嵐月 (AIRSIDE)

营业中

休息中

同朋友係AIRSIDE行完街，就去左呢間餐廳試下佢既中菜先。佢既價錢係比較中高價位，入面裝修華麗，好似置身係森林到咁。店員黎到會問你想飲咩茶，都幾多種類既茶可以揀。另外仲會有個合桃同XO醬俾你，合桃有陣陣黑糖味，都幾好食。🟫鵝肝流心脆球脆球一共有三粒，外型黑黑實實，外層炸左幾脆口，入面包住鵝肝蓉，鵝肝蓉味濃唔會腥。🟧法式油封鴨黑醋野菜法式油封鴨製作時間比較耐，需要等候較長時間。鴨肉份量多，而且連住油脂味濃既脂肪，多重口感。🟦蘋果木燻泰安雞店員一黎到會打開個蓋，陣陣蘋果木燻香湧出，好岩打卡。泰安雞外皮沾有茶葉碎，食落去仲有好濃烈既蘋果木香氣，雞肉亦好滑。🟥桔柚黑鱈魚擺盤外形好靚，醬汁酸酸甜甜，鱈魚外層煎得好香口。🟪松茸海膽越光米一睇都睇得出呢個飯好香濃，食落去啖啖松茸海膽味，而且越光米既口感比較綿密，吸哂醬汁，令到更加濃郁。.

🍴嵐月 (AIRSIDE) @啟德🍴朋友想去最近新開既AIRSIDE行街，行完到左晚餐時間，見到呢間餐廳個門面幾靚，又想食中菜，就入左去一試啦。入面環境好靚，花左好多心思係裝修度。呢度會用蠟燭點住茶壺，確保D茶係熱既，好細心！🟠蘋果木燻泰安雞店員一揭開蓋子，蘋果木燻香湧出，聞到陣陣蘋果木香氣。泰安雞外皮好光澤，而且煙燻味重又香，雞肉嫩滑，第一次食到呢隻味道，個人覺得必點。🟡桔柚黑鱈魚黑鱈魚隔離桔柚泡泡，感覺好似法式Fusion菜。黑鱈魚外脆內嫩，一磚磚既形狀好易入口。醬汁酸酸甜甜，好開胃。🟢鵝肝流心脆球外型精緻，外層鬆脆，入面有滿滿鵝肝蓉，鵝肝蓉油香，口感好似食緊湯圓咁。🔵法式油封鴨黑醋野菜一上碟估唔到個份量都幾多，油封鴨肥瘦適中，鴨肉連住油脂味濃既脂肪，好香口。而配上黑醋野菜可以一解油膩感。🟣松茸海膽越光米越光米口感充實飽滿，較有黏性，食落去啖啖松茸同海膽香氣。

啟德新商場AIRSIDE開業多月，終於有空來逛逛。商場餐廳琳瑯滿目，老婆話想飲茶，見到嵐月LUNA門面裝修精美，決定入去品下茶。坐低待應就細心介紹有咩茶，我哋揀左碧螺春，貪佢夠香濃味酵，壺茶仲用蠟燭保温。睇完菜單，我哋點左幾味點心，有鵝肝流心脆球，黑椒牛柳酥同石燒板麻辣羊肉烤包，仲叫左個嵐月西班牙黑豚叉燒同一客皇帝蟹脆米泡飯。鵝肝流心脆球外皮卜卜脆，咬開鵝油就流出來，外脆內軟，好惹味！黑椒牛柳酥酥皮香脆，層次分明，唔會太粉，牛柳略帶一點黑椒味又唔會蓋過牛肉味，兩口就食完。石燒板麻辣羊肉烤包上枱熱力十足，鐵板烤到包底微焦又無過火，烤包依然鬆軟，羊肉輕微麻辣味，唔會有羊騷味，適合大眾口味。嵐月西班牙黑豚叉燒滿佈蜜汁，外皮微微焦脆，黑豚肉肥瘦適中，入口又鬆軟又香口，做到一舊叉燒兩種享受！皇帝蟹脆米泡飯最後上菜，作為成餐飯既結尾。泡飯以魚湯作底，魚湯鮮甜，配上皇帝蟹肉，脆肉瓜，肉碎，冬菜，加上脆米，形成多重口感，蟹肉相當有份量，每一碗泡飯都滿滿蟹肉，真係不計成本，飯完泡飯個肚就滿足哂。

