巴壽司日本料理 (已結業)

夜晚食左一客三文魚刺身, 拺左要厚切, ok la, 咁既價錢當然唔可以要求咁肥美架拉. 象拔蛘壽司, 爽口但唔夠厚大, 芥棘八爪魚刺身, 爽正呀! 黃金魷魚壽司, also ok. 燒三文魚壽司, 燒得有D脆口, 魚油香溢, 出奇地好食喎! 炸蝦壽司卷, 不過不失.埋單$190 兩位總括來說, 食得過!

黎過兩次，侍應服務一流，加茶勤力食物高方邊，叫左一份三文魚，$56有8塊，可能去貨快，都算新鮮，不過wasabi就一d都唔辣，唔點好過點牛肉火鍋，好足料，唔會得兩塊牛肉放係面然後用d菜墊底就算係灣仔黎講，價錢同質素都唔錯，不過去廁所就麻煩d，隔離棟大廈都幾陰森........不便都會繼續幫襯

時不時都會去食，以呢個價錢黎講食物質數十分唔錯，尤其是三文魚刺身厚切，差唔多係人去到都叫，更不時見有人叫外賣，晚市去遲d 都冇哂。不過最欣賞既反而係佢地做野既認真態度，無論平貴食品都一絲不苟，連十零蚊一客既卷物亦唔馬夫，好！另外點菜時又真係不時會話冇，一方面因為好賣賣哂，另有一次點菜時waitress同我講話冇，因為當天廚師入貨時覺得那樣菜色的材料唔夠靚所以冇入貨，寧願當天唔賣，愛惜羽毛，好！另外店鋪既service唔錯，店員都好proactive，令人覺得佢地好樂意serve你，好！不過前排唔知係咪人多左，定係新人既service有d生硬，希望佢地以後既service keep到喇。Overally Speaking，呢間係一間值得Highly recommend既鋪頭~

因為天雨關係, 入左黎食飯......要了三文魚刺身、海鮮火鍋定食及蝦天婦羅。三文魚刺身點的時候要了薄切, 但一上檯都覺得幾厚身, 比想像中大碟, 頗新鮮, 不錯。海鮮火鍋中規中距, 與預期分別不大。天婦羅是最失色的, 粉略多了。整體環境不錯, 幾乾淨。服務則一般, 因為點菜時原先是要清酒煮蜆的, 侍應說沒來貨, 朋友再點了第二個菜, 又沒有, 我禁不住問侍應有甚麼比較出名/主打的菜式(其實係想問你地到底有咩呀?), 侍應既回覆都幾敷衍...「剌身呀, 壽司呀...都係o個d囉...」..哈哈, 我聽完都笑...

今晚一行7人到呢度開餐, 等左一陣.ORDER:棒壽司- 一客3大件, 即係三文魚加吞拿魚壽司, 不過上面有鰻魚汁同之芝麻襯托, 散發出芝麻香味.三文魚刺身- 厚切, 十分肥美, 好新鮮.海鮮拉麵- 多料, 但麵的份量比較少.三文魚壽司- 好新鮮, 必食!牛油焗什菌- 好香牛油味.軟殼蟹炒飯- 好大碟, 十分足料.三文魚炒飯- OK 啦! 但個人應為軟殼蟹炒飯好味D.服務態度唔錯, 好主動, 唔錯.

前排黎過無左肉鬆花卷真係好失望,噚晚再黎巴壽司, 終於有返啦哈哈另外有個新出o既腐皮卷好好味, 我本身都好like食腐皮壽司, 所以就更正喇!另外叫左個燒三文魚腩卷, 正!三文魚亦夠新鮮, 好味呀!

