川滿居 (京都廣場)

营业中

休息中

自從晚市禁堂食後，夜晚都係食簡單茶記為主，方便快手，但都好想食一些自己鍾意嘅特式菜。呢度晚市外賣又有折。佢哋出菜都好快，由落單至攞到餸菜都係15分鐘左右，包裝亦算穩妥，基本上酸菜魚攞返屋企之後個湯都冇漏。藤香雞，雞肉好嫩滑，好有雞味道，亦唔會太肥，肉汁豐富，基本上冇辣但都算麻，食落有少少似醉雞感覺。京蔥牛肉配六片嬤嬤皮，牛肉炒得好香口乾身，蔥亦完爆得好香，唔會好鹹，用嬤嬤皮包來食，更增加整體層次感。金湯酸菜魚，就算過咗15分鐘返到屋企，湯的溫度亦保持得幾好，佢哋放咗好多唔同嘅菇，增加香味。魚片夠滑溜，質素幾好，薯粉亦都夠滑夠入味，薯粉份量都有差不多一碗份量。

今日朋友帶我去食川菜「川滿居」🌶 午市都幾抵食，又幾多選擇👍🏻 weekend 都有 lunch set👍🏻 金湯酸菜魚 $188份量夠多😍 魚肉足料🤩 而且非常嫩滑😋 湯底酸辣程度恰到好處👍🏻😋 薯粉爽口彈牙👍🏻 好好味喔👏🏻藤香雞 $66雞肉非常滑👍🏻 淡淡清香，全部係雞髀😍正👍🏻 孜然羊肉 $98羊肉好足料👍🏻 充滿羊味😋 孜然味好惹味🤤 配埋嬤嬤皮更夾👍🏻抵食又好食，值得再去的餐廳👍🏻

今日早放工唔想咁早返屋企，就約咪朋友出去食飯傾下計。黎到銅鑼灣搵食，比我地發現左呢間餐廳，就入去試下。首先點左金湯酸菜魚(加大），呢個真係份量十足，4人食都綽綽有餘，唔算好辣，我地叫左小辣，酸菜食落去非常開胃。粉條係底，非常彈牙，好有口感。跟住就係藤香雞，呢個係涼食，味道都唔錯，係我鐘意既味道，一啲都唔辣，送飯食非常吸引。之後重叫左回鍋肉，呢個非常有鍋氣，非常入味，味道都係我鐘意既味道。唔算好油，賣相都非常出眾。還有叫左蔥椒小肥牛，呢個味道同乾炒牛河既味道差唔多，都係我熟識既味道，非常有鍋氣。重叫左麻婆豆腐，一定要配咪白飯食真係一級享受。味道岩岩好。最後呢道特製既酸梅湯，係凍飲黎，酸酸地非常止渴，我都係第一次飲，都係唔錯既選擇。呢道服務一流，非常有禮貌，而且上菜快，份量都好多，真係非常抵食。

好耐無食川菜，今日決定同朋友搵間好食川菜，真係搵岩左！首先環境都唔錯，坐得舒服又有四川個種氣息，餐牌選擇都多，幾乎我想食嘅都有。《藤香雞》$66椒麻味好夠，十分好味，而且雞都好入味，做得幾出色。《孜然牛肉配6件嬤嬤皮》$88首先份量好多，唔好見佢洋蔥好似好多，牛肉都多，而且好濃孜然香，又炒得夠林，口感都好嫩，配埋嬤嬤皮好似食緊片皮鴨嘅感覺，好正！《金湯酸菜魚》$188酸菜魚係食川菜必點嘅菜式之一，呢個都做得非常唔錯！我地嗌左BBQ辣，岩岩好，又夠酸味，酸菜都好好味，魚肉超滑無骨，係靚嘅魚片，份量又多，好抵食！ 總括黎講，呢間川菜係我心目中質素係好好，每樣食物都滿意，一定會再黎！

