嵐橋丼飯專門店 (已結業)

入到黎尖沙咀，美食當然多，但係要搵一間質素好，就一定係呢一間日本野。入到去其實已經冇乜位，咁啱我同一個朋友，兩個叫做人少少，慶幸有位即刻坐低叫嘢食。今次我哋叫咗兩個丼，分別係赤鯥丼同海之幸丼。同埋兩個小食，一個係牛舌同黑豚肉腸。兩個丼都包一碗湯，但加少少錢高可以升級轉立魚湯。赤鯥丼，二百幾可以食到6種唔同種類嘅魚生，質素相高，可以見到師傅係用心挑選過食材。海之幸丼，依個再多2種，8種唔同嘅魚生，但都係二百幾，邊度揾？重點係食日本野，就一定要揀啲質素高咖啦。牛舌，係我食過有質素嘅牛舌，肉質鮮，咬落一啲都唔硬，但絕對唔會貼小食牛舌嗰種鮮味同感覺。立魚湯， 香濃味，絕對唔係水嘅感覺，係有口感，一啲都唔稀，又唔漿口，每一啖好似飲左成條魚嘅精華入肚，依個俾10粒星。

喺唔起眼既棉登徑，原來有間專食日本丼飯既專門店，唔係女友帶我嚟都唔知有呢間咁富日式風味既丼飯專門店！店鋪雖少，位置還是用得很盡，每寸空間都用得其所，佈置得很有日本風味！ 要讚的是坐落都唔會感覺太擠逼！相信是經過悉心的設計！我哋被安排坐在廚師的bar檯前，可以一路睇下廚師整野野食，一路睇下出嚟既丼飯！完來每款都盡是不同，很有特色！我哋對正個魚生雪櫃，睇到一片片色澤唔錯既魚片，真係食指大動，而且對佢哋既衛生都增加唔少信心打開餐牌，碗碗唔同既特色丼飯真係令人選擇困難！ 因為碗碗都好吸引，睇見其他檯既食客既賣相吸引既丼飯，我亦都問左女友既意見先落單！最後叫左一個魚生，一個牛肉既丼飯！原來叫丼飯係有味噌湯送的！加$28 仲可以轉立魚湯！ 用料豐富的味噌湯，有腐皮海草在其中，咸咸地，暖暖胃，等個肚仔做下熱身！說時遲，那時快，飲完碗湯之後，一碗賣相出色到不得了既極上金目鯛丼飯就好有效率地送到！份量大，帶點醋香味！ 色同香都已不錯，味道就真係要講講，因為入面有一粒粒用醋做成既啫喱，感覺有d似食魚子，咬爆左之後入面會有醋汁滲出，令醋味大增，比起直接加入香甜既珍珠米嚟得更直接，真係直達味蕾！至於主角金目鯛

嵐風過橋丼風味飯走去食碗飯丼，食到咁好都係第一次，食嘢唔多，一個漬物盛，一碗極上海老二重丼， 日本蜜柑鯛丼，不過食落真係抵嘅，雖然簡單，好似乜都唔包，但係食材新鮮到，唔係一般般可以比得上咁新鮮，淨係睇下蝦夠大，啲海膽夠新鮮，好似剛開殼咁， 呢兩樣嘢要保持真係唔簡單。漬物盛有啲似泰國嘅冬蔭功，但係完全唔同，係兩回事，佢嘅鮮蝦大夾新鮮，亦都有海鮮喺入面，味道唔係辣嘅!食隻前菜小巧精緻，食落味道真係令胃口大開，應軟就軟，應脆就脆應爽就爽，值得一讚!甜蝦咁大隻， 三隻上，其他都唔使點講都睇到， 食落回味。呢個二重奏仲一隻大三隻細，淨係睇呢啲蝦，都已經值回票價。咁大隻帶子肉質鮮嫩 咬落口感 非常滿足。

