岩鹽日本料理 (MOKO新世紀廣場)

营业中

休息中

本來想吃千兩，但見到這家餐廳好像是新開的，之前一直都有很多人排隊等這家餐廳，但今天經過見到無人等既？二話不說記立即入坐開吃啦！因為太餓的關係，野食一到就係咁食食食！無咩點影相🤣除了那個香腸有點膩之外，基本上都ok~玉子燒很有特色，有不同的味道😚當中最推薦是蒲燒鰻魚釜飯👍🏻這個很好吃😋👍🏻

與友人响千両同呢間日式餐廳徘徊左一陣，見佢哋價錢唔係差太多，就決定試下呢間。望住餐牌，滿心期待所點嘅菜式，諗住唔叫set都無所謂，誰不知。。。點嘅中吞拿3件，3件都有根連埋一齊。三文魚腩點左無黎。三文魚魚子米卷同豚肉沙律都淡而無味。個牛肉煱又過分甜得滯。。。唉，真係唔好意思，要差評貴公司，但如果响一個星期五晚食晚飯都獲得咁嘅食評，我一定要謹記下次無下次。可能係大部分客人都點set，所以其他食品顯得無禁出色？我唔太清楚，只能為自己今次所點嘅食品作評價。

因為近返工地方，岩鹽食物選擇多，環境又ok,好多時都會揀12點幾鐘去食lunch,但係對於疫情開始後，編位情況有點意見，明白食晏時間人客都比較多，但係剛開1200，職員都係會安排客人坐一邊，枱與枱之間隔版太細，根本都無法遮掩得太全面。感覺就有點唔係太好。本人都因此疫情嚴重時間，都唔考慮光顧。今日再去，情況都係咁，客人聚埋一邊，另一面就空空的。建議可否喺客人唔多時間，可以的話盡量安排隔座先，安人感覺安心d,又坐得舒服d，會否好一點，以免減少感染機會。

🔸海膽生蠔 生蠔上面有海膽同魚籽，加少少檸檬汁，口感有層次，但稍嫌生蠔唔算太肥美，整體一般啦，不過呢個價錢可能冇得要求太多啦😂🔸北海道海膽 海膽好大隻，冇腥味，但好似冇咩甜味，好淡，有d失望🙈🤯🔸串燒盛合8串 呢個串燒盛合反而有驚喜🤩燒到好香，火候剛好，抵食😋👍🏻🔸燒鵝肝牛小排釜飯 釜飯係呢間餐廳主打嘅其中之一，牛小排嘅生熟程度可以自己控制，職員俾埋計時器自己玩，建議就一分鐘到可以食，牛小排有d口感，牛味ok, 算唔錯，而個燒鵝肝燒到好香好正呀😋個飯可以就咁食或者當茶漬飯咁食，個飯整體唔算特別好味😝💫可能食之前期望太高了，食完有d失望，整體野食一般啦，唔係難食，但冇特別好食，呢間餐廳野食種類好多，可能我叫錯野食了☹️同埋d位好逼，坐得唔係咁舒服😪

逛𝑴𝑶𝑲𝑶時想吃日本菜，選了《岩鹽》徬晚時分到達，不用排隊就能直接入座被安排了窗旁的寬闊卡位位置(*¯︶¯*)日式牛肉火鍋 $𝟏𝟐𝟖有驚喜的小火鍋，很好吃( ´ ▽ ` )湯底十分香甜，牛肉很也嫩滑 伴隨著數款蔬菜，有芋絲、金菇等另附雞蛋可直接打進鍋內進食～下單時特意問了一下份量原來份量也是一人前左右女生自己吃也𝑶𝑲٩(๑❛ᴗ❛๑)۶火炙魚生丼定食 $𝟏𝟖𝟖賣相及味道也很可以呢～定食裡還有沙律菜及麵豉湯燒雞軟骨串 $𝟏𝟔燒雞翼串 $𝟐𝟎見到串燒就點了來試 正常味道，不過不失

