岩鹽日本料理 (MOKO新世紀廣場)

营业中

休息中

約左個好久不見的姊妹，改來改去終於決定旺角食🤣😂 我揀左我地最愛食既日本菜😌「清酒煮蜆」大大隻，爽甜，而且湯底😋正 （不過有一隻全是沙🥵）「甜蝦刺身」甜蝦有時好細隻...但這間是大甜蝦，抵食喔🤗👍🏻「香芒大蝦沙律」尚可☺️「牛肉烏冬」正喎😋牛肉是牛肩脊👍🏻烏冬也爽口串燒類，本應乜都叫下，點知發現有set ,而且有齊哂我們想要的🤓有雞翼，冬菇，牛舌，雞軟骨，豬肉串，雞肉丸，小甜薯，超抵👍🏻👍🏻（極推介💕）最後叫了甜品，菠蘿雪葩🥰 餐牌上圖好大，原來都不是太大，剛好份量👍🏻

約咗三個朋友食晏，由於其中一個朋友約咗客喺Moko樓上嘅Office，所以就嚟咗Moko搵食，開頭都漫無目的都唔知去邊度食好，搭扶手電梯係咁上，上到3樓見到一間日式餐廳就望一望，原來係岩鹽，之前去銅鑼灣都見到都有諗住試吓，既然嚟到又見有位，就入去坐低等埋朋友。朋友嚟到就一齊點嘢食，我就點咗個牛肉滑蛋鍋定食，嚟到見到個盤滿哂個感覺好開心，因為真係好多嘢食，包括一個沙律、刺身、水蛋、滑蛋牛肉鍋、一個飯同一碗麵豉湯。牛肉嘅肉質染咗蛋漿食落感覺特別滑又香，真係好好味。

我第一次食依間店係銅鑼灣~見佢旺角開左睇下會唔會轉左味先~今次叫左個燒鵝肝牛小排釜飯 $138~佢上餐時有個計時器既~咁D沙落灑下面就可以打開食架啦~咁做係因為想焗飯焦!!所以我覺得依個釜飯=日式煲仔飯鵝肝都算唔錯啦依個價錢既話性價比高!同埋都唔細塊!!牛肉呢唔知係咪要放係飯下面再焗下,佢仲係好生.....所以好UN好難咬開但有D細舊D熟灑係幾好食架~希望佢下次燒熟D先放係飯上面再焗熟佢啦~食到得番1/3呢就可以落茶落去連同D飯焦做茶漬飯咁食!一餐2食好得意~HAHA旺角店水準都係一樣~下次我再試下其他釜飯先~

今天訂了一個九州魚生定食，一份青魚定食。九州魚生不到5分鐘上台。蒸蛋是暖的，飯是涼的，而且有乾飯粒，很難吃。青魚，好像是下單后燒的，好多了，米飯也是熱的。一份很差，一份正常。柚子茶也是溫的。服務員的態度也反應冷淡，好不友善，應該好久沒有加過工資了。只此一次，下不再來。

幾次經過Moko的岩鹽看到店內窗邊的卡位都想一試，但因為不想等位而改變主意，今天難得不多人，午餐就決定在這𥚃解決。他們的精選日替有吉列黑豚、三文魚頭之類，而我們則被黑豚陶板燒和午餐定食的魚生丼吸引了。滑蛋黑豚陶板燒 $148比起吉列豚，陶板燒好像比較少油，這件金黃的黑豚肉味香濃有點肉汁，入口不油膩，配飯很惹味。聽說陶板的傳熱比較平均溫和，似乎不錯九州魚生丼定食 $158魚生丼有油甘魚、甜蝦、三文魚、海膽等，帶子厚身肥美，油甘厚切鮮味，其他魚生都新鮮定食配沙律，味噌湯，蒸蛋及漬物，這個價錢我們覺得性價比很高！下次來要試試他們的岩鹽火爆丼和海膽呑拿魚蓉千層丼！

琴日收工之後，終於可以同男朋友去返我哋呢間指定食堂。我哋入到去，亦都二話不說叫返我哋食開嘅安格斯牛扒定食Set 。之前一直都覺得呢個餐性價比高，好多嘢食而且好新鮮。但係琴日去食竟然水準下跌左。🙁牛扒唔夠新鮮，燒嘅時候舊肉甩開一半，之前燒都未試過。刺身亦都冇之前咁鮮甜，稍稍失色左。唯一保持到就係份量，最後亦食到想食嘅雪糕味道。希望之後水準會回升返啦，畢竟之前一路都好鍾意過嚟食，唔知今次係咪受到疫情影響，所以啲食材先至冇咁新鮮。

