岩鹽日本料理 (MOKO新世紀廣場)

营业中

休息中

見到新世紀開左尼一間新店好吸引，食物選擇好多，仲有大大份好引誘嘅dinner set! 二話不說入左去，一坐低仲有個驚喜就係當你叫左一份原價食物，就可以半價叫半打蠔，抵到爛啊！！成個配搭好鮮甜，又唔會互搶風頭，分開食又各有各鮮味，海膽尤其出色，好想來多一打哈哈由於見個set頗大所以我地share一份牛扒，再加清酒煮蜆(係我去日本餐廳必點的) 好怕有d餐廳嘅湯頭太濃/太淡，尼度岩岩好酒味又好出，個湯加埋小小牛油味好香口，蜆都唔算少dinner set跟嘅刺身好新鮮有原材料嘅味道，反而牛扒失色，太韌，而且塊鐵板會痴底，應該加返d油先上會好d。個人認為佢嘅熟食比較普通，下次再嚟會試多d刺身同壽司

唔知啲好評係點黎？我自己點左- 北海道海鮮釜飯，串燒盛合北海道海鮮釜飯👎🏼刺生冇咩鮮味，個飯睇得出係用日本米既，但質感同食粥差唔多，無味之餘又濕又淋一pat野咁，唔知食緊咩！$148個飯話平唔平貴唔貴，但可唔可以俾多少少誠意做？串燒盛合👎🏼有雞翼 東菇 蕃薯仔 雞軟骨 等等⋯雞翼完全係無味，因為有骨先知自己食緊雞翼，雞軟骨實在太硬都咬唔到所以無食到總括然而，呢個價位可以有更多好好既選擇，唔洗食呢間。

朋友揀左Moko呢間日本野，menu上的選擇都好多，卡位坐得幾舒服。佢宜家叫任何食品，可以用優惠價$98（原價$198） 可加購海膽三文魚籽生蠔，都幾新鮮，生蠔洗得好乾淨。精選壽司定食（$208) 佢啲魚生好新鮮，吞拿魚腩充滿油脂，海膽唔會好鯹。牛肉烏冬就普通啦冇咩特別。炙燒左口魚裙邊壽司燒鵝肝牛小排釜飯（$148) 略嫌啲牛有少少韌佢俾咗一壺茶，可以整茶漬飯推薦燒牛舌，牛舌好厚身，燒得啱啱好唔會太老👍🏻

新開左幾個月，係旺角新世紀廣場🚌 都係勁方便，環景簡潔舒適 🛋食物不錯😋 選擇都多，唔一定淨係食刺身壽司🍣 仲有好多熱食選擇🍲「岩壽司」係該店的招牌壽司，拖羅+三文魚+蟹籽🦀 新鮮好味，賣相精緻🍣「雜錦燒肉定食」帶點特式的熱食🥘 有個迷你烤爐，要自己燒的🥩「蟹味噌甲羅燒伴法包」睇個名都唔知係乜😹 其實即係蟹蓋燒蟹膏🦀 最 like 呢款美食，超好味😋 味道香濃，份量又多👍🏻 $78/個，價錢可接受☺️😋😋😋值得推介👍🏻👍🏻👍🏻🍭 岩鹽日本料理📍 旺角新世紀廣場3樓367舖💰人均 $380 (Dinner)

係Moko行左陣就揀左喱間日本料理既就餐廳，未入去前有職員係門口探熱同要消毒雙手。建議:細心一些可以給紙袋讓客人放口罩會更加理想。我的朋友叫了魚生飯，賣相甚好，但份量原來十分少，對於女孩子來說，也不是10分飽，可能大食掛😆而我就叫了牛肉飯，他們給了我一個爐，讓我能把半熟的牛扒放上炭爐上加熱。不過效果並不理想，這些安格斯牛十分韌， 咬極也咬不開。除了牛太韌外， 其他的配菜也理想， 最後還有一杯飲品可免費選擇的，價錢上中等。期待你們可以改善得更加好。👍🏻

