岩鹽日本料理 (利舞臺廣場) (已結業)

約左朋友係銅鑼灣，對方提議食呢一間~因為我真係未食過~所以就去試一試~上到去見到環境都OK既~ 當日人唔算好多~ 所以俾左4人台我地~ 叫左一個刺身SET+烏冬，送上黎既時候見到個樣都知應該唔會好大問題刺身全部都算新鮮既,解曬凍,唔會雪都死曬....烏冬都係烏冬喇...但最重要係...熱.....烏冬應該係日本的急凍烏冬，所以都好彈牙~份量好似唔多~ 但食曬你又會覺得岩岩好!因為最後仲有一杯哈根大師的雪糕,哈哈哈哈價錢中間，但位置同用料都好可以~可以一試!!

今日即興在銅鑼灣想吃日本菜於是在open rice找到這間看見好評如潮已打定強心針menu有很多不同選擇每樣都想吃 未吃過拖羅的我決定一試雖然朋友說未算是她吃過的最好但也不差價錢不便宜第一次吃終於知道拖羅的肥美是怎樣香蔥碎呑拿魚除了口感外也很不錯338$未算很值 朋友吃的那舊有根所以扣了分但賣相真的十分吸引，對吧？另外，我們叫了一款牛扒定食定食還包了刺身，白飯，面豉湯及沙律飲品我還選擇了橙汁肉汁鮮嫩可口 由於這個定食是正價可以以98元（半價）選擇海膽生蠔生蠔普通，但有海膽魚籽立馬將整個感覺提升如果要198$原價我反而覺得不太值呢

呢日同朋友嚟到位於銅鑼灣嘅岩鹽日本料理食晚飯。朋友話佢質素超高，但我認為更高係佢嘅價錢🤔。.見朋友講到咁好食，我決定試一試「御.刺身壽司定食」，索價$158 ，絕對唔平。.好彩魚生十分之新鮮，每一啖都充滿鮮味。三文魚刺身非常肥美，入口即溶，但味道屬預期之內，唔算令人驚喜。.而附送嘅熱湯烏冬喺冬天為我添上一份暖意🥰。.環境方面，相當衛生，而且座位寬敞，坐得算舒適，美中不足係人太多，好嘈，有時嘈到幾乎聽唔到朋友講嘢。.但價錢略貴，間唔中食一次就算。

Visited Rock Salt for dinner, ordered the Hokkaido seafood kamemeshi set. There's not a lot of places in Hong Kong that serve kamemeshi, love that the salmon and crab claw has a slightly steamed quality to it, such that they're warmer and firmer. The metal container also gives the rice at the sides a crunch, and combined with the soft cooked beans taste very unique. Love that the set comes with Haagen Daz ice cream as well. For $168, this set is good value for money, will definitely go again!

今日突然想食日本野，又想食啲熱既野就試下釜飯，岩鹽日本料理係係利舞臺廣場16樓，門口有釜飯檔，姐係即刻煮各式釜飯😚佢仲無意中安排左窗口位俾我地，放住個景食飯又係唔錯既😍😍地方又闊落，坐得好舒服，不過用餐時間得兩個鐘，要留意下九洲魚生飯食材新鮮而且魚生款式多，有三文魚子，海膽，帆立貝，吞拿魚，油甘魚等等牛小排鵝肝飯佢火候控制得好好，牛小排肉質唔會好韌，同而又令全部飯都吸收到鵝肝既油香🤤🤤而家做緊優惠可以換購生蠔同松葉蟹三文魚籽海膽丼，個日無晒生蠔只好試下個海膽🤗

今日約咗兩個舊同事食飯其中一個話想食日本咁就搵咗幾間日本嘢睇下食邊間好最後揀咗呢間叫岩鹽由於我係比較遲到所以佢地已經拎定晒位坐晒係到等我啦跟住望一望餐牌睇下有咩好食同事就話佢上次食個燒安格斯幾好味佢仲話有個爐自己燒黎食嘅最後我就係叫咗呢個燒安格斯定食佢仲有幾塊刺身添份量都幾豐富咁添孤獨的安格斯有啲位置有筋位但整體黎講都係好食嘅我燒得幾靚整體黎講個定食幾好味有飯有湯有沙律仲有杯凍烏龍茶佢唔要烏龍茶仲可以要雪糕嘅