又到聖誕🎅🏻～又到聖誕🎄個個聖誕都食聖誕大餐，當然我地都唔執輸啦，不過我地就衝出傳統📣食中式、食川菜🥳、食酸菜魚🐟🤤首先黎個冷盤藤香雞🐔，呢個睇落去平平無奇，外貌似醉雞，原來食落去大有來頭，雞肉嫩滑，食落感覺酥酥麻麻，會追著食嘅前菜。小食酸辣土豆絲🥔 酸辣可口，非常爽口，簡直係愈食愈開胃終於黎到重頭戲「酸菜魚」🤤揀左小辣嘅我地覺得真係好岩唔係好食得辣，但又好想挑戰食辣嘅朋友去食👍🏻魚肉用左鱸魚，嫩滑無骨，入口即溶，完全唔洗用任何牙力。重點係冇骨🦴😆岩曬我呢d會啃到骨嘅人食。再配上煙韌彈牙嘅薯粉、酸菜，將成個酸菜魚配合得恰到好處，兩個人食岩岩好。

同朋友在銅鑼灣shopping 完搵野食，路過京都商業中心樓下水牌見到有好多選擇，天氣有點涼正啱食d辣野，就揀左呢間食川菜的餐廳。 餐牌：因為停晚市，我們4點幾就上去食飯，好彩不用等位。職員安排了我們坐卡位，坐位闊落，餐牌上都有好多不同款式的川菜小菜供客人選擇，價錢亦非常之親民，店員亦細心地推介了他們的主打食物，選擇困難症的我們就決定跟店員的推介： =藤香雞 $66=作為開胃小食來講，呢個藤香雞認真無得輸。用上了雞的胸和翼，雞肉皮滑肉嫰。第一啖入口有濃烈的花椒，然後舌頭會感受到一陣麻痺，但整體感覺不會太辣，就算唔食辣的朋友都可以一試。 =金湯酸菜魚 例牌$188=招牌酸菜魚，魚片嘅分量夠多，魚片由生魚切成薄片，完全沒有魚骨。我們點了中辣，他們有大/中/小辣可以俾同需要的唔食得辣的朋友湯底。配料都好多，有紅薯粉，三種菇，萵荀，酸菜，籮白。單單視覺效果已經好豐富，味道更加係完美地帶出生魚的鮮味，除左有以上提出及的配料外，用花椒八角紅辣椒青辣椒炮製的湯底味道豐富。酸菜魚最怕太酸/太辣，又或者唔夠酸/唔夠辣，呢個酸菜魚做到酸度及辣度恰到好處，爽脆彈牙嘅魚片，入口再有一層麻辣味，一試難忘。 =孜

夜晚冇堂食，叫左份「招牌鮑魚雞煲」外賣，$188半隻。出品整份野得碗仔咁細，打開內裡只得一半。食遍港九新界未見過咁大份「雞煲」，極為佩服，188蚊就咁唔見，突然覺得辛苦打工的自己好可憐聲明，我未有享受該餐廳任何會員優惠或試食活動

好耐冇食過酸菜魚🐟，冬天特別想食，所以週日約朋友去到銅鑼灣京都廣場嘅川滿居食午餐，味道幾正宗，十分滿意。💗🐟金湯酸菜魚 $188呢度招牌菜，超大盆，食得好滿足。魚塊好滑嫩，份量好足，食極都有，配菜仲有雜菌，個底仲有好多寬粉。👍😘🐔藤香雞 $66 雞肉入曬味，充滿麻香。🐂孜然牛肉 配六隻嬤嬤皮。$88炒得好有鑊氣， 牛肉片夠霖，孜然香氣獨特，用嬤嬤皮包住嚟食，煙煙靭靭。下次銅鑼灣行街，再黎食飯先。

