岩鹽日本料理 (利舞臺廣場) (已結業)

最近身體抱恙😷所以選左間日本菜餐廳食釜飯晚餐一個海鮮丼 一個三文魚親子丼海鮮丼都幾多食材 有鍾意食既海膽 帶子 鰻魚 蟹鉗 三文魚 菇仔 釜中仲有粟子同菜添呢個餐仲跟埋刺身 三文魚 帶子 蝦仔 仲有魚🐟另外三文魚親子丼就好肥厚三文魚 三文魚籽 同埋甜蛋仔兩舊仲跟餐有野食或者雪糕發覺市面上店舖好鍾意like or/and share就有優惠今次仲係haagen daze雪糕 所以兩個餐多兩杯😆跟餐仲有麵豉湯 沙律仔 同酸開胃菜小碟

呢排留意到香港開咗好多釜飯嘅餐廳！所以決定今日同太太去銅鑼灣上樓食釜飯~喺門口就已經見到師傅好專注咁整緊飯，好我就食你！試吓個原味玉子燒先！一切開會見到有少少蛋汁流出嚟非常嫩滑食落口味道帶少少甜味,而且仲係熱辣辣新鮮做出嚟出面好少食到。三文魚牛油果米子捲，唔好睇佢細細件食落嘅飽肚感係超乎想像, 米子非常煙韌再加埋三文魚親子同埋牛油果估唔到係咁好食主角終於嚟啦，呢個釜飯一打開陣飯焦味加埋個三文魚親子嘅香味，真係忍唔住要食晒佢5分鐘之後佢就已經得返個兜！食嘅時候記得加啲木魚花湯落個飯因為即時會好似食緊第二道菜完全兩種感覺~最後叫咗杯菠蘿梳打,好啱我飲因為唔係太甜重點我要操練返嘅腹肌出嚟!

星期二睇戲之前要好好地食一餐。近近地去利舞臺，太多選擇，最後揀左岩鹽釜飯。最鍾意食釜飯，個飯有飯焦，但又唔會太乾。餐廳多卡位，都坐得很寬敞，價錢亦不貴。首先要個小食，三文魚牛油果米子卷 ($48)，牛油果很清新，米子亦拉得很薄很滑。蟹肉香芒薄餅卷 ($78)，啖啖蟹肉、香芒，用薄飯卷起，帶點煙韌，芒果汁亦很清新。原味玉子燒($58) 甜蛋都不錯，不會太甜，送飯一流。三文魚頭立田揚 ($48)，炸三文魚很鬆化。三文魚親子釜飯 $128，主角到，等一分鐘就食得。三文魚夠厚肉，飯焦味都夠香。好抵食。最後加兩杯梳打，簡單又充實的一餐。巨峰梳打 $28菠蘿青檸梳打 $38

最近工作壓力大，要食好野補償心理上既疲勞。 聽同事講銅鑼灣利舞臺有間日本食店叫岩鹽日本料理唔錯，所以就去試下。果然去到真係餐廳裏面人頭湧湧，我見到佢menu有好多定食，刺身，壽司，燒物等等。非常肚餓既我就相中左一人御膳日本黑豚吉列盛合 (HKD 248)，內有刺身盛 (中吞拿魚腩 x 1，赤蝦 x 1池魚王 x 1，帶子x 1)，日本黑豚吉列盛合 (黑豚豬扒，特大吉列廣島蠔 x 2，吉列大蝦 x 1)同埋有沙律，枝豆漬物盛合，泡菜八爪魚，味噌湯，白飯。先黎既刺身， 賣相非常靚，吞拿魚色澤鮮豔，而帶子都非常鮮甜，兩者都有入口即溶既感覺。池魚王肉質相對地爽口，赤蝦就非常大隻同新鮮。另外就係黑豚吉列同漬物盛合，非常豐富。黑豚豬扒炸得非常香脆，肉質鮮嫩又大件，但一啲都唔油膩。廣島蠔就炸得真係非常巨大，都炸得好脆口同埋一啲都唔腥。炸蝦就好大隻，味道唔錯。個沙律就有青瓜，菜同蕃茄，非常健康。枝豆就有好多條，條條都好大粒。泡八爪魚就係略帶微辣，非常惹味。味噌湯非常清甜，用料十足。漬物有3款，各款都各有特色，味道唔錯。白飯口感非常軟熟。餐飲我就叫左熱薑蜜，非常滋潤又好味。食完呢餐之後，所有能量都番哂黎