-🥢「高質中菜着重每一個用餐細節」環境一流，一人門口已經被大型綠色花草裝飾吸引，門口隱藏大魚缸，裝修走精緻高級路線，非常適合宴客同慶祝。🫖一切從喝茶開始，喝優質茶可以提升整個用餐體驗，侍應先遞上9款茶盒🍵，同時亦會專業地為客人介紹：包括最常見的壽眉和普洱，從青茶到紅茶/ 白茶都有得選擇，推介碧螺春/金駿眉較為特別值得品嘗！🫖金駿眉茶味香濃，略帶回甘味，但整體順滑容易入口，不會太過苦澀。💛最特別有碧根果作前菜🩷😋嵐月午市廚師精選套餐ʟᴜɴᴀ's ᴄʜᴇғ sᴇᴛ ʟᴜɴᴄʜ 🥢每位HK$388（2位起）🦐嵐月蝦餃王sᴛᴇᴀᴍᴇᴅ sʜʀɪᴍᴘ ᴅᴜᴍᴘʟɪɴɢ厚薄適中的外皮包著新鮮彈牙嘅蝦肉，一口一粒好滿足。🐷嵐月西班牙黑豚叉燒ʙᴀʀʙᴇᴄᴜᴇ ɪʙᴇʀɪᴄᴏ ᴘᴏʀᴋ ғɪʟʟᴇᴛɢʟᴀᴢᴇᴅ ғʀᴇɴᴄʜ ʟᴏɴɢᴀɴ ʜᴏɴᴇʏ🍯呢個每枱必點，大廚使用高質西班牙伊比利亞豬里脊，用心控制燒烤火候，使外皮帶有微微焦香，叉燒邊位略燶，咬入去外脆內軟，叉燒肥瘦均勻，上面仲有龍眼蜜的花香伴隨，確實令人回味無窮。另外有酸酸的山楂伴碟，可以解除油膩，令到叉燒味道層次更加豐富，超美味！🪿鵝肝流心脆

門面以植物裝飾大型鳥籠🌿賞心悅目，落地玻璃令整店透進自然光，氣氛令人感覺舒適每道菜都精緻味道富層次和充滿精湛的廚藝今次我和朋友就點了{嵐月午市廚師精選套餐}✨ 嵐月西班牙黑豚叉燒外層略帶焦香，肉質肥美不膩配合特別調製蜜糖和醬汁不愧為店內招牌菜之一✨ 嵐月蝦餃王皮薄蝦肉爽滑彈牙✨ 鵝肝流心脆球賣相吸引，香脆外層口感柔韌像煎堆皮配搭裏面滑溜的鵝肝，口味豐富💫蟲草花石斛燉螺頭這道湯鮮甜美味亦落足料💫拍蒜黑醋炒北海道帶子肉質彈口的帶子炒致香口黑醋汁不會蓋過帶子鮮甜，好惹味💫鮮百合濃雞湯浸 BB 菜苗菜苗加上清香的鮮百配搭清甜💫松茸羊肚菌燴越光米個人好喜歡的其中一道菜擺盆有心思令人吃得開懷面層舖上鮮甜海膽和松茸羊肚菌夠香濃，越光米雖以濕炒但粒粒分明另點的甜品✨ 石獅黑芝麻糕好特別造型的一道甜點像真度極高！🤎濃濃的芝麻味道、入口軟滑甜度適中

慶生試新菜 😼 位於Airside 的嵐月走高質新派中菜館路線，環境優雅舒適，有私人房間供8-10人派對用。食物質素相當有驚喜 - 總廚Fu Chan曾在多間酒店及尖沙咀六公館任職，駕御到多國菜系烹調技巧。另外材料選材上乘，其中較獨特的是有一般只有某些酒店星級菜館供應的熟成魚和熟成牛扒供客人選擇，實屬少見。當晚較難忘的菜式有片皮鴨同埋重4斤半阿拉斯加帝王蟹二食。片皮鴨油香酥脆，係近年喺香港食到最高分嘅鴨之一。阿拉斯加帝王蟹分別用雞油陳年花彫蒸，蟹爪用椒鹽炸，粉簿，炸得恰好，相當惹味。

