岩鹽日本料理 (MOKO新世紀廣場)

营业中

休息中

今晚黎MOKO呢間岩鹽，知道銅鑼灣有一間，但一直未有機會食，今日黎當然食下特式釜飯。釜飯好似煲仔飯，但用個好似飯煲嘅碗裝住，黎到有個倒數一分鐘嘅漏斗，夠鐘就食得。今日點左鵝肝牛小排釜飯（$148），有四塊牛小排，大概7成熟，無筋，正！飯入面有蛋絲、芽菜、蝦米、菇、栗子、豆，用料記豐富。先加醬汁拌勻，跟住可以另外用湯變茶漬飯，會直接食。釜飯雖然做唔到煲仔飯嘅飯焦脆脆，但味道都幾有煲仔飯風味。飯量好多，大概兩碗飯。另外要多個前菜，黑松露雜菌玉子燒（$68），係原塊上，自己動手切，入面雞蛋好軟好滑，黑松味好香，配合雜菌味道更昇華，中間亦有蜜糖調味，甜甜地真係好正，迅速被我食曬。飲品點左熱柚子蜜（$25），暖暖身。呢度環境幾靚，裝修幾高級，好多卡位，店舖面積好大。侍應亦好有禮貌。

幾乎多次途經也有大量食客排隊輪候，朋友一定很想試這天特意提早六點半夜場一開門就進來與友好邊品嚐燒物炸物，邊開懷暢談不過餐桌擺位密度略高，聊天不太方便八爪魚意大利風沙律內里有爆汁的車厘茄、爽甜的紫洋蔥等八爪魚那份鹹中帶鮮的味道，跟清甜的菜蔬很是匹配三文魚風味卷三文魚輕微炙燒過不僅融化了油脂還帶出魚油的香氣，面上更配上三文魚籽，好吃！蒜香雞腎軟嫩亦不失咬口，不得不讚賞師傅的手藝炸軟殼蟹炸衣不厚且肉質飽滿，味道香酥的軟殼蟹可加點蘿蔔蓉同吃，減一下油膩感蒲燒鰻魚釜飯米飯軟糯煙韌，肥美的鰻魚，令飯變得更甜更可口釜飯另外一個食法 可加入熱茶 變做茶漬飯 又另有一番風味旺角太子道西192號新世紀廣場3樓367號舖

旺角區一向出名多嘢食，而呢間日本料理亦都可選話係出色之作。貴店鄰近火車站附近，非常方便，店內裝修明亮高貴，非常冠冕堂皇。溫泉蛋蟹肉胡麻豆腐沙律海帶非常爽口彈牙，再加上嫩滑豆腐，配以酸酸甜甜嘅沙律汁同埋溫泉蛋，令人非常醒胃。穴子明太子玉子燒非常創新嘅食法，玉子裏面包着鰻魚同埋明太子，食落味道非常合拍，再加上廚師並沒有將玉子煮至全熟，樓出嚟嘅淡淡蛋漿更覺吸引。蒜香雞腎雞神吸收左蒜蓉嘅味道之後，更加香口，咬落去亦都非常juicy，肉汁同蒜香完全充滿着口腔，非常惹味。雜錦天婦羅裏面包括蝦，冬菇，紫蘇葉，番薯...師傅炸天婦羅嘅時候絕對冇用大量炸醬漿，所以完全唔感覺到有油膩嘅感覺。再加上師傅伴碟到一絲不苟，非常精細。北海道海鮮釜飯海鮮虎飯配料非常多，有海膽，帶子，三文魚，蟹鉗，鰻魚等等，非常豐富，客人除咗可以就咁食之外，仲可以配上佢哋特製嘅湯汁，更為惹味。餐廳無論係店舖裝修，食品方面都經過仔細嘅配搭，地點亦都非常就腳，價錢亦都非常大眾化，下次經過一定要黎試吓！