很久未試過在新世紀廣場吃晚飯，上星期看完戲，又不想在外面亂逛，所以在商場找了間日本餐廳吃個晚飯就回家。八爪魚意大利風沙律帶清甜的紫洋蔥配軟硬適中的八爪魚，口感爽彈，個人滿喜歡的。三文魚風味卷點了我的最愛，材料十足，三文魚微微燒過，味道增添多一份油香，配上脆口的三文魚籽，口感更豐富。蒜香雞腎吃一件雞腎加一片蒜片，令爽脆的雞臀增加多一份味道，讚。炸軟殼蟹一碟四件，炸得相當酥脆而不油膩。蒲燒鰻魚釜飯店員會給你漏斗計時才打開蓋子，增加一點飯焦會多一份香脆感，鰻魚肉質嫰滑，吃完後加一點茶漬與飯焦一起食，甚具風味。

久不外膳，到旺角岩鹽日本料理，地方算大，也很寬躺，坐位不少，午市客疏，不用等位。餐牌臚列多款套餐料理，左選右擇，點了安格斯牛扒定食。定食配有基本的麵豉湯、沙律、白飯、蒸蛋，以及三文魚帶子蝦魚生。主角是安格斯牛扒，本身已經有約四五成熟，不過店子給顧客過手癮，配以小爐，讓客人自享其樂，可以繼續自燒牛扒達自己心意。牛扒算是大件頭，切開約七小段。見每段內肉嫩紅，有所期望，但卻不似預期，以為燒得過耐致肉靭，於是將一片只作少許翻熱，但肉質也是靭靭的，不軟稔，再試一片如是。餐後甜品可選Haggen Dazs 雪糕。

又去食好西，今次揀咗間日本料理，銅鑼灣店已經長期人氣旺盛，旺角店第一次試，食物選擇都真係有好多好多，釜飯、壽司🍣、一品料理、串燒🍡，店舖好大，好多靠窗卡位保證有空間確保衛生安全💪🏿———————————————————————————🥢岩鹽火炙壽司盛🍣🏅💬呢個壽司拼盤勁啊！一定要叫！有海鰻、海膽、鵝肝、帶子、魚背、赤蝦、三文魚、和牛，係好有口感、好新鮮、好滿足🤤.🥢蒜香雞腎🐔💬沒想到雞腎都可以咁爽咁腍，大上大量蒜片夾雜其中，實在相當好味🤣.🥢清酒🍶煮花甲💬其實每餐日本料理都必定會叫，蜆類係至愛，又可以飲埋清酒湯，甜又鮮，正😌.🥢蟹肉香芒薄餅卷🦀🥭💬幾特別，薄餅脆底包住芒果🥭同蟹肉，幾清新😌.🥢土佐豆腐💬估不到有4件，炸得好脆，抵食😄

新世紀廣場睇完戲唔知食咩好，行下行下見到呢間岩鹽日本料理，已經9點啦唔使排隊。點左一個飯set，一份卷物。海鮮都幾新鮮，好快手就上哂菜。有做promo加少少錢有6隻生蠔！

本來期望唔係太高，經過呢間餐廳諗住試吓，..............................睇咗一陣餐牌好似都OK， 跟住就入咗去， 有好多款定食，價錢合理， 望落去都幾吸引下添。試咗兩款定食，同埋一啲刺身，串燒！味道同賣相都好好！值得再去食！佢啲燒肉仲可以自己燒，，有個細細的爐仔，又方便唔會燒到全身都係味！😎2個人，食咗大約$.500,都okay la😜😜😜😜😜😜

喺大家都諗唔到食咩嘅時候 選擇咗去食日本料理🍱呢間岩鹽 以前喺銅鑼灣都食過幾次 而家喺旺角都有分店喇 不過比起之前食都係覺得爭啲◽泡菜八爪魚我地都好鐘意食泡菜 揀呢個做前菜真係無錯 勁開胃◾三文魚腩壽司/炙左口魚壽司Just normal ◽炸特大吉列廣島蠔講真實物都真係幾大🤤我好鐘意食蠔 乜蠔都鐘意食 所以呢個係超滿足◾蒲燒鰻魚釜飯呢度係釜飯出名 不過今次係失望首先講講釜飯係有幾個食法 1,就咁食 2,加紫菜 3,茶漬飯 出事嘅就係啲飯 太淋太爛 邊種食法我都覺得唔ok

