後來我地揾咗個穿黑色制服嘅職員嚟投訴: " 你地令

今日去完church同媽咪上黎飲茶，都幾多人喎，大部份都係一家大細或者同d老人家一齊，一去到即刻就有位啦。呢度既環境真係好好，又大又舒服，好寬闊，唔似平日飲茶要同人迫埋一齊，同埋我覺得佢冷氣既溫度真係剛剛好，完全唔會覺得太凍或者好熱。叫左幾個點心，原本叫流沙包，但佢話賣哂，所以就改左叫紫薯包，我覺得呢個最好味!!! 佢個包皮超軟熟又唔厚，個餡係蕃薯蓉，但係係好好味架，一D都唔漏同滯，甜度剛剛好，下次黎一定會再食呀。仲有紅油抄手同埋煎腸粉，兩個都有共同問題就係個醬汁都係偏淡無咩味，但個抄手本身做得幾好架，又係個皮好薄，佢D餡有肉汁，好味架。腸粉就普通無咩特別。另外仲有個蜜汁燒豬仔骨，其實就有D似叉燒咁，不過多左D骨囉，用海蜇墊底，唔錯，D海蜇好爽幾好食，個豬仔骨都幾入味呀。食物幾好，環境超舒服，價錢同食物質素相乎，所以會再來的。

家中有囍事, 在此擺了十數圍酒席, 祝願一對新人長長久久, 永遠相親相愛!乳豬全體 - 皮有少少脆,幾肥下, 鹹鹹地!XO醬翡翠鴛鴦蚌 – 幾辣, 其實擺酒是不太適宜用辛辣口味的菜式, 珊瑚蚌幾大件,吃了一件, 都幾爽口, 不過感覺有點假!花姿釀蟹拑 – 好熱, 吃下時沒有半點蟹肉鮮味, 粉漿成分多點! No Good!蟹子籽琉球百花釀玉環 – 蟹籽味不濃郁, 玉環上的蝦膠實而硬!紅燒雙喜翅 – 已有好一陣子沒有吃, 各位…停止吧!碧綠金錢鮮鮑片 – 獻汁極厚, 生菜算是爽脆, 鮑片味道尚可(老公意見), 我已留肚吃下半場!清蒸大海班 – 上碟時都幾大條,可惜很嚡很嚡, 廚師：你今天心情不好嗎?當紅炸子雞 – 炸雞已不太有興趣, 碟上只有背部位置, 一看也是嚡肉!海參肉鬆炆飯及上湯水餃生麵 – 不太喜歡濕淋淋的飯, 沒有吃, 原想吃一隻水餃, 可惜等極都未上, 原來侍應忘了, 唉…凍了!蓮子百合紅豆沙 – 蓮子不夠鬆化, 紅豆不太夠起沙!美點映雙輝 - 笑口棗同蓮蓉酥,被先前的食物矇騙了, 沒有再吃!宴會廳樓底高, 有水晶燈襯托! 服務水準不錯, 個別侍應對接待婚宴反應對答極佳! 雖然

朋友生日，選了旺角的帝京軒；老實說，大家都未去過，都係信開飯友評價﹗我訂位的時候，講明有個bb，叫佢比個好d的位置，結果不負眾望，有個大大嘅窗口位，雖然已經入夜，但係有d遠景望到，真係未食都輕奮﹗一行10人，選了一個8人餐，再點了兩個餸，意外的是，佢d餸，真係好大碟，同埋好好味﹗最衰唔記得影相，掛住食；d餸名又唔係好記得，但係有幾個真係要推介一下：1. 唔知乜金紫xx卷 -- 其實係茄子入面釀左d嘢，有帶子係上面，再攞去用少少芝士焗左個面，嘩........一上枱，好香，趁熱食，好好味﹗隻帶子雖然細d，但係食得出仲係好鮮﹗2. 龍井炒蝦仁 -- 唔油，好爽﹗3. 游龍戲鳳定金玉滿堂（類似咁上下，4個字） -- 蟹籽蒸豆腐，再係上面有幾塊魚，好可口，好清新﹗4. 個湯 -- 菜膽云吞雞湯；好滑，唔知加左d咩上去，質感唔會太heavy，又唔會太薄，啱啱好﹗同埋食完成晚，都唔會口渴，呢個好緊要﹗4.