今天來旺角岩鹽食一個遲來的午餐(約下午3時), 毋須等候可直入餐廳. 我在多個午餐定食中, 我選擇#4火焰壽司定食$138, 套餐包括漬物, 沙律, 味噌湯, 茶碗蒸, 火焰壽司, 細牛肉烏冬&飲品/雪糕🍱首先本人覺得餐廳服務員打散套餐上菜, 違反一貫日本餐廳上菜方式, 感到有點錯愕😧服務員先上一碟六件火焰壽司&卷物, 壽司飯味道&口感不錯, 食材也很新鮮. 壽司分別有火焰三文魚腩, 海膽壽司, 帶子壽司, 左口魚壽司, 油甘魚壽司, 穴子壽司&卷物(蟹子蟹柳青瓜牛油果) 當我進食壽司尾聲時, 眼見服務員由廚房送上一盤食物放在我座位附近的吧枱上, 過了一段時間也沒有人理會, 這刻眼見服務員只顧互相談天&手機上網(可能當時時間已是3時半), 做事態度有點鬆懈-漬物, 沒吃, 無食評-沙律, 沙律菜新鮮, 沙律汁酸味味-味噌湯, 少量豆腐卜條&昆布, 夠熱好飲-茶碗蒸, 完全沒有熱度👎, 蛋面只有一片日式魚蛋, 蛋內只有一片冬菇......完-細碗牛肉烏冬, 烏冬煮熟度過久(overcook), 偏淋👎, 另外牛肉帶有騷味. 就算我是一個愛吃烏冬人, 也沒有清光整碗🤷‍♀️

星期五難得放假，就同屋企人去食個lunch，呢間餐廳有d枱比較細，有少少迫，不過可以接受。.上選壽司定食 $158- 沙律丶麵豉湯丶茶碗蒸丶牛肉烏冬- 壽司9貫＋卷物3件.茶碗蒸做得唔錯，雖然配料唔多，亦冇白果不過蛋都夠滑.魚生新鮮，份量足.火炙壽司定食- 沙律丶麵豉湯丶茶碗蒸丶牛肉烏冬- 壽司6貫丶卷物3 件.大部分壽司都有輕微燒過，啱曬唔食得咁多生冷野既人，而且食材亦算新鮮.本來以為牛肉烏冬既牛肉會好普通，但係d牛肉真係唔差，夠冧，亦都好有牛肉味.最後仲有Haagen-Dazs 雪糕作甜品收尾，呢個價錢有咁多嘢食，cp值非常高

日日食日本野都唔厭系列🤪呢間岩鹽既定食好味餐廳環境好舒服😌枱與枱之間都隔得好開卡位數量都多 提早幾日book都安排到👍🏻精選壽司定食🍱套餐有味噌湯，沙律🥗牛肉烏冬🍲仲有主菜12件壽司🍣海膽好食唔腥刺身新鮮，好滿足😋😋燒牛扒定食🥩前菜有沙律🥗再配幾塊刺身本身預先煎到3成熟左右先上碟用個1個人鐵板爐再加熱食牛扒係西冷位置 不過不失肉質係正常貨色 煎熟後都juicy建議食番壽司刺身😁

《岩鹽》坐落於旺角Moko廣場，午餐選擇多，位置寬闊，尤其是卡位。.午餐餐牌內有 4款壽司定食，價錢由💰$138 - $289不等。我點了「上選壽司定食」$158，總共有 13件壽司，其中有 9件是刺身壽司。如相片所見，所有刺身亦新鮮，壽司飯大小適中，有水準，甜蝦尤其大和鮮甜。.午餐定食配有免費送五選一：咖啡 (熱/冷) / 熱柚子蜜 / 凍烏龍茶 / 果汁 / 雪糕。.如揀選了雪糕後，雪糕是在用餐後送上的。原本我選了雪糕，但後來才發現是不喜歡的味道，大家記得要先查詢當日的雪糕口味。當日沒有三文魚鮫火鍋，以下是「日式牛肉火鍋定食」$128。牛肉份量不多，吃起來口感油香，偏薄身。拍了一部分其他午餐選擇：

四人午餐四份套餐，所有套餐到齊後擺滿一大枱，真心，有時食定食都唔知應該食邊樣先，有人叫先飲湯，因為凍咗唔好；有人叫食魚生先；因為遲食會有菌；又話烏冬唔食就稔.....最後一下次拿拿淋放哂D食物入肚，至於味道.....三文魚胶豆腐鍋，三文魚大件，魚油十足，好味。廣島蠔釜飯，蠔欠蠔味，反而飯內的附料十足，有魚仔，栗子，冬菇，雖然料十足，可惜未有特出的味道。麵豉湯味道剛好。牛扒邊吃邊燒，油脂豐富。是日咖啡機壞咗，所以點了哈根大師雪糕。雪糕真心好食。