補食評因為情人節當日想食飯，但無奈太遲去book位，加上情人節間間都會有個時間限制，由於當日都要夜放工。就嘗試打電話睇下卜唔卜到。咁平時食飯都會經過呢間野既，上網見到食評幾唔錯。好去相D野賣相幾靚 ，d位幾好坐，魚生 壽司都好味新鮮 不錯 ，之後平日會再試下佢出名個個飯

琴晚去銅鑼灣睇戲，早咗到所以搵嘢食醫下肚，無意中發現一間幾好的日式料理餐廳，所以推介俾下！「和風牛肉釜飯」可以配：紫菜、熱茶（茶漬飯）食法釜飯好似日式既煲仔飯咁，上台先焗1分鐘才開飯蓋。香氣四溢，材料豐富！包括有牛肉片、香菇、半熟蛋黃、洋蔥、子薑、蔥花、豆等等。口感豐富！食到一半，可以用紫菜包起飯來食，好特別！最後可以加上熱茶，做成茶漬飯。侍應告訴我，係選用了優質龍井茶泡成的。「蟹肉香芒薄餅卷」用薄餅卷包著蟹肉、青瓜、蝦仁等材料，再淋上沙律、芒果汁伴碟，上面還鋪咗蟹籽！「三文魚頭立田揚」三文魚頭以油炸得金香鬆脆，竟然做到入口唔油膩，而且唔怕有魚腥，可見師傅手法一流！

We were going for the kamameshi but then the dishes stood out. Appetizer- cheese tamagoyaki $68Layers of cheese and eggs to be enjoyed hot. Great layered texture and sweet. Roll- soft crab with cream and cheese roll $78Average standard with rather strong topped cheese. Dishes- pottery grilled bacon $138It is an exclusive dish, which is much liked by my friend. No oil was needed to fry the bacon since bacon itself gives out substantial amount of oil already. While I recommend the interesting dis

作為日本野fans,男朋友話呢間野好多人都話正，所以就嚟食下呀！🙆🏻‍♂️🙆🏻‍♂️ bk左位所以唔洗等👅👅餐廳主打釜飯，所以我地先點左三文魚親子釜飯食🐟🐟 佢上枱有個沙計，沙漏完就可以開動架啦😎😎 上面舖滿魚子同三文魚😍魚子口爆感覺一流，好鮮甜😌🐥三文魚點小小佢嘅醬食更出到味，mix埋連入面嘅粟子等材料食口感好豐富🤡最後加入茶湯做成茶漬飯又係另一個味道🍥😘 之後小食要左三文魚牛油果米子卷🥑🥑 好fresh嘅卷物！牛油果重味同三文魚幾夾🍯另外加左三文魚頭立田揚🦈其實係炸三文魚！好香又重魚油，入面食到好似軟骨嘅口感🐳 飲品要左hot honey ginger tea同柚子蜜👍🏻🍯

一直都想試下呢間位於利舞臺嘅日本餐廳，所以收工就同男朋友嚟食dinner lar🤡🤡星期四平日都幾乎full booking😶😶要食記得bk定枱呀！我地就先點左蟹肉香芒薄餅卷($78)🦀🦀 好清新嘅前菜，蟹肉好豐富！芒果好甜，兩者配合得好好，碟上嘅芒果醬亦帶d酸，可以balance 翻個味道！跟住再嗌左個芝士玉子燒($68)🐥🐥🐣好芝士呀，拉絲度爆燈！玉子帶甜，芝士味唔係好濃，但咁樣先冇咁漏😋 主食點左三文魚親子釜飯($128)☝🏻配料豐富，三文魚新鮮肉厚，再加上大大粒魚子，口感一流！最後倒下茶漬湯，當泡飯食更係另一種味道！而家like facebook仲有雪糕添r🍓🍓

