巴巴串 (已結業)

整體來講唔錯幾好好多唔同食物大人細路都適合鱔 扇貝推介海鮮 加大量蒜 就已經好食👍🏼唯一要講唔好應該係 通風 冷氣微弱最好自備風扇如果唔係對住個爐都幾熱廁所對出地下有啲地滑 請自己小心

今日就去左觀塘呢間巴巴串既串燒放題🤭呢間既食物同飲品種類都繁多。一定令你食到好滿足咁走！上次去果陣book 左五點都好多人食！ 感覺都幾受歡迎👏🏻如果有興趣食，就記得book 位！店舖環境都幾舒適，坐既空間都足夠！冷氣都夠凍！唔會令你一路燒一路流汗🤤呢度有熱食盤 我覺得推介既有:蒜蓉焗蠔同蒜蓉豆豉辣椒炒蜆👍🏻好惹味 凍肉盤就擺放左好多一串串既燒烤串，款式的確好多，如圖一樣！ 想烤棉花糖都有😜甜品方面，有豆腐花 雪糕 雪條 仲有蛋糕 啫喱都有🫶🏻飲品仲要除咗有汽水之外，如果你想飲咖啡奶茶朱古力都有包裝可以俾你自助沖🤪勁貼心依家只要巴巴串食，都會贈送白鱔一串、蒜蓉粉絲蒸元貝一隻🤭按人頭計，勁正💕好新鮮餐廳：巴巴串 (觀塘)地址：觀塘開源道62號駱駝漆大廈1座5樓C號舖

和朋友到觀塘吃串燒放題，見到呢間有熟食同埋串燒燒烤，所以就決定入去食。地點非常方便，好近地鐵站，餐廳坐落於觀塘鬧市，非常方便。餐廳環境都好舒服，裝修都好靚。燒烤爐都好特別，係自動轉圈燒烤，非常得意。有得玩又有得食。有好多唔同嘅海鮮燒烤，有帶子，青口，仲有生蠔，海鮮種類好多，任君選擇。佢熟食都有芝士生蠔，炒蜆，都好好味。店員仲有不定時拎住佢哋燒好嘅送上枱俾我哋食。熟食都好吸引，有漢堡包，有炸雞，非常之好食好好味。外脆內軟炸得非常好食。串燒選擇都好多，有墨魚丸，雞翼，泰式雞肉，牛肋骨，全部都好新鮮。熟食仲有黑松露批，沙律批，味道非常之好食。海鮮都好新鮮，好多肉汁，非常之方便，一面可以放上網度燒，一面可以轉轉串燒。

朋友推薦呢間位於觀塘駱駝漆大廈入面嘅放題式自助串燒店 平日晚市放題都係198一個人 可以任飲任食兩小時 好抵食所以今日趁平日放工就約咗朋友一齊去試吓入到去見到間餐廳都好大 座位都好闊落大部份都係卡位 坐得好舒服餐廳除咗有串燒之外 仲有熟食, 炸物,冷盤前菜,甜品,同埋飲品嘅區域 超級多種類揀🤤 多到唔知食邊樣先😂熟食方面推薦大家食蒜蓉焗蠔 焗得好香 同埋啲蠔都好大隻冷盤前菜區有 涼拌青瓜手撕雞,拍青瓜, 燻蹄, 黑木耳,仲有海鮮白灼蝦同埋青口 任君選擇到重點串燒區啦有超過30款嘅嘢俾你揀肉類嘅有牛柳粒, 雞肉, 豬頸肉, 雞翼,腸仔等等海鮮嘅有扇貝,蜆,蝦,蟶子,青口等等其他仲有燒賣, 各種丸類, 菇,蔬菜等等我都係第一次試呢種自轉燒烤爐嘅串燒感覺好新奇 一放啲串燒上去 佢就會自動轉 唔使自己反嚟反去 好方便餐廳仲會提供燒烤網, 可以放上去個爐度 燒海鮮嚟食推薦佢哋嘅肉類 都係醃好咗嘅 醃得好夠入味👍🏻不過如果想重口味啲嘅 出面自助區仲有好多款醬汁比你加 枱面仲有孜然粉可以自己加最後到甜品 有生果雪糕雪條蛋糕等等🤣不過食到最後已經好飽 淨係食咗個雪糕就算晚市放題$200一個人嚟講真係好