見到呢度d食評有讚冇彈, 今天就同bf來試下~ 等左5分鐘就入得了~叫左6,7樣野~ 先來2客三文魚壽司($10有2件), 冇咩特別不過都ok, 之後叫左炸蝦卷沙律手卷($28有2件), 個蝦肉好熱, 紫菜好脆~ 見呢度d卷物好似幾抵, 廿零蚊有4,5件又大件, 又有特色, 所以叫左北海道蟹腳天婦羅牛油果卷($28有4件), 不過呢個就差d, 唔覺有蟹味.見手卷唔錯, 叫多2件三文魚皮手卷($10件), 呢個真係好, d魚皮即炸的, 好脆, 紫菜又脆, d醬汁又好味~之後叫左個熱食--- 日式海鮮竹筒飯($18), 不過幾細兜, 5,6啖冇晒, 好似中式d糯米飯, 不過辣d幾香口. 最後叫左加州卷, 因為見好大碟, $15有成6件~唔飽就奇!呢度唯一唔好係比較逼同埋等野食都要等成10分鐘.我仲見到一個好似許愿既男人同一家人食飯tim ~

同老公來試下. 叫左:蟹子沙律- ok, 起碼係即撈竹輪芝士天婦羅- 少有, 但不及尖沙咀的居酒屋, 還差好遠蔥吞拿魚腩手卷- 正! 紫菜好脆!三文魚刺身- 夠新鮮, 又平($56), 但呢度d豉油唔夠味, 最好自己帶支頭抽來牛油果蟹腳反卷- 普通南瓜天婦羅- 可以, 油左少少要讚o既係服務好好, 難怪咁爆場.

同左個好朋友來食飯~我地七點半左右到,要等位~食左三文魚刺身半份厚切，係三片非常肥厚既三文魚，非常新鮮!! 才$28!仲有燒鰻魚壽司，係脆架，d 汁好惹味～　再來一個螢火魷魚壽司($18)...但我覺得好怪味．．．　玻璃蝦壽司都好味，(但峰壽司既峰蝦係好d~)之後的炸三文魚皮手卷，好好味呀～～　$10only!! 唔知點解，食左五件壽司左右已經飽飽～　哈～　好好味呀～一定再來!!!! lunch 好似唔加一～　不過唔like d 人食煙&比較逼~

七時許約了朋友到此吃晚飯。點了鰻魚飯、炸吞拿魚牛油果卷、南瓜蕃薯天婦蘿、及炒雜菜。每樣都很大碟很好味，尤其是鰻魚飯，份量十足。侍應服務都不錯。坐到八點幾已很滿坐，還有人在外面輪候，看來生意不錯。侍應亦不會趕你走，任你坐，沒有壓逼感。唯一缺點是有很多人吸煙，很臭。總括而言，會再來幫趁，因為價錢很相宜，食物質素亦錯。

呢間巴壽司極不起眼, 我都係3年前由朋友介紹先來的, 3年以來我一直斷斷續續咁去, 佢地既質素從來都無跌過, 好!三文魚刺身又大又新鮮又平, 那款照燒牛扒定食更是一絕, 加上佢會定期推出一d特色小食的, 每次都不錯, 加上價錢合理, 我依然會繼續支持.至少比起個間曾經風靡一時既加太賀, 巴壽司實在係實而不華. 同時, 侍應亦有禮貌主動, 唔錯唔錯!!

一間在角位的日本食店,不太起眼,但有幾多人排隊.2人叫了以下食品.1.三文魚刺身1/2$28,八爪魚刺身1/2$33,大大片,幾新鮮,抵食!2.軟殼蟹卷$88,分切4件,幾野味.3.燒魚干$28,這個就不太好味.找數~$180.算了吧!!

抵食三文魚刺身, 雖然$40, 但好大舊好大舊好大舊!!!個燒銀鱈魚嘛嘛地, 將厚身的銀鱈魚一分為二, 無晒口感之餘亦都易散. 不過味道都Ok.個鰻魚壽司又係必食o既, 唔腥又炸過, 脆脆地無骨! 正!餃子雞亦無乜"餃子". 嘛嘛. 凍豆腐, 嘛嘛, 唔識食.仲有其他壽司都係大慨~$12 , 每款壽司都係舊肉包住舊飯, 唔係arm arm 好"遮住"舊飯就算. 好抵食.

明咩係迷你大八爪魚？真係要搵個瘦D的肥仔去食先得。落單好仔細，我地兩個人食一個麵，要求加多D菜，佢講明先問過廚房再覆，唔會呢頭話得果頭又阿之阿左，亦無話怕煩一句就say no。以港式日本菜，呢間係又平又好的。泊車，夠膽可就咁放門口，唔係左近好多錶位。

好正~三文魚好抵, 而且新鮮~侍應都好有禮貌, 加水唔駛你叫.值得推介呀^_^