今日約朋友去啟德新商場Airside行街，因為朋友喜歡食中菜的關係，所以一早訂了呢間「嵐月」試菜。這間中餐廳富有現代感，一入去便已被一大幅綠化了打卡牆感引到👀。另外餐廳的入口正中間位置有一個圓型綠色叢林的裝飾，是另一個重點打卡位。餐廳入口附近擺放了一張12人的長餐桌，而長餐桌旁邊擺放了很多美麗的花做襯托，也是另一個打卡位。整間餐廳用了橙色和綠色做主題，有叢林的感覺之餘，又富現現代感。🥢 柚子汁伴海蜇頭 👉🏼 呢個菜時一個新穎的配搭，柚子汁的清新酸甜味配合海蜇頭的爽脆，令到胃口大開，食慾大增。🥢 西班牙黑豚叉燒 👉🏼 肉質非常細膩，肌肉纖維柔軟，吃起來口感十分嫩滑，而且肥瘦層次分明，肉汁飽滿，香氣撲鼻，令人回味無窮。🥢蘋果木燻泰安雞 👉🏼 呢個絕對係必食之選，上菜時整碟雞被充滿煙燻的玻璃罩蓋著，待廳會在食客面前緩緩地打開玻璃蓋，令到煙燻味慢慢地散發出來。這道菜既有蘋果的清香和甜味，又有燻烤帶來的特有風味，令人回味無窮，而且雞味濃郁，皮碎肉嫰，重每啖帶有濃濃的煙燻味。🥢 桔柚黑鱈魚 👉🏼 把鱈魚炸到金黃鬆脆再配合發打成酸酸甜甜泡沫的桔柚汁，更加豐富了口感，又能增加視覺上的效果。🥢 仙翁米雞

新蒲崗新開嘅Airside （雖然都已經有一段時間）😂😂 有好多好食嘅餐廳🤓 今次食一間勁嘅😝 嵐月 嘅菜式多種多樣 而且睇得又食得🤣 非常吸引😍 仲要唔係好似傳統茶樓咁樣坐 成個氣氛同格調都唔同😋.🐷水晶蝦餃皇🦐蝦餃皮透亮 內裡鮮蝦餡鮮美彈牙 一口咬落滿口鮮甜😆 配啲XO醬都幾正幾過癮.🐷黑松露手剁豬肉燒賣第一次食咁特別嘅燒賣😋 燒賣皮薄餡多 加上黑松露味道香濃 一口咬落令人回味😍.🐷黑金鱈魚餃餃子皮薄魚肉鮮嫩 好美味😋 睇落又精緻.🐷黑芝麻金粒流沙包芝麻香濃 流沙包內的鮮奶黃餡流心 甜而不膩 而且裡而熱辣辣🤓 香氣伴隨住啲熱氣一齊飄出黎😋.🐷金沙鮮蝦腸蝦腸鮮甜多汁 好開胃 成個碟都好用心設計 🤣 好似中式 古代嘅產物 又幾靚 大大增加食慾😋 加埋醬料好好味🤤.🐷鵝肝流心脆球 外脆內軟 鵝肝流心味道濃郁 好似一粒粒炸地瓜球咁嘅高配version 😂 今次真係地瓜球嘅高配豪華又美味 .🐷黑天鵝荔芋酥超可愛嘅外表😜🪿 酥皮香脆 荔芋餡香甜 一口咬落好滿足.🐷石獅芝麻糕睇到人哋介紹嘅時候已經心郁郁想試吓 因為小編好鍾意芝麻味嘅嘢 而且見到外表吸引 果然不失望 口感軟糯 芝麻香氣四溢 好好味

