山葵日本料理 (已結業)

環境：黑mi ma 中帶微亮，幾浪漫。食物：必定要試三文魚手卷、軟殼蟹壽司和xx壽司拼盤！衛生：無野好講。抵食：五人埋單1500元有找，OK啦！服務：Waiter有時漏單，但幾有效率

坦白講，唔係特別好飲，而且都唔平，不過又好鐘意呢度喎，可能因為都幾夠feel啦，washroom既衛生情況又可接受，肯定好過lkf或soho果d架!有相熟waiter先可以坐果d圓臺，因為好似有1500蚊minimum charge架，幾丁人飲野唔會飲千幾蚊加嘛，而且俾得呢個價不如去酒店，所以都係求祈搵d 角落頭sofa位柄埋算喇。講時講，都係要叫番d正常野飲，好似mohjito，long island，margarita，bailey's cream果d始終穩陣d，再唔係咩beer都好啦，果d自家製品既specials真係見仁見智。睇完人地d comments，都真係好想搵次係度食dinner!

ambience atmosphere, nice decor, excellent service ..will come again for drinks!

2個人叫左:2樽辛口清酒x $1041客枝豆x $401客雞軟骨x $651客燒銀雪魚骨x $65連加10% = $416都幾貴,不過環境靚+ 服務好有錢的話會再去0既!

地方環境：燈光黯淡、高格調、有神祕感裝修：很時尚、有創意、有品味服務員態度：4 星( 女侍應殷勤服務)整體食物質素：4 星朋友介紹去這裏食lunch，他是那裏的熟客，第一次去感覺絕對不像一間日本料理，那裏客人不多，看餐牌已經感覺到並不便宜，我選擇了汁燒雞定食，我朋友選擇銀雪魚定食，還叫了一客有六件加州卷。我那個汁燒雞定食份量不太多，之不過汁十分好味，雞肉選用雞胸肉，食物買相及溫度控制得很好，麵豉湯淡口一點，對於我這種喜歡吃清淡的食物來說恰到好處，這個set lunch 還包括奶茶咖啡。加州卷沒有一般地方那麼硬和實感覺，蝦子用上等貨，可以感受到師父很用心製造。這個地方價錢偏高，客人對象應該是高收入行政人員，也比較適合一些明星或者公眾人物，燈光黯淡能夠給予一種自然保護感，他們可以吃得舒服又放心。同時也適合一些行事低調的人，或者和女朋友談心的好地方，絕對是非一般日本料理店！

佢室內設計幾有品味, 但係我見過有人差D仆親. 燈光就見人見智, 有人可能覺得黑D.佢食物有D都幾特別, 我好喜歡佢個牛肉卷, 好味! 每款食物都好精, 但係值唔值就好難講. 佢的sake cocktail, lychee味我就最鐘意. Wasabisabi係可能貴D, 但係好味, 耐唔耐去都ok!

上星期同朋友黎左試左佢地D sake cocktail幾清貼少少sake味幾醒神睇見咁多劣評好在唔係黎食野je

味道和創意幾好, 但不值收這個價錢. 不去也沒有損失.

O尋晚又同honey食飯，本來book了東京和食，經過山葵，大家都想話試下，就決定入去。環境、氣氛當然唔錯啦，只嫌張太細。而侍應們個個服務態度都一流又細心。我o地叫了最少份量亦最平的刺身盤併，一客有9件，有三文魚、吞拿魚、紅、帶子每樣件，及一隻甜蝦，除了帶子外，每樣都好肥美，尤其是吞拿魚，而甜蝦頭亦好甘甜好多膏。燒鵝肝壽司叫了兩件，鵝肝燒得剛熟，而且鵝肝本身幾靚，沒有根亦入口即溶；而壽司飯粒粒晶瑩剔透，好黏口但不會黐口，而且又帶少少燒鵝肝汁，真係好好好食，honey話下次再o黎要食兩件tim。牛油鰻魚卷一碟6份，飯少多，味道唔錯。炸軟殼蟹卷-都係一碟6份，而且幾大件，最特別係紫菜外面仲有層薄薄的生蘿蔔，食落好爽口清新。雖然好飽都要食番個甜品，因為一球雪榚40蚊，三球95蚊，當然食三球啦。我o地揀o左綠茶、芝麻同紅豆，其中以紅豆最好食，佢寫明係北海道紅豆，好香紅豆味，可以食出一粒粒紅豆，又帶點紅豆蓉，好食都唔停得口，真係要寫十個好食來形容。埋單$660，其實都幾貴，只係食了五款，而且其中三款都有飯，對我o地兩個女仔來講好夠飽，如果有男仔的話一定唔夠飽，又一定唔止呢個價錢。雖然係好食，但係

