川滿居 (京都廣場)

营业中

休息中

金湯酸菜魚天氣凍凍地，間唔中就會好想食個酸菜魚，今日朋友帶路來到銅鑼灣呢間川菜餐廳，叫左主打嘅金湯酸菜魚，味道啱曬我，魚湯鮮甜，魚肉口感滑溜又一點都唔會鬆散，加埋酸菜又鮮又酸爽，真的特別開胃，連湯都唔放過🤭認真值得一試👍籐香雞呢個好有驚喜，用左籐椒作調味，清香微辣，雞肉嫩滑，用來送飯一流👍👍青炒萵筍絲清淡爽脆口感，用來配搭前面兩道菜式，剛剛好😋😋下次想食酸菜魚呢度絕對係值得encore 嘅地方！而且仲有好多川菜菜式都好想再來試吓😋😋

係禁堂食之前把握到機會去咗食酸菜魚🐟 餐廳位於銅鑼灣C出口對面京都廣場 主廚擁有數十年經驗 所以烹調出嚟嘅川菜口味正宗😍鍾意食酸菜魚嘅朋友我真係非常推介你哋一定要試佢哋嘅金湯酸菜魚🤯 真係超級好食 湯底用上魚骨熬製 揀咗小辣 入口仍然品嚐到鮮甜嘅味道🤤 酸菜味道啱啱好 湯底嘅酸味 辣妹同麻味好balance 仲要毫不油膩👍🏻 用上鱸魚 魚片大塊又無骨又勁滑👅 酸菜魚仲配有大量雜菌 萵筍同埋紅薯粉 真係又好食又抵食😋除咗金湯酸菜魚 我哋仲叫咗涼拌黃金皮蛋同回鍋肉🤤 兩款簡單菜式都有意想不到嘅驚喜😍 涼拌黃金皮蛋賣相已經非常吸引 皮蛋口感綿密 醬汁開胃👅 回鍋肉真係好好食 聞落去已經好香 調味啱啱好 微辣惹味 真係可以送2碗飯🤫 三樣食物都非常美味 價錢大眾化 下次一定要嚟試埋佢哋嘅麻辣香鍋🌟

每星期都會同媽咪出去食一次飯，今次就帶咗佢去食酸菜魚！餐廳另外仲有幾間房仔可以俾你成班friends一齊食飯，有返私隱度。唔需要另外加錢又無最低消費㗎好難得！✨金湯酸菜魚 $188好大兜酸菜魚，兩個人食係食唔晒㗎！入邊有大大嚿無骨又嫩嘅鱸魚，煙煙韌韌既紅薯粉同酸菜，菇類，萵筍，蘿蔔等等配料。我同媽咪都食得辣嘅所以嗌左中辣，好鍾意佢辣得黎夠麻，食到好爽😋✨孜然牛肉 配6片麼麼皮 $88平時都係食片皮鴨嘅時候先會配呢啲麼麼皮，第一次係食牛肉都會配埋👍🏻 牛肉食落幾腍，孜然粉又幾香，個人認為可以再重手啲落多啲孜然粉都得😝✨藤香雞 $66呢個雞肉幾嫩滑，食落又幾夠麻！好鍾意呢個感覺！

鍾意食辣野嘅朋友真係唔好錯過呢間川滿居好多人排隊呀想食個酸菜魚都絕對唔係易事間店地理位置非常優越 喺正地鐵站隔離除咗食酸菜魚 蔥爆牛肉 醉雞 樣樣都好正酸菜魚大大盤 啲魚肉好白滑完全冇雪藏味 加埋多款配料 酸菜嘅味道亦貼近我口味裏面仲有薯粉吸晒啲湯味 非常惹味另外蔥爆牛肉 係一道風味小菜 大蒜加埋牛肉塊 表面灑上芝麻 成道餸菜香氣滿滿 送飯一流另外醉雞係凍上 上面加上花椒 酒香加上麻麻的香料 確實味道100分最後加多罐加多寶 即時為辛辣嘅口腔降溫

