小麻吉滷肉飯 (已結業)

⭐️👉🏻評分: 7.5/10————————————————————旺角晚餐大份好食好選擇哈哈，又餓又窮（我）之選🤪🙌🏻————————————————————🔹晚市套餐 ($60起) .晚市套餐包貢丸湯，醃青瓜，一個自選飯/麵、配菜同小食😳大大杯飲品都係加5蚊，抵到爛之選！不過記得嗌少甜哈哈～鹽酥雞大大粒，炸粉唔厚，但調味稍淡！豬軟骨(+$2)，份量足但軟骨係要咀嚼個種，未煲至有膠質。肉燥茄子超好食，葱油青菜就正常料。.整體中規中矩，同鐵牛質素差不多，但抵過鐵牛好多。

以前讀公開大學嘅時候會經常去旺角女人街兩邊嘅巷仔搵野食。因為貪佢夠平靚正‼️今日經過旺角有啲懷念讀書嘅時候，所以又行下啲巷仔，發覺原來女人街內巷都開左好多小店。❤️價錢一樣咁平靚正。餐廳門面採用黄色，好sharp，好易就見到。我一個人攞位大約等左十分鐘就有位。我今日八點半先食飯，餐廳入面都仲好full.套餐價錢由$60蚊起。係A.B.C 內各揀一款食物，好多選擇。😍我揀左肉燥飯、鹽酥雞、台灣香腸。套餐附送紫菜肉丸湯同醃青瓜。✨青瓜用白醋醃過，酸酸地好酸胃。肉燥飯唔會好乾身，肉燥滷水味道十分濃郁，送飯一流。😆紫菜肉丸湯偏鹹，肉丸彈牙。台式香腸普遍都偏甜。鹽酥雞外層炸得香脆可口，但略嫌雞肉唔夠味。所以我叫侍應加多少少胡椒粉俾我🤣跟餐加9蚊要多杯珍珠香芋牛奶（少甜）🥤少甜後岩岩好，唔會太甜。香芋味偏淡。😕珍珠就煮得幾好，熟透、有咬口。總括黎講，餐廳性價比高，六十幾蚊已經可以食到好飽。而且小食份量都算多，等於可以食到兩款台式美食嘅套餐。❤️

旺角嘅女人街一向都係搵食嘅好地方，今晚經過見到哩間台式料理小麻吉，門口已經有唔少人等位，睇一睇佢menu，晚餐set包湯同小食，都只係$60起，哩個咁實惠嘅價錢當然要試下佢！套餐分為A+B+C，由小食到主菜，主食可選肉操飯或拌麵，再自行加杯台式飲品，對於好耐無食台式料理嘅我黎講好吸引。經典嘅台式香腸、鹽酥雞球、秘製豬軟骨等等，好多選擇！成個set一盤過上，賣相唔錯，份量適中。青菜新鮮，唔會過老，而貢丸湯就偏咸，不過粒貢丸就幾彈牙。重點要提唔起眼嘅小黃瓜，酸酸甜甜好醒胃主菜我就點左黃金炸雞扒，雞扒大過我手掌，炸皮唔算厚，幾抵食。主食就點左肉操乾拌麵，哩度嘅麵質好有咬口，唔會軟淋淋，所以每條麵都索晒啲肉燥汁，相當惹味，肉燥粒多，食落唔會dry，面頭嘅青瓜絲做到解膩嘅效果，好爽口。最後當然少不了台式珍珠奶茶，係好經典嘅味道，珍珠份量多，無嗌少甜都唔太甜，最緊要夠大杯。以哩個超值嘅價錢，已經食到水準不錯嘅台式料理，相當有驚喜👍🏻

其實已經食過1次今次再食多次Encore之後覺得要寫返篇食評讚佢今次嚟到唔洗等就有位佢有set dinner 同其他麵呀飯呀揀Set dinner 就抵食d 有一個飯/麵再加2款小食同野飲某d小食或者特飲會再加錢 都係幾蚊only 超級抵食!!!!! 我叫咗個拌麵+鹽酥雞+ 青菜成個set 嘅擺盤都勁靚係用木托盤+木餐具 好有style! ☺️個拌麵都好驚喜😆佢唔係一pat pat 醬等你自己撈 而係預先已經撈好晒!!!每條麵都好入味😋一d都唔馬虎! 個麵要讚! 鹽酥雞就麻麻地炸得有點過火 所以有d乾 雞都冇咩肉汁咁青菜就正常但唔記得走蠔油😩😩野飲叫咗凍朱古力😆好大杯 都幾好飲 其實呢d沖粉嘅好難唔好飲嘅除非太淡嘅姐lol 不過多數太甜 呢杯都有d甜 如果唔中意太甜嘅 就考慮下其他野飲啦(唔知朱古力有冇得少甜呢😂) 整體嚟講食咗2次都係好評😋以呢個價錢$6x 一位免加一係旺角嚟講仲要質素唔差性價比甚高可以做飯堂☺️

小麻吉肉燥飯位於女人街巷仔位置。這間餐廳有提供鹵肉飯跟肉躁飯，向店員詢問了鹵肉跟肉躁的分別。原來鹵肉是較肥但多汁，而肉躁則是肉碎。這次的晚餐我選了肉燥拌面，台灣香腸跟鹽酥雞。整個餐的份量都頗多，亦相當有質素。餐內附有青瓜伴碟，鹽酥雞約有6件，有2條台灣腸一開二。鹽酥雞的調味剛好，份量亦可過口癮！

有咩理由等左半個鐘俾人拎張大枱就入先重點係遲嚟先上岸 唔洗排隊啦仲話咩就得就得係咪以後我都話自己三個人位坐大枱啊還定你都唔理我夠唔夠三個人架啦.........