因昨天遇到陳慧琳, 才想起上星期在這裡碰見吳君如, 其實不是坐在鄰桌, 但因她的說話聲浪才知道這個人的存在. 說回帝京軒, 午巿點心跟晚飯也吃過不少次, 午巿抵食程度直逼一般連鎖式酒樓, 尤以平日午巿有198套餐(星期六日均沒有). 晚飯若有信用咭折扣當然平民得多, 否則每個菜都百元以上.點心很多也有不俗的水準, 值得推介的有:1. 豬腳仔2. 酥皮蛋撻3. 斑片粥4. 燒賣5. 蒸腸粉(每次也要求一定要熱)但午巿亦有弊處就是上菜頗慢, 人手非常不足, 服務大打折扣, 很多時穿黑衣的比普通侍應態度及服務還要差. 還記得有一次跟同事來吃飯, 之後當然要回去工作, 點心來得遲不特止, 不想結賬再等, 所以趁甜品剛到就立即將信用咭交侍應, 最後催了又催之下也等了最少20分鐘, 黑衫的小姐拿來賬單我簽時機械式說:'不好意思要你等', 我想也沒想就立即回應一句'真的等了很久, 為何要這麼久?' 她也沒料到我這樣回答, 立即黑面兼望向別處扮作聽不到. 我再問多一次'點解'時, 她只是將信用咭交給我就算, 連多謝也沒有一聲! 真的要改善改善! 這樣確不應在酒店出現. 若想吃有些水準的點心, 現

今日，係為左一位即將開展地獄式減肥的同事而前來的 (邊有人揀大節臨頭先黎地獄減架？！)，陪他吃「最後的午餐」。 (黎, 要搵文西黎畫返張畫~~)有人既然即將進行地獄式減肥，呢餐當然要豪食；除左叫個$198 八個點心兼另加$68要個粉面的餐外，更叫了：- 燒腩仔：皮脆肉嫩，很美味，比早期的金龍船更好。- 醉雞：一般，雞雖滑，但用的花雕不夠香。- 釀蟹鉗：呢度的蟹鉗好大隻，料好足，不過入面的蝦略嫌乾左d, 其實如果整返細隻d, 肉汁應該可以鎖得實d。同埋唔平架，差唔多$50蚊一隻。- 蝦餃：平均水準之上，個皮做得幾好，厚薄和靭度都適中；蝦都夠新鮮，不過就係偏乾了點。- 魷魚酥：炸得好酥脆，魷魚也新鮮，好味！- 肉鬆腸粉：獻汁太多，而且那些粟米很不倫不類，一點都不好吃；如果是炒乾了免治肉粒，與炸菜粒同炒，淋上去的話，會使整碟餸香口得多。- 燒賣：做得比蝦餃出色，豬肉和蝦的份量都剛好，口感實在中帶點爽脆，也很鮮甜，很好。- 蛋撻：蛋味不夠香- 甜品：楊枝甘露：幾好味，個甘露底做得好滑好香，比很多知名的糖水店更好！- 另還有餸/點心幾個，但實在吃不下了。整體來說，這裏的點心做得比一般的街坊茶樓精

