尚鮮海鮮料理

营业中

休息中

疫情第四波結束後，晚市終於恢復營業至10pm，即刻訂枱去打個邊爐😆。鍋底揀咗雙拼💲165，姫松茸冬瓜湯 拼 麻辣湯，姫松茸冬瓜湯超多湯渣同排骨，好真材實料😳；麻辣湯辣度接受到，又香又麻，連醬油都唔洗點😆👍🏼。.🐂特尚手切牛(中)💲180牛肉偏肥，肉味都好重，大概烚20秒就食得👌🏼，肉質軟腍唔韌入囗好香。.🍡四色丸尚盛💲94有金沙鮮牛丸、松露豬肉丸、甜薯墨魚丸、芥末籽蝦丸 各2粒，粒粒都手打而成，新鮮、香滑 仲好彈牙😍，口感好豐富。.🥟西洋菜香菇餃💲86有8粒，餃子係餐廳手包餃，唔係冰鮮雪藏架😊.🦆鮮鵝腸💲87爽口彈牙，鵝腸脂肪較多.🥬油麥菜💲39🍜稻庭烏冬💲27📌 醬油費每位15蚊📌 除了火鍋，更有私房菜選擇，但要早預訂

今晚凍凍地想打個邊爐，但出面晚市關哂又唔想自己買餸咁煩。突然諗起附近個間尚鮮，上次試左私房菜，仲未試佢地火鍋，一於試下佢個自取火鍋啦！番到屋企打開，食材份量十足，睇落點都夠2個人食，有肉有海鮮有菜，連醬料都有好多款。打邊爐最緊要係咩？爐我就有架啦，係湯底啊！姬松茸冬瓜湯底好香中湯味，一煲滾香氣四溢，一飲就知係堅老火湯冇味精不論做湯底定就咁飲都係一流！湯料嘅冬瓜同姬松茸越煲越吸味，要煲到咁上下先食啊～之後黎go through一下有咩食材啦～肥牛唔使講火鍋必備，雪花多代表夠肥，果然食落油脂味香濃，啖啖都夠哂滿足～豬肉同豬潤非常新鮮，食落冇酥味仲好濃豬味～海鮮更加係不得了～聖子大大粒，咬落爽口彈牙，之後鮮甜味拼發，好食到爆！花甲大粒得黎冇沙，味道好鮮甜。廣島蠔唔算大但夠哂肥美，食得出非常新鮮。海蝦都相當唔錯，新鮮唔痴殼，蝦肉有彈性帶少少勁。鱔片啖啖清爽，魚肉結實唔會散開，正！四寶丸食得出手工製作，煙軔有彈性得黎仲有顆粒感，值得推介！雲吞同菜餃皮都好薄，內涵juicy，味道亦較得唔錯。最後又點少得蔬菜類呢～蘿蔔粟米同蕃茄要記得一開始落等佢地成為湯底嘅一部分，索哂湯汁之後再撈上後享用。新鮮程度

呢個懶人火鍋係朋友介紹畀我我哋年三十晚早放工就決定同老公食個簡單嘅年三十晚飯其實佢個位置唔難玩搵但因為佢係喺樓上舖變咗冇介紹嘅話都未必知道老公嚟到就攞我預先點咗嘅呢個住家2人火鍋套餐估唔到咁足料個姬松茸冬瓜湯湯底佢用錫紙袋袋住 喺架車裏面陣陣香氣飄出嚟 真係令我流晒口水 我哋打邊爐之前特登筆起咗幾碗冬瓜湯飲佢 原味清香濃郁姬茸味 佢地連湯渣都比埋 一條條姬松茸 正返到屋企打開材料 佢丸同雲吞唔會太多 每人兩三粒 但係貴精不貴多 有質素 仲有唔同款式嘅海鮮 帆立貝同聖子係我哋最鍾意嘅之一 老公話佢等外賣期間見到職員係一簍簍新鮮海鮮攞上嚟 唔怪之得佢嘅海鮮係咁有鮮味食埋豚肉片 豬潤同蔬菜籃（粟米 生菜等）後 真係飽到不得了 重點係唔洗點洗野 先至開心

係IG見到個2人外賣火鍋🍲食物種類都幾多下～外賣自取等大約15-20分鐘以下就係所有既食材啦 （魚片係屋企既），外賣包得都好有心思♥️ 醬料都配得好足姬松茸冬瓜湯湯底有松茸菇同冬瓜，濃得黎好清甜，而且好香😋可以係打邊爐之前飲碗湯先～途左加左兩次水碗湯仲係好清甜👍🏻👍🏻海鮮盛🦐有聖子，大花甲，海蝦，白鱔片，廣島蠔。食得出啲食材都好新鮮，份量剛好兩人食😆手切安格斯牛肉好香，牛味香濃～黑豚片豬肉肥瘦分明，肥肉部分煮完都幾爽口👍🏻 手工雲吞雲吞真材實料，裏面有蝦🦐西菜餃自家制四寶丸田園盛蔬菜都好多♥️🥬黃沙豬潤比較甜、鮮、滑，仲有少少回甘可能比較細食，四個人都食唔曬😂