精選壽司🍣配牛肉烏冬定食（$208）精選壽司包括三文魚腩兩件、油甘魚、吞拿魚腩、帶子、牡丹蝦(連頭)、海膽、卷物三件，再加一碗細牛肉烏冬。壽司數量多，款式又多元化，望落去好新鮮，油光十足。呢個價錢有十二件靚壽司再加烏冬，真係可以做飯堂了😆。火炙壽司🔥🍣配牛肉烏冬定食（$158）壽司拼盤有火炙三文魚腩、左口魚邊、海鰻、帶子、海膽、赤身、卷物兩件，再加一碗細牛肉烏冬。各款壽司都好鮮甜，唯獨海膽是加拿大，所以鉛味好重，每件壽司都有火槍燒過嘅火炙味，燒得好均勻，可以帶出魚油既香味😍😋🤤。再加埋碗牛肉烏冬，就飽到不得了。由於order定食嘅關係，所以會有前菜，包括沙律、漬物和麵豉湯。最尾定食可以選擇飲料或者雪糕，而雪糕係Häagen-Dazs 😍😍，所以都唔使諗🤣一定係揀雪糕，但雪糕口味係指定的。有晚市優惠，只要在晚市時段惠顧任何正價食物，即可以以半價優惠享用 1️⃣松葉蟹三文魚子海膽丼一客（半價後$168） 2️⃣海膽生蠔一客（半價後$98），只可以二選一。六隻生蠔加海膽同三文魚子都只係$98！！ 雖然唔算大隻，但非常新鮮，抵食！！❤️

今日介紹位於銅鑼灣利舞臺16樓嘅岩鹽日本料理，門口位置是處理出名釜飯的地方。等左10分鐘就有位，店內環境舒服，每枱位置不太近，而且好多2人位，最啱情侶黎。😚😚餐牌好多款定食慢慢揀🤗🤗燒安格斯牛扒定食 $168牛扒約5成熟，有個鐵板爐仔可以再燒，香氣飄逸，肉質嫩滑🐂剌身包括甜蝦，三文魚，油甘魚，帶子各一唯一麵豉湯唔夠熱😑😑九州魚生丼 $178丼飯包括三文魚，吞拿魚，帶子，劍魚，油甘魚，魚子，甜蝦，海膽玉子每樣都好新鮮，魚子粒粒彈牙，魚生大大塊每個餐包即磨咖啡/果汁/熱柚子蜜/凍烏龍茶/雪糕總括以這價錢，環境和食物質素出色，下次再試其他定食。

今天一早已決定要吃日本菜做午餐，因為突然間挑起食定食嘅心癮。在網上找了一會，就拍板要吃岩鹽了 ，因為有不同的選擇， 而且網評不錯。餐廳在利舞臺 ，乘電梯就到了。時間尚早，還好未滿，遲一點就應該沒有位了。我的座位很舒適 ，服務良好有禮。點了星期五定食。最想不到的是， 定食中的岩鹽燒銀鱈魚中骨很有油香 !雖然只是黏著骨上有少許魚肉， 但加鹽燒過先後真的驚為天人，真的忍不住一口接一口要吃光。這個極力大推。吉列粟米餅也很好吃，不會覺得很油膩。迷你海鮮釜飯反而主角釜飯令我有點失望呢 ，因為配料我不太喜歡 ，是較小的海鮮粒，蝦是雪蝦仔，而且整體有點乾。蒸蛋非常滑溜，沒有蛋腥味，好味。飯後再配上哈根達斯雪糕 ，吃過後很飽很滿足。😋

機緣巧合下～發現銅鑼灣有個地方食飯好抵！仲可以免費park車！就係lee度啦！上次5小心去左個伏到喊ge「心之食堂」終於俾我搵到間高質性價比高餐廳！😭入面地方非常大～坐得舒服～間距都大～所以講嘢好有私隱度！佢每一個set都好多嘢食！仲要5貴！包湯包嘢飲/甜品！我叫左火炙壽司烏冬我初時以為會好頹！點知5係！d壽司刺身5係頹！有海膽仲要係好味！刺身飯！又係好高質！d刺身好厚！仲要份量多！男仔都夠飽！加埋麵鼓湯！佢d甜品都好吸引啊！但實在太飽啦所以冇叫！我見佢散叫d壽司都好吸引！我冇叫嘢飲！所以有hagendaz雪糕做甜品！我見佢lunch set都好5錯以晚市銅鑼灣！百幾有個咁ge質素set dinner！真係抵到不得了！！飯堂able真心！仲要可以免費park車！！！正！！

聽好多同事講呢間食店長期都滿、食lunch一定要早幾日book枱先食到。今日終於有機會食到啦，入到店見到餐牌，咩套餐都有，有選擇困難症既朋友都幾難揀想食咩。我叫左 燒肉刺身套餐 ，朋友叫左壽司套餐。兩樣既食物都好新鮮，燒肉可以自己燒幾好玩。最後仲有雪糕送添呢間店cp 值好高

