岩鹽日本料理 (利舞臺廣場) (已結業)

喺銅鑼灣放工之後黎食，走嗰陣只係七點鐘！好快坐低左就已經好多人入嚟！ 座位同座位之間隔位好舒服 吾會逼住坐！好啱情侶或者一大班人過嚟食飯！我叫左個定食！個擺設都非常之靚！成件事吾理好無食先！格調已經好好！好精緻！係一個一定要打卡既地方！🤗叫咗個長腳蟹定食套餐！ 大概$250！😕入邊有味噌湯！刺身！泡菜！沙律！同埋八爪魚等等。仲有大碗嘅日本香米！d刺身好鮮甜！根住吾使點醬料！有三文魚、魚同蝦等等。😋d長腳蟹吾會好咸好硬 反而煮到邊壚咁！ 好香好甜！ 入面果鍋以豆腐昆布做湯底，好鮮甜！豆腐都係滑溜溜😍再叫左佢個刺身拼盤！呢度入邊就多咗個吞拿魚腩！冇三文魚但有超大粒帶子同埋赤蝦！ 比起送餐果個刺身更加吸引同新鮮！仲要凍冰冰！唯一缺點係茶吾夠熱！雖然侍應已經好勤力係咁酙，但飲茶都只係暖！我地仲叫左個芝士玉子燒黎食！佢比出面既玉子燒甜小小，蛋味好濃！食果陣陣陣芝士味夾雜住蛋味！完全係雙重口味！好想encore😜

自從去完日本番黎之後已經成個星期冇食日本野 對於我呢個日本控黎講 真係忍唔到啦於是上網睇下有邊間好食見到好多人都推介岩鹽一於就book嚟食下先依家岩鹽喺銅鑼灣好鬼方便一搵就搵到佢都門口就見到佢最特色嘅 釜飯即場製作好似色香味俱全，我已經急不及待好想試吓一嚟呢就先點左一個刺身試吓我發現啲刺身真係好線同日本嘅冇乜分別 啲帶子真係好鮮甜塊三文魚同埋吞拿魚可以話係入口即溶冇乜瑕疵之後我就叫咗個定食係個最新出嘅牆腳蟹火鍋啲蟹肉鮮甜又溝海鮮味唔使自己咬開啲外殼啱晒我呢啲怕麻煩嘅人我又叫咗杯特飲菠蘿青檸味梳打粒粒菠蘿肉先甜配搭着青靈嘅酸酸美味好鬼爽仲有每份定食都會附送沙律同埋刺身真係啱晒我呢啲日本我又叫咗杯特飲菠蘿青檸味梳打粒粒菠蘿肉先甜配搭住青檸嘅酸酸妹妹好鬼爽仲有每份定食都會附送沙律同埋刺身真係啱晒我呢啲日本控最後仲食咗個玉子燒仲要係我最鍾意嘅芝士玉子燒淡淡芝士切開嘅時候拎起舊玉子仲有拉絲嘅畫面真係好滾動味道甜甜地加返少少鹽形成強烈嘅對比

今次同同事出走去利舞臺食飯食個靚LUNCH為自己帶來美好星期一 門口的裝潢氣派十足　第一次見到日本釜飯既爐具覺得幾得意（師傅正在準備食材）和風牛肉釜飯定食定食有味噌湯、沙律、刺身同漬物刺身幾新鮮，厚切而且鮮甜釜飯用高湯加入日式醬油味醂一齊煲飯底好香，加入菠菜青豆同時令栗子一齊煲牛肉份量多，啖啖都有牛肉夾雜。味道不錯，濃郁有口感。另外附上醬油可加，但其實已經夠哂味了。精選壽司、牛肉烏冬定食份量好多，1-12號刺身左至右上至下排列牛肉烏冬牛肉上檯半生熟，靠湯既熱力浸熟所以牛肉好嫩滑壽司好新鮮件件都啖啖肉，海膽鮮味仲有最喜歡既帶子同蝦生同熟既食物都幾滿意，全部食材都好新鮮。可以用好心情迎接今個一星期啦 