棉登徑高質餐廳都幾多，所以來到尖沙咀都很喜愛來這裡搵食，今天試一試這間刺身丼飯店。首先飲一碗麵豉湯，水準頗高，配料十分豐富，有海帶、豆腐、豆卜，味道很濃郁。喜之次丼 $278有喜之次、韓國海膽、三文魚籽油、甘魚、三文魚、金目鯛、日本牡丹蝦、松葉蟹肉。喜之次刺身肉質肥美，油脂豐富，用火炙處理後油脂香味更加突出。最特別是丼飯上鋪了用醋製成的啫喱，賣相加分之餘搭刺身飯很好味，其他刺身亦鮮味十足。極上海老二重丼 $238朋友就叫了海老二重丼。有1隻日本牡丹蝦、甘蝦刺身、帆立貝刺身、三文魚籽。牡丹蝦好大隻，食落啖啖肉，好滿足。甘蝦同帆立貝都夠新鮮，有鮮甜味。另外想食一點熱食，就叫了點串燒。串燒種類都頗多，有些都幾特別，例如日本雞肝、雞心等。今次試了日本雞心，味道不錯。

今晚同朋友兩個人食飯，我話想食丼飯佢就陪我去到呢間餐廳，用左openrice apps book左7pm，一入到餐廳望到餐枱之間比較窄，侍應安排我和朋友坐在中間 ，兩邊已經有兩枱客人，我們覺得很逼很細，提出希望可以坐在吧枱下的坐位會闊落D，侍應二話不說將我們安排到舒適位置。喜之次丼，壽司盛，壽司醋飯調配得不錯，可惜魚生略嫌不新鮮，蟹肉壽司食到有蟹殼碎。燒鱈魚干，燒牛舌，厚厚的牛舌有咬口，只有少少鹽味已經好好味！整體食物質素幾好，服務不錯，又過左一個開心晚上。

離地鐵站不遠的丼飯店，在轉角位置非常容易找午市定食款式由A至K，套餐配有關東煮、味噌湯及沙律，蠻豐富的喜愛食壽司飯的我點了嵐橋丼，食材非常多樣化包括中拖羅、三文魚、深海池魚、白身魚各一片日本牡丹蝦、松葉蟹鉗各一隻，及三文魚籽刺身片中白身魚實身有咬口，較特別蟹鉗淡淡肉，很方便三文魚籽份量多，配飯好夾壽司飯及魚生中間夾雜飯素，加強口感朋友點了山芋吞拿魚蓉丼蔥花吞拿魚蓉份量亦很多，除了蓉還夾雜吞拿魚粒，把口感更上一層樓丼飯的份量大，飽肚又抵食另外，我們額外點了黑板上推介的海葡萄沙律海葡萄爽口配海帶及柚子醋，既清新又開胃在香港並不常見，值得一食

五月某一個星期五晚上，窩夫在尖沙咀買東西後，去了嵐橋丼飯專門店吃晚飯。七時前到達，未見人潮，可以安安靜靜享受一頓一個人的晚餐。看過網上的食評，對嵐橋的丼飯評價很高，要選哪一款丼飯好呢？窩夫選了極上海之幸丼，好好慰勞一下近日工作非常忙碌的自己。極上海之幸丼($258)本身有九款配料，但窩夫走了三文魚籽，飯上放了大拖羅、磯煮鮑魚、蔥花吞拿魚蓉、日本牡丹蝦、深海池魚、松葉蟹鉗、金目鯛和韓國海膽八款海鮮，全部都很高質，只是對韓國海膽有少許失望，鮮甜度不足，那隻磯煮鮑魚非常腍滑入味。用日本米煮的壽司飯帶微暖，因為加入了赤醋而帶點粉紅色，壽司飯的軟硬度和酸度都控制得非常好。飯上加了些超香的胡麻，令丼飯的味道更豐富更有層次。結果窩夫將一大碗丼飯消滅了，吃得乾乾淨淨。窩夫還加了28元將隨刺身丼飯附送的味噌湯升級為(魚立)魚湯，魚湯非常濃郁，肯定用了大量(魚立)魚來煲，充滿家的味道，喜歡喝魚湯的朋友不能錯過。

