尚上下夏 - 養生雞煲火鍋 (已結業)

同朋友尖沙咀行完街就落咗山林道搵食,行過見到有間新開ge雞煲咪諗住試下囉, 八點幾, 預咗等位, 好彩等咗廿分鐘已經有位,正!因為太肚餓, 其實等緊位個時已經tick 好晒野食. 我同一個friend食辣, 另外兩位就唔食. 所以點咗個孖鍋(一邊辣一邊唔辣), 我地四個仲一致揀全雞脾 (竟然有得比我地揀, 哈哈!)D雞好滑(可能係雞脾所以特別滑), 同埋都幾入味, 我叫咗中辣, 初時好過隱...點知越食越辣...下次都係叫小辣算喇>.<食完揀咗龍蝦湯底同蕃茄湯底打邊撈, D湯夠濃, 就咁飲都好正, 生料方面, 蟶子, 響鈴, 牛頸脊, 羊肉都好好味, 後尾一人點咗一杯牛奶布丁, 間野仲送咗杯冰凍果醋比我地飲, 大滿足的一天!PS 我地當日坐正係風口位, 吹到正一正有D凍 ==" 希望佢地可以改善下冷氣位啦

前果幾日約左班姊妹食飯,大家都諗唔到食乜野之際就有姊妹提出話食打邊爐喇咁岩經過山林道果邊見到間雞煲喎咁食完雞煲仲有得打邊爐,所以就去食啦.我地一行四個人, 咁岩兩位食得辣兩位又食辣會標哂汗咁煩緊點算好既時候.居然見到雞煲都有鴛鴦鍋咁就可以大家一齊食啦!!叫左一邊大辣一邊小辣大辣真係辣得好緊要少返d道行都食唔到, 食得辣既人一定要試啦另外小辣又真係好似唔會好辣喎係岩d唔係好食得辣既人.雞方面我地就簡左雞胸拼雞脾啦, 食落都好滑既.之後就叫左d打邊爐野食啦當然唔小得既就係牛! 叫左個牛頸脊同d肥牛,又叫左d丸呀,帶子,既例牌野啦兩個牛真係靚牛!好食都無得頂呀,有牛味,入口即溶咁濟其他丸果d好似就少左d啦, 不過係擺得幾靚既.呀! 仲有個湯呢我地叫左一個美顏豆腐牛奶湯同埋瑤柱翅雞湯啦.個豆腐牛奶湯真係好滑,豆腐又滑,好有豆腐同牛奶既味道.不過豆腐唔好綠得太耐 如果唔係就散哂.個瑤柱翅雞湯都幾足料,仲幾好飲添,唔覺有咩味精.好香雞味,仲有少少翅同瑤柱係抵食既最後埋單仲比左杯仔果醋我地,酸酸地幾得意.聽講可以瘦身哈哈.但係幾好飲,唔知有無得賣呢?

行街行到累搵下有咩食啦又唔想食d商場野行行下行到山林道原本諗住食第二間既 點知見到間野新開就去試下啦入面冷氣都幾夠裝修幾modern 唔係茶樓式坐低就當然叫左個招牌雞煲小辣黎食啦無幾耐就上菜喇真係熱辣辣 噴哂煙咁 唔會好似d我食過既已經撻凍哂咁d汁又唔同雞撈得勻咁但係呢度個雞煲汁好惹味 好夠火喉 雞件滑見佢地仲推薦襯埋紅白汽酒就開左支白酒黎飲一啖熱既雞件加一啖凍冰冰既酸酸地既白酒你都咪話唔爽之後仲叫左d火鍋食下牛啦火鍋湯都好好飲個雞湯直情可以當湯飲不過我覺得湯既選擇可以再多d就更加吸引啦!臨走佢地仲送左杯咩韓國果醋比我地係幾得意感覺幾健康 好似食完無咁濟添呢間雞煲食物質素唔錯 下次想食都唔洗走到元朗咁遠!