好少嗌外賣寫食評，因為通常都冇乜特別，但係呢一間本身係食海鮮打邊爐就出咗台灣菜，其實我就覺得係台灣野，覺得幾特別，就去買下外賣試吓啦。佢嘅包裝設計一間，因為有雙層保護轉個頭又有保鮮紙，嗰蓋又穩陣，睇吓圖就知啦，一樣咁貼心嘅嘢，真係好值得一讚。講吓嘢食先，佢呢就有好多串燒嘅，我就鍾意食鰻魚同白鱔，佢就兩樣都有，所以我就試下啦，仲叫咗冬菇，魷魚，土匪雞翼，炸油條，毛血旺，粟米同黑椒腸。鰻魚同白鱔我覺得佢就笑得唔錯嘅，不過都係因為外賣所以呢就凍咗少少不過個味係整得非常之好，尤其係白鱔好爽口啊冬菇魷魚，呢兩樣就梗係不過不失啦，不過佢呢個價錢我又覺得好唔錯喎土匪雞翼我就成日都食嘅，雞翼嘅味都好香，又唔會太鹹，下次都會再叫炸油條，我就對依樣嘢冇乜太大嘅好感，但係我朋友就話炸得好好食，唔會太油😂毛血旺係舖頭推薦我食嘅，我係真心覺得超級好食，因為佢辣得來好正，入面有青瓜牛柏葉豬潤等等配料，又辣，又爽，食得好正呢粟米同黑椒腸，正正常常啦

近來天氣寒冷，自自然然想打邊爐。疫情關係，餐廳不能經營晚市堂食，為了生存，隨即推出了許多外賣，當中包括外賣火鍋，有預備好的食材和湯底，把這一切帶回家後，只需預備電磁爐和一個鍋，方便快捷在家中暖笠笠地打邊爐。外賣二人火鍋套餐，當中包括湯底和各款食材。湯底有幾款可以選擇，我們選擇了姬松茸冬瓜湯，比較特別的地方是湯底和湯料分開。湯底足夠refill好幾次。海鮮的組合叫做二人海鮮盛，根據餐牌顯示蟶子皇、大花甲、海蝦、廣島蠔和白鱔片，但看來是根據當日食材，調節了部份內容。廣島蠔體積足有一隻手指的長度，蠔身肥美，輕輕泡煮後便流出淺白色的肉汁，味道濃郁充斥口腔。白鱔片的大小可說是非常少見，因未煮泡前約有一隻手掌的長度，經煮泡後其口感有如石班魚般爽口彈牙，而且魚味香濃，值得一再回味。大花甲平均也有四至五厘米大小，煮泡後花甲香味充滿於其內，只是要注意煮泡時間，否則變小了沒有口感。海蝦相對比較失色，肉質一般，雖然夠鮮甜，但大小卻被其他海鮮比下去了。手切安格斯牛可謂絕對佳品，全因為厚度合適，白油花分佈平均。放湯後只需轉色便即可食用。口感軟滑，牛肉香滿溢。吃了後身心滿足感，是火鍋不二之選。鮮打四寶丸各具特色，

今日一打二，天氣又凍，仲要同阿哥清功課，要買餸煮飯真係會引發暴動，所以我今晚偷懶叫火鍋外賣第一次叫火鍋外賣，好有驚喜呀，雖然要自取，不過我有廿四孝老公 落好單(後尾發現原來仲可以openrice直接揀時間架)，一上到去就有得拎，上去見到啲海鮮仲好新鮮添，可惜今次第一次叫，好保守，無叫到 留返下次encore先個湯上手熱辣辣，一倒出嚟就食得喇響鈴都係即炸，喺車已經聞到陣香味，超吸引 好耐無食過咁新鮮嘅響鈴睇返啲料先，份量一家三口勉強夠食啦(自己加咗個自家烏冬) 啲料好新鮮，雞滑(無、牛嫰、丸彈牙... 不過湯底啲瘦肉就好乾，但個姬松茸冬瓜湯底真係好甜，佢個湯包好足湯，夠我加咗兩轉湯，之後有少少愈煲愈咸，我加水就算 佢最細心係啲配料，分量好足仲包得好好 下次想偷懶又可以幫襯佢喇

