岩鹽日本料理 (MOKO新世紀廣場)

营业中

休息中

星期六到新世紀廣場行街， 見到岩鹽日本料理， 餐廳主打日本料理🥢， 正合我心水😁， 就即興入去一試。 餐牌上的食物種類都幾多， 有刺身、壽司、串燒、天婦羅、鍋物和釜飯。 店內環境座位舒適， 當晚我點了三款菜式，縞縿薄切刺身$108、 松葉蟹肉釜飯$168、 日式牛肉火鍋$138。 🔹縞縿薄切刺身🍲 ～ 薄切的肉質， 新鮮爽甜帶魚油😋。 🔹日式牛肉火鍋🫕🥩 ～ 甘甜濃郁的湯底， 整個火鍋熱辣辣， 我覺得唔錯喎🤤！ 🔹松葉蟹肉釜飯🍱🦀 ～ 餐廳出名是日式釜飯， 我當然不會錯過， 松葉蟹蓋釜飯，飯香熱暖， 蟹膏味香濃， 推介👍🏻。 我對三款菜式都幾滿意， 特別是釜飯😉。 🏷️溫馨提示～ 整個用餐體驗均屬個人分享意見， 只作參考😊。

行完街就要搵野食，新世紀廣場都幾多好野食，見到呢間岩鹽都未試過就試下啦！餐廳環境幾大，座位都幾闊， 坐得幾舒服！首先我哋叫咗個和風海鮮沙律， 上面有雜錦刺身，配上沙律醋，都幾開胃！蟹肉香芒薄餅卷幾特別，芒果幾甜，感覺好清新土佐炸豆腐熱辣辣隨波波，豆腐好滑香草燒羊架都係即叫即燒，啖啖肉，肉味香濃最後就叫咗個蒲燒鰻魚釡飯， 味道都唔錯， 鍾意個底有少少飯焦飲品就叫咗個荔枝薄荷梳打同埋香桃梳打，顏色好靚又消暑呀

晏左出動差唔多3點先入座，但都座無虛席，睇黎應該唔錯。睇過餐牌星期六都有午巿套餐，重有非常多嘅選擇，有刺身飯、壽司套餐、熟食丼飯、鍋物，最特別係連釜飯都有，勁呀。我就揀左壽喜燒牛肉鍋配飯。套餐除左鍋，重有沙律菜、蒸蛋、3片刺身、漬物醃菜，重有一隻雞蛋俾你打落壽喜燒鍋。睇見咁夕一野食就開心，個鍋燒住滾住，鍋入面有好多旺菜，有冬菇、金菇、芋絲、豆腐、洋蔥等，牛肉片就細細片，份量比較少，不過都算有牛味。蒸蛋就有一片魚蛋，味道就較普通，魚生有三文魚、池魚同帶子，尚算新鮮，不過味道就淡啲。飯後重有哈根大師雪糕杯，雪得好硬我好難用入面附有嘅木匙，就打算等佢攤一陣融下先，點知侍應好細心，見到咁樣自動俾左一支鐵茶匙我，真係好貼心！

消費卷又到手啦！開心Shopping 完，梗要醫飽個肚仔，係餐廳門口既開放式廚房，已經見師傅煮緊香噴噴釜飯，未食先流口水呀！🇯🇵餐廳主打日本傳統釜飯，同煲仔飯相似，但就更高級更精緻，仲有各款日式料理，包括刺身、壽司、串燒同天婦羅等等。🥗溫泉蛋蟹肉胡麻豆腐沙律滑溜溜嘅豆腐配上鮮味蟹肉，清新又開胃！🍣壽司叫左三文魚、火炙左口魚邊、芥辣八爪魚軍艦，全部都好新鮮，唔會好細舊，特別鐘意蟹肉芝士天婦羅卷，三重口感，好滿足呀！🍢串燒好惹味，非常有驚喜，特別推介味噌醬燒黑豚，肉質爽彈，肥而不油，另外燒雞翼同香辣醬燒翠玉瓜都唔錯！🐮和風牛肉釜飯一上枱熱辣辣，等到個流沙計完之後，就可以開動啦！材料配搭非常豐富，有嫩滑既牛肉、香甜既栗子、蛋絲、香菇，因為加左上湯炆煮，比較煙韌有飯香，食到底都有少少飯焦，可以加上焙茶、海苔，好似食茶漬飯咁，整體都幾出色！🍹火龍果乳酸梳打蝶豆花乳酸梳打飲品顏色好夢幻好靚，味道酸甜解渴，飲完暑氣全消呀！

香港人最鍾意食日本嘢，大概分為魚生壽司，串燒，鐵板燒，日本火鍋，居酒屋，定食等等。旺角moko 商場有一間岩鹽, 主打日本定食, 有不同種類選擇, 有魚生飯, 壽司, 陶板燒，火鍋，仲有斧飯。。午餐：滑蛋牛肉陶板燒 $148Set 包括有蒸蛋, 麵豉湯, 醋汁沙律, 三片刺身,有三文魚帶子鯖魚及一碗白飯， 包一杯飲品或者雪糕蒸蛋夠滑，沙律菜清新，魚生新鮮，牛肉都幾多片，配上醬汁，撈埋雞蛋，口感一流火炙三文魚腩伴黑松露丼定食 $148套餐都包含蒸蛋，麵豉湯，醋汁沙律及一杯飲品或者雪糕三文魚配上醬汁，及黑松露，滋味無窮呢度環境舒適，如果坐到窗口位比較闊落寬躺。