地方大用餐環境喜歡好喜歡但平靚正最適合三五知己走在一起用餐的地方很開心一路用餐一路有歌聽經典歌曲食得開心good,又多一個聚餐地方我會再去食物質素OK價錢超值。

近來很多朋友去食無火串燒自助放題，朋友也推介這間食店，於是去了觀塘開源道62號駱駝漆大廈1座5樓C號舖巴巴串~串燒放題，港鐵觀塘B2出口，步行約3至5分鐘。店內清潔整齊，地方頗大，座位相當寬敞，四位朋友齊齊坐也覺非常鬆動，桌面很大，長型的串串爐放在桌枱上的中間，取了大量食物也可夠放，店員禮貌招待，介紹店內食物擺放位置。門口拉架寫明價錢，早鳥時段放題每位$198。飲品區~提供有拾多款罐裝和盒裝飲品，全是有品牌的飲品，餐廳前後都有飲品櫃，方便人客拿取。小食前菜區~有青豆、茄子、流心蛋、芝士火腿牛角酥、黑木耳青瓜、燻蹄、炸蝦片、冷麵、海南雞飯、鱆魚脆丸子、還有精選的沙律區，各樣小食都非常美味，份量任意選擇。海鮮冷盤區~青口配上醬汁提升鮮味、白灼蝦鮮甜肉質爽口彈牙，值得多食幾隻。熱食盤區~有蒜蓉焗蚝，焗得又香又惹味。上湯浸娃娃菜，夠淋又夠滑很鮮甜。蒜蓉豆豉辣椒炒蜆，鑊氣十足，香濃又惹味。天婦羅炸蝦，外脆肉軟蝦味濃。天婦羅炸蚝，蚝肉新鮮甜滑。中式椰子雞湯，香濃椰子味，入口舒服火喉十足。串串凍肉燒烤區~有雞翼、雞肉、牛柳粒、牛舌、义燒、脆皮腸、紅腸、雞尾腸、黑椒腸、午餐肉、墨魚仔、蝦、元貝、冬菇、

觀塘駱駝漆工廈入邊有好多唔同種類嘅餐廳話今日同朋友慶生，佢話想食串燒放題，發現呢間價錢合理任飲任食包埋甜品雪糕，每人二百幾蚊，生日仲有九折優惠添。串燒方面有好多選擇，有唔同嘅肉類，牛、雞、豬，如果驚麻煩佢都會有一啲熟悉熟悉竟然有焗蠔同薯蓉可以頂一頂肚，就唔洗餓親。我最推介燒菠蘿，燒完之後真係勁香甜同喺日本放題食嘅一樣咁高質，大家唔需要擔心火候不均勻，而唔夠時間燒，因為佢個爐嘅火候夠猛，所以其實串燒大約10幾分鐘就食得。你都會送返蒜蓉燒扇貝，大量蒜蓉鋪上面，超級惹味，最特別係餐廳提供唔同嘅醬汁令你好似BBQ咁可以落蜜糖，味道更提升。佢仲有海鮮、蝦、青口等等俾你有個網咁燒，好玩又真奇。最後甜品選擇都有好多款，包你滿載而歸，呢個價錢絕對冇得輸。

一班朋友生日聚會，所以book左佢哋18人房，黃金時段黎平均每人$260位。任食串燒超過30款選擇，仲有限定小龍蝦半只及軟殼蟹， 其余任食仲有炸物、 涼拌小食、熱食、焗 生蠔、甜品、多款飲品雪糕雪條 嘆住冷氣食燒烤真係幾爽， 仲要自己自動轉轉轉…… 超方便🤩味道: 生醃食物 ok， 唔係勁濃味嗰啲死醃肉。 炸物有燈櫃長照著，所以保持香脆，涼拌小食都唔錯。 甜品正常款式算多。環境: 樓面可以見到廚房環境，覺得佢哋都衛生。 佢哋吸油煙系統唔錯，所以唔覺得檯面或者地下痴立立。服務: ok唔錯抵食指數: 回本位唔多但勝在選擇算幾多下， 平時外面一串串計嘅串串燒都唔平， 我會推介呢一類任食串串燒

