巴巴串 (已結業)

今晚落雨天放工後相約朋友一齊黎觀塘新開既食串燒專門店，第一次食自助串串燒120分鐘放題，$238/位另加一，凡like+follow 餐廳IG仲有9折👍一次性頭盤就有大蝦同鮑魚，仲每人半隻芝士焗龍蝦🦞，龍蝦肉很鮮味彈牙；串串燒種類都很多款，包括有叉燒串、牛脷串、泰式肉串、午餐肉串、豬腩肉串、黑椒台灣腸串等，而小食就有泰式蝦片、鹵水雞翼、木耳、酸辣冇骨鳳爪等；熟食就有蒸魚、炒西蘭花、炸蝦碌、蒜蓉焗蠔等。我地就排好逐串串燒放係自動轉爐上面燒，也有燒網可放食物上面燒，豬腩肉串燒完都好juicy，肉質都很軟嫩；午餐肉串也很特別，燒完外皮很脆口；黑椒台灣腸串有少少微辣，但食完好似去左台灣夜市既感覺；燒大蝦味道鮮甜爽脆，鮑魚燒完唔會太乾身，仲keep到鮮味！如果覺得唔夠味，仲可以自己加孜然粉令味道更上一層樓，燒埋棉花糖串真係好有BBQ feel! 汽水飲品都係任飲，甜品就有cake、啫喱糖、雪糕等，真係又好食又好玩，呢度仲有埋VIP房，岩晒一大班人一齊黎開party！🥳+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

幾年前去濟州旅行，食過一間自助串燒店：一串串新鮮食材擺上去，部機不斷自轉，就可以燒烤到香噴噴嘅串燒～.原來響香港嘅「巴巴串」，都有自動串燒機，而且仲係性價比好高嘅燒烤放題，梗係要去試下啦！.勁多唔同種類嘅串燒食材，包括肉類、海鮮、蔬菜、丸、香腸等等，如果你有密集恐懼症的話⋯⋯不妨叫你同行嘅朋友幫你攞食材啦🤣🤣.我自己就比較鍾意串燒牛柳、雞翼、帶子、蜆、鮑魚、秋葵，仲有BBQ必食嘅燒棉花糖🥳🥳.另外，有好多唔同嘅炸物、甜品、雪糕、飲品，無限供應🥳🥳.5:00後訂座，仲送半隻芝士焗龍蝦，龍蝦嘅肉質好鮮甜，芝士味又夠濃，正👏🏻👏🏻.店舖最入嘅地方，仲有一間VIP Room，可以坐到三枱客人，如果10幾人一齊開一個串燒party，應該會好正👍🏻

觀塘新開左間無火自助串燒放題餐廳🍴餐廳座位同枱夠哂大 令人坐得好舒適 嘢食都可以擺多啲🤣 仲有啲爐夠哂猛火🔥🔥 係自動燒烤爐簡直係可以雙手解放🙌🙌呢間餐廳真係有超多超多種類同款式😎完全唔知食咩先好🤓有沙律🥗 前菜🥙小食🧆炸物🥟熱食🥘 生果🍉 甜品🍮雪糕🍦飲品當然唔少得主角串串🍢.小食熱食都唔馬虎🙋🏻‍♀️ 都幾高質有和牛小漢堡🍔 焗酥皮盒 焗田螺 鵝皮蒜蓉焗蠔🦪 一口海南雞飯🐔個飯好正☺️而家有新開張優惠🥳🥳每位送半隻芝士焗龍蝦🦞係本地活龍蝦💁🏻‍♀️仲有鮑魚同大頭蝦🦐 好新鮮主角燒烤嘅食物都係有好多😌海鮮🦐 有扇貝 蜆 蝦 青口 同樣新鮮仲可以擺上烤網上面燒各款肉類: 牛雞豬 蔬菜🥬 丸類有部分食物已經餐廳先醃製🥰 小妹推介牛脷 牛肋條 好香濃牛味另外 雞肉好嫩滑 醃得好入味仲有得燒 萵筍 蒜蓉長沙包 燒賣 秋葵 菇類 棉花糖等等仲有好多醬汁可以用🥰有沙嗲汁 泰式辣汁 蜜糖 同日式蜜糖 超惹味