放咗工行旺角新世紀廣場，到三樓見開左間新岩鹽，原本唔多覺眼，但廚窗玻璃有好多整齊排列嘅煲仔，煮緊名乎其實嘅煲仔飯，太吸精喇，引埋對腳入去食個飯先。一個人食飯，岩鹽嘅晚市定食真係超級啱哂有選擇困難症嘅我，日本黑豚吉列盛合定食，可以食到至愛嘅炸物，唔係一款，係三款炸物，除咗日本黑豚豬，仲有蠔及蝦，隻蠔唔係蠔豉扮大蠔，咬落有鮮蠔味，算係隻肥蠔添；除咗炸物，呢個餐仲有一人前剌生，中吞拿魚腩、赤蝦、鰝鰺、帶子各一件，中吞拿魚腩及鰝鰺切得好厚，全部都鮮味美；白飯、味噌湯、新鮮沙律菜、八爪魚泡菜、枝豆、三款漬物，配菜多種類，樣樣做得精，尤其白飯及八瓜魚泡菜嘅八瓜魚👍🏼呢個餐仲包部份飲品或指定雪糕，真係好抵食👏🏼

今天跟朋友去了旺角這家日本餐廳吃晚飯，一看餐牌，價格中上，算是挺貴的。我們叫了二人餐，大概五百左右，原以為套餐應該份量不多，但是我們猜錯了。先來了個番茄沙律，蔬菜新鮮非常，吃起來很爽口。然後來了刺身，有三文魚、甜蝦、油甘魚，還有⋯⋯鮑魚！！！賣相非常精緻，而且很·新·鮮第三道菜是豆腐魚餃鍋，湯不是太鹹，非常喜歡，而且魚餃啖啖肉安格斯牛排上桌時只有三成，如果想熟一點的客人可以再烤久一點，加點醬料一起吃，肉汁鮮味。最後有鰻魚飯，飯裡還加了栗子，最後飯焦還可以加茶吃總結來說是不錯的體驗，如果價格可以親民一些更好

今日同屋企人去旺角新世紀商場辦年貨 行到攰攰哋 一於同屋企人食埋飯先返屋企 晚上六時正式開始晚市 食客紛紛在門外等候進場溫泉蛋蟹肉胡麻豆腐沙律$58先來一個清新的沙律頭盤 蟹肉份量夠多 帶有海鮮的鮮甜味 豆腐嫩滑 配上蟹肉和蟹子 口感層次豐富 胡麻醬嘅味道香濃 充滿和式風味此沙律菜選用了日式海草 紅紅綠綠的 顏色非常漂亮 海草口感爽脆 並帶有海水鹹味穴子明太玉子燒$68外表雖然平平無奇 但係內裏有乾坤 餡料非常豐富 味道出奇地好一切開蛋汁已經流出 穴子肉質淋滑 有魚的鮮味 另外加咗明太子味道鹹鹹地 馬上帶出整個玉子燒的味道香蒜雞腎$68蒜片先炸過 香味滿溢 炸到脆卜卜 好香口 夠惹味 雞腎爽口 是我喜歡的口感 簡單的配搭 卻滋味無窮雜錦天婦羅$88包括大蝦，冬菇，蕃薯，紫蘇葉 相當豐富 這裏的天婦羅是即叫即炸的 炸至金黃色 賣相一流整體脆漿夠薄 入口非常鬆化 夠脆又不油膩 特別一提的是原來炸紫蘇葉是這麼好吃的 好似食緊薯片咁 卻多一份紫蘇葉的香味北海道海鮮釜飯$148當中配料非常豐富 包括三文魚，蟹鉗，海膽，帶子，鰻魚，三文魚子 還有蔬菜整體海鮮非常新鮮又鮮甜 三文魚子伴飯口感一流

YO, first time trying this Japanese restaurant RockSalt 🎌 in MOKO PrinceEdward: quality food but poor services 👨🏻‍🍳 今日第一次去 #太子 MOKO一間 日本料理 岩鹽 吃飯，食物質素不錯、不過服務真的好差⋯- 個燒肉嘅肉質素好高- 甜品係雪糕質素非常高- 不過佢嘅服務真係好差，叫人落單，啲侍應又喺度傾計，叫佢買單，可以擺低張單走咗去，冇人會理你