此銅鑼灣店新開張三個月。已經是下午2:30，店內有2間容納兩張4人枱左右的廂房，大廳還是有十枱八枱捧場客，以樓上舖及已過午市時間來說絕非冷清，足見此店有一定水準。先來一碟藤香雞。麻與辣二擇其一我會選麻，麻的感覺更富層次更撩人。此雞正是七分麻三分辣，用了胸、翼位置，雞不肥、皮薄，肉嫩，將雞來回蘸麻香汁才進口，同開胃小吃有同等之效。我等是來尋找媲美大陸正宗酸菜魚的足跡，遂必點金湯酸菜魚，BB辣度。同初次見面的貼地侍應桐姐聊了幾句，得知師傅選用加州大鱸魚，取其夠大夠肥美，件頭大易帶出口感。一試之下，所言非虛。起好骨，放心吃，肉嫩微彈牙，我等不停地勺，魚肉循環在口腔內化開散發鮮香……下為數不少的新鮮花椒、芝麻、啡菇、白菇、切得極薄的萵筍，配幼滑薯粉，濃香到連吃不到辣都起勢不斷勺酸菜魚來喝……不自覺也喝了兩碗辣熱湯。如果我有帶多件替換衫來吸汗；如果能更吃得辣，會整鍋會按捺不住乾掉。在坐已不時聽到廚房傳來熊熊烈火之鑊炒聲響，已料到鑊氣程度。又來多客孜然羊肉。本來羊肉切得細但不碎，最理想是不羶但又有羊肉香，洋蔥切得幼條因此盡情吸收了肉汁，全無澀味，作為配菜都被清空。據知酸梅湯是店家下足材料自家煲，惜

幾日沒有出街食晚飯， 今日天氣凍凍哋🥶好想食辣嘢🤤，到位於銅鑼灣京都廣場6樓的川滿居吃午餐🥢。 店內燈光柔和，有窗邊位置，自然光滲入， 都幾舒適。 食川菜一定要有酸菜魚🤩， 午餐有金湯酸菜魚$188、 藤香雞$66、孜然羊肉配嬤嬤皮$98、白飯$15、 凍檸茶$18、 熱奶茶$18。 ▫️藤香雞 ～ 嫩滑的雞肉帶點藤香味，其獨特的芬芳香味， 令人一食愛上🥰。 ▫️金湯酸菜魚 ～ 香噴噴的酸菜魚😚，色澤金黃誘人， 我點了小辣🤏🏻，味道酸辣清香，魚片份量多又嫩滑😋，配菜有薯粉、菇和酸菜， 微辣的酸湯越食越開胃👍🏻。 ▫️孜然羊肉配嬤嬤皮 ～ 羊肉嫩口炒得有鑊氣又惹味😊，孜然能祛除羊肉的騷味，令肉質更加鮮嫩，配薄薄的嬤嬤皮吃就更加滋味無比🤞🏻。 ▫️凍檸茶 ～ 食酸菜魚配可樂之外，還可以配凍檸茶更健康😊。 ▫️熱奶茶 ～ 熱奶茶都做得不錯☕， 茶味幾濃。 今次發現這間出色的川菜館， 地點又方便，下次一定會再來👏🏻。

高性價比的午餐。點了黃花魚湯套餐$72，想不到湯里滿滿的都是菜，驚喜，吃菜吃得很滿足。有一整條大黃花魚，肉質十分鮮嫩。湯整個都是可以喝的，是魚骨湯和豬骨湯熬出來的👍👍👍

晚市堂食最後一日🙁真係…😓講返啲嘢食開心下先，冬天最啱食酸菜魚，以前都好鍾意食酸菜魚，雖然越食越辣，但係都越食越過癮，間唔中都會去食一次🐟金湯酸菜魚💰$188/標準; $288/加大呢度酸菜魚可以跟飯，我哋驚飽所以只係叫咗一碗飯，但係唔記得咗酸菜魚下面仲有寬粉，見到都飽咗🤣其實未食晒的酸菜魚已經超飽，佢份量多，仲有酸菜、金菇、冬菇…酸菜湯配合下，全部配菜都好惹味，魚塊不用多講，無骨好食又厚身，但係食嘅時候都要小心，因為佢有好多麻辣嘅調味料，有時食得快食到幾粒好麻嘅配料，真係要即刻飲啖凍飲🐮蔥椒小肥牛💰$88一樣又辣又惹味，牛肉固然好味，但葱都好好食，索晒啲汁，仲好食又香口仲附上薄皮包住一齊食，可以減少油膩感🐔藤香雞💰$66雞幼滑，連皮都好食爽口彈牙，呢個啱唔食得太辣嘅朋友💰$393/2ppl🚩川滿居 (銅鑼灣) @chuanmanhouse 📍銅鑼灣駱克道491-499號京都廣場6樓