是日天氣真係好凍，突然諗起麻辣嘅川滿居，收工即刻拉埋同事一齊開吃暖暖身子😍一坐低必點金湯酸菜魚，今次人多點左加大，魚片超新鮮，無骨食落好嫩滑，用條脷輕輕一頂已經滑入喉嚨，湯底酸酸辣辣，飲左一碗個身即刻都暖哂✌🏻必點必點！上次試完滕香雞，一直念念不忘果種麻辣嘅味道，所以今次都點左一碟，一如既往嘅水準，雞塊好滑，與花椒嘅麻味好夾😋另外，飯筒們亦都點左幾道送飯一流嘅餸菜，先講麻婆豆腐，食落好香，豆腐好滑，調味又唔會辣到噴火，撈飯食簡直一流，三扒兩撥就食完半碗飯😤😤回鍋肉勁有鑊氣，份量足夠4人送飯，不但蔬菜爆得好香，肉片份量都唔少！一碗飯真係唔夠食啊！！！😭😭😭另外，我地亦都試左個蔥椒小肥牛，一上枱聞到嘅就係大排檔乾炒牛河果種鑊氣同埋香味！聞到啲味都即刻流哂口水，牛肉份量好多，配埋啲洋蔥超好味！

金湯酸菜魚$188⭐️大推介 2-3人分量酸中帶少許麻和辣,不太油膩✔️ 好食到停五到口🥰好多配菜: 鮮嫩的魚肉，高筍，白蘿蔔，酸菜薯粉，香菇，杏菇和白精靈菇等。冷盤藤香雞$ 66，以為係醉雞，但五係第一次食。好特別藤椒的味道少少麻，肉嫩👍🏻👍🏻👍🏻👍🏻孜然羊肉配麼麼皮 $98好特別好似以前食過嘅扁皮鴨咁💕皮薄👍🏻，淡淡的孜味，包住一齊食感覺冇咁油膩 羊肉嘅孜味都冇咁重，good match!!Next photos👉🏻 food, decor, menu 好豐富🥰大滿足味道: 🌕🌕🌕🌕🌑份量: 🌕🌕🌕🌕🌑環境: 🌕🌕🌕🌕🌑服務: 🌕🌕🌕🌕🌑

住喺銅鑼灣嘅朋友知道我鍾意食酸菜魚今日又帶咗我去食酸菜魚啦。口水雞雞肉食落好嫩口，配埋啲口水醬汁非常入味。金湯酸菜魚今次我哋就叫咗小辣，一上枱估唔到呢個份量都非常之多啊，起碼足夠三人食都得，酸菜唔會太酸仲甜甜哋添，入邊仲有啲菇片魚肉係用咗鱸魚來做嘅起晒d骨魚肉食落好嫩口，最後仲有啲紅薯粉食完絕對飽肚。孜然羊肉配麼麼皮食法同北京填鴨一樣，有塊薄皮包住啲洋蔥同埋羊肉一齊食口感豐富，羊肉食落唔會有好大陣騷味而且仲炒得好有鑊氣tim下次絕對要帶媽咪嚟試吓先得因為佢都非常鍾意食酸菜魚!

好耐無食川菜，今晚朋友介紹左銅鑼灣川滿居，整體感覺唔錯，餐廳簡單裝修，店員非常友善，菜式美味，而且價錢性價比高。藤香雞前菜凍食雞，清清地帶出雞嘅鮮味😋😋金湯酸菜魚滿滿的一盤酸菜魚，魚片夠鮮夠滑，材料豐富，除了魚片外，仲有鮮菇同其他配菜， 酸辣適中味道非常好味！😋😋孜然羊肉配嬤嬤皮孜然羊肉配洋蔥一起炒又香又好味， 配埋嬤嬤皮一起食，無得彈 😋😋😋Lunch 套餐超抵，下次去開銅鑼灣再來試下先😎

