岩鹽日本料理 (利舞臺廣場) (已結業)

今日同同事心血來潮想食日本野，就即刻去朋友推介過嘅岩鹽日本料理試試佢啦。餐廳主打釜飯，同同事一見倒釜飯2個字都有點黑人問號，細問之下原來釜飯和煲仔飯有一點點點相似，不過前者以真空慢火燜煮，後者用大火煮成。餐廳環境不錯，外面還可看廚師即席製作釜飯。一場嚟到當然要試下釜飯係什麼料子啦。我點就叫咗一個和風牛肉釜飯同一個精選壽司牛肉烏斥定食。和風牛肉釜飯另外搭配沙律、魚生仲有醃漬嘅蘿蔔，淨係前菜都夠多。講返釜飯先，釜飯除咗有主角牛肉仲有3種蔬菜、冬菇同埋一隻半熟蛋，識食一定係撈勻食！米飯係比較軟身的，正中我下懷！另外一個就係精選壽司牛肉烏斥定食12件壽司，最鍾意每種壽司都淨係食一件嘅我揀哩個套餐真係冇揀錯！套餐大大份，仲有沙律、燉蛋、麵鼓湯同牛肉烏冬。牛肉烏冬伴有海帶，哩個我十分喜歡！1人1個套餐食完都要捧住個肚走，LUNCH TIME時間好繁忙，建議大家先訂位呀～

本身期待值十分高的餐廳，所以一心黎食生日飯入座睇餐牌選擇性都多，相片都十分吸引，於是都選擇左最出名既不過可惜係牛排入口已經硬，沒有想像中那種口感，更到日本試的口感不同。但整體上不錯

與友人慶生飯聚，銅鑼灣日菜，我們選了這家位於商場內的餐廳。餐廳環境不錯，被安排卡位，十分適合慢吃慢談。假日餐廳同樣提供晚餐，但今次我們選擇了散叫：精選吞拿魚盛油甘魚腩刺身燒吞拿魚鮫燒牛舌串吞拿魚腦天肉川柳鍋鰻魚牛油果班戟柚子雪葩椰子雪葩精選吞拿魚盛，赤身、中拖羅及大拖羅各兩片，是我個人喜歡的厚切魚生，油脂及口感同樣豐富。油甘魚腩刺身：厚身魚腩，充滿魚油脂肪，口感足。燒牛舌串：一碟兩串，口感油香，牛舌控的我十分滿意。燒吞拿魚鮫：燒得魚肉邊脆內軟，充滿魚油香，吃一件其實有點膩。鰻魚牛油果班戟：驚喜之選，鹹甜味出奇的夾，鰻魚控必試。吞拿魚腦天肉柳川鍋：第一次品嚐魚腦，其實與煮熟了的魚肉分別不大，實肉口感配上軟滑蛋，再加上蔥香，配白飯其實不錯。最尾以椰子及柚子雪葩作句號，柚子十分清新，椰子則充滿椰香，兩款都不錯。餐廳整體食物水準中上，值得一試。

一直好掛住之前去日本食既海膽飯，必須回味一番！上網見到每日限定10客可以半價享用，仲唔拿拿臨黎食咩？ 海膽盛 (每日限定優惠價 $134) - 黎到時呆左一下，因為係用細碗，但食落又好飽，女仔真係岩岩好。佢用左差唔多成板既海膽，好新鮮好肥美，真係好正！可以用半價食到咁足料同呢個質素真係好抵！ 銀鱈魚釜飯定食 (日本煲仔飯) - 銀鱈魚好滑，加上蒸飯口感既飯底又係出色；定食甜品竟然係Haagen Daz雪糕，又一驚喜！

平安夜到到都加價或者一定要叫貴嘅set dinner,所以我地屋企習慣過時過節都食日本野。媽咪之前食過set lunch覺得依間餐廳唔錯，所以帶我地黎食。海膽丼盛我地係為左依丼而黎嘅，真係足料到滿瀉，雖然隻碗唔大但係如果一個人食，真係未必食得哂。海膽，三文魚籽同吞拿魚蓉依個組合係我曾經係東京一間小店食完回味無窮，今次真係食返個種味道。海膽鮮甜濃郁，三文魚籽好有鮮味，吞拿魚蓉亦有脂香。食完真係好幸福，而且lunch set都有，可惜唔近我返工地點壽司定食全部都好新鮮，特別推介左口魚群邊同洗膽。刺身盛唔記得叫左邊款，不過記得性價比好高，三文魚腩好肥美，赤蝦爽滑彈牙。食完like facebook page仲有haagen daz送。當日一家人都食得好開心，除左食物質素高，價錢唔太貴，服務亦好好，幫我地影左兩次合照都好nice,一定會再幫襯!!

