巴巴串 (已結業)

今晚去左觀塘工廠食串燒任食放題~巴巴串~，今次係我第一次食自轉串燒放題，幾正wo，唔洗反到手軟。7點零開始食，任食兩個鐘，$238加一，都算抵食啦。每位仲送半邊芝士龍蝦，另外仲送鮑包同蝦燒添。串燒種類多，有唔同款既豬牛雞之外，仲有海鮮燒添，蜆、青口、海蝦界扇貝。係我揀串燒時，店員叫我食多啲，仲特別推介牛既串燒，話肥瘦適中，食落又真係幾唔錯。店員好親切呀。除左燒串燒仲有好多唔錯既熟食選擇。我覺得牛肉漢堡、海南雞飯、燒蠔同炸雞翼好好味。呢度一樣有甜品同雪糕櫃，仲有海鹽雪糕食呀，出面好少食到架。👍👍