6月11日星期六下午預約左巴巴串，我們一家五口一上到去，侍應好有禮貌咁招呼，又介紹價錢同有咩食！158一位，抵食！簡評如下：電爐自動轉，好得意，可以烓好多串，等緊嘅時候，可以食熟食，前菜，小吃，凍盤，都有好多選擇。食物種類多，有肉有菜有熟食，仲有焗生蠔，凍蝦青口。啲肉串新鮮好味，牛脷超正。焗蠔定時出，我們每人都食到成十隻，都一直有出新蠔，唔會唔夠食。燒蔬菜就唔係好多，但都有粟米，菇，窩筍個啲。小朋友就鐘意食丸，棉花糖，腸仔。飲品款色都好多，又有好多水果甜品，人人都食到飽飽先走！起初以為兩個鐘，會唔夠，但我哋食左一個鐘三個字，已經開始停手啦！兩個鐘，可以慢慢坐，仲可以食雪糕雪條！4大1小，埋單800！抵食，會再去！

朋友推介去巴巴串🍢🍡，位於觀塘開源道62號駱駝漆大廈1座5樓C號舖。 星期六晚上六點半到達，每位$258 (10% 服務費) 。 每人送半隻芝士焗龍蝦🦞、 鮑魚、大頭蝦🦐和炸軟殼蟹🦀。 自助區有沙律、前菜、小食、凍海鮮、 酥皮盒、海南雞飯、泰式豬手、迷你漢堡包、豬皮、雞翼、 蒜蓉焗蠔、 咖哩、蒸多寶魚、炸物、甜品、雪糕和飲品等等， 太多款式，不能盡錄。 串燒的種類也很多，喜歡燒牛肉串， 軟腍美味😋。 燒蝦新鮮甜美， 還有燒鮑魚都很新鮮😊。 整體價錢相宜，食物種類多，服務質素亦很好。 巴巴串地址: 觀塘開源道62號駱駝漆大廈1座5樓C號舖

觀塘工廠大廈入面不嬲都有好多好嘢食，今次發現到駱駝漆嘅呢間串燒放題，任食兩小時都只係$238，而家晚市仲有送芝士焗龍蝦、泰國大頭蝦同新鮮鮑魚，絕對係物超所值！串燒嘅選擇非常多，肉類有雞肉、豬腩肉、牛肋條等等。丸類除咗墨魚丸、牛丸、燒賣之外，仲有芝心丸、龍蝦沙律丸同魚肉春卷。至於蔬菜類就有雞髀菇、蕃茄仔、秋葵、翠玉瓜等。最有驚喜嘅一定係海鮮類！大大粒嘅帆立貝、大蜆、青口同墨魚仔都可以任食！依間餐廳嘅特別之處，在於將串燒放上烤爐之後佢會自動旋轉，令食物受熱更均勻又唔怕燒燶晒，雖然燒嘅時間相對耐少少，不過唔緊要因為餐廳仲有熟食可以任食！熟食嘅種類亦都五花八門，有前菜類嘅泰式鳳爪、炸雞軟、滷水雞翼，亦都有主菜類嘅牛肉漢堡、BBQ豬肋骨、卡邦尼意粉等等，甚至連蒜蓉焗蠔都有！可以話熟食都同樣出色。到最後甜品除咗串燒嘅燒菠蘿同棉花糖之外，亦都有馬卡龍、小蛋糕同各款杯裝雪糕，特別推薦沖繩海鹽味！兩個鐘入面，可以話係咁食，環境乾淨座位亦寬敞舒適，仲有大大間房可以book嚟開party，絕對係性價比極高嘅選擇。

