小麻吉滷肉飯 (已結業)

上星期第一次食，晚餐味道正正常常，唯獨魯肉飯餸太少，貢丸湯味精味濃，但價錢算地道，一個set埋單唔駛80蚊。巧遇今日一家三人行，因其他餐廳都多人唔想等位，於是諗住再次幫襯少人的依間野，一入到去光頭男人已經唔客氣咁指揮我地坐邊，一坐低就埋黎叫我地落單，小朋友都未settle好，我地話轉頭先，佢真係轉過頭唔駛1分鐘再棟係隔離想我地落單，然後我地點左兩個餐，個光頭男人就問仲有一個餐呢？我話夠喇，我小朋友只得3歲多，又點會食得到三個餐呢，但個光頭佬就話每人頭佔座位計最低消費$40，而重點係佢門口冇咁寫過，態度如此差，生意手法咁獨特，我唯有唔食離場。其實附近好食又有顏色的餐廳咁多，何必食依間態度奇差既餐廳，食物味道也只是普通，香港人仲要食人情味，人頭最低消費？依家茶記都唔興啦

今晚朋友約左小妹去旺角行街睇精品, 但大家都遲左收工勁肚餓於是決定食飽先行😆 朋友提議食小麻吉, 話抵食又大份, 小妹當然叫好🤣 餐廳提供晚市定食套餐🍱, 包左一個飯🍚/麵🍜, 主食, 小食同飲品🥤, 每樣選擇都幾多!🌟涼拌青瓜🌟紫菜貢丸湯🥣🌟麻辣豬耳🐷豬耳味道唔算太辣, 質感軟腍入味, 口感微微爽脆!🌟夜市小香腸台式小香腸外皮微脆, 咬落去油脂爆出, 味道甜甜地幾惹味!🌟鹽酥雞🐔份量幾多, 炸得幾酥脆, 件件都大大件幾juicy!🌟蜂蜜芥末醬配黃金雞扒🐔雞扒炸得幾香口, 炸皮薄啖啖肉幾juicy, 蜂蜜芥末醬係重點, 味道甜甜地, 令雞扒味道更惹味!🌟肉燥蕃茄湯麵🍅🍜湯底質感濃稠, 蕃茄味勁濃郁帶蕃茄清甜味, 麵質爽彈吸湯!🌟肉燥飯🍚肉燥醬汁幾多, 味道岩岩好帶少少甜唔太咸, 撈飯正!

小朋友一個5歲 一個8歲 我們一家四口坐下無耐有個男人走埋黎問我地食咩， 佢地有得散叫 話佢地有最低消費 ，我就話我地會叫3個餐 佢就話可以免一個最低消費俾我地，但佢d態度係好似睇唔起人咁 ，咁當然我地更係唔洗佢咁屈就要免我地一個最低消費啦！ 附近有咁多好餐廳我地都唔想屈就自己囉！我諗有小朋友要諗清楚先好去食 。（其實有最低消費唔係問題但態度好d大家都舒服d囉）

位於「旺角」「女人街」，近着「油麻地」「登打士街」路段一帶的舖位位置，最近有一間新台灣菜餐廳運作營業，餐廳的名稱叫做「小麻吉滷肉飯」，主打甜味「滷肉飯」食品。「麻吉」這個字眼在「台灣」頗為常見，意思主要來自英文「Match」的譯音，所以「麻吉」在台灣坊間，經常都被人引伸利用，用作形容跟好朋友的密切關係，意思跟「巴打」有點近似。「小麻吉滷肉飯」除了有由「豬肉」肉碎作為食材，製作而成的傳統「滷肉飯」食品之外，還有利用被切碎的「牛肉」作為食材製作而成，屬於「牛肉」版本的台灣「滷牛肉燥飯」食品。論食材款式的完整程度，「小麻吉滷肉飯」其實算是不差，因為「小麻吉滷肉飯」除了有製作「紅燒牛腩飯」之外，也有製作提供「黃金雞扒飯」，迎合偏好啖啖肉口感和濃厚口味的食客。只可惜世事永遠都沒有兩全其美的事情，同時有製作提供「牛腩飯」，跟「雞扒」食品的食店「小麻吉滷肉飯」，唯獨餐廳飲品一欄，欠缺甜味的手調台式「水蜜桃紅茶」飲品，只有「蜂蜜紅茶」跟「百香果紅茶」而已。所以我最後在沒有可能在「小麻吉滷肉飯」裡面享用冰凍「水蜜桃紅茶」飲品的情況之下，退而求其次選擇了享用冰凍「珍珠蜂蜜綠茶」飲品。「小麻吉滷肉飯」廚房水