《川滿居》好耐冇食酸菜魚有啲心癢癢～ 見到呢間既酸菜魚幾吸引就拉埋朋友去！雖然環境唔大但有梳化位所以都坐得幾舒服！🍭金湯酸菜魚($188)個名叫金湯幾好聽😂 但其實飲落就係麻辣+酸菜味！佢啲魚算係我食過咁多間之中最嫩滑，可惜有少少骨～ 入面仲包埋薯粉～ 全部份量都唔算少，幾抵下～🍭京蔥羊肉(配6隻嬤嬤皮, $98)嬤嬤皮係第一次聽😂 其實就好似食片皮鴨嗰啲皮，薄薄地，凍既，食落較煙韌要咬多幾下😂 包埋羊肉咁食都唔錯～ 不過羊肉有少少羶～🍭藤香雞($66)個外型有啲似花雕醉雞😂 但係麻版～ 有啲辣不過幾過癮～ 雞肉唔算好嫩滑～

今晚之後又要過返清淡日子，唸下食乜好，都係揀惹味川菜食辣野刺激下腦細胞，發揮正能量，繼續消費模式😊 入到去姐姐話呢度必食推介係酸香開胃金湯酸菜魚$188～好多件無骨鮮嫩爐魚，配搭紅薯粉，咸酸菜，菇菌類等，足夠2-3人食，辣度隨你喜歡，我地叫小辣， 湯底唔算太油膩，可以飲啖湯同送飯一流，酸辣度剛剛好，酸酸辣辣咁樣好開胃又有麻既感覺，可以挑戰中辣😂 除左酸菜魚外，仲有烤魚、香鍋、水煮魚等四川野，見到隔離枱嗰賣相ok😋我地另外再叫左:❣️藤香雞$66，籐椒香配上嫩滑雞肉幾好味，有少少麻嘅感覺。❣️黃金白玉菇$72，用咸旦黃包住炸，香口好食，用黎送酒一流。😋❣️京蔥羊肉（配嬤嬤皮）超喜歡，類似片皮鴨皮，加上用京蔥爆香羊肉吾會太羶夠鑊氣😋呢度原來仲有北京填鴨半隻$168，不過好搶手,姐姐話已經賣晒，如果要食早快手。今晚真係好多人出街食飯，全場爆滿，黎緊14日夜晚冇堂食，見到佢門口貼住外賣8折，大家可以外賣食繼續努力消費💪🏻😋整體來講，呢度對面已經地鐵站，店舖座位闊落，唔會太迫，坐得舒服，店員友善，上菜速度好快，吾會成日執野趕你走，價錢合理，如果去銅鑼灣食四川辣野，首選會再黎呢度！ Delicious~

我今次個朋友唔係好食得辣 , 🌶️所以試左個小辣 。金湯酸菜魚🐟$188(細)$288(大)本次食小辣 , 其實衣個就正常發揮 。冇魚骨既 , 😂🤣😹又唔係冇既但成盤先得一兩舊有囉 。藤香雞🐥$88老闆見我地只食左一舊就問做咩唔食🤔 。我話冇藤味 。好屋企 feel 。跟住佢入廚房試左味就同我換番岩個汁佢🤭 。佢話唔記得左同廚房講個比例 。咁我再試啦 , 真係有番個味喇 。同埋個麻味都響度 。👭我同個 fd 即刻清哂成碟 。🐑孜然羊肉配六片麼麼皮$98個羊騷味好正🥰🥰 。個皮係好薄既 , 同 D cheap cheap 酒樓直頭兩個班🤐。 雖然佢孜然味但唔會過鹹夾埋個洋蔥甜甜地唔油膩 。中意羊既朋友可以試 。衣個係好重麥味既七寶生啤🍻$45一共食左4百幾蚊

又一間惹味川菜好介紹。雖然呢間餐廳環境比較舊式，但食物質素好，真材實料，好風味👍🏻 店員親切有禮😃 食物都好多選擇，食得辣嘅可以放心點大辣🌶🌶藤香雞 $66冰冰涼涼嘅滑雞，表面放有小量藤香，有淡淡麻香，雞肉都好入味。京蔥牛肉 $88 配6塊Seved with sesame peel牛肉滑嫩醬汁豐富👍🏻 醬汁炒到連京蔥都好好味😋 用薄切芝麻餅包住食口感好正好好味😋金湯酸菜魚 $188用鮮魚熬製嘅湯底好濃香😍 魚肉量好多仲好滑嫩～ 裏面仲有透明彈性薯粉，酸酸辣辣好味到連湯都飲埋😋