假日午餐來到moko，很多餐廳都開始排隊。今次再探訪，水準一樣，午餐幾抵食，下次會再來。一入去，帶我們到窗邊的位置坐低，食物種類豐富，有熟食，有壽司刺身等，總有一樣啱食。點餐後，食物都很快到，壽司尚算鮮味。

大家好又係我劣評聖手！距離對上一次差評都有一段時間，今日我的起心肝比一間我晨早已經想差評嘅餐廳—MOKO嘅岩鹽！呢間餐廳基本上每一次食我都想俾差評，但係純粹因為同事想食所以我先會食，佢性價比絕對係比正常偏低，價錢亦越加越貴，就嚟接近平均$180個午餐，絕對唔係叫做平！大家可以睇相先，睇相都覺得叫做吸引，但如果你計清楚條數，平均每粒壽司都大概廿蚊，唔係叫平，個味同質素都非常普通，大部分時間啲沙律都唔多新鮮，主要係塞好多野入個餐質飽你，但價值絕對唔高。另外最主要想講餐廳待應的態度問題，佢真心係我食呢個價位態度最差的餐廳，上至經理下至receptionist 的態度都想以方向性黎形容，其實我真係有大量例子提供，譬如最近我去食左兩次，入座時我要求餐廳為我提供卡位，但是侍應表情百般不願話無法安排，但係每次都會喺你食到大半嘅時候叫你坐去卡位，因為佢有六人想入座，想你讓張二人檯出黎，唔好阻住佢做生意，咁樣嘅食相真係好難睇，大佬你唔係茶餐廳大排檔，係午餐都要二百蚊嘅中上價位日本餐廳。喺人哋食緊飯嘅時候搬人哋去第二張枱完全唔應該發生，更何況我哋已經就嚟食完係咪等多陣都唔得？侍應又會因為你唔小心阻住佢上菜

位於Moko的日本料理店外排隊的人龍人頭湧湧午市套餐選擇很多包括各款刺身、壽司、釜飯、火鍋、燒肉等價錢由$128-$298，豐儉由人每份午餐也包括一份茶碗蒸、沙律、三份刺身(三文魚、吞拿魚、帶子)及麵豉湯上選壽司定食$168壽司足足有12件那麼多壽司的種類有三文魚、帶子、吞拿魚、鯛魚、油甘魚、蟹籽、甜蝦、加州卷最後還有一碗牛肉烏冬非常飽肚雜錦刺身定食$168刺身新鮮份量亦多牛骨濃汁牛舌根陶板燒$128可能因為火太大令牛肉底部有少許燶吃下去感覺很像牛腩飯與魚生刺身相比較遜色海膽三文魚釜飯$158煲蓋上有個漏斗計時一分鐘後吃便剛剛好最後除了飲品還可選擇Haagen Dazs雪糕非常豐盛抵吃

今日在新世紀行街，呢期有唔少野做緊減價優惠見到有間日本餐廳的餐牌都幾吸引，都有唔少正評就去試下先。溫泉蛋蟹肉胡麻豆腐沙律胡麻豆腐很滑溜，仲有鮮味的蟹肉，加上粒粒蟹子，甚有口感，拌勻溫泉蛋，勁正火炙牛油帶子壽司帶子大粒又鮮甜，微焦帶出香味。油甘魚壽司：新鮮，仲有少少魚油香香蔥吞拿魚腩蓉軍艦吞拿魚魚腩蓉肥美可口，啖啖魚肉，加上香蔥，好夾三文魚風味卷以三文魚為主，上層炙燒三文魚，肥美甘香，以三文魚籽點綴，很有口感。雜錦天婦羅很豐富，炸得很香脆，炸漿亦算薄。有炸蝦，很大條，茄子，鮮花菇，南瓜片，蕃薯片，蔬菜類不會炸得太乾身，仍保留鮮甜。紫蘇豚肉腸串很有風味，紫蘇提升了豚肉的香氣香辣醬燒翠玉瓜串很刺激，可以接受的辣度，瓜肉質感爽脆味噌醬燒黑豚串，肉味香濃，不會燒得太乾燒鵝肝澳洲和牛釜飯和牛片很juicy,襯上香煎鵝肝，香氣撲鼻，仲有菠菜，原粒栗子，感覺很養生。就甘食飯又得，茶漬飯又得，食完已經好飽肚。火龍果乳酸梳打很吸引，有果肉，亦很有色彩。荔枝梳打酸甜為主，唔錯