之前唔記得邊度介紹過哩度既海膽丼 淨係睇相已經覺得超吸引 所以決定同朋友一行４人尼哩度試下佢個真身!!好彩一早BOOK左位 七點尼到已經FULL哂咁濟我地被安排坐卡位 都幾寬敞 事不宜遲啦 食左先講!!我地叫左兩個晚市定食 包烏冬 沙律 漬物同味噌湯 仲有杯野飲壽司大概有三文魚腩 油甘魚 拖羅 帶子 牡丹蝦 海膽 金目鯛 赤身價錢同食物質素係成正比嫁 所有壽司刺身都好新鮮 特別係拖羅 入口即溶咁濟 超好味烏冬唔記得影相但湯底甜甜地咁都幾好味之後就到哩個海膽丼盛 望落已經流哂口水有好多海膽 仲有三文魚籽同吞拿魚蓉海膽真係好鮮好香 一啲腥臭味都冇 建議完全唔好點豉油去食哩碗野 感覺好似係日本食緊咁呀 超好食!!!第一次咁食法 不過我都係先食左海膽再食生蠔食完海膽之後個生蠔仲有少少海膽既味道估佢唔到又幾夾堝全晚係哩個鵝肝多士失色左少少太厚粉又煎得太耐喇 我都係覺得鵝肝只需要加少少鹽吊下味就已經好好味 其他汁都係多餘不過哩個純粹係個人口味姐好啦今晚十級滿足

想著去工展會前要食個豐富的午餐，才有能力買嘢搬嘢。又要近又不想食碗麵便算，老婆提議食有多選擇的日式午餐，起碼有熱嘢食的。最後到了岩鹽一試。去到大約十二點搭十，已有人在門等候。拿了飛等叫number, 還剩六張便到，看看他們門口師傅整釜飯，好像整煲仔飯咁，最後都快，四個字就可入席。看見午餐餐單，勁多嘢揀，有壽司，有釜飯，有牛肉鍋套餐，有丼飯餐，有天婦羅便當。掂晒。環境也很有空間，坐得舒服。揀了個特尚壽司套餐，份量很豐富，有日本醋沙律，很開胃，沙律菜也很新鮮。壽司排得很美，中拖羅很新鮮很滑，三文魚腩很平衡的肥美，不太肥，帶子都很鮮甜。海膽就正常，不太甜，但份量ok以軍艦來說。最後以抹茶雪糕做總結，很滿足

今日同女朋友去岩鹽朝聖，聽聞佢嗰個海膽飯好正，啲人又話新鮮又話幾版海膽又盛，咪去試下囉！係利舞臺搭lift 上去，好易搵，最多人排隊果間就係！七點幾嚟到岩鹽唔係好多人，等左一陣就有位安排左場坐窗邊位，有夜景睇！女朋友表示好開心！岩鹽的 真。岩鹽海膽飯！原來每日限量10客可以用優惠價＄134其他就要正價$268咁好彩我哋今次叫到！女友都鑽我叻！海膽堆滿成座山咁高，好鮮味，入口即溶！ 鵝肝麵包，配上特製醬汁麵包吸收晒鵝肝嘅香味帆立貝刺身，原隻帆立貝上碟，厚切夠新鮮真係食到唔夠喉

因為係頭10位晚市既客人所以可以以優惠價138叫個海膽飯好扺 個飯上面仲有三文魚子同碎呑拿魚腩係上面海膽唔苦 好鮮味！叫咗海鮮釜飯 但入面有栗子 味道唔係好夾可能係唔啱我口味掛

很久沒去吃日本料理了，今晚和姐姐去CWB買衫，之後就去左吃晚飯，　上網知道這裡有釜飯食，就入去試試，裝潢怖置都有日式風味，日式料理當然先欣賞MENU 設計，　最後點左沙律，原個蕃茄又幾有心思，味道酸甜適中，超開胃，之後就係刺身同磯煮鮑魚，磯煮鮑魚真係好鮮，海膽叠到好高，仲有魚腩蓉+魚子，好甘甜，豆腐鍋方面，其實好大份，仲有前菜，麵豉湯+飲品，最後食埋個雪糕，超飽飽，真係好抵食，姐姐都話呢間野好正，下次一定再黎食！！