我和朋友行完裕民坊，就搵地方食嘢，朋友推介一間超抵食嘅串燒放題餐廳，位於駱駝漆大廈1座五樓，咁抱著不妨一試嘅心態，咁就去試下啦，到咗見到個門唔係好大，但入到去之後就發覺個餐廳係非常之大，座位亦都好闊落，首先見到喺巴枱嗰度擺嘅熟食，嘩真係超多，再睇飲品櫃入面，竟然有冇酒精嘅嘉士伯啤酒，超中意；再去睇下個串燒櫃，嘩一聲，超多唔同嘅選擇，有任攞嘅扇貝，海蝦等等嘅海鮮，當然仲有不同款式嘅豬牛雞肉串呀，真係講都講唔曬，再轉彎就見到個甜品櫃，都有六七樣甜品畀你揀；熟食方面竟然有焗蠔，炒蜆，仲有椰子雞湯飲；而凍飲品款式當然係超多啦，竟然仲有雪糕任食，真係冇得輸，仲有唔同嘅炸物，勁脆嘅蝦片，竟然連义包都有得食，仲有每位客人都會特別奉送嘅粉絲蒸扇貝，同埋一串鱔魚肉！真係一間超多嘢食和勁好食嘅串燒放題，服務員仲好親切噤幫你收走用過嘅碗碟，佢有時見到某串自動燒烤卡住，仲會幫你整理一下，真係超細心；老闆仲會不時出嚟，介紹你用唔同嘅醬料混合唔同嘅食物，達至最好食。兩個鐘真係食到超飽，我哋七點半前埋單走人，每人二百蚊有找，真係超抵食！

想同朋友barbecue, 唔洗一定下下都要去到熱辣辣的bbq場既～今次同朋友就book左去觀塘工廠區一間新開的小店食串燒放題一於涼住冷氣都好可以嘆到燒烤風味小店座位都好寛躺，坐得好舒服。一入黎仲播好多懷舊金曲，令到我同朋友都忍唔住high起來跟著唱～嘻嘻哇～一入到去梗係衝去睇下有咩好燒啦小店都預備左好多種類，海鮮、肉類、蔬菜類都包晒，岩晒唔同口味既人～佢仲特別到有油炸鬼、棉花糖呢啲～真係好似去左燒烤咁！小店仲一早串好晒比你～好方便拎完串燒之後，當然拿拿臨拎番埋位慢慢燒首先，一定要讚下呢個爐，當啲串燒放上去佢就會自動轉，方便到極致，咁就唔洗怕同朋友傾傾下計，燒到燶晒一邊啦～Happy Happy溫馨提示！！大家燒野既時候記得可以係出面拎蜜糖汁/咖喱汁/酸辣汁查落啲野食去燒～除左呢啲汁之外，每張枱都會提供味粉比食客讓食客可以自己調配最中意既口味（而我….當然就係搽左好多蜜糖汁）小店除左提供串串燒比你enjoy燒野既樂趣外，佢仲預備了唔同既熟食比食客，種類都唔少，感覺好似食緊放題咁，超抵！等我地等緊製成品時都會有美食燒到咁上下，我地仲拎埋海鮮燒黎食海鮮都幾新鮮，啖啖肉，唔錯唔錯～最後，當然

巴巴串係近新開嘅放題式串燒店 位於觀塘工廠區😌bookmark左一段 今次接朋友放工就順路去食😗😍串燒種類都算多🍢有豬牛肉、有魚、蝦、貝殼類、多種丸類、仲有菠蘿、粟米、棉花糖等等等放落烤爐等佢自轉就可以油煙唔算大非常方便！😍醬料方面可以自由調配醬料 個人比較鐘意加一層蜜糖 然後牛油鼓油加辣椒 枱面仲有孜然粉同五香粉加落串燒都好惹味😋😍另外都有熟食🥙🧆🍝🍲同甜品🥧🍮提供味道都唔錯🤓個人推介日式糖心蛋芝士肉醬通粉同海南雞飯好高質！拍得專業嘅海南雞飯餐廳😍店員有定期收走枱面多左/用完既碟可以保持到枱面清潔🧹值得一讚👍🏻👍🏻👍🏻