平日出去食午飯，同事推薦呢間日本料理。環境闊落窗邊位開陽，卡座坐得幾舒服。12點去到唔使等位，聽同事講平日12:30後容易滿座walk-in比較難點了九井魚生丼，刺身厚切有帶子海膽，質素唔錯，海膽夠新鮮食落係甜的😋 茶碗蒸都好味，材料夠足出示MOKO卡會送一杯mini size Haagen Dazs，食埋甜品飽肚又滿足。可惜六月開始加價，每個套餐加$20冇之前咁抵食了。加一後大約$200，呢個價位可以有其他選擇。

今日三個人可以坐到大枱，舒服過上次六個人迫好多冇黎一個月佢加咗價喎！全部嘢都加咗少少，有啲重㗎得十幾或者幾十蚊今次我試吓一啲熟食再加刺身，咁就魚生同埋虎飯都有得食！今日想食好，就嗌咗個廣島蠔仔飯，等一段時間先上始終熱食都預咗，有四粒size都唔差嘅廣島蠔，食到好滿足！唔會過熟，配埋一啲甜甜地類似鰻魚汁嘅燒汁味醬撈飯，非常之滿足！啲飯軟綿綿，再加一啲爽口嘅蔬菜非常之有層次！有少少菇同埋之豆，盛宴配搭非常之好，而且又會均衡啲！最欣賞係佢唔會油膩我哋嗌咗牡丹蝦同甜蝦，朋友話覺得甜蝦好味啲，因為浸味先甜啲！我都認同嘅，不過赤蝦就會啲肉爽少少同埋有口感大少少🤏好似仲相差$10嘅原來廣島號嗰個餐係冇跟蒸蛋架～～好彩今日唔係特別想食啫！金色嘅刺身我要求唔要三文魚，佢換咗袋一片油甘魚俾我，所以總共有兩片油甘魚同一細舊帶子仔質素不過不失啦我好鍾意食日本餐有好多唔同嘅配菜！又有沙律、又有漬物我仲加咗幾串燒蔬菜，其實就係燒冬菇同埋翠玉瓜！其實成$15一串都真係幾貴！而且翠玉瓜佢真係好好刀勁……切到咁鬼死薄！唔係好明佢收呢個價錢點解要咁孤寒！因為佢嘅成本其實都真係好抵，切口少少都唔會對佢有咩影響，呢個真係要反

上次第一次是驚艷的，質素佳，性價比高。今次再來，試新set。選了精選壽司set，看中其中拖羅。上菜時感覺不對勁，好像沒中拖羅？確認menu後向侍應反映，第一個回覆是有時候沒有魚料會有改動。我展示menu給侍應看後，他才說去確認一下。不夠三十秒後回來，指著其中一件吞拿魚說師傅是中拖羅。算了，不爭辯，就止於兩次吧。整體食物質素還是可以的，套餐內容豐富。環境較迫，有點嘈雜，但最大問題還是以上事件的應對。這價位，還是有更好選擇。

岩鹽一到午餐時間就超多人排隊, 但係開心星期五就想食好啲, 早少少去咗等位, 終於比我哋食到呢岩鹽嘅午市套餐好多款式, 涵蓋各款丼飯同壽司, 應有盡有<九州魚生丼>朋友嗌嘅九州魚生丼, 裏面嘅魚生超級新鮮, 而且好厚切有誠意<火炙壽司定食>好似大食妹呢啲唔食生野嘅朋友, 都可以食到壽司火炙壽司定食包括壽司、牛肉烏冬、沙律、味增湯同茶碗蒸, 份量好多壽司款式有火炙三文魚腩、左口魚邊、帶子、穴子、油甘魚、海膽軍艦同加州卷, 大部份嘅魚肉都帶有肥肥嘅油脂, 火炙後將啲油脂逼出黎, 又香又好食仲有暖暖嘅牛肉烏冬, 咁就唔怕食得太寒涼

次次經過 Moko 都見到大排長龍，尋日見到唔係太多人就覺得試下，呢間算係係平民但好食的壽司餐廳，唔怪地平時咁多人有興趣。入到餐廳發現都幾大，我地冇叫到套餐，單叫左幾款壽司，質素都唔錯，值得試下。🍣🍣😆

口痕想食少少野，啱啱過左6點店舖開始晚市唔使等位，就揀左依間食店。Order咗個甜品，等左十幾分鐘店員走埋黎，諗住有野食啦，點知佢係問我使唔使等埋其他食物先上甜品😅😅但我根本無叫其他野，無野好等😅就話可以直接上了。過左幾分鐘後，店員通知無依款甜品…失望…咁唯有嗌另一款甜品啦，點知另一款送到過黎時發現食材同menu顯示嘅根本唔一樣🙄同店員講唔接受，咁佢都好有禮貌表示可以取消，咁我就再嗌另一款食物啦，誰不知店員漏左落單，又白等一段時間😅😅最後嗌左嘅係芒果奇異果蝦卷，味道都好食嘅，好清新，啱哂唔係好餓嘅我。點知最後都要受多次店員嘅氣，埋單嘅店員態度好差，遞左張信用卡比佢講埋簽卡唔該，都大大聲質問兩次係咪簽卡，仲要係不滿嘅語氣，唔知佢想點😑總括黎講係一次不快體驗，並不推薦。。。