天氣凍就想打邊爐, 但疲情關係, 一家人出街冇辦法同台打邊爐, 好彩市面上愈來愈多外賣邊爐選擇, 尚鮮火鍋海鮮料理就係其中一間啦!疫情其間雖然冇晚市,但係尚鮮仍然推出火鍋套餐, 400蚊唔洗就有外賣火鍋二人餐啦! 火鍋講求湯底靚, 材料新鮮。喱一點尚鮮做得好好, 自取時見到食材包裝整齊, 蔬菜用保鮮紙包好, 湯底有專用既包裝, 經過一個鐘車程回家後, 材料都仲好新鮮, 個湯仲係熱架。原本以為由於係外賣, 冬瓜湯底應該冇熬湯材料係入面, 但係尚鮮好貼心咁將湯渣, 包括冬瓜, 排骨,姬松茸等等另外用盒裝好, 返屋企後可以自行決定倒唔倒入湯底內再熬。雖然只係二人餐, 但係材料超級多, 有蝦﹑手切安格斯,白鱔片, 自家制四寶丸﹑手工雲吞西菜餃﹑田園盛, 仲有豬皮豬潤, 數都有排數, 兩個女仔真係食唔哂呀~~HAHA成個火鍋餐內最欣賞就是個湯底同埋手切安格斯, 湯底勁甜唔肥膩, 開始時係清湯, 到 吸收埋食材味道, 愈食愈香濃, 到食完之後再飲多啖湯, 超級滿足。手切安格斯同樣牛質上盛, 入口重牛肉味又唔韌, 雪花分佈得好平均, 好同唔好既牛肉真係一食就知道, 連朋友話自己食咩都覺得一樣, 都分

天氣咁凍，除左打邊爐都唔知食咩好了。諗起放工返屋企，街市又關左超市又無咩新鮮野買個幾灰。同朋友傾開，佢即刻介紹左間正野黎，挽救返我灰左成日既心情！最緊要價錢唔貴，而且都好方便，二人餐一個女仔拎返屋企都唔會太重，但款式多多，真心要encore !姬松茸冬瓜湯首先想講個湯底，真係好香好正！有姬松茸、冬瓜同豬肉，ｄ湯另上，一倒出黎ｄ姬松茸味香到成間屋都係，最重要係佢個湯底唔係味精野，可以一路打邊邊一路飲，仲愈打愈濃味！ｄ冬瓜亦都吸收哂ｄ精華，美味！海鮮盛 (帶子、大花甲、海蝦、白鱔片、廣島蠔)雖然個餐只係$398，但絕對唔會只係比兩隻蝦毛仔你。睇張相都知佢豐富。當中最欣賞係粒帶子，大大粒，好肥美呀！大花甲、海蝦都唔錯，食得出係新鮮野，亦處理乾淨唔係食到成口沙。手切安格斯好開心好開心好開心！本身個餐包一份安格斯，外賣自取再送多一份，好滿足呀！見到佢ｄ顏色、紋路都知係正野，淥熟左依照有牛味亦好夠腍，兩個人食兩客先至岩岩好。自家制四寶丸＋手工雲吞西菜餃 最欣賞粒蝦丸同墨魚丸，夠哂彈牙仲食到粒粒tim! 雲吞同餃亦都好有心思有自家手工野，唔係出面超市急凍個ｄ頹野，認真有heart!黑豚片＋黃沙豬潤 

天氣凍就梗係想打邊爐如果你同我一樣係呢個疫情之下，出去食又唔敢，買料返屋企又怕麻煩又唔想食果Ｄ低質垃圾湯底垃圾料既即食火鍋，因為食完等於冇食又晒減肥quota 黎呢到就可以完全解決你既需要幾豐富，真係見到都流晒口水湯底我點左姬松茸冬瓜湯佢湯底同姬松茸等等料係分開既，證明真係真金不怕洪爐火姬松茸份量都唔少，仲有好多豬肉同冬瓜等等既食材而且佢既湯底唔係味精湯，飲落完全唔會口乾仲令你想一飲再飲而且湯底用既包裝都好用心，拎到返屋企都仲暖暖地，基本上一倒出黎已經差唔多可以食係呢到點外賣火鍋仲要連蔥蒜豉油辣椒都有埋，夠晒方便海鮮盛（蟶子、大花甲、海蝦、白鱔片、廣島蠔）呢間店叫尚鮮真係冇改錯名佢Ｄ海鮮真係不得了蟶子肉厚鮮甜，口感爽滑大花甲完全冇沙，鮮味又嫩滑海蝦又大隻又新鮮，蝦肉肉質爽口有彈性，完全唔會霉白鱔片係最大驚喜，一Ｄ泥味都冇，仲爽口又鮮甜廣島蠔口感滑溜，咬落去爆晒漿，鮮味大滿足手切安格斯打邊爐又點可以冇牛呢呢份安格斯油脂分佈均勻，花紋靚到好似大理石咁雖然呢個部位油脂唔算多，但依然口感軟嫩，更加因為咁而牛味極香濃亦因為油脂分佈平均，令你食落食唔會覺得膩自家制四寶丸、手工雲吞西菜餃四寶丸包括牛