happy saturday, 夜媽媽一大班人係尖沙咀想食宵夜都唔知去邊好.點知咁好彩比我地搵到間雞煲仲未關,所以就去啦,我地叫左個全隻雞share, 4個人黎講都算夠食,因為仲想食火鍋嘛.咁岩我地兩個人食得辣, 兩個人唔食得喎,點知佢又鬼死咁好,簡鴛鴦鍋可以有唔同辣.所以我地就一邊中辣一邊小辣啦.雞件都幾滑,全隻其實都幾多.食完之後就簡埋個湯底,我地一邊簡左藥膳湯一邊簡左芝士湯.心諗其實兩樣野都幾特別,會唔會中伏嫁,不過聽d侍應講話個個湯都好飲就試下啦.我地仲叫左d料, 叫左個花膠桶(女仔要骨膠原美顏呀),響鈴,珊瑚蚌,肥牛,羊肉卷,牛柳粒咁啦.起初仲係度諗藥膳湯會唔會苦嫁,點知出黎唔苦不特止,仲有少少藥材味,感覺係幾健康既.唔淥野食就咁飲都可以當湯飲,唔錯芝士湯呢就真係好濃芝士味,唔會整都好稀咁好怪,鍾意芝士既真係可以一試,不過我就唔鍾意食芝士既所以就一般喇.花膠桶:好滑,真係好有養顏既感覺.珊瑚蚌:新鮮,爽口,大大隻都幾抵食肥牛:呢個價錢算係好靚既肥牛喇,真係好有牛味,正.羊肉卷:唔會太羶,又唔會太乾,都係靚野黎.牛柳粒:細細粒食落幾過癮,又係好有牛味,靚牛肉呀.之後我地仲開左支

雖然熱辣辣..但係突然好想食雞煲..咁岩又係山林道..又咁岩比我見到間新開既雞煲..環境又好似唔錯..所以就去左啦..裡面係幾好坐既..不過冷氣就好似大左d..怕凍既朋友如果黎食就記得著返件嬲..咁我地就首先叫野食啦..大家都唔係好食得辣既就叫左個秘製小辣雞煲..其實小辣真係唔係幾辣..我地幾個唔食得辣既都接受到..仲幾惹味添個醬汁係好味既..又撈得夠勻勺..酸酸地辣辣地幾開胃我見佢menu話可以一煲簡幾種唔到辣度..好似幾體貼..不過咁岩我地幾個都唔係好食得辣就唔洗叫唔同辣喇..我地仲叫左個智利蜂蜜手工啤..生啤係真係唔同d既,,味都raw d..加埋少少蜂蜜味真係幾過癮..一啖雞一啖啤酒..真係好爽!!可能黎之前食左少少野..所以食完個雞煲已經飽飽地喇..之後我地就叫加湯..食少少打邊爐啦..我地叫左個珊瑚蚌..同埋d菇呀丸呀花腩片咁..我地係單鍋所以淨係簡左個豆腐牛奶湯..係幾滑幾有奶味既..豆腐都係好滑..珊瑚蚌幾新鮮啦..菇既份量好多..花腩片唔洗講..點都好味希望下次有機會食多d火鍋啦

話說之前約左個朋友出黎尖沙咀行街夜晚諗唔到食咩喎就問下地膽朋友啦之後佢就話有間新開既雞煲好似唔錯咁我地就去試下啦唔知係咪新開啦個個都新屎坑去排隊所以都排左好耐幾經辛苦入到去我地就叫野食啦我地就叫左個雞脾拼雞胸小份間野真係幾好,有得比我地簡雞既部位可以簡半隻雞/全隻/雞胸/雞脾仲有小份/例牌之分添咁樣就可以唔洗驚食完個雞煲太飽打唔到邊爐仲有一樣好好既係叫鴛鴦鍋既話可以簡唔同辣度真係第一次見小朋友同大人都可以食到,唔洗話無得食咁掃興同埋我地之後仲叫左個豆腐牛奶湯同養生藥膳湯仲叫左一杯紅酒同一杯白酒因為佢地鼓勵配紅白汽酒,咪試下囉無幾耐野食就黎喇個雞真係好嫩,唔會鞋烚烚咁配埋個惹味又辣辣地既汁真係好正原條指天椒真係見到都開胃一啖雞煲一啖紅酒真係好特別,帶出左個雞既鮮味澀澀地又好醇真係好唔錯食完個雞煲就開始火鍋啦叫左海鮮拼盤, 丸同埋牛小排海鮮拼盤真係抵食仲排得好鬼靚同埋真係新鮮, 唔會臭好特別有埋d平時唔會點食到既龍躉, 珊瑚蚌等等個牛小排都係好有牛味, 又有質感, 正!d丸呀果d排得好精緻, 不過係少左d咁配埋d酒感覺好暢快呢度野食質素真係幾好!!下次有機會都會再黎冬天就更加多機會喇