星期五收工之後同阿媽行街，行行下突然心血來潮想食，而之前試過覺得唔錯，所以決定再幫襯。好彩唔係好多人，唔駛等就有位。定食好豐富，包前菜、牛肉烏冬、湯、主菜、飲品/甜品；牛肉烏冬嘅牛肉好嫩滑，烏冬好彈牙👍😋，至於重點所在嘅定食，以$200多少少嘅價錢可以食到有帆立貝、牡丹蝦同海膽嘅壽司定食，絕對係「物超所值」👍👍😋😋價錢唔貴，大部份套餐都唔超過$250，以日本餐廳嚟講，晚市呢個價錢唔貴，身處旺角可以用咁嘅價錢食到更加係 「抵」

如果去旺角MOKO想食日本菜，第一時間想起元氣，但元氣經常排長龍，這間岩鹽在新世紀開張了不長時間，太太說要慶祝暑假，便不問價錢入內幫襯。我叫了壽司拼盤（$208），價錢不便宜，但壽司十分新鮮，所謂精選壽司是指什麼呢？有圖有真相，大家自行看餐牌，除了三文魚、帶子、吞拿魚，還有海膽。這12件壽司要收200元?如何說服我「爭鮮」可以便宜這麼多?幸好這個定食有碗牛肉烏冬，另外亦贈送了一支特別的芒果雪條，減輕了我被宰割的感覺。兒子點了鰻魚飯（$148）。我兒子喜歡食鰻魚飯，但我們越來越發覺鰻魚多刺，連大人食也要小心，何況小朋友。這鰻魚飯也有少少骨，好食程度都可以，但太太對多骨失望。我則覺得那壺茶漬奇怪，我飲了兩口後，開始懷疑人生。另外就叫多兩款壽司，帶子（$48）及赤蝦（red shrimp,$40）、 加洲香芒卷（$58），及軟殼蟹手卷（$78）。總括而言，這日本餐廳多選擇，食物亦有質素，如果家裡有預算，值得偶然光顧。

因每星期都會去花墟買花，所以老是常出現喺旺角MOKO食晏，今次去左岩鹽日本料理度，如果你問點解會擇？我會答係因為我見多人排隊就好想試一試～Lunch set都係千篇一律，無咩驚喜！今次叫左火炙壽司定食&北海道三色丼，火炙壽司定食：火炙三文魚腩，帶子，左口魚邊，穴子，油甘魚，海膽軍艦，卷物午餐set質素也不要期望很大！吃完每一樣都面目模糊⋯餐嘅烏冬唔彈牙，但未至於一pat pat!北海道三色丼：帶子，海膽，三文魚子，同行友人係海膽控，呢個評價就是一般般咁⋯而三文魚子就同街食到嘅一樣，其實三文魚子我記得只有一間難食到爆！另外配菜有漬物，沙律，蒸蛋&味噌湯，蒸蛋出奇地好，當然比唔上坊間極高水準嘅質素，但蛋蒸得幾嫩！呢個係成個午餐嘅精髓⋯⋯午餐食左$500.00，唔算平⋯可能大家會覺得度度都要啦！係呀～但下次我呢五百蚊會去第二度食睇吓會唔會滿足啲囉！

疫情少咗出街但係第一時間諗到就係呢間一家三口一齊食係最開心上次喺呢度食可能平日三點有落埸今次星期日三點係冇落埸時間大概1:30去到等咗有15分鐘左右啦始終係星期日我就覺得OK嘅因為好食囉我個心諗住希望坐個卡位望住出邊嘅風景點知得償所願😂坐低梗係蹦蹦聲落order啦唔使10分鐘已經有得食反而煲煲相嗰啲就要起碼20分鐘先有唔知點解係咪解凍我哋嘅刺身飯真係唔錯㗎啲飯又唔會太多刺身又剛剛好好鮮甜份量充裕仲有燉蛋沙律菜同埋少少前菜酸蘿蔔仲有麵豉湯添！食飽飽嘅時候是侍應問我地要Häagen Dazs雪糕定係100% Respberry 雪芭經常都係食雪糕今次就食雪芭超好食無添加！每次都唔會失望嘅！極力推薦！繼續努力加油💪🏻