週末約了友人到銅鑼灣玩密室逃脫遊戲 (相關連結：密室逃出 @ 迷の密失 LOST)，成功挑戰後到附近餐廳用餐慶祝！「岩鹽日本料理」開業於利舞臺廣場 16 樓，門外設有釜飯檔，即席煮製各式釜飯。餐廳内部裝潢時尚舒適，用餐環境良好。週末雖然不設優惠定食，但也有二三十款不同類型的料理選擇。小編點了一客「精選壽司定食」，內含沙律、蒸蛋、味噌湯、漬物及牛肉烏冬。「沙律」由四五款不同的雜蔬拼合而成，用料爽鮮。沙律投入的醬汁份量不多，雖然味道會稍為清淡，但同時亦令這客沙律變得更健康。「蒸蛋」出品既香且滑，讚！「牛肉烏冬」味道亦較預期出色，雖然只有薄薄兩片牛肉，但肉味挺濃以質取勝。烏冬湯底簡而清亦有助提升烏冬麵條的味道。主角「精選壽司」内含九件壽司及四件卷物。整體而言，各壽司的賣相新鮮吸引。起箸夾起壽司沒有輕易散開，手握力度及飯團黏度適中。在云云壽司之中，小編喜愛厚肉爽甜的帶子及赤蝦壽司；肥美甘香的中吞拿魚腩壽司；以及甜道極濃的海膽壽司。  除了「精選壽司」($188)，餐單上其實還有高一級的「極饌壽司」($298) 及低一級的「上選壽司」($153) 兩種組合。計及選材及定價，還是「精選壽司」的性

嚟過呢度兩次，第一次係夜晚唔需要等位，直接可以入去。第二次係lunch time，超多人要等位所以如果趕時間嘅話就唔係一個好選擇。第一次去有優惠，用$99就可以享用海膽飯，我同朋友都覺得超抵。第二次去lunch Time有set lunch性價比好高。兩次都覺得食物質素唔錯，佢哋最出名嘅係釜飯。鍾意食鰻魚嘅朋友一定要試鰻魚釜飯，鰻魚好肥美，冇影到相。已經有一段時間冇去啦，希望下次去質素都會保持住。如果仲有海膽飯優惠就好啦。

呢間又係食過三次，原因係覺得好抵又好食，呢個價有質素，位於銅鑼灣，坐得舒服，絕對是不二之選！我想寫埋第一次食過咩，因為種類好唔同，係食壽司，第二三次就食斧飯同燒肉，真係估唔到種類咁多變，不過並不代表周身刀冇張利，我想講通通好食！兩次都是叫set，都係$140-$180,包沙律，刺身三片，主食，麵士湯，飲品或雪糕，食完飽到你唔郁得！沙律差d，成日唔記得落sauce就上菜比客人，試過兩次啦！個人覺得雪糕抵d，飲品選擇唔多，都係果汁先生feel，雪糕係Haagen Dazs!上次個壽司餐好正，佢刺身高質好鮮，係個烏冬差左少少，麵身有d粉，但係其他壽司餐好似感覺貴好多，總之我唔想叫過二百元嘅餐啦！壽司真係好好食架！至於斧飯冇影個樣，食左什錦海鮮果個，咩都有，因為咩都好食，有海膽，三文魚，三文魚子，帶子，鰻魚，仲有好似栗子同豆，好香，其實真係似煲仔飯，日式冇港式咁惹味同暖笠笠嘅特色，但飯焦卻出色得多，各有千秋！燒肉果個好抵食，牛肉，牛舌，雞肉，好似每樣三件，好食，唔係求其比舊肉你燒熟佢就算，舊牛肉我覺得好食過牛角！不過個火好煩成日熄，職員又難叫！最衰我住得遠，如果唔係成日黎！

第一次嚟到岩鹽日本料理☺️我哋被安排坐係窗邊位，可以望住鬧市嘅夜景食飯😍呢度嘅環境好舒服，燈光有少少昏暗，好適合同朋友一齊嚟食個晚飯傾下計👍🏼我哋兩個人嗌咗三樣嘢share~有美國牛小排定食、火炙壽司配牛肉烏冬定食，同海膽生蠔😋所有定食都會配咗一個沙律定一碗味噌湯~美國牛小排定食真係必試💯牛味濃郁，帶有少少油脂，而且仲超多肉汁🤤可以自己慢慢燒，控制個生熟度~燒嘅時候可以加少少岩鹽，會更加好食🤓至於火炙壽司配牛肉烏冬定食都係值得一試~壽司用料新鮮，而且都只係$158就有8件唔同嘅壽司同一碗烏冬🤩係呢個地段同環境食其實真係好抵👍🏼不過個人認為烏冬偏淋，比較無口感😳而家餐廳做緊promotion，只要享用晚餐就可以以半價($98) 歎半打生蠔🤩生蠔上面有海膽同三文魚籽，非常鮮甜😋最後每個定食會跟一杯嘢飲/Haagen Dazs雪糕🍦好滿足嘅一餐😇 真係好推薦大家嚟試下~環境好，食物好，價錢合理，而且每位員工都好有禮貌💯