通菜街內的小店子夜晚收工黎到都要等一陣先有位一人一個套餐一個主菜（可選飯/面），兩個小食其實menu好多選擇，好抵食今次食叫左肉躁拌麵，鹽酥雞，鹵水豬耳豬腸另一份係台灣小香腸，牛筋腩

🐾小麻吉滷肉飯🐾今次去旺角買野,食lunch就揀左宜間,見到open rice啲評語都好好咁所以就決定試宜間啦!佢哋個lunch set都好平全部都係30至40蚊左右,今次食嗰個係小麻吉滷肉黄金雞扒 $46蚊-🍴主食🍴🔺小麻吉滷肉黃金雞扒飯($46)🔺啲滷肉好入味而且量夠多唔會驚唔夠送飯, 個雞排上枱嗰陣仲熱辣辣 而且真係好鬆脆但個炸粉又唔會話太厚,肉都唔會好乾好柴!隨餐仲會有半隻滷水蛋,時菜同醃蘿蔔😍鹵水蛋都好夠味,唔會話好似烚蛋咁👍👍-----------------評分(非專業,完全跟據個人口味☺)食物:8/10環境:8/10服務:8/10人均消費:$100-200

之前嚟食過一次 ，覺得啲食物ok同埋員工態度唔錯，所以今日再次過嚟食。本身打算去食下午茶，但因為落雨，早咗入去。坐低之後，有嗰男員工（地中海髮型）比咗張餐牌我，叫我睇午市套餐，阿媽有嘢做，入嚟擺低啲嘢就出咗去，咁我就睇下食咩啦，揭揭下就揭咗去下午茶嗰頁，佢就即刻走過將我睇緊嗰份餐牌揭返去午市嗰頁（大佬 唔喺睇下都唔得下話？）之後無啦啦走埋嚟話要計時，然後攞張紙寫咗嗰時間，但我想講其他檯喺冇呢張寫時間嘅紙仔（玩針對？）（同埋嗰陣唔喺繁忙時段嚟㗎喎 仲有幾張吉檯添）我話等齊人先叫都唔得，喺要我叫咗先，好啦我算，叫午市，都未簡清楚，就喺咁走埋嚟問我食乜，全程對住我哋黑口黑面，呢啲就喺所謂待客之度？食完呢餐飯真喺好嬲，希望唔好比一個員工拖累晒整體員工比人嘅良好印象

係香港搵一碗好食既魯肉飯甚有難度,上網見到呢間小麻吉好評都好多,今日黎到旺角一於試下先星期六都有set lunch,而且只係$48,就有一客魯肉飯拼鹽酥雞+小香腸,價錢上好吸引。配上台式奶茶(凍)都只係+$3,就算係旺角是但搵間台式飲品店都要$20up, 咁樣計落的確好抵。台式奶茶有茶味,同普遍台式飲品店質素相近,唔會差太遠。雖然睇落份午餐唔係好大份但係絕對夠飽,鹽酥雞小香腸都係熱辣辣,應該係即叫即整鹽酥雞脆粉唔會太厚,小香腸亦一分為二容易進食,而且唔算好油。飯既份量都唔少,不過重點既魯肉份量就好少,因為唔夠汁撈勻個飯,所以剩番好多白飯。魯肉水準不錯,肥瘦均勻,但係份量真係好少,或者因為佢白飯都幾多,但魯肉就好似得三啖咁,變左要好就住就住黎食。如果好似我咁一心想嚟食魯肉飯,Lunch set就未必能夠滿足,對我嚟講魯肉飯先係主角其他都只係配角。

突然想食台灣野，上網搵過，呢區原來只得三四間台灣菜，而且得呢間係以套餐形式供應，成個set 咁豐富都係$60起，就決定好晚餐嘅地點餐牌上面樣樣都好吸引，花咗啲時間先決定到食咩肉燥湯麵 – 欣賞呢度嘅肉燥冇咩肥肉，但依然夠香夠惹味。湯底略淡，用嚟配餸食就剛好。湯嘅份量唔夠，好快就比麵條索曬，食到中段開始乾乾地，我將麵條加落貢丸湯度食，咁樣反而中和到偏咸嘅貢丸湯。下次會揀拌麵 (加$2)，濃味啲又可以食到肉燥嘅原汁原味五味小茄子 – 上枱嗰時新鮮熱辣，鋪喺面嘅木魚絲仲識跳舞。茄子用咗醬燒嘅煮法，唔會太油，咬落去仲保留住水份，有驚喜！秘制香酥排骨 – 炸得好脆，薄薄嘅炸粉包住厚厚嘅豬扒，豬扒唔算好鬆軟，不過裡面有啲肉汁。用淮鹽吊味，整體係好食嘅套餐仲包括埋：酸青瓜 – 似乎淨係用白醋浸過，味道比較單調，但清爽開胃貢丸湯 – 味道略鹹，但貢丸係彈牙兼且有肉質嘅香菇貢丸台灣奶茶 – 一般台式奶茶都會預先調好甜味，呢杯勝在唔會太甜，奶同茶味嘅比例好平衡，夠香滑下次想食台灣菜，會嚟試埋其他菜式！