今日行開尖沙咀，突然想食雞煲喎．．之後就問下朋友呢度有邊間好食啦，之後佢就推薦我去附近呢間新開既．．唔知係咪新開啦，所以好多人排隊試新野，等左都幾耐，同埋代客泊車又要收多幾十蚊咁不過裡面真係坐得幾舒服有好多唔同既湯底簡我地就簡左個雞煲鴛鴦鍋啦一個豆腐牛奶湯，一個龍蝦湯首先係食左個雞先既真係第一次見到可以咁體貼比我地自己係同一鍋入面簡雞唔同既部位同辣度由於本人就唔係好食得辣但朋友又係無辣不歡果ｄ黎所以咁樣真係岩哂我地佢就簡左個大辣我就簡小辣，咁就大家都可以食得高高興興唔洗話大家齊齊無得食雞煲咁樣同埋可以簡雞胸同雞脾肉就唔洗逼住食ｄ雞頭呀雞腳咁，可以啖啖肉同埋佢呢度真係好好咁送杯咩韓國纖體美顏果醋比我地酸酸地，幾過癮另外我地就叫左個海鮮拼盤真係幾抵食，包左龍躉，鮑魚，海蝦，花膠桶，珊瑚蚌同埋帶子片仲叫左ｄ肥牛個湯真係勁好飲好飲到可以當湯飲料又唔錯，不過肥牛可以再靚ｄ但係呢個價錢真係已經好正牛頸脊好似幾好食，不過今次無叫，下次一定叫埋黎食整體黎講食物真係好正！又夠體貼！下次一定會再黎，同埋希望唔好咁多人啦！

昨晚，在山林道happy hour 飲完之後個friend話想食火鍋,其實我一般想......熱到爆.........仲夏.......湯底火鍋.......我就更加無食慾.....不過見佢好想食,諗起早前有間"上上下下雞煲火鍋新開，去啦....咁就去啦......依間食店真其實佢既座位都好多,分佈係好濶位置，環境都好舒服..冷氣都超夠。我地先點個招牌"秘製雞煲(小辣)食完雞煲..加湯,我地叫既份量..都超夠食~而醬汁底超好味 酸酸辣辣好惹味醒胃~小辣其實唔算辣..不過之後唔小心 食左一條辣椒乾~d辣度直湧出黎..完全麻痺晒成條脷 繼而心跳得好快+少少暈~眼水不停流(同有次食釀青椒..差d辣死既感覺一樣)不過小辣已經好ok~唔駛食到太辣 變左得辣度而影響整個味道~依個雞煲值得推介..好正之後叫阿姐加湯....我這晚熱辣辣。

經開尖沙咀買野..行下行下覺得肚餓..所以就同d friend搵野食啦..行過山林道, 突然見到間新開既雞煲火鍋店突然好掛住冬天食雞煲既感覺所以我地就走左入去試下啦..裡面環境都唔錯, 冷氣充足我地叫左個雞煲鴛鴦鍋一邊係龍蝦湯, 一邊係藥膳湯然後叫左半隻雞好體貼既係有得簡唔同辣度, 有大/中/小/不辣另外我地就叫左d前菜, 涼拌雲耳一份小牛頸脊,肥牛當然唔少得, 仲有響鈴同炸魚皮仲有叫左個海鮮拼盤個涼拌雲耳好爽口, 調味好過癮, 辣辣地, 食到停唔到口隻雞雖然得半隻, 但係都好多,三個人食絕對好夠食..唔夠飽仲可以加飯/麵嘛因為大家都唔係好食得辣, 所以我地都叫左小辣辣度真係岩岩好, 好似廚房真係知道我地食到幾辣咁雞件好滑, 加埋d汁真係好惹味好快食哂d雞之後我地就上湯喇龍蝦湯好有鮮味, 仲真係有d龍蝦係度添藥膳湯話明藥膳, 真係有d藥味,但又唔會苦, 感覺好健康仲有埋d人參係度, 感覺好足料海鮮拼盤好抵食, 398包左龍躉, 鮑魚, 海蝦, 花膠, 珊瑚蚌同埋帶子片真係好正..海鮮都好新鮮, 唔會好似死左好耐果d咁, 不過如果份量可以多d就好龍躉當然好有咬口珊瑚蚌好特別, 其他地方都