宜家流行食川菜，好多身邊朋友都鍾意食，而我自己都越來越食得正宗，今次就同朋友來到銅鑼灣的川滿居品嚐川菜風味。餐廳都係第一次來，皆因朋友話銅鑼灣來講，川菜做得正宗得來又抵食。我們上到來，經服務員介紹，點了三個皇牌菜式，分別係：金湯酸菜魚，京蔥羊肉（加上6塊嬤嬤皮），藤香雞。首先金湯酸菜魚做得十分地道，酸酸媚媚好開胃，魚肉大大舊又多又夠新鮮，而且口感彈牙，原來係用新鮮魚肉，不是用冰鮮的魚，難怪做到這麼好的水準。藤香雞就有少少似醉雞，無醉雞咁冰同咁重酒味，麻麻香香的味道果真做到另一款口感，前菜必選。另外就係京蔥羊肉，如果唔鍾意食羊肉的可以選擇牛肉，而我就覺得羊肉無選錯，好有羊蘇味，平時不喜歡吃蔥的 但配在一起，蔥就好似中和左羊肉，絕配，包係嬤嬤皮一起食，更為有口感。幾款招牌用來送飯就絕對一流，飯都可以食多碗，喜歡食川菜的不容錯過啦。

難得兩姐弟同時放假於是就約埋一起行街咁岩到銅鑼灣記得同事介紹左間食川菜嘅餐廳對於喜歡食辣但有唔食得太辣嘅人是非常有興趣來試而且地點超方便銅鑼灣c2出口一出對面就見到京都廣場上六樓一出電梯就到今日係平日一點幾人就唔算太多一入到就有位可以坐餐牌都幾多嘢可以睇唔知係唔係人少啦個侍應姐姐好熱情咁介紹餐廳特色同介紹埋主打食物而我哋就決定就聽姐姐嘅推薦揀左♥️口水雞$66口水雞就最先上到看上去就應該是用雞腿肉肉質都幾爽口彈牙雖然是唔係用新鮮雞但雞味就好濃郁調味又唔會去到喧賓奪主嘅地位平時唔食辣嘅朋友都可以試下真係讚嘅👍🏻👍🏻👍🏻🧡金湯酸菜魚$188第二份上到嘅就係佢哋招牌酸菜魚上到來見到超大一“盆”滿滿的魚肉裡面有紅薯粉、三種菇類、萵筍、酸蘿蔔、大豆芽、酸菜配料都好多微辣對於我來說都是有些小辣魚片吃落口非常滑並且沒有骨頭害怕魚骨但又喜歡吃魚嘅朋友就要試啦湯都非常好喝如果不是吃得太飽就一定會要一碗飯來泡飯聽侍應姐姐說好多人都會打包湯底回家泡飯吃💛孜然牛肉（配六張麼麼皮）$88其次就係孜然牛肉配六片嬤嬤皮（北京烤鴨同款麵皮）孜然牛肉食落去真係好香口啲肉片都幾大可以大啖食肉食肉獸必選而且搭配埋佢哋麵皮食真

金湯酸菜魚天氣凍凍地，間唔中就會好想食個酸菜魚，今日朋友帶路來到銅鑼灣呢間川菜餐廳，叫左主打嘅金湯酸菜魚，味道啱曬我，魚湯鮮甜，魚肉口感滑溜又一點都唔會鬆散，加埋酸菜又鮮又酸爽，真的特別開胃，連湯都唔放過🤭認真值得一試👍籐香雞呢個好有驚喜，用左籐椒作調味，清香微辣，雞肉嫩滑，用來送飯一流👍👍青炒萵筍絲清淡爽脆口感，用來配搭前面兩道菜式，剛剛好😋😋下次想食酸菜魚呢度絕對係值得encore 嘅地方！而且仲有好多川菜菜式都好想再來試吓😋😋