峇里堂

营业中

休息中

2023-04-26特色印尼餐廳🇮🇩同女朋友去咗尖沙咀食飯🍚去咗間印尼餐廳峇里堂⛪️餐廳裝潢時尚以工業風為主◽️以食東南亞菜印尼菜為主😀主打食串燒同特色印尼菜☺️印尼特色炒飯，88蚊碟💰印尼特色炒飯，有蝦同雞肉粒做配料，伴碟有蝦片同煎蛋，飯炒得粒粒分明，用咗印尼香料炒，正常發揮嘅炒飯😀參峇醬炒蜆，71蚊碟💰參峇醬香料味好重幾惹味，每隻蜆都炒到酸酸甜甜，炒蜆份量正常，送飯一流😀雞肉串燒，35蚊份💰雞肉串燒到有啲焦香，雞肉肉質結實，可以點沙嗲醬更滋味😀峇里堂珍多公雞冰冰，60蚊份💰甜品係好有驚喜，有香滑椰子雪糕，椰汁冰，香甜紅豆，切粒芒果同埋珍多粒，椰味好濃郁，每啖都食到唔同配料口感，好滋味必點之選🥰整體環境有特色😀服務態度幾好，有位店員好勤力👍🏻甜品非常出色，可以去試吓特色甜品🍮

香港特式印尼菜館唔多，今日介紹呢間就好值得去👍🏻價錢又唔貴，環境又舒適甚摩汁牛肉：味道好似甜味嘅咖喱，唔辣嘅，但個汁好好味，我用左黎撈飯食😂牛肉係肥牛片，都好大片，加上沾滿汁，好juicy 👍🏻印尼惹味炒沙嗲豬肉+米餅：個豬肉炒得好香，D汁好香嘅香料味，真係好惹味👍🏻豬肉絲配脆口米餅，又香又惹味又脆，好特別👍🏻雙色咖央多士：呢個枱枱都叫，我又叫左份👍🏻果然係正，咖央醬好香甜，加上牛油軟滑🤤當正餐/甜品都一樣合適 嘴刁小食拼盤 ： 食印尼菜，點少得印尼蝦片😂😂 呢個拼盤滿足曬鐘意食炸嘢嘅我🤩有齊蝦片，魚餅，蝦丸，素春卷。全部即叫即炸，加杯酒🍻配炸嘢，真係一流👍🏻總結呢間價錢唔算貴，地方大，坐得舒服，菜式好特別，唔係咁易搵到好味又有特色嘅印尼菜👍🏻十分推薦

香港唔係好多地方食印尼菜，通常都係啲街邊檔，坐得唔係好舒服。但呢間尖沙咀既峇里堂環境十分大十分乾淨企理，又有好多印尼菜，老闆娘都係印尼華僑，食物地道。我今晚兩個人叫左： 🔸️ 沙嗲莉莉 （魚+蝦）($46，8/10)幾特別，咬落有啲似魚條，幾有鮮味。 🔸️ 沙嗲雞肉 ($35，8.2/10)呢個幾好味，特別係佢個沙嗲汁好惹味。 🔸️ 順喉喇沙海鮮湯 ($172，8.6/10)呢個喇沙海鮮湯好大碟，喇沙味濃，唔算太辣。入面有好多海鮮，包括兩隻大蝦，青口，蜆肉，墨魚丸。拌飯好開胃！ 🔸️ 參峇醬炒蜆 ($73，8.3/10)呢個炒蜆炒得幾香，但係幾辣！中意辣既朋友就啱啦！ 🔸️ 金貝飯 ($33，8.8/10)印尼傳統既黃薑飯，整得好乾身好香，推介！ 🍹鮮椰汁冰 （$41, 8/10） ✏️總括而言，幾特別既印尼菜餐廳！推薦！

