尚鮮海鮮料理

营业中

休息中

今晚同朋友嚟呢間樓上鋪食飯，位置比較隱蔽，係幸福商業大廈1樓。餐廳裝修好似日式居酒屋， 一支支清酒梅酒 放在酒架上，燈光暗暗的，座位闊落，坐得幾舒服。芝心牛丸 $22牛丸彈牙，芝士味濃，仲有少少拉絲。土匪雞翼 $26香料味重，皮脆肉嫩，好好味。芝心麻薯 $24麻著係偏淋的哪種，唔係煙韌，燒得好香。雞皮墨魚卷 $39咁多款中最好食的，燒雞皮非常香脆，一啲唔油膩，裏面嘅墨魚仲好彈牙，值得一試。尚鮮毛血旺 $89主要材料有豬潤，牛柏葉，豬皮，金菇，青瓜，個湯既味道好似麻辣湯，但唔會過鹹， 令人愈食上癮既味道。 可惜美中不足，食到有塊豬皮有沙。原味雞翼 $19一隻雞翼切開兩件，雞肉keep到外脆肉嫩。蒜蓉炒椰菜 $79生菜新鮮爽脆，蒜蓉味突出，好味。