朋友話想試釜飯，就黎到銅鑼灣位置都方便，times 對面首先，叫左。芝土玉子燒。玉子燒熱辣辣，好香！一切開，超級多芝士，香濃又香滑蛋味好濃，質地結實兩者加埋好夾釜飯。原來有幾個食法首先，用沙漏等一分鐘時間好快就過打開，香噴噴既和牛飯有蛋。菜，洋蔥絲等等和牛份量唔少，好滑飯用上木魚水煮，吸哂鮮味食到甘上下，加茶變成日本好興既茶漬飯個茶有啲昆布味侍應話係日本茶葉，好好飲！茄子田樂燒配上味噌醬，鹹鹹地，幾開胃青檸梳打。夠哂大杯酸酸地幾好飲

好多朋友都喜歡約星期五吃飯，Happy Friday喎！但我反而覺得忙碌了一星期，累得只想回家休息…我就較喜歡星期一外出吃飯，可為一星期加力，有力量捱過整個星期，可惜…朋友們總覺得第二天還是工作天，未能玩得盡興，所以多數不應約。不緊要！獨自也可快樂，今晚就一個人去為這星期加力。一個人的好處就是可隨心而行，揀了最愛的日本菜。開放式的門口，感覺很寬敞開揚，最吸引我注目是竟可站在店外看到師傅們製作釜飯的過程，不禁垂涎，還是快快走進內裏吧！餐廳裝潢華麗堂皇, 挺有氣派，亦設有一排落地玻璃窗, 感覺開揚。地方寬敞，設有多排闊落的雙人和四人卡座, 坐得舒適自在；亦有不少六人枱，枱與枱之間距離甚多，出入方便。還有一張長壽司製作枱，前方冰鎮着多款海鮮，很吸引我注目。 枱上已放了四份餐牌，每份均附有大大幅菜式相片，設計既精美又清晰。逐一細閱，前菜、沙律、刺身、壽司、火炙、軍艦、創意卷物•壽司、一品料理、釜飯、燒物、炸物、晚巿定食、季節限定等等，選擇很多，非常豐富。******************************餐廳有幾款創意卷物，有用薄餅皮、有用班戟皮，真是創意無限。究竟用薄餅皮做卷物會如何

堂皇的門面，也不及精緻的食物來得吸引，前菜以美艷的紫薯蟹籽薯蓉沙律作頭炮，淡淡的薯蓉上加配鮮艷的蟹籽、紫薯蓉和日式紅豆蓉作點綴，實在令人愛不釋手，不忍破壞它的美感。然而，鮮甜的蟹籽和紫薯的豐厚質感為平淡的薯蓉增添了變化，但個人則不懂得欣賞將日式紅豆蓉的極甜作配搭，始終紅豆蓉還是以日式草餅等甜點方式呈現會比較理想。班㦸鰻魚三色卷，絕對值得推薦。薄薄的蛋皮包著鰻魚、青瓜等配料，濃濃的蛋香加上鰻魚的油香，以致伴碟的燒汁等都成功平衡各種食材的風味，並在口腔中完美地爆發。食者絕對不希望碟上有任何遺漏，儘管每碟只能分作四小件，實在讓人遠未及滿足，但一試卻令人難以忘懷！酥炸三文魚頭 ，份量雖然不算大，但即點即炸卻是成功之道，菜餚上枱時亦能感受到油炸的香氣與溫度，加上極為香脆的魚皮，而薄薄的炸粉完全保留魚肉的精華，甚至連魚眼的骨膠原亦爽滑無比，反映廚師處理炸物的功夫上乘。