Authentic Bali Food in Hong KongThis place really satisfied my crave for Indonesian and Bali food. We ordered one snack, one main and one dessert to share among the two of us. The place wasn't hard to find. It was just a 5 minute walk from Jordan, so be sure to check this place out. We made a reservation so we didn't have to wait for long before we were seated. From my dining experience, I feel like since the staff were a bit busy, so there wasn't a lot of service to comment on. Overall it was a

下午嚟咗呢度食晏； 我嗌咗Beef Rendang with Rice, 我嘅friend嗌咗Nasi Goreng Special。啲嘢食好入味，特別係rendang啲汁。問題係餐廳嘅服務。服務員真係rude，嗌唔到嘢食，要等好耐先可食嘢，等等。下次唔會喺度食嘢，但要嘅話會叫外賣.The food was very good; especially the beef rendang (although the egg in the Nasi Goreng had shells in it,) but the service was terrible. Made to wait a long time, servers were rude and not attentive... Food wasn't good enough to justify experiencing that again, but compliments to the cooks

呢度打手好多，嘢食先唔評論，只能夠話唔係難食，但係呢個價位可以有更加好嘅印尼菜選擇。.入座前知道用餐時間80分鐘，6:30pm入座，食到最後，兩個人share一碗珍多冰沙冰甜品，大家都話甜品唔錯，打算圓滿結束今日晚餐。.正當我哋仲有一啖就食完之際，有個中年婦人好冇禮貌地行埋嚟話：’你哋食快啲，已經過咗時間，食完出邊埋單！‘。望一望手錶7:53pm ，我哋都只係過咗3分鐘啫，唔講以為過咗30分鐘。又諗，唔通出邊好多人等位？！望一望起碼有三張吉枱，等位人影都冇隻，真係撞鬼。👻.雖然我哋知道用餐時間限左80分鐘，但係冇人等位又有吉枱，加上我哋仲有一啖就食完，已經唔敢閑談，咁又何必催促我哋走呢？完全不明所以。.（雖然唔係想同其他餐廳比較，不過真係第一次遇到呢個情況，一般餐廳都會寬限少少時間。就算食放題，如果唔係急住有人等位要交枱，都會有10分8分鐘寬限時間，俾人哋食完坐喺度消化下先至行，而且係會禮貌提醒我哋夠鐘。）.只能佩服中年婦人好有原則。大家睇OpenRice評價都知道阿姐催人係呢度嘅習俗，歡迎想練習食嘢速度嘅人過嚟試試佢，我就唔會再去了。👍🏻.利申：其他員工態度都唔錯，仲有得俾我哋自己揀

*峇里堂*位於尖沙咀與佐敦之間，餐廳主打印尼菜。為食妹👧🏻好少接觸印尼菜，多得朋友帶路見識下❣️。🫧雙色咖央多士用上原味和竹炭多士 夾著牛油🧈和咖央醬 多士香脆鬆軟 份外滋味 🫧不變 招牌巴東牛肉配金貝飯巴東牛肉軟腍 醬汁香濃帶甜 拌飯食忍唔住一啖接一啖😮‍💨 金貝飯飯粒粒分明 香而不膩 🫧串燒🔥🍢沙爹莉莉（成份：魚+蝦）店員推介 入口軟淋 味道正常🍢羊肉 羊肉唔會太So 🫧玫瑰之香普洱🫖玫瑰清香 普洱解膩

太掛住峇里堂個巴東牛肉啦😍上次食左一次愛上 位於尖沙咀山林道食之前不忘去買左植作茶☺️ 養生好飲▫️雙色咖央多士 ($39)必叫嘅咖央多士 烘得好脆中間個咖央餡 咬內外脆內軟味道唔太甜 椰香味好出🤤▫️不變。招牌巴東牛肉配金貝飯 ($146 + $33)正宗巴東牛肉飯😍 個牛肉依舊非常腍香醬汁味道偏甜帶椰香 撈飯一流呀加配金貝飯 由香茅、檸檬葉、薑黃等香料用上6個鐘製成🤤 醬汁滲透米飯🍚▫️印尼串燒 - 羊肉、雞腎 ($40/$36)串燒每客有兩串 每次兩客起 羊肉味道好香濃 燒得幾juicy 雞腎好爽口 配埋個沙嗲醬無得頂▫️參峇醬炒蜆 ($73)呢個價錢食到炒蜆 性價比幾高參峇醬都幾辣 但加埋啲青紅椒、洋蔥好鬼惹味😛 炒蜆無沙 肉都幾厚