朋友介紹下我就嚟咗台灣人氣店鋪＜小麻吉滷肉飯 ＞；佢哋其實有兩間分店: 大埔同油麻地。而我當日就揀咗去油麻地分店，一入到去望到牆上畫壁好有氣氛！坐低咗就叫咗以下菜式:1)甘香滷肉飯 $39 追加涼拌小王瓜+$182)紅燒牛肉麵 $62 追加滷水拼盤(小)$263)鹽酥雞拼小香腸(小)$284)凍珍珠阿薩姆紅茶 $22呢間餐廳價錢真係非常之抵，而且份量比我諗嘅多，佢哋嘅滷肉飯又香又濃，仲有少少青菜同半隻雞蛋，好想一口接一口咁追住食！聽講老闆仲係以台灣地道烹調方法；難怪咁惹味。而鹽酥雞拼小香腸嘅腸非常有肉汁，鹽酥雞竟然係以啖啖肉嘅雞胸製作，好喜歡！ 另外追加嘅小王瓜份量好多，酸酸甜甜帶有蒜香，好開胃。其實小王瓜如果要我就咁食兩三碟我都完成無所謂！因為小王瓜本身陣味就已經好感引！而滷水拼盤炆咗好耐入晒味，最好嘅係入面豬腸竟然有肥腸同瘦腸！好驚喜，滿足晒唔同人需求！紅燒牛肉麵帶點藥材味道，肉同麵嘅份量都好足！以$62呢個價錢嚟講係抵! 而凍珍珠阿薩姆紅茶嘅茶底亦非常唔錯，至少唔會澀同飲到啖啖麥芽玫瑰香！呢到小食、飲品、主菜不但好食，而且價錢仲非常公道。如果會去油尖旺／大埔區真係誠意推介你試試！

【小麻吉滷肉飯】.之前去過小麻吉食過佢地嘅滷肉飯，好食到念念不忘🤤點知！比我發現左佢地網頁上面有快煮包買！疫情期間就算足不出戶都可以食到台灣嘅味道💕即刻試下快煮包同係餐廳食有冇唔同先🥰.今次試左「甘香滷肉」同「健怡肉燥」，只要成包放入沸水加熱10分鐘就食得，超級方便！味道仲好好添，同餐廳食完全冇分別，滷肉同肉燥都超級香，撈飯食一流❤️一包仲要係二人分量，可以同家人朋友開心share添😍.▪️甘香滷肉💰價錢：HKD$45💯評分：8/10.▪️健怡肉燥💰價錢：HKD$40💯評分：7/10.📍 旺角通菜街2A-2P鴻光大廈地下2C號鋪

晚市定食套餐分為3個部分:1.飯麵類 2.主食類 3.小食類.而每份套餐都包含紫菜貢丸湯及涼拌小黃瓜一份.滷肉飯充滿台灣風味既滷肉飯,肥美香口層次豐富既五花腩肉配上濃香滷汁配飯超絕配.滷肉豬皮煙韌爽彈,中間肥肉香軟不過膩,底層瘦肉吸入滷汁,肉質嫩香不柴.鹽酥雞炸漿唔會過厚重而且唔會油淋淋.外層灑上一層椒鹽粉,入口香酥帶陣陣鹹香感.五味茄子茄子香軟又唔會煮得過分腍.配上甜不辣醬,甜味中帶點微辣既口味令原本口味偏淡既茄子增添不少風味.最後係茄子上再灑上木魚片,令茄子鮮味更突出,同時令整道菜充滿鹹甜辣.肉燥麻辣擔擔湯麵與滷肉飯類似但風味不同既台灣特色美食.肉燥味道同樣香醇濃郁,鹹香中帶著甘甜細緻既香氣.再拌上擔擔醬及麻辣香令整碗湯麵十分香濃.擔擔湯內花生香略微不夠,多返少少會更香.炸豬扒炸漿同鹽酥雞同樣薄,入口香酥不油.豬扒入口鬆化亦唔會過乾柴.台式小香腸香脆Q彈,一咬帶出第一啖先感受到香腸衣Q彈既口感,後帶出內裏嫩香又充滿嚼勁既豬肉餡.味道香甜充滿香料風味.茉香奶綠茉香茶底香濃唔會被奶味掩蓋,入口順滑唔會過甜.珍珠咖啡珍珠Q軟有咬口,珍珠中間咬落唔會硬.