昨晚跟朋友仔二人到這間賣相較為高格調的日本料理吃晚飯,裝潢很有空間感, 但可惜我們被編了坐在一般的二人枱, 跟普通吃茶餐廳的坐位冇乜分別, 卡位又已FULL了, 真可惜！一入到去就已經覺得間o野一定係好貴的, 如我所料, 單是叫一客壽司拼盤(六件)就已經要$128啦, 不過細嚼之下, 每片魚生,口感十足,亦都比較鮮甜,算是物有所值o既。跟住叫o左個蟹籽沙律$50, 份量&味道跟普通平民化港式壽司店無乜分別, 不過50元又不是太貴呢.. 值得一提的是"茄子牛肉卷", 味道一流, 只是得4件,有點不夠喉啊！最後,因為覺得不夠飽再叫了一客天婦羅稻庭烏冬，這道菜又不是十分有特色, 但又不是太過差, 不過不失啦。整體而言，這間日本料理都是環境勝過手藝吧。

第二次來. 上一次是客戶聚會, 有小食, 印象so so. 今次與客戶午餐, 食一個full set, 更知蟲不是龍.同行者食"雜碎魚生飯", presentation 唔錯, 據聞味道ok. 我食"山葵便當", 有炒牛肉, 天婦羅及三文魚. 炒牛肉唔UN, 但完全冇味. 天婦羅多油. 三文魚唔新鮮, 顏色都幾恐怖. Overall與街坊港式日本料理無分別, 甚至差過.又一間"得個樣"的有錢家族後人投資的所謂餐廳.

同男朋友去試下呢間開左好耐既餐廳. 裝修幾好, 暗暗地, 不過D枱比較細同埋枱與枱距離很近.食左個standard 壽司盛合, 6件左右, 幾新鮮, 海膽蟹肉蒸蛋, 很滑, 海膽海鮮炒飯, 海膽撈埋蛋煎成蛋餅再切丁來炒, 幾特別, 但海鮮不多. Waiter 介紹了個麵鼓醬海苔葉焗章紅魚片, 幾好食, 最後要了個dessert platter, 有creme brulee, molten choculate cake with ice-cream, 柑桔jelly, 合桃露,....我覺得甜左D...不過幾貴呀, 成八百幾呅....portion 又唔算大.

(無日期)呢間係我同現任男朋友first date o既地方(hee hee), 亦先後同其他唔同朋友o黎過午或晚飯好幾次. 食過咁多次, 又無寫過, 要寫下啦.裝修當年o黎講, 即係呢兩三年o黎講呢, 算係第一批玩呢類型格裝修, 最鐘意一行入o黎扮catwalk o既果條走廊. (其中一期SKII 琪琪o既TVC 都有拍過呢度.) 到而家我都仲係覺得好靚.亦響山葵食過最好o既馬肉刺身同凍稻庭烏冬. 諗起都口水流. 每次食飯都無令我失望, 水準穩定, service 又好.好食還好食, 都幾貴, 晚飯從未試過平過$300 per head 落樓. (最平試過$300幾per head, 最貴試過$600幾per head, 同一間餐廳wor)銅鑼灣中上價日本料理, 除En Dinning 外我就係揀呢度啦.

看裝修就好吸引人,就係出面裝下裝下,都好RECEPET 都好醒目出來迎接,所以午餐就這樣入左去啦!入去好特別,好似迷宮,裝修好有創意,令人好奇又開心.所以環境一流,LUNCH SET 真係好多款,有定食,刺身真係好新鮮,好鮮甜,我叫左一個定食$128.一定要試下鵝肝醬壽司阿,兩件,價錢雖貴左小小,但入面好多外國客,所以普遍關於食物和價錢的比例都ok ,不過對於香港人普通階層收費還是可以調低的!服務態度都令人感覺好有face !

Wasabisabi is beautifully decorated. There are lots of choices from their set lunch menu ranging from $118 - $198 per set. I had 雜錦碎魚生飯today. It was very blend and tasteless. Plus we have waited for a long time for the food to arrive. The service was not particularly good neither.It is the sort of restaurant that you would like to try but I don't think I will go there again .