4月16號夜晚去到，成個場已坐滿人咁滯，滿心期待地叫了以下菜式：1. Semur Sapi2. 炒四季豆3. 炒通菜4. 印尼炒飯除了炒通菜，其餘菜式係得個甜字，尤其是薩摩汁牛肉，成兜野甜到食唔落，仲要係用肥牛片。炒飯有鑊焦粒，雞絲有D硬，又係甜味。炒四季豆有D生，D參巴醫又係甜收銀阿姐態度勁串，只係問佢我哋落咗幾多樣餸，佢就好惡咁掟返畀我哋睇張紙話你自己睇返叫咗幾多！侍應個個好急好忙咁，問佢邊到有水，只係講前面轉左，佢個斟水位又被擋住，最後都係冇斟情願出去買！

✨峇里堂（ू•‧̫•ू⑅) ⁡🎀 <印尼沙嗲炒豬肉飯> 𝚁𝚊𝚝𝚒𝚗𝚐: 𝟽.𝟻/𝟷𝟶⁡上年食過記得個飯幾好今年再食質素冇減退沙嗲醬汁唔錯甜甜哋好惹味切條豬肉唔韌好易咬開飯底係比較有特色嘅金貝飯似香茅 薑黃飯本身都有調味醬汁足夠夠撈成嗰飯唔覺唔覺，好快就食晒成碗⁡🎀 <雙色咖央多士> 𝚁𝚊𝚝𝚒𝚗𝚐: 𝟽/𝟷𝟶⁡咖央同牛油比例啱啱好每塊多士有牛油同咖央醬各一片但唔算太油膩多士夠脆 餡料亦足作為飯後小食幾唔錯⁡🎀 <特製峇里式串燒 - 雞肉, 魚肉> 𝚁𝚊𝚝𝚒𝚗𝚐: 𝟼.𝟻/𝟷𝟶⁡串燒味道一般唔算好大嚿沙嗲醬同平時食泰國嘢嘅味道差不多魚肉串燒似韓國嘅魚糕串無特別想食串燒嘅話可以叫其他食物試試⁡整體評分：😋味道: 7/10💰價錢: 人均約$90⁡*☼*―――*☼*―――*☼*―――*☼*―――*☼*💖 峇里堂 📍尖沙咀彌敦道176號The Nate3樓#Foodiechk ⁡⁡ ⁡⁡

工作忙到癲，難得早走就想吃一頓好的犒賞一下自己。今晚選的是印尼菜峇里堂。最近吃肉多了，於是決定來個海鮮餐，點了峇里醬煎魚， 嵾峇醬炒蜆，再加個金貝飯，很是豐富。餐廳地方不算大，有點家庭食堂的感覺。沒多久炒蜆先上，蜆肉很飽滿鮮甜，一點沙也沒有，處理得很乾淨，加了峇里醬炒，帶點辣很惹味。金貝飯是加了很多香料煮成的，飯粒粒粒分明，但其實香料味並不是太明顯。然後峇里醬煎魚終於上桌，滿滿的峇里醬舖在煎魚上，基本看不到魚。想來又是一道香辣惹味茶式， 驚喜在煎魚還是有點香脆，魚肉很多，雖然不能說是嫩滑，但味道很好，魚刺也少。連醬配飯很搭。這頓飯滿足得來又不會很太飽滯，贊！