今晚朋友仔介紹我Taddy試新嘢，位於銅鑼湾利舞台廣場十六樓高級日式料理岩鹽，未入門口見到有個細細㕑房有個㕑師正在煲飯，奇怪走過去問問原來是韓式煲仔飯名叫釜飯，於是我坐下便叫了多道菜式其中我首選了北海道海鮮釜飯，一場來到當然要試他們特式釜飯和靚拖羅啦。釜飯味道似似地煲仔飯，加上特制少少咸帶少少酸調味汁，十分開胃。中拖羅，色澤紅潤帶粉，一望就知肥美高質，食落口直頭嘩嘩聲，味道甘香，入口即溶，$198抵比總括而言 - 呢兩款美食 100分，即得再幫襯！下次要試埋他們的其他款式美食，例如和牛咁先可以做肥Taddy架麻

岩鹽係最近好火紅日本菜!!老公生日一定要同佢去試下好野啦!訂位都算容易!! 店員安排坐卡位，地方十分闊落環境舒適岩鹽的海膽飯堆到成坐山咁高, 滿滿既三文魚子, 見到都超興奮!!很驚喜!!!! 仲creamy到不得了!!好好味呀~~~ 海膽的份量絕對沒有偷工減料!!!! TEMPULAR炸到剛剛好~賣相非常精緻!!!壽司,刺身都好正,又新鮮~~~~無論刺身還是熟食，賣相至味道都是很高質!!! 真心推介!!!餐牌上除了釜飯之外，更有鍋物定食、刺身、小食等。食完大家都好滿意～～

同朋友第一次嚟，環境闊落，有日本特色，而且好似新開，好多卡位，傾計方便。呢度飲品幾多選擇，果酒、米酒都幾多款，但因我地都唔多飲酒，最終叫左peach soda同pineapple and lima soda,幾fresh, $28-38咁大杯，抵飲!晚市，加$98，有半打海膽生蠔，仲有三文魚籽，蠔幾新鮮，爽口唔太咸，我喜愛! 配海膽，幾新穎，幾好食! 有衝動叫多半打，但怕腸胃頂唔順，唯有下次再嚐啦…燒油甘魚餃，比想像中大份量，大魚餃好多肉，又嫩滑，又有油香! 之前都有點怕有骨，但原來啖啖肉。釜飯幾正，可二食，上面有蔬菜栗子，同鰻魚既精華，配鰻魚燒汁食，有少少似石頭鍋飯，但因是燉飯，更清淡芳香，呢個絕對係對我來說有驚喜。下層既飯，用茶漬飯方法處理，加紫菜同茶浸泡，又真係好唔同style, 好似食緊第二個飯咁。大家不知不覺將飯清晒，好飽之餘，見喺Facebook share 就有雪糕送，就即刻開心share，原來係 haagen dazs 雪糕，cookies and cream味，為飯聚劃上完美句號。

自從Monster Sushi離開了利舞臺廣場後，好耐冇去過果到食野。最近知道岩鹽日本料理開左係同一個位置 人山人海幫襯，所以約埋好友一於就試下先！先講講岩鹽裝修，舒服既和風設計，用不同白色插花擺設點綴，感覺簡潔帶點貴氣。之後我地點左個原味玉子燒，口感唔錯，蛋味好足，甜味有D層次 - 整體ok第2道就試蟹肉香芒薄餅卷，外皮幾脆，味道就唔太特別，蟹子蟹肉新鮮好食 - 整體ok一場黎到緊係叫埋刺身啦，中吞拿魚，赤身，甜蝦 我最愛，當中中吞拿魚簡直無械可擊，入口即溶，特厚切，鮮味！！ 赤身同甜蝦都唔錯 值得推介。最後食埋個鱈魚釜，感覺似和式煲仔飯，暖意足，味濃，仲可以加茶一併食，實在特別而且好食。100分！飯後同友人滿載而歸9

