小麻吉滷肉飯 (已結業)

之前已經食過幾次既台灣菜小店。叫左兩個dinner set ($60) share，每set可以點飯麵、主食同小食各一。雖然整體唔算正宗，飯麵類比較遜色，反而小食份量足好抵食！🦁❎ 滷肉飯 (+$5)滷肉份量超級少 唔似其他餐廳啲汁可以撈勻每一粒飯 加上偏淡同稀身 仲要另外加$5 所以建議叫其他主食🦁✅ 肉燥麻醬乾拌麵 (+$5) 雖然肉燥份量都唔係好多 不過勝在有麻醬可以撈勻成個麵 所以食唔停！🦁✅ 紅燒牛筋腩(+$5) 唔係好各有「紅燒」 不過份量好夠 牛筋好夠淋 牛腩少少韌 不過可接受🦁✅ 麻辣豬手 (+$5) 分量足足有三隻豬手！麻辣味好夠 食落勁重膠原蛋白 好推薦！！女士必點🦁✅ 台式小香腸(+$3) 好食 有台灣風味不過切片可能更加好🦁✅ 麻辣滷豬大腸 (+$5) 比較肥 所以唔係食左好多 麻辣味好夠🦁➡️ 芋香牛奶｜胚芽奶茶 （$8）正正常常 偏甜🦁 小麻吉滷肉飯 (旺角)旺角通菜街2A-2P鴻光大廈地下2C號舖🦁 人均消費： $82｜推介：❣️❣️❣️❣️

好少何食完餐飯就即刻打食評，今晚忍唔住！話說好耐無行經女人街，原來中間棚仔檔好多已執咗笠，而2邊街舖都變咗好多新食肆。今晚唔係太餓，唔想食飯，咁就行一轉望吓先，最後揀咗呢間台式便當，都見佢坐滿人，要等位，店員好禮貌地話“唔好意思要等等”。但企櫃台收錢＋派飛嗰位目無表情寫咗張飛俾我，我講“唔該！”，不過只等咗一陣就有位。原來晚市只可叫便當套餐，無得散叫。。。好喇，點咗鹽酥雞、肉燥乾拌麵、小茄子、熱桂圓紅棗蜜，當食仲送紫菜貢丸湯、醃青瓜，餐都好快送到，賣相都幾得。主菜鹽酥雞賣相粒粒四正，用雞胸肉做，咬落去又乾又'鞋'，完全無五香粉味，亦都無應有嘅九層塔味，好麻麻。肉燥乾拌麵略嫌啉咗啲，好嘅係肉燥無肥肉。五味小茄子嘅五味汁，我只食到茄汁味同少少喼汁味，無特別。其餘嘅紫菜貢丸湯、醃青瓜、桂圓紅棗茶都係食味正常。食完埋單，嗰位櫃台收錢嘅老闆，佢找錢俾我都係一樣西口西面，一句多謝／唔該都無，就咁遞張錢過黎（我強調，佢並非啞，坐喺度食野期間見佢對其他客都係咁，態度同面口都西）。好想講句“你的老闆如何，你公司的業績也如何！即使你啲野好食，但西態決定未來！”

晚市時間入去食飯，只有晚飯套餐選擇，冇得單點主食。套餐叫左滷肉飯+雞扒+台灣腸，送餐湯及青瓜。餐湯極咸極重味精，青瓜口感爽脆開胃但只有可憐既2條。滷肉飯既滷肉唔多，食落都冇乜調味，可取之處係白飯用珍珠米及飯量夠一般女仔食。雞扒其實就係鹽酥雞扒，唔熱唔脆唔嫩，冇肉汁可言。感覺上係預先炸定翻熱，唔係即叫即炸。台灣腸正常水準，都係買返黎煎就唔會太難食既🙂埋單要$71，得台灣腸同青瓜算ok，其他都唔推介。區內有更多其他選擇好過佢，完全唔明佢邊到性價比高？食物選擇少，味道差，叫左套餐但好多樣野要另外加錢。同區既鐵牛或者阿木點都好過佢，冇下次！