自從上次試完可以自助串燒之後一直念念不忘，估唔到最近朋友又推薦我另外一間觀塘嘅串串燒，佢仲讚不絕口，叫我一定要試食咁話喎。無問題，收工即刻安排👍🏻位置一啲都唔難搵，喺觀塘嘅駱駝漆中心入邊，以工廈來講位置同環境都十分理想。同電梯都有幾台人一齊入呢間食肆，睇嚟真係好吸引喎。一入到去，店員已經好快手咁幫我哋安排咗座位，店內大部份都係卡位，坐六個人都唔成問題，我同朋友兩個人去簡直好似有貴賓嘅感覺😂今次嘅自助串燒係可以自行拎食物，串燒區域廿幾三十種不在話下，但驚訝嘅係佢嘅熟食竟然都有十幾廿種，仲要唔係普通嘅熱葷，而係有軟殼蟹漢堡、煙三文魚牛角包、豉椒炒蜆、蒜蓉焗蠔、炸雞塊，搞到我錯晒重點咁食咗好多熱葷，但真係好好食😂😂返嚟重點，串燒一般嚟講都係豬牛羊雞丸，然後有d菜有少少海鮮咁。但係，呢間店舖係有少少海鮮放題嘅feeling (!!!)，因為可以任食聖子、帶子、蝦、蜆、青口、蠔、墨魚仔、多春魚，唔使加錢就任食曬呢啲海鮮，淨係食海鮮都值回票價啦🤩🤩 (話時話我都食咗好多炒蜆同焗蠔，真係超值👍🏻👍🏻👍🏻) 。加上佢嘅牛肉粒都非常之大件同好味 (今次正常串燒食少咗🤣)，味道同性價比加埋簡直有一百二十分

今日想平平哋食個大餐，就選咗近近地嘅觀塘串燒放題。呢度嘅食物種類有好多單單係前菜熟食已經有10幾款，例如沙律雞翼生蠔炸物炒蜆至於生嘅串燒，款式多到令人眼花撩亂，好癒療，呢啲就係食放題嘅好處，任拎任食例如肉類最基本嘅雞牛豬羊都齊晒，每樣都有醃過，如果想特別啲或者多啲味道就自己再加調味粉；但係唔加其實都已經好夠味之後你只需要將串燒區係爐度，佢就會自動咁轉轉轉，唔係好需要好似平時韓燒咁樣睇到實一實至於海鮮方便，你就可以擺喺個網上邊，例如扇貝聖子生蠔🦐蝦二百幾蚊我覺得好抵食，食足兩個鐘，之後仲有甜品水果嘢飲😍

#ftf_觀塘抵食高質巴巴串 100%回頭率優惠時段任食 $198/人⭐️⭐️⭐️⭐️⭐️呢個價錢，食物質素簡直超乎水準！首先，一個人$200都唔使就可以食到多國熱葷、涼菜、甜品、串燒達30款以上，仲要有埋海鮮！全部都好高質素，每款試一串，個肚一定會飽到爆炸，所以真係超抵食！而且仲唔使自己燒，放上條齒輪到，佢就識得自轉，話咁快就食得！其次，餐廳係連熟食都已經好用心製作，連熟食都美味可口，完全真係冇浪費我quota，我真係服咗佢！特別推薦嘅係軟殼蟹抹茶漢堡，作為麵包嘅愛好者，佢個抹茶漢堡包，係有口感㗎 ！而且仲要有抹茶味，軟殼蟹炸得酥脆香口，份量一啲都唔孤寒！太好味，所以我食咗兩個，哈哈哈！仲有，香蒜焗蠔、鳳爪、螺肉都強烈推薦！再者，串燒嘅選擇種類真係多到不得了，味道同質素令人喜出望外。所有肉類都醃製得好出色，入味得來唔會太鹹。舖頭仲有好多唔同醬料比大家選擇，但我淨係拎左啲蒜蓉之後就冇再加其他，因為每張枱都有孜然粉、秘製辣粉同辣椒粉，就咁食到已經夠味，想惹味啲，點埋孜然粉，簡直係完美嘅配合！海鮮種類都好豐富，有聖子、青口、大蝦、蜆同扇貝，全部都好新鮮！佢連丸類都係高質，唔係淋啤啤痛好粉嗰啲，貢丸、

約咗平日5:30入座，已經有人食緊。有好多食物揀：牛柳粒、泰式雞柳、雞翼、墨魚仔、秋刀魚、午餐肉、芝士腸、扇貝、青口、蝦等等。熟食亦都好多選擇，有炸蝦、炸蠔、蒜蓉蠔、炸軟殼蟹包等等。小食有泰式無骨鳳爪，好味！食咗好多牛柳粒，店員都好歡迎食多啲😂扇貝新鮮又大隻，加蒜蓉一齊燒正！雪糕雪條、飲品都多選擇，平日5:30入咗仲有九折，兩個成人$396，食得好飽好開心🥳