呢度晚市優惠好吸引，原本想食半價的海膽丼，只係$134，話有4板海膽，但有quota, 之後轉左食海膽生蠔，$98/6隻。估唔到都幾大隻，幾新鮮，6隻雖然有大小，但整體都肥大飽滿，說是愛爾蘭生蠔，幾鮮甜，第一次配埋海膽同三文籽食，增強味道層次，味道更濃郁。雖然叫唔到半價海膽丼，店員介紹$198的另一款丼，有2板海膽，三文魚籽同吞拿魚蓉。都其實好正，2板海膽原來有4排，都好多，有另配紫菜比你食海膽，yummy! 搞到我好想下次嚟食半價有4板海膽既優惠丼中拖羅，$140，之前睇森美節目介紹中拖羅係佢至愛，話有肥美油香之餘，仲食到魚香味，而且沒有筋，鮮甜! 果然唔錯!三文魚牛油果米紙卷，配有青瓜，幾清新既餐前小食。見門口既釜飯專區，好pro，好吸引，店員介紹係由上湯，好多配菜一齊煮，聽落好似日版煲仔飯。鰻魚釜飯，鋪滿左飯面，飯因為同栗子及其他蔬菜一齊煮，好清新既香味，幾特別既味道，出面少有。再另配鰻魚燒汁，個人覺得落左再野味d好食d。食到大半，可再加茶同紫菜做茶漬飯，兩種風味，一飯兩味，的確幾夾既組合。呢度價錢唔貴，質素幾好，CP值幾高，仲繼續想試優惠海膽丼，希望下次叫到啦～

第一次食釜飯，比我既感覺就係日式既煲仔飯叫咗一個北海道海鮮釜飯定食（$148）～套餐裏面嘅沙律幾新鮮，個汁酸酸地幾開胃味噌湯正正常常，冇乜特別。我本身就唔食漬物既，所以就不便評論。套餐仲包括幾件刺身，刺身質素不錯，最出色嘅係甜蝦同埋帶子，相當鮮甜主角出場喇不同種類既魚生舖滿飯面，仲有幾條菜。各款魚生配料當中，最印象深刻既莫過於蟹鉗，鮮甜無比，三文魚子同馬冀海膽亦唔錯，一啲腥味都無，魚子一咬即破，鹹香適中，而質素上佳既海膽滋味自然不用多說而各款配料下面既飯亦都唔係普通嘅白飯，係加入左高湯煮成，盡吸高湯精華之餘，每啖仲咬到粒粒栗子同埋香菇架！仲有一杯我最愛既Haagen dazs 作結

今晚帶Oppa黎食我之前同朋友食過一致好評嘅岩鹽日本料理，今個月仲有$98 6隻海膽生蠔😍😍正！我地另外叫咗兩個set加啲小食。刺身同壽司都新鮮同厚切。壽司set嘅吞拿魚好好味！玉子燒同甲羅燒都掂，但係塊法包同上次一樣都係淋嘅☹️另外一嗰set係鵝肝牛小排釜飯，我覺得就不過不失。牛小排無乜牛味😓今晚食咗六百幾蚊，總括黎講性價比都高。想食好啲又想慳錢可以淨係叫set Set 跟餐可以㨂咖啡果汁或者雪糕，但千祈唔好揀雪糕，因為like fb有得免費送🤣仲要係Häagen-Dazs😋