以前無留意咁多就以為某連鎖台灣菜餐廳已經係香港整得最好食 直到小編發現呢間小店真係好值得分享☺️👏🏼 （旺角大埔分店都食過）晚市set 麵/飯+一款肉+小食$60起真係好抵 睇相都見到食物分量唔少先講飯麵🍜🍚：肉燥蕃茄&肉燥牛肉湯麵都試過 湯底香濃唔會食到口渴 麵條有咬口 滷肉飯見到肥瘦均稱👍🏼👍🏼唔會死鹹 分量都岩岩好-另外炸物調味剛好 外層脆卜卜咬落去又唔會成粉 鹽酥雞同雞扒小編都中意揀唔落手🤤🤤如果想要飲品就要另外加錢 但一個set咁樣已經好飽🤪唔要飲品都ok

7點去左旺角念住食牛大人🐮，去到話要11:00先有位，嘩～～～～～🤨🤨咁就行左去女人街附近搵野食，見到間‘小麻吉滷肉飯‘嘅台灣飯店,好似幾得意，價錢亦唔貴就試下好唔好食先🙂🙂餐牌以套餐形式A.飯麵+B.肉食+C.小菜+D.飲品究竟滷肉飯/肉燥飯有咩分別呢？今次就叫曬兩款一探究竟？🧐🧐滷肉飯+紅燒牛筋腩+肉燥小茄子+凍奶香綠茶滷肉飯-原來係肉片連肥豬肉，口感濕潤唔會乾，容易撈飯食😋😋紅燒牛筋腩-牛腩同蘿蔔好‘淋’，好入味👍🏻👍🏻肉燥小茄子🍆-好味，正正常常肉燥飯+黃金雞扒+麻辣滷豬大腸拼豬耳+凍珍珠抹香綠茶肉燥飯-肉燥就係肉碎，望落乾左d，勝在唔會油黃金雞扒-外皮較厚，內裡嫩滑！😄😄麻辣滷豬大腸拼豬耳-呢個有驚喜，全餐最好味呢碟，豬大腸軟‘淋淋’但不失口感，豬耳爽脆夠嚼口！正🥰🥰另外兩個餐都會跟紫菜貢丸湯及青瓜小菜，兩款都好好味！最後兩杯飲品🍺🍺雖然唔係特別好飲，正常水準，但好大杯，高過隻手掌🖐🏻！總結：雖然食唔到台灣火鍋，但都食到好地道嘅台灣料理😍😍

今天與姊妹有事要到旺角一趟，順道趕在全日禁堂食前一同享用一頓午餐，我們路過這間小麻吉，愛吃台灣菜的姊妹便提議入內進食，品嚐一番。餐廳門口的黃色大招牌十分搶眼吸晴，入內可見裝潢簡約樸素，牆壁上畫有一幅長型壁畫。進入時是需要量度體溫的，餐桌亦可見有使用板塊隔開，讓顧客可安心進食。紅燒牛肉麵紅燒牛肉麵湯底呈現深啡色，是使用麻辣牛肉湯底，入口味道辣中帶甜，口感有層次，富有台式風味。麵條是使用正宗的台灣白麵，份量充足，可惜煮製過於軟腍，失去口感，而且亦難於夾起進食。配料則有牛展、生菜，牛展是牛隻的前小腿腱肉，特色是牛肉與嫩筋相間，口感煙韌彈牙，牛味香濃，而且師傅使用直切的方式，不僅外形大件且入口更有口感。生菜則新鮮碧綠，鮮嫩爽脆。三味拼盤三味拼盤分別有小王瓜、滷蛋、小香腸，分量方面較為失望，小王瓜只得數條，滷蛋亦只得半隻，小香腸是把每條完整的香腸再對切一半上桌的，總數只有三條。小王瓜入口味道酸酸的，而且加有芝麻，既香口亦開胃惹味。滷蛋味道濃郁入味，軟嫩鮮香。小香腸口感紮實煙韌，鹹香多汁，富有台灣腸的正宗獨特香味。百香果綠茶百香果綠茶清澈透亮，色澤呈現黃色，分量充足大杯，入口時冰涼解渴，甜度恰到好