嘢食好味，態度好好，雖然話限時但最後冇趕過我哋走😉可能佢哋知有壽星仔喺度🥰熟食bar肥哥哥超好人😉醉鴨腎😋正。每人送半隻芝士焗龍蝦🦞超好味😋串燒既好玩又好食😋令呢餐生日飯畫上完美嘅句號😚

今晚去左觀塘工廠食串燒任食放題~巴巴串~，今次係我第一次食自轉串燒放題，幾正wo，唔洗反到手軟。7點零開始食，任食兩個鐘，$238加一，都算抵食啦。每位仲送半邊芝士龍蝦，另外仲送鮑包同蝦燒添。串燒種類多，有唔同款既豬牛雞之外，仲有海鮮燒添，蜆、青口、海蝦界扇貝。係我揀串燒時，店員叫我食多啲，仲特別推介牛既串燒，話肥瘦適中，食落又真係幾唔錯。店員好親切呀。除左燒串燒仲有好多唔錯既熟食選擇。我覺得牛肉漢堡、海南雞飯、燒蠔同炸雞翼好好味。呢度一樣有甜品同雪糕櫃，仲有海鹽雪糕食呀，出面好少食到架。👍👍

餐廳：巴巴串 (觀塘)地址：觀塘開源道62號駱駝漆大廈1座5樓C號舖呢間觀塘新開嘅無火自助串燒放題餐廳——巴巴串 @happybaba_cue 新開唔夠一個月，頂咗上一間串燒餐廳，依家重新開張期間5pm後訂座仲送每位半隻芝士焗龍蝦🦞，另外仲送每人一份海鮮拼盤，包括鮑魚、大頭蝦🦐、元貝同蜆😍，趁優惠仲有快啲去訂位喇我喺平曰嘅優惠時段嚟食，即7:30pm前離座，每人承惠$198加一，生日嘅朋友更加唔可以錯過佢哋全單9折嘅生日優惠🎉。一坐低店員就介紹咗餐廳大概嘅食用流程，同喺邊個位置可以拎咩食物，主要就分咗頭盤、串燒🍢、主食料理、炸物🍤、甜品🍧、雪糕同飲品區食物嘅款式同種類都真喺幾多，keep住出唔同新嘅熟食，例如蒜蓉焗蠔🦪、黃金炸雞翼、肥牛蘆筍串、海南雞飯、蒸魚等🐟，仲要存放喺保溫箱裡面，食嗰陣仲喺暖笠笠🔥串燒區有超過30款食物選擇，泰式雞肉、牛肋條🐮、豬腩肉🐷、煙鴨胸、綿花糖等，而我就鍾意燒賣同黑椒台灣腸。青口、海蝦🦐、帶子呢啲海鮮就可以另外拎個網去網燒；一串串放晒上爐就會自動轉住燒🍢，唔洗自己反嚟反去勁方便，仲唔怕食物一邊生一邊熟。出面有好多醬料可以揀，唯獨唔鍾意醬汁嘅我就無搽醬汁，所

自己本身勁中意食串燒朋友帶左我去觀塘呢間「巴巴串」食「機燒串燒」即係唔使我自己手動都會燒熟既串串😍因為早到左 係門口等左一陣見到佢既設計唔錯 門口就係雪糕位🍦等緊都想食返杯先😂一入到去就即刻巡邏一圈睇下有咩食😍首先係飲品甜品水果區 好多款式 多到我影唔哂仲有Qoo同啫喱😍😍大人細路都岩👍🏻冷盤小食同醬料區 有蝦又有青口選擇好多 每份小小咁唔會太大份 可以試多啲款👍🏻醬汁包括哂中日韓泰都有🤭中意點調味都得呢一邊有熟食區 有焗豪朋友自己一個食左半打😂黎到我最中意既串燒區有海鮮有肉類有丸類有蔬菜類有我最愛既萵旬秋葵多春魚同埋棉花糖真心多選擇👍🏻啲肉係串好哂 比我地自選調味料每張枱仲有調味粉 中意濃味既我會落好多辣味孜然粉 好正呀🤭仲未完😂服務員突然拎左啲龍蝦鮑魚大頭蝦黎我以為朋友加左錢要原來係每張枱都送一人一件😍性價比太高啦 二百幾蚊人頭仲可以任食讚好社交平台又有多九折第日要帶屋企人黎食🤭好似有一間房 可以坐十幾多人朋友聚會一齊燒下都唔錯👍🏻