釜飯——日本傳統鍋飯，有人稱之為日本的「煲仔飯」，但事實上兩者南轅北轍。釜飯是將米、高湯及所有食材放進鍋中慢煮至沒有水蒸氣飄出，然後再蓋上木蓋以真空煮約十分鐘，而且調味較輕，反而比較講究高湯鮮味；而煲仔飯則是約熟米飯加上各種食材烹煮而成，亦會加入大量如豉油、蒜蓉等偏重口味的調味品。冬日降臨，熱騰騰的煲仔飯彷彿成為不可或缺的必需品，一直以來都以為香港只有一間釜飯專門店——奈良上釜，出乎意外地發現數街之隔外原來有另一間釜飯專門店——岩鹽。近日氣溫驟降恰好締造到訪光顧的契機，於餐廳門外便已經能透過玻璃一賭師傅炮製釜飯的過程，令人更加引頸以待。腹中吞拿魚腩 ($180)雖是釜飯專門店但出乎意外地刺身質素甚至比高級日本料理餐廳更加優秀，眼見吞拿魚腩不算相當油潤閃亮，亦沒有有如和牛一樣的雪花脂肪紋，但入口隨即能感受到魚肉細緻軟嫩得溶化於舌尖之上，吞拿魚本身的魚香鮮明，而非像一般大拖羅一樣只得油脂香而魚香欠奉。明太子厚燒玉子 ($36)要炮製出色的玉子燒其實甚考功夫，難得這裡的玉子燒價格如此相宜但絕不馬虎，玉子燒軟硬適中，沒有過份鬆散或死實，火候拿捏得宜令蛋汁得以保留而不會過老導致口感粗糙。面層薄薄

銅鑼灣揾食好友剛轉職在銅鑼灣區工作，剛巧路過此區，便相約一起吃午飯，友人想食日本菜，提議去此店試試。午飯時間很多人在輪候，幸好我們一早訂了位，店員安排坐卡位，地方十分闊落環境舒適。我們分別點了銀雪魚西京燒定食和岩鹽火爆丼。銀雪魚燒得香氣撲鼻，外表金黃香脆，魚肉嫩滑無腥味，絕對好吃；友人吃的岩鹽火爆丼有三文魚腩、帶子、海膽和左口魚，單看外觀已很吸睛，友人吃後說十分鮮味，尤其是三文魚腩夠肥美啖啖肉。整體食物質素頗高，價錢合理，與友人約定下次再來encore。銀雪魚西京燒定食，配刺身，新鮮味美。岩鹽火爆丼，份量十足好味。跟餐可揀餐飲或Häagen-Dazs雪糕

相約友人聚會，見openrice呢間咁多人like，仲話係出名食釜飯，唔試下又點得呢？我地大約七點到，可能平日關係，人流不多，即時入座。晚市menu有好多款套餐，釜飯叫套餐，其他散叫。以下呢個三文魚飯十分出色，好新鮮同入味。這個明太子玉子偏鹹，麻麻地終於等到主角釜飯出場喇！本人係鰻魚愛好者，所以揀左鰻魚釜飯。果然冇令我失望，熱呼呼的飯配上肥美鰻魚，絕配！套餐仲有埋刺身同沙律，滿足埋我試刺身既慾望！

我係一位中意食野既人，有日黎呢間日本料理食飯，想試下磯燒，而我亦係第一次食日式磯燒～最近新開既一間日式餐廳，一入黎已經見到生猛既海鮮，今晚一於食佢！大部份日式料理都有，特別在於有磯燒同釜飯，釜飯唔係到到都食到，而今次我亦都一試。比起刺身我更中意食壽司，深海魚、比目魚、油甘魚等壽司超好食主打釜飯今日終於一嘗滋味, 真係超正! 見到師傅很用心製作中 見到都流口水。 餐廳環境格調高尚，坐得好舒服。

今日去咗銅鑼灣行街，行到去利舞台嗰邊，見到一間好似幾吸引嘅餐廳，我就想去試吓啦！因為呢間日式餐廳係有磯燒食的！一入到餐廳，員工都好有禮貌同好大聲用日文講歡迎非常感受到員工嘅好客之道，一定要試特色美食黎到呢度，就梗係試吓個磯燒啦！安排左一個爐，仲要幫我地燒埋，仲要燒得好好，整到好整齊，超滿意…好味既包括有鉄板燒、日式燒肉、日式串燒、刺身及壽司等等食海鮮之前食咗個凍蕃茄沙律 加上酸味嘅沙律汁 好開胃 蕃茄好爽甜，而且多汁 日本啲蕃茄特別鮮甜㗎呢 😋深海池魚同金目鯛魚肉都係爽身，好鮮甜,飛魚同油甘魚一樣好!