每次跟閨蜜出嚟傾偈嘆美食🫶🏻都雞啄唔斷😂梗係要搵間靚餐廳慢慢坐慢慢吃～呢次揀咗去啟德AIRSIDE 嵐月嘆精緻中菜。入面裝潢高雅有格調❣️仲用咗好多綠葉樹影作點綴🫶🏻園林景緻感覺更Chill 🫶🏻加埋通透大玻璃享有開揚美景，舒適！🟠 嵐月午市廚師精選套餐平日中午供應2款嵐月午市廚師精選套餐（每位$288/388）❣️ 選了$388/位那款～有點心丶湯品丶主菜．．道道吸引。🔸嵐月精緻點心薈萃共三款點心，蝦餃王大蝦爽彈鮮味👍🏼西班牙黑豚叉燒充滿蜜汁香，肉質嫩！鵝肝流心脆球☺️大愛🫶🏻外面脆脆裏面包着鵝肝流心餡料，鵝肝軟滑味濃。🔸蟲草花石斛燉螺頭超足料燉湯，份量多～啖啖鮮甜，滋補養生。🔸拍蒜黑醋炒北海道帶子大大粒帶子肉質彈滑，以黑醋炒烹入味鮮香。🔸鮮百合濃雞湯浸 BB 菜苗菜苗入口鮮嫩～伴以鮮百合濃雞湯，味道更鮮甜。🔸松茸羊肚菌燴越光米燴飯上面佈滿了新鮮海膽😋入口香噴噴！松茸羊肚菌香氣濃郁～加埋甘甜綿密嘅海膽，忍不住一口接一口。🟠 黑芝麻石獅糕 $68最後點了一客人氣甜點！像真度超高的石獅子黑芝麻糕🥳仔細看也全沒破綻😂吃下去芝麻味特濃，甜度不高恰恰好。

啟德AIRSIDE 新派廣東菜 嵐月樓底高、座位闊落舒服，菜式融入新派或西日食材煮法 九宮格木盒選茶提供八款特選茶葉供選擇茶壺會以蠟燭保溫 嵐月西班牙黑豚叉燒選用西班牙黑毛豬的豬脊肉製作肉味極濃，燒得香氣十足，肉質豐厚且鬆軟， 外層略帶焦香，肥美而不膩口點 心 嵐月的點心特點之一是其多樣性和創意搭配。廚師嘗試將不同的風味融合在一起，使點心更加豐富多彩，讓人驚喜連連，除此之外外觀也非常注重細節和美感。它們的擺盤精緻獨特，色彩鮮豔，造型別緻，每一個點心都像一件藝術品一樣令人賞心悅目松茸海膽越光米珍貴的松茸味道獨特香濃，用上濃雞湯 和海膽以燴飯的方式來鎖住食材原本的 鮮味和醬汁鹹香。配合圓潤飽滿的越光米，其獨特甜味與黏性、淡雅香味及綿 密順滑口感，香而不膩之餘並令人回味無窮黑芝麻石獅糕選用日本香川縣的黑芝麻來炒香，攪磨成汁，加入忌廉，3.6鮮奶等的材料製 成口感彈牙、軟糯及甜度適中的黑芝麻糕，不但營養豐富，精緻外觀亦極為吸晴

🐻第一次去airside,簡左食環境一流嘅新派中菜嵐月，有別於平時食開嘅中菜，佢哋擺盤同埋菜式都非常別緻🐻鵝肝流心脆球 ⭕️外表煙靭好似食緊煎堆 入面嘅鵝肝入口即溶，好特別🐻藍月西班牙黑豚叉燒⭕️肉質軟腍 ｜蜜味剛好｜配埋燶邊｜超好食😋🐻石燒板麻辣羊肉烤包⭕️廚師推介菜式，鐵板上煎到包底脆卜卜，包面軟熟，餡料辣味唔會太勁羊騷味都唔會太搶，一個值得叫嘅菜式🐻黑椒牛柳酥⭕️酥皮好香脆入面嘅黑椒牛柳都好惹味，反正我就私心鍾意食酥皮嘢🫣🐻皇帝蟹脆米泡飯⭕️呢餐飯嘅最愛，湯底係海鮮魚湯，皇帝蟹肉都好多又大嚿，配料就係加咗翠玉瓜肉碎冬菜，米同湯嘅比例都啱啱好，呢個真係必叫🙌🏻