每次去尖沙咀行街總不其然會到K11逛逛，商店林林種種，又有酒店和超级市埸，食肆嘅種類都唔少，但是如果想吃些日式食品，總會想起河內道和棉登徑。今晚光顧嘅嵐橋丼飯專門店位於棉登徑，招牌很當眼，和式居酒屋嘅外觀，主打刺身海鲜丼飯，還有清酒和串燒。鲷魚海鲜刺身丼飯幾有特色，鲷魚刺身切得薄而通透，充分顯示師父嘅出色刀工，海膽金黃鲜甜，海水味豐富，刺身有三文魚和吞拿魚，還有大蝦和三文魚籽，加上一顆顆晶瑩柚子味小粒，夾著海鮮刺身和軟滑米飯，令丼飯口感更具特色。

六月天總是驟晴驟雨，剛巧在K11逛公司購物，行經附近嘅棉登徑，忽然下起了大雨，這處有間日式食肆店嵐橋，是一間丼飯專門店，下午六時許店內顧客不多，正好吃一頓晚餐。店內以木製傢俬為主，日式居酒屋格局，座位不多，但很有東瀛小店風味。來一碗鲷目魚雜錦刺身飯，數片薄切鯛目魚刺身以小木盆盛載置於飯上，晶瑩通透，配以海膽，刺身蝦，三文魚刺身，吞拿魚刺身，三文魚籽和子薑片，擺設精緻，刺身飯夠軟滑，海膽亦夠鲜甜甘香，三文魚籽清淡而不太鹹，加上清甜子薑片，和整個魚生飯很配合。

今晚約咗朋友出去尖沙咀食飯，記得棉登徑呢邊都有好多食店，所以就過嚟呢邊睇吓。天氣咁熱，都唔想食太熱嘅野，在街角位見到呢間丼飯專門店，就啱晒! 店舖唔大，眼看有20-30個座位左右，日本風的小店佈置。呢度食丼飯免費送麵豉湯，係我地點完丼飯之後好快就送上。麵豉湯嘅配料有海帶、豆腐、腐皮絲，雖然係附送，但絕不馬虎。我地兩個人每人選1個丼飯，另外叫咗3款串燒。特盛火灸牛肉丼 - 賣相先比個「勁」佢，真係同menu張相一樣，原來圖片唔係只供參考咁簡單!牛肉鋪得好整齊，肉色、油光都好吸引，中間有隻鮮日本雞蛋，仲要好精緻咁用一片紫蘇葉載住。牛肉片好香，食落肉汁味濃，將少少蛋、肉汁撈埋d飯度一齊食就更加美味。極上金目鯛丼 - 呢個賣相都要比個讚! 比menu張相靚d添。佢地用一個細細嘅竹製小物載住4片灸燒過嘅金目鯛放在丼飯上面，由於灸燒只限於表面，所以聞到燒魚的香氣，但食落就係刺新嘅鮮味同口感。丼飯仲有10片薄切嘅金目鯛、三文魚籽、壽司薑、沙律菜，紫菜絲、胡麻，最令我欣賞嘅係有d壽司醋整成嘅啫喱粒，容許我孤陋寡聞，我第一次食丼飯有呢d嘢，實在好有心思。因為呢d壽司醋啫喱混埋刺新食，可以減去魚生嘅腥味，

尖沙咀棉登徑一向都係好多高質餐廳，所以耐不耐也會同朋友去附近的餐廳食飯，而今晚就同朋友去到我期待咗好耐嘅日本餐廳食飯，而餐廳就以丼飯為主相當吸引。日本餐廳內裝潢少不得日式風格，而且好有居酒屋嘅感覺。麵鼓湯先來的是麵鼓湯，上枱時已經香味撲鼻，麵鼓味亦很濃郁，豆腐好滑，不錯！赤鯥丼上枱時相當巨型，賣相相當吸引，真係打卡一流。而赤鯥丼內材料亦超級豐富，有松葉蟹肉、白身魚、赤鯥、三文魚、牡丹蝦、吞拿魚蓉、海膽、三文魚籽。味道方面亦很不錯，整體亦很新鮮，而且魚生相當肥美，赤鯥有油脂嘅甘味，海膽就相當鮮甜！我最鍾意佢個飯有酸薑同埋醋啫喱，撈埋飯同刺身一齊食，可以中和到油膩感，味道豐富！日本阿波酢橘雞腎、日本阿波酢橘雞軟骨食完丼飯之後再叫了兩串串燒，而串燒味道相當唔錯。特別喜歡日本阿波酢橘雞軟骨相當香脆，如果用嚟送酒就完美了。