第一次到這店，下午5:00開始用餐，不太多人，竟然有意外的驚喜🤩🤩環境非常舒服，冷氣足夠，樓面待應有男有女是一班青年人，充滿活力，好nice,又有禮貌，當時店內播D歌，好听令人感覺舒服輕鬆吃晚餐，一班青年人有空亦會唱跟住哼2句，非常有氣氛，我非常欣賞!(可能時間尚早，無咩人，所以，可以輕鬆D😄)但有一位中年男士當日帶cap帽職員，就經常不帶口罩周圍行，在疫情之下，我就覺得不太衛生😒，後來見人多，他會帶返口罩，但露出鼻子😮‍💨，好心啦!你做飲食業就檢點D啦!🤨頭盤~小食~好吸引mini版~綠茶和牛漢堡包~和牛1/4size,好厚肉~正😋😋但是差不多，6:45pm才出爐送2隻鮑魚和大頭蝦~有鮮味😋😋下午5:00後入座，2小時任食open rice book 2位送芝士焗龍蝦~夠新鮮~啖啖肉😋😍我見其他人4位以上再加送軟殼蟹這兩款個撻，皮欠缺鬆脆🙄，但內餡好好食😋串燒很多選擇，例如比較特別有綿花糖及油炸鬼燒😆，本人覺得多春魚，燒煵肉，燒牛柳粒，菠蘿都好好味!😋😋😋😋感覺幾特別，自動旋轉燒飲品都多選擇，可惜，甜品、生菓和雪糕就比較遜色了!總括:每位2xx幾蚊,都算抵食!

觀塘超抵食任食串燒店😋好耐無食串燒，於是上OpenRice 見到好似好多款咁, 就book 左去食😋間串燒店重要好近地鐵站，行2分鐘就到了😌 一入到去店員十分之有禮貌安排我地就座👍🏻 本身我地以為只係得串燒, 原來重有雪糕, 炸物, 頭盤，熱盤，冷盤，水果，糖水，甜品等食物. 重要每枱都有超大隻芝士焗龍蝦, 真係堅好味, 完全係酒店水準 😋 重有鮑魚同大頭蝦比我地燒來食，真係完全無諗過有禁多野食送. 😁里間餐廳唔止串燒種類夠多, 重有樣特色係好多海鮮可以任燒. 咁既價錢重可以食到禁高質嘅海鮮, 另外其他料理也非常出色, 好睇得出每款食物都落足心思去烹調. 老闆仲話佢哋有間VIP房😍下次再搵多d 朋友來再食過先得😋

平時雖然好鍾意食串燒，但係出街食閑閑哋一串到20幾蚊，好難先至可以食得飽，今次經過觀塘，竟然見到開咗一間新嘅任食串燒餐廳！仲要係自動燒烤爐，價錢仲要唔貴，放工就叫埋朋友一齊去試吓！聽朝想去好多，除咗有海鮮，例如蝦，蜆，帶子，墨魚，之外肉類都有唔少選擇！不過我哋都係主力食牛肉，雞肉串都唔錯！另外如果係甜食方便，就比較推介燒菠蘿，同埋燒棉花糖！晚市120分鐘$238一位，其實食10串左右就已經回本自取醬汁位置推介沙嗲醬！同出面食嘅一樣，超級濃郁！ 而且除咗串燒之外，佢仲有好多熟食供應，另外仲有炸物，小食等等，食物都幾多元化！呢個酥皮盒幾好食！好似平時去酒店buffet先會食到嘅質素！另外仲有泰國無骨鳳爪供應！按人頭仲會送每人半隻龍蝦，一隻大蝦，同一隻鮑魚，質素認真唔錯！飲品都係以紙包同罐裝為主，同樣有啲冷盤可以提供雪糕方面都有幾多選擇，個人比較喜歡玄米茶口味，可以解油膩！