小麻吉門市一向都有口碑，近排佢地仲賣埋外送包～今日就同大家一起開箱睇吓有咩好食！甘香滷肉 (二人份200克)台灣滷肉一向都十分受大眾歡迎，可說是台灣的名物之一。這份滷肉用肥瘦相間的肉粒製作而成，食起來齒頰留香，同白飯一起食真係勁滿足！健怡肉燥(二人份200克)以個人口味而言，就比較喜歡肉燥。這份肉燥主要以豬肉碎和豬皮碎製作，以台灣醬油及蔥酥慢炒至乾身而成。肉燥製成後的油份和肉的脂肪比例相對很少，就算食多左都唔怕肥。滷牛肉燥 (二人份200克)一般滷肉都以豬肉而成，滷牛肉燥用免治牛肉配上台灣入口醬料，牛肉控的朋友真的不可以錯過！蔥燒豬軟骨 (一人份300克)用來加餸真係一流，店主將豬軟骨煮得十分腍身。吃起上來啖啖也是骨膠原的味道，配上他們自家製的烹調汁醬，絕對是一大賣點！去鋪頭食野，不妨留意一下佢地既外賣包～

【小麻吉滷肉飯】.等疫情過左之後，我最想去旅行，台灣就係我其中一個我想去嘅地方！不過未去到旅行之前，可以去「小麻吉滷肉飯」食個滷肉飯止下渴先😍.一份晚餐可以揀飯麵、主食同埋小食，份量都幾多，好抵食☺️而且d野食全部都整得好入味，完全係台灣嘅味道🤤我自己最中意嘅就係「特色炸木魚豆腐」，個豆腐炸到外脆內軟，加埋個醬汁，好味❤️.▪️紅燒牛筋腩肉燥湯麵 配滷豬耳💰價錢：HKD$65💯評分：8/10.▪️香濃豬軟骨滷肉飯 配五味小茄子💰價錢：HKD$68💯評分：8/10.▪️特色炸木魚豆腐💰價錢：HKD$38💯評分：8/10.📍旺角通菜街2A-2P鴻光大廈地下2C號鋪

🌟甘香滷肉飯 🍚 $39 (9/10)滷肉飯係小店嘅招牌菜 滷肉份量好多 鋪滿晒成個飯 滷肉選用左半肥瘦唔會話食到好溜 伴碟嘅蔬菜亦幾新鮮 醬汁嘅調味適中 唔會過鹹 撈飯剛好 小店用料好足 飯底用左珍珠米 咬落更有口感肉燥炸豬扒湯麵 🍜 $48 (7/10)分量好大 絕對夠飽肚呀 個炸豬扒係分開上嘅 確保豬扒既脆身 麵條煙韌 幾有口感 湯底清甜 食完成碗都唔會口乾 不過豬扒稍微煮過龍 肉質比較乾身鹽酥雞飯配照燒汁 🍗 $43 (8/10)鹽酥雞大概有6-7粒 份量適合女仔食 鹽酥雞炸得啱啱好好 唔會厚粉 保持到個肉汁 配埋個照燒汁更入味 另外小店有提供咖喱汁同蕃茄汁比客人選擇架 飯底同樣用左珍珠米 🌟特式炸木魚豆腐 🫔 $50 (10/10)呢個小食比較少見 但味道超級有驚喜 一碟有4塊 每塊豆腐都好大舊 而且鋪滿晒木魚 豆腐炸得啱啱好 外脆內軟 內餡仲保持到軟滑 配埋個鹹醬汁同青瓜絲口感更豐富涼拌小青瓜 🥒 $35 (8/10)青瓜咬落好爽口 酸酸甜甜咁好開胃茉莉綠茶 (7.5/10)飲品係跟餐既 凍飲就要加$5 茉莉味好重 而且唔會太甜 好大杯所以性價比幾高 不過就冇乜綠茶嘅