星期六的上班天，奔波了一個早上，又馬鞍山又尖沙咀，忙完一輪回到旺角等待按摩時間。按摩前也先醫醫肚子，來到了女人街的小麻吉滷肉飯。這家店很早前朋友就推介過，說它很抵食，今天就有機會試試。雖然碰着下午茶時間，但是仍可以點午餐。所以點了一個滷肉秘製香酥排骨飯，配珍珠奶茶！珍珠奶茶質素還可以，珍珠很有咬口，而且茶奶比例都不錯。滷肉飯一小碗的，份量不多。而且滷肉的份量也比較少，食食吓會唔夠撈飯！香酥排骨還可以，外面雖然不是很脆，但排骨亦算鬆化，而且都有好幾舊，份量算多。比較失色的是飯較濕，有點扣分。整體來說，比較普通的一間滷肉飯，但經過也可以一試。

朋友介紹食呢間台灣菜😆😆😆 真心好高質我哋嗰陣時夜晚去 所以有晚市套餐.肉燥湯麵 鹽酥雞 五味小茄子 $62因為個人想健康啲 就叫肉操湯麵 不過有少少浪費咗啲肉燥 變得好普通🥺但佢好多配料😆😆😆超級豐富 佢嘅鹽酥雞唔係嗰啲凍咗 乾爭爭 雖然未去到話好嫩滑 但係都接受到 需茄子梁浸浸 加埋柴魚好吸引 肉燥飯 秘制香酥排骨 蔥油青菜 $60食肉燥撈埋飯 先至叫搭配😆😆 鍾意呢一間啲肉燥 除咗啲油脂分布平均 莫名其妙都有種蛋黃味 係出面食唔到嘅味道 而個排骨都幾好味 炸粉唔厚但個人最鍾意嘅 係佢嘅飲品有得叫珍珠咖啡😂😂 通常都係珍珠奶茶... 對於鍾意飲咖啡同食珍珠嘅我成日都渴望有一杯珍珠咖啡出現😂😂而且都只係加$5 超抵

想平平地食個dinner 呢間一定要試！佢有晚市套餐供選擇 好多都具有台灣特色食物生菜好爽 撈埋啲蠔油食好惹味個麵既湯底麵好夠味 雞翼好入味而且仲有杯珍珠奶茶 $60幾蚊都幾抵食推推推

晚餐叫左個肉燥飯+小香腸+鹽酥雞嘅套餐64蚊個湯好咸 鹽酥雞無味 一啲都唔嫩 個皮又唔脆 唔熱個飯正正常常 可能滷肉飯會好食啲最好食就係個香腸真心唔推介 嗮時間 嗮錢無下次！

今晚老婆話已經好幾過月無岀過去行夜街，行左無耐…就開始肚餓～～諗下呢樣個樣…mk 真係好多野食～我哋來來回回行左幾間餐廳…最後就揀左呢間叫小麻吉…入去第一時間就被職員量度體溫，然後就見到餐廳內有好多 partition 間開一張張台…都係衞生問題…我哋坐定後，就揀左兩個 dinner set.…第一個set dinner：肉燥飯+豬軟骨+白灼生菜，另一個 set dinner: 肉燥飯+五香牛腩+茄子，兩個 set 都送一碗紫菜肉丸湯～整體都幾好味