記得之前食過觀塘有間自助串燒放題，諗住再去嘅時候發現原來已經改咗名，不過格局其實一樣，感覺熟食嘅食物款式係多咗啲，星期一至四夜晚都只係$238一個人，而家仲做緊二人同行九折優惠最開心係有每人半隻龍蝦餸，所以其實都幾抵食！第一時間梗係去拎熟食和飲品，飲品選擇都算多，有平時飲開嘅汽水、紙包和茶類飲品。熟食就有不同款式嘅沙律、小食、pizza、炸物、雞翼，最正係連海鮮都有，有熟蝦、青口和蠔等等，仲有糖水添！其實食熟食都已經好吸引，但係一定要留肚食串燒！串燒已經一串串吉好晒， 十分方便企理，有蝦、蜆、帶子、青口呢啲好嘢（仲有個網俾你燒，我記得之前係冇嘅，要讚賞下佢呢個進步）當然仲有不同款式嘅腸仔、丸、肉類和蔬菜類，我自己就推介菠蘿、多春魚、牛肋條和叉燒，仲有芝士丸和棉花糖！食物質素都算唔錯！食到咁上下，店員就自動送上芝士焗龍蝦半隻，估唔到仲有鮑魚和大頭蝦！龍蝦肉彈牙，讚！隻鮑魚都幾大隻！基本上大部份海鮮都新鮮好味，我諗只係開張期間先至咁送掛，如果唔係就真係太抵食了！😆😆其實甜品都有好多款，不過老實講我個胃都真係裝唔落了，只好淨係幫襯雪糕，雖然唔係大牌子，不過都OK啦！以呢個價錢可以任食燒烤，仲

鍾意食串燒，一邊食嘢一邊飲嘢一邊傾計，感覺好chill。每次同朋友食串燒都會不知不覺食咗好多串，一埋單就知大鑊！逐串計真係好貴。今日同朋友嚟到觀塘駱駝漆大廈食串燒放題，二百幾蚊任飲任食，我覺得好抵食！每人送半隻芝士焗龍蝦，唔係話好大隻，但係好鮮味同彈牙！仲有一人一隻大頭蝦同鮑魚。飲品都係一般紙包或罐裝飲品，有得任飲已經好好。每張枱上面有三種調味粉，出面亦有取汁區。熱盤、冷盤、甜品、生果都有。蒜蓉焗生蠔，好爆蒜！ 隔嚟個mini版海南雞飯，朋友話個飯好正，食咗兩個！唔可以錯過係廚師推介嘅醉豬手，用三種酒調製：紹酒、玫瑰露酒、花雕酒，陣陣酒香味，爽口彈牙無肥膩感！串燒真係好多選擇，排列整齊，自己想食咩都可以慢慢揀。推介牛肋肉同叉燒，肉本身質高，係靚肉，而且醃得好入味，肥瘦適中，encore之選。反而雞翼就雪味重，唔太好食。自動串燒機幾有趣，放串燒上去就會自己慢慢轉。另有必食嘅燒棉花糖，好耐無食，童年回憶返晒嚟。最後食埋小甜品、雪糕或雪條，好滿足！120分鐘如果齋燒串燒可能有啲緊迫，始終要慢慢燒嘛。 不過我哋又燒吓海鮮，出面嘢食又有好多選擇，時間好足夠呀。餐廳整體做得幾有heart，意想不到