每年二月，我都會同我啲麻吉死黨去台灣旅行今年因為疫情飛唔到，所以我哋就去咗食台灣菜，以延續每年嘅約定🥰◭甘香滷肉飯 $44唔講都唔知，原來滷肉飯入面嘅滷肉，係全人手切開一條條，仲要係五花腩加梅頭肉混合而成，唔怪之得食落甘香又唔係好肥膩，好食又健康◭ 鹽酥雞拼小香腸飯(加肉燥) $63食完鹽酥雞同小香腸後，突然忘記咗自己係香港😳因為呢個味道太似係台灣食嘅味道◭ 特色炸木魚豆腐 $50外皮脆，入面啲豆腐好滑，唔怪之得每日限量供應🤭◭ 涼拌小黃瓜 $35好爽脆，沒有太重口味嘅調味料，更特顯小黃瓜清甜嘅味道食完差唔多埋單嘅時候，諗住買多份滷肉飯外賣返屋企，同店主傾計嘅時候，先發現小麻吉有網店買快煮包，而材料同係鋪頭食嘅係一模一樣，因為係出於同一個食品製作工廠

#fafafoodblog台灣菜 #fafafoodblog旺角 <滷肉飯唔錯 其它有改善空間>食呢間野既時間係有晚上限聚既時間 所以食個 tea坐下甘 Tea set 🍴小碗滷肉飯 31 蚊🐷滷肉飯好味 飯粒夠軟林 豬肉有 d厚實 有 d夠肥美 夠油香 好味 👍🏻🍴迷你啖啖麵31 蚊 🍜我明白台灣既啖啖麵係多湯 不過個湯唔太夠濃 但有 d豬肉碎彌補番 值得讚係個麵好爽口 有 d似上海預 口感唔錯 每個 tea set可加3 樣小食 點左 都算炸得幾好既木魚豆腐 豆腐夠香滑 呢個唔錯 👍🏻，滷蛋正常🥚小香腸不嬲都係嗰 d 味 冇特別 🐷 花枝丸唔錯夠彈牙🦑, 夠脆但雞肉冇乜味既鹽酥雞 🐥金梅脆薯 朱古力同珍珠奶茶都冇特別所以唔講整體黎講一般 但甘既價錢 其實都可接受唔要求得甘多 😂#台灣菜 #滷肉飯 #豬肉 #花枝丸 #豆腐 #珍珠奶茶 #擔擔麵 #滷蛋 Score 平均分 <6.9/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍

早左收工 行下女人街 行行下見肚餓又想食台灣野 就入去試下 入到去17:45左右 無下午茶時間了 咁就食佢既晚餐set 叫左 滷肉飯 炸豬扒 台灣腸 set加左杯珍奶小甜 8蚊我朋友就叫左鹽酥雞滷肉飯set 嚟到滿心歡喜 食左淡滷肉飯 的確好好食比起台灣既無咁油膩 我個人無咁中意油膩所以相當唔錯 不過食其他野 就係惡夢開始了炸豬扒同鹽酥雞唔知係咪中午賣剩既 個皮淋哂 而且係暖既 另外我杯珍奶小甜最恐怖懷疑佢直頭無落糖 只似到茶味連奶味都唔覺有 最後飲左幾淡就無再飲了依間野..唔會再有下一次

lunch time見尼間好多好評又唔洗排隊就試下，價錢親民，都幾多選擇環境都夠大，上菜好快滷牛肉飯（$39）健怡版滷肉飯，以爲健怡版會健康啲，但都係自欺欺人，好少蔬菜，醬汁好鹹，一啲都唔健康。圖片與真實不符，圖片係好多菜填滿碗飯，點知都幾塊菜。牛肉粒無咩肥膏，醬汁好鹹，撈飯食都勉强接受到個鹹味，飯量都幾多，夠飽肚。熱香芋鮮奶（$5）見到隻色就知中大伏，紫色好假聞落都無芋頭香味，隻色似雀巢雪糕色，飲落係有甜味嘅水，芋頭味道都係似雀巢雪糕，假假地嘅芋頭味，完全無奶味。

價格OK，53蚊一個套餐，送飲品。不過滷肉燥太鹹，面飄著層油。鹽酥雞太油，冇乜調味，得雞胸肉的味道，鹽酥雞好大塊，全部係雞胸肉，又冇味，比較一般。整體普通，唔會再來第二次。