旺角新世紀廣場開咗呢間日本餐廳，同朋友book咗枱嚟食晚餐，未入去之前喺門口隔離見到有個師傅仔好忙咁煮緊好多嘢，好得意，成個陣勢就好似我哋嘅㷛仔飯咁啦！入咗去餐廳之後見到裝修都幾乾淨企理，燈光效果做得好好，為中檔化嘅裝修中帶有啲高檔嘅感覺。叫左個雜錦刺身定食($208)，有赤身、三文魚、油甘魚、帶子、甜蝦等各兩片，另外仲配有沙律🥗、白飯、味噌湯同埋漬物，都幾夠份量。成個presentation 都唔錯，有碎冰鋪咗打底，我哋可以放心一邊食一邊吹吓水，刺身冇腥味，夠新鮮，至啱我喺有足夠wasabi ，每片新鮮刺身都可以盡情咁去加上wasabi ，正。想講個漬物喺兩小片蘿蔔，但又真係好好味😋。完咗仲有雪糕食👍。

岩鹽日本料理 (旺角).⚜️金平牛蒡絲⚜️.開胃前菜，甜甜地好爽，咬落清爽，係其中一個好正嘅涼拌前菜！.⚜️軟殼蟹卷伴牛油果🥑醬⚜️.一個非常常見的卷物味道，牛油果🥑打到變醬，好好吃！.⚜️清酒煮花甲⚜️.雖然佢有啲沙，但都好肥美好新鮮🥰 食到鮮甜味！.⚜️鹽燒鯖魚⚜️.好好好香外皮燒得香脆，加上檸檬🍋汁，真係超好食又大條！⚜️錦爽雞肉斧飯⚜️.斧飯可以就咁食又可以加茶做茶漬飯，賣相好靚又黃又綠又紅，雞扒會有照燒汁淋上，仲有個一分鐘漏斗比你倒數焗一分鐘！—————————————————-.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️ . 📌 岩鹽日本料理 (旺角)旺角太子道西192號新世紀廣場3樓367號舖.—————————————————————-

今日去左新世紀廣場發現到有間之前係銅鑼灣食過嘅日本野開左分店！未到7點入面已經坐滿人，下次黎嘅話建議預先訂位咁就唔洗驚要大排長龍！.金平牛蒡絲.之前睇到文章講過牛蒡絲對於身體好有益，今次見到就決定試一試！食落口感好爽，配上佢地獨特醃製方法，非常特別！.軟殻蟹卷伴牛油果醬.軟殻蟹卷內脆外軟，配上我最喜愛嘅牛油果醬，完全唔油膩.清酒煮花甲.清酒味唔算太濃烈，如果本身唔喜歡清酒都可以試試，花甲每隻都好大隻，啖啖肉！.鹽燒鯖魚.全晚最喜歡就係呢個鯖魚😍，鹽燒鯖魚控制嘅時間岩岩好，層皮仲係脆脆的！配上檸檬汁同埋佢地獨家調制嘅醬料，首推！.錦爽雞肉釜飯.入門口之前見到廚師預備緊釜飯，最後叫左錦爽雞肉釜飯試下，食果時可以加埋湯一齊食，令本身飯個味更加有層次感！

唔知點解香港人特別對日本菜情有獨鍾，就算情侶拍拖，家庭聚會，朋友飯局都適合，市面上已開既日本餐廳已經有很多選擇了，所以要在眾多日本菜餐廳中佔一席位，必須要有其獨特菜式。之前幫襯過其銅鑼灣分店，今日剛巧到新世紀廣場購物，原來佢地開左第二間分店，諗起上次佢地D野食又好味又多選擇，二話不說就直接進入餐廳取位一坐低，我地就急不及待打開餐牌睇下有咩食先，剩係睇圖已經想樣樣都order黎試下😬蒜香雞腎 - 蒜片炸過好香囗，雞腎好易咬得開胡麻吞拿魚牛油果，吞拿魚鮮甜卷上牛油果及青瓜絲鵝肝牛小排釜飯，會俾埋個沙漏你計時，一分鐘打開釜飯飯蓋，食得蝶豆花乳酸梳打、菠蘿青檸特飲雜錦天婦羅釜飯食到最後再加上湯即可變成美味茶漬飯穴子明太子玉子燒