雖然旺角有好多日本嘢食但係食過一次之後已經愛上不論價錢服務食物質素都係好好始終喺旺角有好多選擇但係都係不似預期俾我哋遇上呢間真係好運食物質素很好價錢非常合理次次都食到好飽離開最重要最愉快都係服務態度一流環境乾淨衛生（疫情下更加系）今次結婚周年23🥳晚上揀佢係希望食到新鮮嘅魚生冇咁油膩比其他食物上次係食中午嘅今次揀晚餐食都係一樣咁正，價錢相對貴少少但係都係值得嘅！唔講咁多食過就知道！祝願你哋生意興隆逆境求存😉我哋會繼續支持㗎💪🏻😎

今天在太古城食完午餐，逛街逛到差不多黃昏時間，轉場到旺角MOKO。由於午餐吃得很飽，原本打算輕食便算。經過岩鹽日本料理，想試試這間餐館，心想吃日本料理都不會很飽，便決定一試。雖然今天是假期，但人流不算多，等了一陣便有位。我們被安排坐到最入面的角位，是一個風口位。我們三人點了兩個定食：1)  精選壽司定食和 2) 安格斯牛扒定食。精選壽司定食有一個牛肉烏冬和壽司十貫。我不吃牛肉，所以給了同行的父親吃。他的評價：份量少、味道一般。壽司款式不錯，有中拖羅、海膽、蝦、帆立貝、吞拿魚、三文魚、白身魚、卷物等，算新鮮，味道都不錯。安格斯牛扒定食的安格斯牛扒超多肋，吃的大概只有一半，另一半要吐出來。反而定食的飯有少少驚喜，很有飯味，麵豉湯也不錯。我們吃完後準備埋單時向店員反影意見，告訴她那塊牛扒，她二話不說便幫我們取消了。我們有點不好意思，因為已經吃完，純粹只是想反映意見，沒有想過她會直接幫我們取消訂單；這個值得。定食包飲品或雪糕，我們點了熱咖啡，不錯。整體經驗不錯，有機會可以再光顧。

我係個好鐘意食日本野既人，左搵右搵最後選擇左岩鹽日本料理，其中一個吸引我既原因係因為睇到佢個半價購6隻生蠔既poster，對於鐘意食生野既我真係無得輸（可惜最後無哂）入到去最後我叫左個鵝肝牛小排釜飯，三文魚腩壽司，牛油帶子壽司，牛舌同埋椰子雪芭。鵝肝牛小排釜飯，侍應會連埋個小漏斗一齊上，同你講焗一分鐘之後就食得，同有壺茶俾你做茶漬飯。牛肉對我黎講唔吸引，肉質唔係我睇圖幻想中咁入口肥美，鵝肝都係普通不過不失，如果煎香佢應該會更好味，倒入茶後做茶漬飯，出奇地好食，另外飯入面有栗子，口感夠淋好配合個茶漬飯。三文魚腩壽司同燒牛油帶子壽司都好好食，好肥美，三文魚腩油脂食落口好香，而牛油帶子，燒牛油令到個帶子既味道更豐富。牛舌串既熟度好適中，沒有過火另到肉質變韌變硬，而且燒個陣個汁唔濃，唔會搶左本身食物既味道。椰子雪芭，正正常常，無特別驚喜。整體黎講，我比較鐘意食哩到既壽局同埋串燒，下次再黎會想試下食多啲其他既壽司串燒

經過好吸引所以入去試吓😃出乎意料真係好多人跟住入😅我估應該好多人都知道呢間野好好食所以中午時段咁多人😂係我太遲發現🤣時間係大概中午12點😙唔使等位⋯首先當然要探熱搓手先啦🙃服務員話時間75分鐘就要離開，冇問題啦！我就叫咗呢個定食（刺身定食）好新鮮呀！定食同平時一樣有蒸水蛋有沙律菜仲有麵豉湯🥳老公就叫咗星期四嘅午餐定食🙂好正呀牛舌好林好香好大件⋯鍾意牛舌嘅不能錯過！最後服務員問要乜嘢嘢飲竟然有Häagen-Dazs雪糕🍦仲要係抹茶味🍵超開心啦！食飽飽簡直就係攬住個肚就值得推薦⋯