峇里堂 (尖沙咀)雞軟骨 $35雞軟骨燒出嚟好香 啲油脂迫咗出嚟食落唔會太油膩花枝丸 $36燒出嚟嘅花枝丸外皮好脆 再加埋啲燒烤醬 必食巴東豬手 $76好好食嘅豬手 估唔到果醬汁仲會豬腳咁夾㗎而且啲皮煮到好淋 啲肉又好易咬 完全唔會覺得肥印尼特色炒麵 $88炒麵好有鑊氣 而且好多配料有鮮蝦雞肉蔬菜蛋 口感好豐富金肋骨 $120豬肋骨肉質好嫩滑 而且個醬汁好惹味忍唔住要食多幾嚿😋靜靜雞指數 🐥🐥🐥🥚🥚🔂再偷食指數 ✅✅✅☑️☑️💲減荷包指數 💸💸💵💵💵——————————————————店舖資料📍 尖沙咀彌敦道176號The Nate3樓

尖沙咀山林道有好幾間食店，適逢有日住龍堡酒店住，就過來試試呢一間標榜bali風情既餐廳先。餐廳係4樓望出去既風景好開揚架。嗌左個午市套餐，一個主菜包一杯飲品。我嗌左個雞脾飯加杯熱玫瑰咖啡。隻雞脾超大隻，以80蚊一個餐既價錢來講，相當唔錯架啦，始終佢係尖沙咀地段。不過個人而言感覺啲汁太多太濃，搶過左雞同埋靚米既味道。不過我都明白，汁係一餐飯既精髓，但同時都係致肥既原因。另外都嗌左個多士。男朋友嗌既泡沫咖啡竟然有蠟筆小新圖案？好可愛。😆

因為屋企有人係印尼人今日生日話想食印尼菜但原來印尼菜選擇真係唔多最後揀左峇里堂呢度就咁睇相好似環境一般我地人多都怕啲位要分開去到原來可以拍枱咁就多多人都唔怕啦叫左巴東牛肉飯咖哩牛腩飯沙爹豬肉飯串燒加多加多沙律口味偏甜巴東牛肉好淋好好食咖哩牛腩都唔錯牛有牛味啦 份量好夠沙爹豬肉都幾好串燒都係偏甜口味羊肉唔騷串燒有肉汁唔柴印尼人表示滿意飯後甜品叫左椰糖雪糕多士同埋珍多冰冰賣相唔錯要留意係只收現金真係差啲出事

呢間樓上印尼餐廳，我上一次嚟食午餐，覺得啲嘢食好正宗，好好味😋 今次我約一個好耐冇見的朋友食晚餐，就決定嚟呢度食。估唔到晚上都幾多食客，店員都有5個，除咗女店主外，我估係佢嘅仔/女/女婿都嚟幫手，服務態度好友善😊🥘 不變．招牌巴東牛肉 (HK$148)．牛肉係非常之軟腍、好入味😋．醬汁濃郁，我食到有少少椰奶香，應該落咗好多不同香料，所以個味道好豐富，不可以只用「甜」來形容．牛肉同醬汁一樣色，搞到好似尋寶咁去找牛肉，都夾咗幾多牛肉喎！🥘 峇里堂海鮮煎 (HK$73)．蛋，煎得香滑，每一口伴有芽菜和一些海鮮 — 有魷魚、帶子和蝦．上面鋪滿蝦片，厚片、脆口🥘 嘴刁小食拼盤 (HK$78)．蝦丸、魚餅、素春卷、蝦片，前3款各2件，我和朋友各一件，啱啱好，配有多片蝦片．我比較鍾意食蝦丸，大粒，外皮薄但好脆口，裡面啖啖爽彈蝦肉．魚餅比列多魚肉，好惹味．素春卷，一咬就爆汁，出乎意料之外😮🥘 印尼惹味炒沙爹豬肉配米餅 (HK$98)．濃厚的沙爹醬汁加入洋蔥，炒得香香的，令豬肉鹹鹹甜甜的，好惹味😋．把沙爹豬肉放在酥脆米餅上一齊食，另一風味🍹 鮮青檸梳打 (HK$38)．有氣微甜的梳打水加入青檸汁，沒有篤