同朋友係旺角行完街，shopping 完，去食返個晚餐補充返d 體力。就黎左呢間食晚餐，睇完份menu 見到海膽生蠔有半價優惠(原價$198)，就大家一致決定要order 呢樣野。因為覺得好抵。🤣之後各自再揀左：雜錦燒肉定食 $168呢個定食，有沙律，少量刺身，湯。燒肉類別有 牛肉，牛舌，雞肉同埋菇，份量岩岩好，d 牛肉都好夠牛味，燒完仲有肉汁，雞肉都好滑👏🏻👏🏻燒安格斯牛扒定食 $148呢個係厚切既安格斯牛扒，仲有d 沙律，湯同少量刺身既定食。安格斯牛扒好厚身，燒完既牛肉，咬入口，會食到好濃既牛肉味。好岩我呢d 好鐘意好重牛肉味既人🤣🤣講埋個海膽生蠔，海膽入口就溶化。生蠔好鮮味，好肥大肉厚既口感🤣🤣配合埋海膽同魚子，好正同更有鮮味👏🏻👏🏻價錢唔不貴，份量好足夠，食到飽晒👍🏻

有近年半冇出去堂食了，所以之前個post都停留在2019年10月! 今次這間店，算是我踏出來除口罩吃東西的第一間店。大概2時左右Du了安心出行入去，座位間格都幾好，基本上都是卡位，今次點了兩個定食，一個是精選壽司，冇咩特別，但奇怪地上了前菜，壽司後到…要讚的是職員服務態度好好，誠懇有禮，所以後到都冇所謂吧！另一個是和牛定食，都幾ok, 可以自己用爐燒吓來食，質感都不錯唔會太柴。蒸蛋上枱時，好夠熱👍，飯後還有 Haagen dazs雪糕，或者 雪芭可以選擇。最讓我感覺良好的是，隔離枱埋單走了，女職員拎了支噴霧來清潔抹枱面消毒!👍👍

岩鹽日本料理同朋友去食日本菜😋😋太耐冇得去日本，食住先😆😆以解對日本旅行的懷念✈️✈️我們叫左個季節刺身盛，入面有好多不同的刺身，三文魚、鮮蝦等，下面用左冰冰凍住，刺身好新鮮👍👍之後叫左清酒煮花甲，佢有個爐熱住佢，好香清酒味，好食😋我們仲叫左汁燒原隻魷魚， 燒到好靚，賣相吸引👍最後再叫左個燒牛扒定食，肉質滑🥰整體評分：4/5環境：4/5味道：4/5地址：旺角新世紀廣場3樓367號舖

-海膽生蠔 $198三文魚牛油果米子卷$48明太子玉子燒 $68海膽三文魚飯 $138 第一次來旺角分店，銅鑼灣分店去過好多次🤣——————-——————-——————-我只是一個普通平凡的為食肥妹仔，不是什麼專業食評，也不是廚師或是對食物有什麼研究，單純分享和紀錄日常生活過什麼東西。

趁母親節帶屋企人去食個lunch set，岩鹽lunch set一向抵食, 除左主食外, 另外仲跟沙律, 茶碗蒸, 麵豉湯, 餐飲或雪糕。基本上食一個set已經好夠飽, 今次嗌多個刺身拼盤但拖羅好似雪過頭, 口感偏冰。

黎過幾次都想食下佢$108既精選日替，但次次都失望而回（4個口味是但食到一個都好丫）今次都唔例外又係食唔到，點餐既時候順便問店員，依個餐幾時有得食，店員回食哂就冇，咁其實食哂你就唔好放個咁大既牌喺店門外誤導拉，一係寫清楚個時間幾點有得食價錢同精選日替一樣既鍋燒烏冬定食，都好豐富傢，飯糰既三文魚味小，食左一陣都唸唔到依個係三文魚飯糰，不過烏東份量好多，超飽滑蛋牛肉陶板燒，類似壽喜燒咁帶D 甜味，而且牛肉都好多，食極都食唔完