食用煲仔飯每次不是一身汗水，就是座位狹窄坐得唔舒服。睇電視認識日本原來都有煲仔飯的做法，傳統的是清淡，當然沒有臘肉啦。香港唔多餐廳有做釜飯，但茶漬飯就頗多選擇，一心想試釜飯所以揀左呢間。供應的釜飯都有十幾款可以選擇，由魚生片至鵝肝都有。基本上日式煮法的材料都可以融入其中。上餐職員特意介紹食法，相信好多人都唔明白食個煲仔飯點解有咁多配料及碗碟。隨著沙漏倒數一分鐘，左望右過就夠鐘，即可掀起木蓋可以開餐啦！其實店面外已經係煮釜飯的開放式廚房，煮食過程一目了然。廚師雙手並用最多同時煮10個飯。釜飯貫徹日本餐的健康元素，附大量蔬菜，清新又低脂。米飯用上大顆日本米，加上飯係用鮮魚湯煮熟，米粒吸盡魚湯精華。除了蠔，釜飯中有冬天盛產的栗子，鮮菇，銀魚仔，蛋絲，薑絲等。同台灣的炊飯不同，台灣人喜好用易煮爛的蔬果入飯，通常係南瓜 蕃薯此類甜味食物。而且煮好就會壓爛拌入飯。日式釜飯就係單單吃原味，加上附有的粘粘濃醬油豆香味重。只食飯魚湯味淡，但加左醬油後就變得香甜。廣島蠔有四隻，脹卜卜，煮熟左都仲好大隻。蠔應該係後加入飯中煮，無overcooked呀～ 一咬超多汁點解會有個茶壺仔? 雖然有茶葉但佢並唔係飯後

銅鑼灣係個美食天堂，今晚約咗個朋友想食日本野，佢就二話不說推介左呢一間餐廳！我哋兩個人所以叫咗一個dinner set，再加其他小食就啱啱好！一人御膳呢一個刺身盛係喺個御膳入面嘅，非常豐富，有生蠔、吞拿魚腩、牡丹蝦再加兩款時令魚生，全部都好新鮮！配上新鮮即磨嘅山葵，好好食！汁煮時令魚頭魚頭上枱嘅時候我哋都有少少驚訝！因為份量幾大幾多，魚頭煮得非常入味，肉質亦好嫩滑，配上白飯一流！呢個套餐仲有好多side dish，好似有沙律、枝豆、漬物、泡菜八爪魚等等，非常豐富！另外我哋仲叫咗芝士玉子燒呢個賣相好吸引嘅芝士玉子燒，切開嘅時候芝士湧出嚟，非常足料，配上暖暖嘅口感，值得一試！土佐炸豆腐呢個炸豆腐香口得來又唔太熱氣，即使炸完裡面仲係好嫩滑，配上香濃嘅醬汁，好食！班戟鰻魚三色卷全餐飯最有驚喜就係呢一個卷，用班戟嘅皮包住鰻魚、牛油果、蟹籽等等嘅材料，食落去口感層次好豐富，鹹中帶少甜。如果唔係好飽嘅話，我哋仲想叫多一份啊！呢餐好滿足，有機會再黎過！

今天陪女兒往銅鑼灣做美容，之後她帶我到利舞臺廣場，到一家叫岩鹽日本料理食晚餐，她說之前和朋友來食過，食物特別又好味，所以帶我試試！餐廳地方都幾大，座位舒適。菠蘿青檸梳打：青檸味比菠蘿味濃少少，食埋菠蘿粒粒就剛剛好，不會太甜又解喝。日本紫薯蓉伴薯仔沙律：這沙律前菜做型好精緻，薯仔沙律有薯蓉和薯粒，再將日本紫薯、紅豆蓉和蟹籽伴匀食，無論味道和口感都一流，超好味！三文魚牛油果米子卷：透明的米紙包住三文魚、牛油果、青瓜等，上面有少許三文魚籽和沙律醬，牛油果林、青瓜爽、三文魚鮮、魚籽內的魚油香，多重口感又美味！蟹肉香芒薄餅卷：用脆口的薄餅包住鮮甜的蟹肉、香甜的香芒、有口感的蟹籽，再加些沙律醬和芒果醬，美味極了！土佐炸豆腐：用木魚包住豆腐炸，將炸香的豆腐放入上湯，再加上木魚碎，豆腐吸收了上湯十分惹味有口感，中間就非常嫩滑，好味！三文魚親子釜飯：上枱時釜飯是用蓋蓋上的，旁邊放有漏斗，店員提示待漏斗漏完後，可以打開釜飯，入面有三文魚、三文魚籽、粟子、蛋絲等，焗過的三文魚已經熟了，先將釜飯和材料攪拌均勻，食一半後，將壷內的熱茶漬倒入釜飯，加埋紫菜，焗一下，再攪拌均勻，做一個小泡飯。又是另一種味道和口感。