中午打算同好姊妹食完飯再逛下街，於是上open rice 搵下有咩好西食，好似好耐冇同為食好姊妹食日本野，一於行去棉登徑尼䦔專門吃丼飯的日本餐廳填滿肚子先我就點左個$268極上金目鯛丼，而好友個丼飯包括三文魚，海膽，蟹肉，牡丹蝦，賣相吸引金目鯛井飯內有十片金目鯛和三文魚籽，金目鯛魚味比較淡，但爽口咬落有口感，三文魚籽大大粒好飽滿，咬落一點也不腥，帶點咸香味，送飯一流，這裏的米是採用赤酢壽司飯或令和口味壽司飯，飯內加有幼條的紫菜，還有一粒粒食落酸甜口感似啫喱的黃色小粒粒，微酸的壽司飯加上新鮮魚生，不經不覺食哂一大碗，感覺大滿足這裹店子小小但日本風味十足，午市定食都有好多選擇，雖然價格不便宜，但用料新鮃，所謂一分錢 一分貨

前兩日約咗朋友去K11買啲嘢，買完之後發覺附近原來都開左好多餐廳，都好耐冇食海鮮丼了，一於試下依間嵐橋先。餐廳格局類似居酒屋，座位唔算多，大概容納到20人左右。我哋6:30去到都已經九成滿，相信呢度應該口碑不錯。睇吓Menu先，呢度嘅丼飯都有幾多唔同嘅選擇，最後我同朋友分別選咗赤鯥丼同海之幸丼。我食呢個海之幸丼，有大牡丹蝦，三文魚子，蟹肉，拖羅，赤身同池魚，材料非常豐富！最令我深刻嘅係佢地嘅拖羅同埋蟹肉，拖羅入口嫩滑，魚油味好香！而蟹肉極為鮮味，入口竟然會有juicy嘅感覺 ! 至於壽司飯，師傅已經落咗壽司醋喺入面，飯嘅溫度控制得啱啱好。最後我哋兩人仲order左啲小食，叫左一串燒牛脷，同一條黑豚肉腸，估唔到都做得幾好喎！估唔到係尖沙咀，二百零蚊呢個價錢都食到咁高質嘅日本餐廳，已經同朋友約定下次再嚟試吓佢地其他口味嘅海鮮丼👍🏻👍🏻

位於尖沙咀棉登徑的嵐橋丼飯專門店，好評十分多。和男友好久沒有出動吃好東西，襯他在附近上課的日子，特地打電話預約了位置。準時來到餐廳，由於時間尚早，人流還沒有很多。丼飯選擇花多眼亂，最後經店員推介，和男友均點了時令限定的赤鯪丼($258)。一個選擇了刺身，一個選擇了炙燒。個人偏好炙燒赤鯪刺身，因為更富魚油香，口感亦更佳。除了赤鯪刺身，還有三文魚、白身魚、松葉蟹肉、蔥花吞拿魚蓉和三文魚籽，全部也新鮮惹味。至於丼飯，若店家不是事前做好，把飯預先塞滿飯碗，導致壽司飯比較硬實，那便更好。另外點了日本雞軟骨串($28)和日本雞腎($36)。雞軟骨串非常香脆可口，惹味非常。至於雞腎，稍帶血水，若再燒多一回兒會更安全。

棉登徑一帶有小日本食街之稱，看到這一間主打吃日本丼飯，店舖裝修亦帶濃厚日本風，鋪面面積不大，只有十多個位，但都算坐得舒服。食物方面不少得主打丼飯、壽司刺身、串燒等供應，而我當然點了海鮮丼。日本海膽牡丹蝦丼：日本海膽、蔥粒吞拿魚蓉、牡丹蝦、三文魚籽北海道蟹肉丼：甲羅燒、松葉蟹肉及蟹鉗、蒽粒吞拿魚蓉、海膽、三文魚籽首先，賣相已經非常吸引，材料豐富而且分量一點都不吝嗇，食材非常新鮮，推介甲羅燒，蟹膏好濃郁，而蔥粒吞拿魚蓉亦好正，值得一提的是這裏用赤酢壽司飯，粒粒飽滿，而且吃後不會覺得膩。