近排天氣咁凍真係想日日打邊爐，今日放工去左買火鍋外賣，2人餐$398，包晒湯底同配料，懶人真係無得輸！佢個湯底勁方便，直接擰開個袋就可以倒出黎～冬瓜湯仲配埋湯料，勁甜勁好飲！！食材方面都幾多野，唔好睇佢細細兜，夾埋都幾多～特別一提海鮮真係好新鮮～帶子係好滑好鮮味！蝦又係好彈牙～仲要樣樣都好大隻～呢個價錢真係好高質！！另外肉都有齊豬同牛，安格斯牛味好香好淋～丸同餃都有齊，好多款，牛丸係爆汁咁JUICY！下次再買要加多份四寶丸！！！

We want to have a hotpot for dinner as the weather is a bit cool. Winter is the perfect time for eating hotpot. We order Clam mushroom soup for the base, four types of balls, mixed vegetables, fried fish skin, beef, and beer. The food is fresh and yum. It is a high-quality hotpot night.

呢排天氣好凍，我同老公2人屋企打邊爐最正，朋友介紹呢間，自己去Fb睇落d相好似幾正，食物好新鮮咁，就try try.呢個2人海鮮餐，係可以外賣回家慢慢嘆嘅，有好多新鮮海鮮，包括廣島蠔，聖子，海蝦，白鱔片，大花甲，樣樣都好好味，海鮮大隻又肥美，聖子肉質爽口彈牙又鮮甜，鱔片最能食出是否新鮮，我一般都怕會梅，但佢真係好味同新鮮！同樣好鮮甜好味，就咁個海鮮盤都值回價了！另外仲有安格斯牛片，脂肪分佈平均，入口即溶，份量都吾少，仲有自家肉丸， 黑豚片，黃沙豬潤，手工雲吞等等，好豐富呀！當然都有吾少蔬菜啦。外賣佢好細心，都一個個小盒放左 醬汁配料，分晒2人份量，乾淨衛生，可以再encore！

今時今日，應該諗到想食乜都可以外賣回家，係疫情之下，打邊爐都可以外賣！今次試左呢間海鮮二人餐打邊爐外賣, 其實堂食之前同朋友食過，所以今次都想拎外賣同老公試下。嗌左尚鮮住家2人精選，呢個都幾多野食，先係湯底係姬松茸冬瓜湯佢熱辣辣特別嘅袋包住，可保溫，仲有好多海鮮，有大花甲, 海蝦, 聖子,白鱔片, 廣島蠔，全部都超級新鮮，尤其係聖子好好味彈牙又甜味，蠔又大大粉，好有味正丫！肉方面，有手切安格斯，超正，仲有自家製四寶丸，我覺得係手打嘅，好彈牙，黑豚肉肥瘦適中，黃沙豬潤冇臭味，真係好新鮮，好食，仲有手工雲吞西菜餃，不過不失，田園盛1份包大量菜，有生菜，蕃茄，粟米等，令湯底更鮮味，價錢公道$398，2人夠晒食，食到好飽，我覺得最抵食係因為佢嘅食材好優質，新鮮！外賣返屋企打邊爐同堂食一樣咁正！

由於疫情嚴重及政府宣布六點後不准堂食，我地決定網上外賣自取火鍋番屋企食！喺 社交平台見到呢間火鍋好似性價比幾高，就決定一試呢個外賣火鍋2人套餐合共$398以下相中可看到包左啲咩食物，共8款。外賣自取嘅火鍋非常方便，收到電話通知後就可以上店自取材料以下門外放置的Menu，有列出不同湯底，食材及套餐:拎到兩大袋食物後番屋企，見到原來有一包係湯底，包裝設計得非常好，容易的又容易倒出嚟，值得一讚！以下係套餐包括的食物:網上有兩款湯底比我地揀而今次我今次就揀左姬松茸冬瓜湯底有大量松茸，冬瓜及豬肉粒供我地熬個湯底意外地發現豬肉粒係好爽，唔會乾爭爭，好食！個套餐中包括四款醬料，豉油、大量辣椒粒，蒜蓉及蔥粒，非常貼心田園盛一份材料包括蕃茄，白蘿蔔，粟米，山菜及油麥菜，全部食材都非常豐富及新鮮尤其係個粟米超級甜自家製四寶丸一份及手工雲吞西菜餃一份四寶丸超級好食又彈牙，手工雲吞及西菜餃都非常好食。下次去要encore 黃沙豬膶及黑豚片一份黃沙豬膶超級新鮮爽脆，黑豚片唔會太肥同太瘦，啱啱好，實在好滿足！手切安格斯一份呢碟牛，實在要讚！係超級好食！肥瘦比例啱啱好，食完都意猶未盡，好想要多幾份海鮮盛一份材料包括