星期日飲完茶就同個仔去買書,間間書局都好多人,又要排隊,撲咗成個下午由旺角行到太子终於攪惦,又夠鐘食飯,拎著咁多書響旺區揾食都幾辛苦,靈機一動走去揾間偏僻D嘅,就嚟呢間.6點幾去到唔善算多人,不過樓下自助餐就人頭湧湧,好嘈雜,樓上就兩個世界,好靜局.雖然坐唔到窗邊但都望到石硤尾,九龍塘一帶.套餐唔係咁啱食,散叫咗以下幾樣:砂鍋雲吞雞,葡汁煱四蔬,半隻炸子雞,宫廷醬烤骨,小食:雞絲粉皮,水晶肴肉.今次以雞做主打,有三味餸都係雞,果然無揀錯,係用新鮮雞,一食D湯渣就知,砂鍋雲吞雞好大煲,飲咗四碗,雲吞都好味,湯用鯊魚骨煲好濃,炸子雞皮脆肉滑,煱四蔬都唔錯,宫廷醬烤骨雖然酸酸地幾惹味但唔係我杯茶.兩個,小食都幾好.大酒店服務當然好.十分滿意的一餐,

19/7(六) 8pm組長高堂九十大壽,隆重其事.得到上回的美食經歷,促使大壽之日鐵定於此.佔用了中菜廳的一角,延開四席,環境依然開揚闊落,而且隔音屏風效果佳,好讓梁氏宗親吃得盡情.云云菜單中,挑了此$5980的套餐:鮮什果龍蝦沙律,杏香炸蟹棗,翡翠炒鴛鴦蚌,雲腿扒時菜,紅燒西施白玉海皇翅,蠔皇北菇扣鮑片,古法蒸海斑,蒜香風沙雞,荷葉飯,上湯水餃生麵,壽桃大包,紅棗桂圓蓮子茶食物水準跟上回一樣精彩,是次還蘊含了一些破格元素.脫俗的紅燒西施白玉海皇翅(加入海鮮粒,青瓜絲及如雲片的蛋白),古法蒸海斑(冬菇鹹瘦肉絲)拋開傳統的包袱,各甲一方!蒜香風沙雞,荷葉飯,上湯水餃生麵的銀絲幼麵及紅棗桂圓蓮子茶同屬精品.沒蛋黃的壽包獨獨是其扣分處;盡善盡美的服務令壽宴錦上添花,還為我倆飛行里數的戶口進帳不少呢!不負眾望的盡興夜!謹此祝老人家 壽比南山!精神爽利!

8/6(日) 7pm跟組長家人的端陽宴,地點為帝京酒店的帝京軒.週日的帝京軒未算人氣鼎沸.特高樓底及落地玻璃的開揚境乃賣點之一,菜式份量為其另一意外賣點!十至十二位用的$2980套餐,雖說是十至十二位用,咱們十四人也吃得飽足!鴻運乳豬拼盤,黃金海鮮卷,雲腿扒時蔬,碧綠翠珊瑚,竹笙雞絲翅,蠔皇北菇扣鮑片,清蒸大海斑,炸子雞,干燒伊麵,瑤柱蛋白炒飯,甜品.鴻運乳豬拼盤--醺蹄,乳豬,叉燒,豉油雞,海哲絲;除海哲稍為淡口,質地較削外;其餘的燒臘表現對勁!黃金海鮮卷--洋蔥,蝦仁,帶子粒餡混入葡汁;擺脫與沙律醬為伴的宿命,點子創新;海鮮卷薄脆帶點點麵包香,功榮歸功於麵包糠.雲腿扒時蔬--芥菜膽入口毫不苦澀,還擁有一股清甜;跟鹹香的雲腿互補長短!碧綠翠珊瑚--爽脆的西芹炒入其鮮而彈口的大蝦仁,花枝片及帶子,味道清和的一味!竹笙雞絲翅--湯頭頗鮮的,翅條幼滑,口感豐富!蠔皇北菇扣鮑片--鮑片平平,沒啥味道.那巨如鮑的冬菇卻教人眼前一亮!入口汁液四溢,菇味十足!鵝掌的綿化同樣拍案叫絕!清蒸大海斑--史無前例的份量,魚味尚濃;奈何肉質粗糙,過火了...炸子雞--雞皮脆卻不夠鬆,而雞肉味足肉厚,吃落極嫩