大愛日本野,感覺呢間日本野好高級,呢排天氣又凍凍地,就叫左個鱈場蟹豆腐鍋,岩晒中意清淡又中意海鮮既我。鱈場蟹有好多肉,亦超新鮮,食完d蟹,豆腐都充滿海鮮味,再飲埋湯,真係一流既享受。呢個餐仲跟左好多前菜添,有八爪魚泡菜,有miso soup,仲有沙律同飯,同埋加州卷,食完真係超飽呀!d飯係日本米,每一粒飯都飽滿chewy,好好食,飲品我叫左青檸pineapple soda,酸酸甜甜,有別於平日既lime soda,好飲。不過就算唔叫野飲都有焙茶,亦係我大愛。呢度既裝修好氣派,d燈好靚,好有睇燈飾既feel,亦好match呢度既色系。感覺上好企埋好乾淨,我既一人晚餐係度完美落幕,真係唔捨得,下次會再黎的!

最近都好想食日本野，於是同朋友一齊嚟到新開嘅岩鹽日本料理。環境都幾靚，一入門口已經放咗好多海鮮選項，令人好期待佢嘅魚類。晚市menu都好多選擇，由牛排到刺身到咖哩都有，我同朋友揀咗好耐，結果大家都揀咗「精選壽司定食」，包咗中吞魚腩、三文魚腩、時令魚類等12件壽司，再加上牛肉烏冬同沙律。野飲方面，我地因為好口渴揀咗橙汁，後尾先發現有Haagen Dazs雪糕！好可惜。終於到喇！沙律嘅醋偏多所以比較酸，但整體都豐富清新。牛肉烏冬嘅肉有啲硬，似係為令人食飽而設多啲，無咩特別。壽司方面，賣相算係幾唔錯既，要讚係個set 包左大部份港人鐘意食既魚類，可惜食果日既味道唔算話好新鮮，只屬於普普通通既水平，依個價錢黎講算ok。不過個中吞魚腩都幾香口，一個set會包埋中吞都幾有良心，不過都係略為有少少惺，總體而言還可以既～

今日打算到旺角花墟買年花準備過年，買完年花之後拎住大大小小一束束嘅花，打算嗱嗱臨快啲搵到嘢食可以食個晚餐順便休息下，經過一個旺角東嘅火車站入口，可以進入新世紀廣場，在商場內嘅水牌搵咗一輪嘢食之後，就決定試吓呢間叫岩鹽嘅餐廳啦！一入店內，侍應生安排左一張二人餐枱俾我地，番開餐牌望下，有刺身，有壽司，有天婦羅，有斧飯，有拉麵等等等等蒜香雞腎，小食前菜胡麻吞拿魚牛油果，吞拿魚新鮮甜味，跟牛油果這個配搭可減少魚既油膩感穴子明太子玉子燒，蛋滑滑，明太子鹹鹹地, 好味😋雜錦天婦羅，有蝦，有蟹柳，有冬菇，有茄子，有紫蘇葉，有南瓜，炸粉皮一啲都唔厚，沒有那種油膩感燒鵝肝牛小排斧飯 ，一打開斧飯蓋，飄散著濃濃嘅鵝肝及牛排嘅味道，食到最後可以加魚湯作為茶漬飯

來到新世紀廣場，“點止兵兵”行到三樓，就咁來到“岩鹽”，見到門口裝修幾雅緻，心思思就想入，而同行朋友亦無異意，哈哈太好喇。好多唔同嘅嘢食，二人統一意見叫了“燒安格斯牛扒定食”和“精選上壽司定食』。燒安格斯牛扒好大件，而且仲跟有沙律，味噌湯及漬物，最重要仲有我中意的刺身，三文魚，蝦和带子，勁新鮮同鮮甜。而壽司定食就有中吞拿魚腩，赤身，三文魚腩，油甘魚，赤蝦，帶子，海膽軍艦另加當日時令魚二款各一，卷物有3件，加加埋埋有成10幾件咁多，視覺，味覺都好有满足感。吞拿魚腩油脂適中唔會油腻；三文魚腩够晒肥美；赤蝦鮮甜彈牙；海膽軍艦的海膽有漂亮的金黄色同埋好鮮甜，唔會有腥味。最後仲有haagen dazs雪糕吃，勁吖。