巴巴串 (已結業)

觀塘🐫駱駝漆大廈🏭好多嘢食🤤就出晒名㗎啦，呢間係1座🎊新開嘅巴巴串🔥放題就好有驚喜🤩！呢度嘅爐夠猛火🔥，串燒食物放上去會自動旋轉夠方便👍，枱櫈夠大坐得舒服😌，而且仲有VIP包廂😎可以同時容納十幾人一齊😋開餐開party🎉添！佢哋雖然主打自動旋轉🔥燒烤，但係又有好多唔同款式嘅🤤前菜小食，有凍蝦🦐青口、🍕pizza 、🍔burger、各式各樣嘅酥皮盒、🥗沙律、🐖豬手、🐓雞翼，等等等等⋯⋯🤩多不勝數！熱盤🔥方面雖然唔算太多款式但係十分👍高質，有炸雞🐓、春卷、🥟餃子、蒸魚🐟、芝士🧀焗扇貝、🧄蒜蓉焗蠔🦪，仲有一口海南🐓雞飯添！依家新開張🎊仲有芝士🧀焗龍蝦🦞、鮑魚同埋大頭蝦🦐送，十分之抵食👍。主打嘅燒烤🔥食品款式勁多🤤，各款🐖豬、🐂牛、🐓雞、🦑海鮮、🍄菇類、丸類應有盡有，而且質素十分之好👍！其中我最😍鍾意嘅係🔥燒牛脷，原來佢哋已經預先製作過煮到半熟，我哋再🔥燒香表面，入口🤤軟腍細滑牛🐂牛味突出👍好好味！🔥燒嘅時候除咗可以加上🍯蜜糖汁燒之外，佢哋仲有好多唔同款💪自家製醬汁，例如🇲🇾馬來咖哩汁、🇹🇭泰式香辣汁同埋🇯🇵日式蜜糖汁，其中我最鍾意❤️燒完啲嘢食沾上🇲🇾馬來咖哩汁食，超級😋美味！呢度仲可以網燒🔥

今晚嚟到觀塘駱駝漆大廈1座食呢間樓上串燒店！見二百幾蚊任食串燒吸引，平時食串燒真係閒閒地都幾百蚊落樓，任食又可以食得盡情啲，哈哈！除咗串燒，呢度仲有好多熟食，凍蝦、青口、各款炸物，多款小食，甚至連海南雞飯都有，其實真係食唔晒咁多。燒之前我拎咗少量炸物同海南雞飯食先，估唔到個海南雞飯都幾好食喎，細細兜又唔會食飽你，可以留肚食串燒。另外，除咗任食嘅嘢，每位會送半邊焗龍蝦、虎蝦同埋鮑魚一隻。呢度最正係部自動串燒機，識得自己轉唔驚唔記得反燒燶晒。而且唔駛成日顧住燒搞到手忙腳亂，等佢自己轉住燒嘅期間可以食吓啲熟食或者傾吓計，自動串燒機呢個構思真係好周到！串燒嘅種類都算幾多元化，豬牛雞呢啲一定有啦，我個人幾鍾意個豬五花串燒，燒到微焦勁香口，再加埋辣椒粉好惹味！另外仲有幾種瓜菜類同菇，其中雞髀菇燒完真係好正！仲有BBQ先有嘅大大粒棉花糖，真係冇試過喺串燒舖食到，久違了嘅BBQ感覺返晒嚟！仲有蒜蓉包都十分好食！120分鐘任食時間都幾夠，但係串燒始終需時，要花少少腦筋分配時間。仲有就係，部自動串燒機嘅位置都要好好分配，因為有啲串燒比較闊，如果放埋一齊會互相卡住轉唔到，開頭唔識玩我就唯有隔一個位先擺一串，