啟德Airside 難得有很多餐廳不是集團式經營，試了幾間水準都不俗，確實是九龍東的驚喜！🎊今天為大家介紹一下位於Airside3樓的新派粵菜 - 嵐月🌜🥂餐廳裝潢設計精緻而舒適，營造出一種愜意的氛圍。🫖他們提供多種茶葉選擇，讓客人可以品嚐到不同口味的茶飲。今天點了鳳凰單欉，淡淡的花香，是其他食肆少有提供的選擇。蘋果木燻泰安雞🐔 - 雞肉質地嫩滑，入口即化。以獨特的調味料烹調而成，散發出淡淡燻香。鮮沙薑乾煎鱈魚腩 🐟- 鱈魚腩肥美鮮嫩，外皮煎至酥脆，內裡則保持了魚肉的鮮嫩和濃郁的味道！新竹米雪場蟹🦀炒桂花 - 蟹肉的份量十分慷慨，每一口都能品嚐到鮮美的蟹肉，質感鮮嫩。米粉乾身軟硬適中。餐廳的人均消費大約為$450，價格相對較高，但物有所值。 🌟食評： 8/10💁🏻‍♀️人均消費 ～ HKD450

第一次去啟德呢個新商場試咗呢間新派中菜嘅午市點心最鍾意嘅係佢有間獨立嘅房間大概可以容納八至十個人連埋小朋友推bb車都可以私人空間比較靜可以傾耐啲偈🟤北京片皮鴨✨HKD 688🟤日本大根手打牛肉球✨🟤黑毛豚肉叉燒腸✨🟤板栗鮑汁炆鳳爪✨🟤咖哩鱈魚春卷✨🟤馬來沙嗲金錢肚✨🟤水晶蝦餃皇✨🟤蝦粘葱油炒絲苗✨🟤石獅黑麻糕✨個人推介返頭三樣嘢片皮鴨嘅份量夠八個大人分享油香同酥脆嘅皮算係非常唔錯瘦肉同肥肉嘅比例啱啱好另外嘅叉燒腸同上湯牛肉球係我比較鍾意而且味道質素比較突出整體價錢較高但加埋片皮鴨同有房嘅話就覺得抵食過某啲酒店入面嘅中菜🙇🏻‍♀️

Airside 商場設計時尚，店子各有個性，路過三樓一角落，入口是非常綠化的叢林設計，綠洲內隱藏高級中菜廳「嵐月 Luna」，走現代精緻路線，菜式富新意，價錢中產價。室內設計現代時尚，主調綠油油，真皮沙發，空間感足！內設酒吧，曾推出美酒佳餚宴。我們二人今晚想吃得好：北寄貝沙薑漬 $128/只乾冰營造效果，份外賞心悅目。北寄貝非常鮮美，爽滑掛汁，切成三片，輕輕的沙薑味，底下配酸酸地的洋蔥絲及車厘茄，整體清新可口。靜岡蜜瓜燉珍珠肉 $198/位非常清甜的湯，以蜜瓜瑤柱及瘦肉調味，完全不需落鹽，入口卻有少許鹹香，也許來自瑤柱。沙巴雍脆皮海參 $398/份最怕食太硬的海參，這個海參軟硬度剛剛好，外層炸漿非常輕及薄，提升層次。刀叉切吃份外有矜貴感，黃色沙巴雍汁本是意式甜醬，中西合璧亦協調，黏稠帶香滑的醬汁添口感層次。蘋果木燻泰安雞（半隻）$288今晚最出色的一道，堂前揭開蓋子的演繹，蘋果木燻香湧出，非常討好，而且香氣持久，泰安雞的皮很有光澤、沾上一些茶葉碎，甚惹食慾，皮很薄，皮下脂肪不多，肉白滑不嚡，有油的潤澤。香氣絕對是優點，吃過中數一數二的出色，相比早前在「潤」吃到的更有水準！新竹米雪場蟹炒

裝修現代高級版，傳統粵菜，環境舒適，味道有水準，價錢就都係屬於高檔水平，但係品質可以match到。最欣賞蘋果木燻泰安雞，煙熏味濃，並非表面，而是入到肉裏面，食緊都仲有，皮爽肉嫩。其次是北寄貝沙薑漬，是高級食府做法，講求平衡，沙薑味非沖鼻之剌激，唔太濃唔會冚過北寄貝嘅鮮味，北寄貝爽嫩。亦點了沙巴雍脆皮海參，炸得夠脆，做得唔錯，海參的矜貴食法。靜岡蜜瓜燉珍珠肉火候夠，湯甜料足，用蜜瓜令我覺得靈感可能來自爵士湯。新竹米雪場蟹炒桂花呢個好，夠乾身夠鑊氣，蛋花夠碎，如果加些銀牙會更鍾意。