京川菜成日都有諗過去食依家今曰去食啦馳名的大大碗酸菜魚,配料亦都十分充足入面有配料腐皮,冬菇塊,酸菜,完全入哂湯汁的味道跟住魚肉好滑又嫩,食落去都會有湯汁的味,加上冇甘多魚骨,食落比較簡單咀嚼最緊要係佢食落口感討好；唔會好老既感覺之後就食左個好出名既譽香雞湯汁由花椒味道調配,再加上雞湯汁既味道十分濃香：有酸酸甜甜小麻辣的口感,雞件皮質滑嫩,肉既部份都係鮮滑,再配雞湯汁實在一流！仲有我好想食到小炒肉搭調上洋蔥加青椒紅椒肉汁味同清甜味道增加左味道帶到每一片小炒肉真係非常惹味,當然都再會加左飯做配搭食食下發現驚喜酸菜魚下底原來仲有薯粉唔濟都真係大大份又好食又抵食現場仲有好多特色手工啤酒同生啤tim仲見到有烤魚加好多重配菜選擇真真真係抵食又多選擇！

呢幾日凍冰冰，最想食D辣辣地又暖暖地嘅野去保下暖適逢聖誕去開銅鑼灣shopping，梗係要襯機會食餐好嘅！呢間餐廳座位夠寬敞，出街同人迫到暈之後可以坐得舒舒服服！金湯酸菜魚，勁大碗勁靚勁香！我地揀左小辣，覺得辣度對我黎講岩岩好，過到食辣嘅癮之餘又唔會食得好辛苦酸酸辣辣勁開胃！魚嘅份量都唔少，兩個人食每人都食到超多舊～肉質好嫩滑，重點係魚骨唔多，間唔中先有一條，唔駛係咁lur骨搞到冇晒癮～仲有紅薯粉，有返咁上下飽肚嫁！辣子雞，見到個樣D口水已經自動流出黎！落單個陣叫左辣度要輕手D，雖然上枱睇落都係好多辣椒，但食落就唔係真係好辣嘅！雞粒炸得岩岩好，外面脆得黎又唔會有晒水份乾爭爭咁，而且味道調得非常惹味，送飯一流～不過成碟裡面我覺得D花生先係精粹，炒得勁香勁好食！涼拌黃金皮蛋，晶瑩剔透勁靚！有D人唔食皮蛋係因為覺得黑mung mungrmmr 唔吸引，呢個黃金皮蛋賣相簡直係滿分啦！仲整到有流心效果成隻溏心蛋咁！涼拌嘅菜式，簡簡單單但為呢餐飯帶來一點小清新

Golden soup poached fish with pickled cabbage and chilli 🥬 金湯酸菜魚 🐟🌶 $188個酸菜魚絕對係餐廳嘅經典，呢可以唔叫黎試吓😻，酸菜魚嘅辣度可以自己選擇，而酸嘅程度就唔太酸都幾容易接受㗎，入面嘅材料非常豐富，有新鮮嘅冬菇同埋蘑菇🍄、酸菜、超級滑嘟嘟又冇乜骨嘅魚肉🦴、口感好煙銀嘅紅薯粉等，整體來講幾值得推介Cumin beef served with sesame peel 🥩 孜然牛肉配麼麼皮🥠 $88呢款牛肉有少少似新疆香草烤肉串嘅味道，而食落去就係牛肉味幾夾㗎👍🏻，加埋煮到好林嘅洋蔥🧅同埋蔥，再包埋啲好似印度薄餅嘅皮一齊食，好有川菜風味啊Cold steamed chicken 滕香雞 🍗 $66滕香雞絕對係我最鍾意嘅餸菜之一😋，雖然外表望落簡簡單單好似冷盤雞，食落好有驚喜，有少少麻辣啲雞肉又夠嫩滑，感覺上全部都係雞脾肉夠晒滑脫脫，係一款好值得叫嘅前菜