疫情前同飯腳固定一個月都會見面好幾次去搵好野食 不過大多是在尖沙咀區又或是港島區 剛好相約係旺角 於是就係人流極旺既女人街搵食 其實女人街頗多隱世食店 平日行過大多不會察覺 就好似呢間小麻吉滷肉飯 舖面不算大 不過食客就真的好多 差不多全店滿座 外面等候既都不少 望望餐牌 價錢相宜而且款式不算少 最平四十多元就已經有交易肉燥湯麵+香酥排骨+五味小茄子拼貢丸湯 湯麵份量頗大 牛肉湯底味道濃郁滿有牛肉風味 唔會太咸 麵質彈牙唔會太腍身 控制火喉非常不錯肉燥味道香濃適中 不會太油食落仲有啖啖醬油香 做得很不錯 而肉燥亦不只是一味得肥肉 肉質肥瘦適中均勻 入口甘香細膩 令人一試愛上香酥排骨做得有水準 炸漿外層不會太厚 外層鬆脆內層香軟嫩滑 肉汁豐富不油膩  五味小茄子加上和風醬汁同木魚花 尤如醬油煮茄子般 是可以的 食法別有一番風味 口感獨特唔會太濃味紫菜貢丸湯 味道沒有什麼特別 飲落是還可以 不會太味精 可以一嚐肉燥乾拌麵+滷水豬腸拼豬耳+香濃豬軟骨拼貢丸湯 乾拌麵是即叫即做 口感爽滑Q彈 食落唔會乾 混入肉燥青瓜絲令拌麵味道更為提升 豬軟骨煮得軟腍入味 軟

有排都無得去台灣旅行，唯有亂入去食吓台灣料理頂吓癮。呢個下午茶餐真係超值，滷肉麵餐加珍珠奶茶價格超值，不禁感嘆食肆生意難做。雖然價錢好平，但質素唔差，大大碗而且味道不俗 .🍜迷你滷肉乾拌麵+三款小食滷肉麵足料，味道非常唔錯， 雖然個名叫迷你，但其實份量都唔少😂小食點咗逢甲鹽酥雞、特色炸木魚豆腐及夜市小香腸。鹽酥雞炸得過熟，比較 乾；豆腐炸的岩岩好，香口又滑溜，配埋上面嘅醬汁好好味；香腸正常，不過不失。🍵珍珠奶茶叫咗少甜，味道岩岩好，珍珠夠煙韌，口感唔錯。下午茶餐餐牌，超抵價

自選小碗飯麵 + 自選三款小食.#滷肉飯 配 #鹽酥雞 + #肉燥青菜 + #夜市小香腸因為🦆小編係喺旺角返工既，所以喱個本應係小編既午餐，不過因為當日下晝小編同同事都比較忙，要處理埋少少野先可以出去食飯，整整下出到去都去午茶時間啦~😵🤣 個set一黎到個感覺好似好少咁，但小編話你聽如果係女仔的話，食完係會夠飽既🙊講返重點啦，個滷肉飯小編覺得唔錯，雖然話係小碗size，但其實佢係滿滿一碗，而且上面既滷肉既肥瘦比例係3:7左右🐷，食到當中既鹹香味，不過就唔係好夠拌成碗飯一齊食啦…🧐 不過~仲有自選三款小食嘛~~🦆小編當下睇到個格菜同埋條小香腸，內心係充滿疑問既…點解可以得咁少?對比份鹽酥雞，個度連半條都唔夠既小香腸真係少得過分，小編本身以為應該有一條完整既表示失望… 味道方面，份青菜同小香腸真係冇咩特別，反而份鹽酥雞算不錯，上枱熱辣辣，應該係新鮮炸起，而且層炸粉唔厚，雞肉部分又唔算乾，所以不過不失啦~🐔.🏆 推薦：7/10📌 溫馨提示：如果真係想食喱個Tea set，小編建議大家望下附近有冇人食，睇下除左鹽酥雞之外，仲有D咩吸引到你地啦~🤗🤤

旺角平價下午茶之一非佢莫屬$30幾蚊可以食到小食+主食+飲品的確係平而且地點仲要係鬧市中心地區呢間其實我都已經食左幾次除左因為平之外，仲係台灣菜嘛不過正唔正宗就見人見智啦通常我都會食擔仔麵，配香腸/青瓜/必食既木魚豆腐個麵都係有啲鹹肉碎加湯麵，個麵好有咬口而必食既木魚豆腐都好好食同特別裡面軟豆腐+外層炸皮+(有章魚燒味既醬)每次都會叫呢個~另外有次試左台式普通肉碎乾拌麵個醬汁係靈魂呀，食極唔停但食左幾次之後，發現啲木碗可以洗完未乾有陣味傳左出黎 希望搞搞佢啦推介: /5