經過好多次呢間餐廳，但每次都有事忙或者約左朋友係其他餐廳食飯，今日終於又機會黎試試。Menu嘅選擇唔多，都係一D平日會係日本餐廳見到嘅菜式。餐廳主打斧飯，但我掙扎左一輪決定試下個石頭燒美國牛扒定食。同其他定食差不多，有Miso soup，日式沙拉，茶蒸蛋，白飯一碗，仲連一份魚生。牛扒份量相當足夠，攞上黎時只得5成熟，佢係托盆到連一塊石頭燒，如果覺得牛肉太生，可以自己再煎煎佢，呢一部分好得意，原來所謂嘅石頭燒係自己燒而唔係佢係廚房同你燒埋。餐後仲有咖啡、果汁、柚子蜜或者雪糕做結尾。食完個餐後，感覺好滿足。侍應們服務非常有禮貌，座位都算寬敞。以後會多一個食晏嘅選擇。

天氣開始凍，冬季衫開始出爐，就諗起熱辣辣嘅釜飯上次同友人食過岩鹽，一路都念念不忘佢個海膽飯同釜飯今次決定充當領隊，帶男友去試下位於利舞臺，好易搵，去到時候已經有幾pair 人等緊位，好在佢勝在地方夠大，好快已經安排到在座位，仲係4人卡位，好闊落，係咪預備我地叫多啲嘢食😂諗左好耐叫唔叫二人餐，但係又好想食鵝肝同海膽飯喎，男友叫我想食咩就嗌，咁就決定唔同佢客氣鵝肝多士，好香好rich 鵝肝味，入口即溶重頭戲！海膽飯！為左佢而來！又咁好彩叫到限量特價海膽超級新鮮！yummy yummy!! 食完海膽飯梗係要叫埋招牌釜飯一飯二食好過癮，好有特色相信我會再帶朋友黎食！

呢間店鋪裝修,環境,服務都好好，感覺彷如置身於日本，店鋪門口就有玻璃窗設計，展示釜飯製作，十分吸引。店內裝潢以黑配金色的設計，華麗有氣派, 有長長的魚生枱，即場製作魚生丼飯等不同食物，衛生安心,還有海鮮櫃擺放着當日時令海鮮, 見依間有定食套餐, 定價不高就 o黎試下釜飯, 原來每晚有 10 個半價食海膽盛 ,生蠔好新鮮, 隻隻都夠哂肥美, 而且個賣相好靚 !海鮮釜飯定食好豐富 , 刺身方面:有甜蝦, 帶子, 三文魚, 油甘魚新鮮度十足, 好大塊好滿足, 沙律都好新鮮, d 菜好爽~, 好開胃, 而海鮮釜飯有好多豪華海鮮料, 當中有三文魚, 三文魚子, 帶子, 蟹,, 簡直係大滿足!

黑松露番茄水牛芝士沙律幾好食，份量都幾大碟，松露油好香，番茄好甜好開胃，芝士唔太漏食哂都唔會冇胃口, 食落去之後見到有海膽盛，海膽超多，魚子同呑拿魚蓉多到滿出嚟,超正超開心! 釜飯是海膽+三文魚, 落埋醬油食好味好多,  釜底有飯焦,  整體份量足夠.丼飯擺盤很美!!

話哂今日係一個超耐無見既聚會, 當然要試新餐廳,今次我地黎到岩鹽日本料理, 佢嘅特點係釜飯，咁當然要叫啦，飯係用左好鮮嘅海鮮湯去煮，加埋佢用呢個特製嘅釜鍋，d飯勁香海鮮味！上面d海鮮就樣樣都有d咁，未食過都值得試下嘅。另外，呢個海膽飯堅抵, 海膽都ok，不過不失，起碼無腥味，至於壽司, 三文魚肉香味濃，超鮮甜,油金魚肥美爽滑，味道幾正,赤身色澤紅亮，鮮嫩滑口,池魚王，帶孑，赤蝦等等都超好味, 比我想象中好食!