今日中午去太子打羽毛球，打完後朋友說想食台灣野，記起之前友人介紹”小麻吉滷肉飯”平靚正，所以就行去旺角女人街搵食!下午茶時間，有午餐及下午茶選擇，而且價錢實惠。我們也肚餓了，所以叫午餐，滷肉飯係我的至愛。我叫了-小麻吉滷肉豬軟骨飯$47, 追加小食配五味茄子$12。肉燥淋在白飯上面, 肥瘦肉均勻, 味道唔會好咸, 送飯絕配! 豬軟骨好淋, 軟骨也可以食埋，醃得入味, 正!朋友叫了紅燒牛肉麵$56, 追加小食鹵水拼盤$18, 牛肉煮得入味又夠淋, 麵底是正宗台灣麵, 軟硬適中, 湯底係濃濃的牛肉湯, 味道很不錯!😋小食五味茄子, 醬汁味道有點酸甜, 很醒胃, 加上茄子本身無咩味, 配搭得好好! 另外鹵水拼盤有豬耳、豬腸及鹵水蛋, 鹵水汁調教入味非常, $18份量好多, 超值!😍跟餐飲品我點了凍洛神花, 味道酸酸很開胃。朋友通常都係出面飲珍珠奶茶，這裡有凍珍珠咖啡，佢話要試一試，點知一試愛上，味道仲夾過配奶茶。跟餐只加$5好抵飲。總括來說, 這餐廳CP值高, 下次去開旺角開飯, 一定會再來~

今日中午去咗旺角買野，買完野之後就拿拿林去搵食，由於未食早餐，所以好肚餓。打開openrice見到附近有間台式餐廳幾好評，於是去睇下，望個餐牌都幾平，二話不說就入去坐低。鋪仔細細，雖然係十二點鬆啲，但都坐咗5-6個人。由於我坐最入，冷氣有少少唔夠。我就叫咗肉燥鹽酥雞湯麵+凍檸紅茶鹽酥雞係新鮮炸，好香，鹽味唔會太重，雞粒有少少乾，幾好味。麵係台灣麵，外淋內韌，份量都多，肉燥份量好少，唔夠喉。兩塊生菜都好靚，浸起湯黎食好好味，如果多幾塊就好。台式凍檸茶，有層泡起面，茶味好淡，比糖同檸檬味遮哂，要黎解喝都ok。旺角冇咩得好食，一係貴，一係難食，味道同價錢平衡到嘅話佢會係其中一間，埋單$49，幾平的午餐，又幾好味。相信12點半後會好爆，要食趁早。

.小麻吉滷肉飯🍚.•)滷肉飯+黃金雞排+台式小香腸-肥滋滋的五花腩·滷到入口即化😋配著米飯令人忍唔住一口接一口🤤-炸到香脆的黃金雞排..邊邊略微炸得有點乾了..但中間的肉依舊juicy😈-小香腸食落神奇地似雞仔餅的味道😯.•)肉燥口水乾拌麵+麻辣豬手+滷水豬大腸-無辣不歡的人必點這麻醬加口水汁的乾拌麵🌶掛滿醬汁的麵條香氣十足😍-軟糯的豬手🐷⋯入口滿滿的骨膠原.小小辣應該好多人都接受到🐽-煮到軟棉棉的大腸·但個人還是比較喜歡彈牙有口感的😆但滷得非常入味..野飲夠哂大杯..朱古力唔會淡..胚芽都好有口感

「 小麻吉滷肉飯 」嘅晚市套餐價錢最低由HKD60起 有飯有乾拌麵有湯麵俾你揀 台灣小食可以揀兩款 絕對滿足到為食嘅我⠀⠀⠀⠀⠀⠀⠀⠀⠀我個套餐就揀咗肉燥牛肉湯麵 (+$4) 滷水雞翼 (+$2) 同埋台式小香腸 ($2) 每份套餐都跟一碗貢丸紫菜湯 呢個經濟實惠嘅套餐味道都唔錯 肉燥味道帶少鹹但唔油膩 滷水雞翼味道就淡咗啲 唔夠入味 但個人應為可接受嘅⠀⠀⠀⠀⠀⠀⠀⠀⠀其他小食例如鹽酥雞 台式小香腸同我喺台灣夜市食過嘅味道差唔多 值得一試⠀⠀⠀⠀⠀⠀⠀⠀台式飲品只係試咗珍珠奶茶 (套餐價+$7) 其實店內有多款台式飲品選擇 我覺得叫套餐加少少錢試吓台式特飲係可以考慮呀