今晚約左朋友仔係Moko 睇戲，竟然意外發現新開左間日式料理店！😆 餐廳裝潢設計偏向左日本既居酒屋🏮，加上牆上日本風情既壁畫，真係別一番風味🎑岩鹽平日晚市除左提供晚市定食外，另外仲可以加點壽司🍣、鍋物、刺身、2/4人套餐等等。 我同友人分別叫左2個晚市定食，仲可以揀餐飲或者H記雪糕🍦😋1） 鱈場蟹豆腐鍋定食 💰248- 鱈場蟹豆腐鍋無添加任何調味料，湯頭係好清甜既蟹味，另外配有醬汁俾你蘸蟹肉同其他配料。鍋物除左有主要食材蟹腳同豆腐、仲有菌類同芋絲等等。定食仲包左前菜、4款刺身、沙律🥗、味噌湯。雖然刺身哈算係厚切，但勝在夠新鮮同肥美😋2） 九州魚生丼定食 💰198- 九州魚生丼有8-9款刺身，連海膽同中toro 哩d中高價刺身都有齊喎，鮮甜美味，帶子刺身夠厚身而且新鮮。食一個魚生丼就可以一次過滿足幾個願望⭐️

見公司附近商場開左間新既餐廳，仲日日lunch time都好多人排隊。 今日放工放得早，緊係要試試佢啦打開本menu, 選擇既類別有好多（壽司，燒肉，扒，吉列，釜飯，刺身， 套餐等等.....）我同朋友最後決定揀左兩個套餐一齊share🤣鱈場蟹豆腐鍋定食裡面除左主角蟹鍋外，仲有沙律，支豆，前菜，湯，刺身同飯。望落去個湯好清，但係因蟹肉鮮甜，令到個湯充滿鮮味，裡面d菜，芋絲同豆腐亦吸哂蟹鮮味，非常好飲。我哋食哂所有野之餘仲飲哂所有湯。另外叫左魚生定食， 有三文魚，吞拿魚，蝦，海膽，蟹子，帶子等等，等你一次過可以食哂多款唔同魚生。魚生係厚切既，有口感之餘仲好鮮甜，飯同魚生比例都岩岩好，唔會話太多飯，變相好小魚生👍🏻 總括嚟講，性價比都幾高，順帶一提 去之前記住book位，因為我哋一坐低冇耐就已經爆。

之前曾在銅鑼灣利舞臺的岩鹽日本料理品嚐過日式釜飯和數款小食刺身，一直以來印象甚佳，最近在新世紀廣場MOKO竟發現原來已經在此開設分店，尚未到六時門外已經有數位客人排隊等候餐廳開始營業。打開餐牌除了發現釜飯款式比以往更多之外，就連其他小食、刺身、一品料理等都變得更加多元化，而且更有多款晚市定食。金平牛蒡絲 ($48)牛蒡絲加入麻油、味醂、砂糖和醬油等調味，口感爽脆之餘酸甜清爽，份量亦比預期中多，作為前菜無疑是開胃之選。精選壽司定食 ($208)壽司分別有中吞拿魚腩、赤身、三文魚腩、油甘魚、赤蝦、帶子、海膽軍艦、時令魚兩款以及卷物三件，另外更附上一碗牛肉烏冬、味噌湯、沙律及漬物，相當豐富划算。壽司飯握得恰到好處不會過份結實或鬆散，惟美中不足之處在於沒有充分加入壽司醋調味，味道比較淡薄有如一般白飯一樣。刺身新鮮質素出色，赤蝦晶瑩剔透、鮮美爽彈，中吞拿魚腩油潤豐腴、入口即化。海膽色澤金黃飽滿、鮮甜甘香，亦是另一款個人最愛。牛肉烏冬份量十足，牛肉肉味濃厚、肥瘦相間，而且烏冬質感亦保持煙韌彈牙。菠蘿青檸特飲 ($38)梳打配以青檸酸香突出，舒爽開胃。這次來到旺角分店，感覺上服務與環境一如既往出色，

旺角新世紀這個場開了一些新食店，這間《岩鹽》看來不錯呢，這個德國腸，烤盤上，keep住熱，好好味，非常可口。醬油漬牛蒡絲，爽口美味，前菜小食一流。日式蛋卷，正常發揮。親子三文魚壽司，上面少少辣，好惹味。吞拿魚卷也不錯呢，不過賣相一般。多叫一個越式卷，健康感覺返曬嚟。忍唔住都叫咗個天婦羅南瓜，香港人依然鍾意食香口嘢，脆、正！個胃仲有空間叫咗幾款甜品大家share~先來一個菠蘿雪芭，好凍呀。香桃雪糕最吸引，最美味。紅豆綠茶千層蛋糕是另一驚喜，冇得輸。