小麻吉滷肉飯 (已結業)

早兩日放假又去咗食台灣嘢，今次去咗旺角嘅小麻吉叫咗兩個定食。🥣黃金雞扒定食 $74 (8.1/10)🔺醃漬小蕃茄 - 酸酸地，咬落Juicy多汁。🔺肉燥麻醬乾拌麵 - 麵嘅軟硬度啱啱好，食落好爽口，配上肉燥麻醬味道好夾。🔺黃金雞扒 - 雞扒炸得好脆，咬落卡滋卡滋，唔錯。🔺台灣小香腸 - 食落有台灣嘅味道。🔺紫菜湯 - 估唔到紫菜有驚喜，我以為浸咗湯會好腍，點知食落都仲有脆脆嘅口感。🥣紅燒牛筋腩定食 $78 (8.3/10)🔺涼拌小黃瓜 - 小黃瓜食落爽口。🔺肉燥蕃茄湯麵 - 肉燥蕃茄湯酸酸甜甜好開胃，麵條口感爽身彈牙。🔺紅燒牛筋腩 - 牛筋腩都好軟腍，好入味。🔺麻辣雞腎 - 雞腎辣辣地都幾好食。🔺紫菜湯 - 估唔到紫菜有驚喜，我以為浸咗湯會好腍，點知食落都仲有脆脆嘅口感。🥤飲品🔺凍珍珠奶茶 （跟餐+$9）珍珠煙煙靭靭，奶茶又唔會好甜，我平時飲開少甜，所以啱晒我。🔺凍蜂蜜檸檬綠茶 （跟餐+ $12）平時大家都飲開檸檬紅茶，原來蜂蜜綠茶加檸檬都幾好飲喎。總結：定食方面除咗主食，仲有漬物、小食、仲有碗紫茶湯，都好抵食，味道都唔錯。店員老闆嘅服務都幾好，下次可以再嚟。

入到尼間餐廳，牆身貼有台灣夜巿同101大樓牆紙，好掛住台灣🥲雖然台灣餐廳滿街都是，不過尼間有啲特別，佢地賣既係石鍋滷肉飯，將台灣同韓國菜mix 埋一齊，好期待😍石鍋玉子滷肉飯（$68）：韓式石頭飯裡面配上台式滷肉，係好新穎既配搭。熱辣辣上枱，聽到打啦打啦既聲就已經好興奮😂尼款滷肉偏瘦得黎又夠林，比平日既滷肉飯少咁啲油膩感，又保留到滷肉既口感同香味。滷肉汁好足夠，岩哂無汁不歡既我。尼個韓、台既配搭少見得黎又match到野食既味道，為平實、純樸既台灣加了一點特式。石鍋玉子燒燒豚肉飯（$72）：佢既豬肉有啲似薄切肥牛，每塊都係半肥瘦，一咬就食到香濃既小肥豬，落埋燒汁更加惹味。配菜有菠菜、蘿蔔、芽菜、秋葵同雞蛋。私心覺得菠菜煮得正，每條菠菜都爆水好juicy，撈埋一齊食超級滿足🥳趁熱炒下飯底，陣間就有埋飯焦食。特別推介尼度既烏梅汁，酸酸甜甜，飲完勁開胃。聽說烏梅可以防癌、增加能量、消除疲勞同便秘，，，鍾意酸野既朋友一定要試😂

個日去開旺角見到呢間OpenRice 好似評價都唔錯，午市都坐得幾滿，裝修又幾靚就入去咗食🤤 同朋友一人嗌咗啲share食，好欣賞呢到嘅嘢食全部都熱辣辣，上枱個時出晒煙，同埋好大份夠晒抵食😆我哋嗌咗一份午市定食，前菜揀咗小黃瓜酸酸甜甜幾開胃😝主食嗌咗肉燥湯麵，啲麵幾彈牙，而且唔會好油膩，湯係類似豬骨湯個種都幾香😛小食揀咗原味鹽酥雞，幾有驚喜🥰食落去啲雞肉好滑，炸皮唔算厚，加埋啲調味真係有種係台灣夜市鹽酥雞嘅味道🤪滷雞腎都唔柴，幾爽口，索晒啲滷水汁嘅味👍🏻其實有冇人同我一樣冬天鍾意去韓國舖食石頭鍋飯🤣鍾意暖笠笠同埋食啲飯焦🥸 平時食滷肉飯通常都係飯碗上，今次見到佢哋新菜式係石鍋玉子滷肉飯，未試過就嗌咗嚟試下🍲一上到枱出晒煙同埋聽到石鍋嘅滋滋聲，陣香味已經流晒口水，鍋底仲超多飯焦🤩🤩滷肉飯嘅肉都煮得好淋，撈埋啲蛋汁食都幾夾，之前都冇諗過可以咁食🤣餐飲嗌咗一杯烏梅汁酸酸甜甜咁幾清新，梅味唔會好勁所以就算我唔係特別鍾意梅味都接受到🤪台式奶茶都好夠滑，大推😋總括而言呢間嘅定食大大份定價唔貴又好夠飽，抵食又好味😆會回訪🤪

滷肉飯就食得多啦石頭鍋版嘅滷肉飯唔知有冇食過呢今次去咗盲選左間台式餐廳一心普普通通食個set lunch點知睇menu嘅時候見到店員送咗個石頭鍋飯出嚟聽到滋滋聲而且超級香就即刻改變左個選擇🥴石頭鍋飯要等大約15分鐘相對上比較耐但我會認為依個等待時刻非常合理上到嚟之後真係滋滋聲超級熱店員都再三提醒唔好掂倒個鍋石頭鍋飯嘅份量超級多足以夠兩餐食🙈我食淨一半真係好唔好意思飯焦份量好多而且唔會有燶味！下下都食到脆卜卜嘅口感真係好正之前喺其他地方食過啲飯焦係有燶味搞到唔會想食滷肉嘅份量都好多同埋幾入味不過撈埋左一齊俾啲飯焦焦點蓋過咗所以強烈建議試滷肉先再將佢哋撈埋一齊👍🏻👍🏻朋友就簡簡單單叫咗個肉操牛湯麵配小食鹽酥豬扒略嫌唔夠熱不過鹽酥味好夠而且都香脆台式香腸就一樣咁出色煎得非常香脆完全係台灣嘅味道🤤🤤另外值得一讚嘅就係佢杯嘢飲叫佢少甜少冰係真係少甜少冰！！珍珠都好煙韌不過如果有黑糖炒過就更加好啦不過佢唔係專做飲品唔應該要求太多整體來講係合格之上👍🏻聽聞佢哋嘅豬軟骨都滷得唔錯有機會會再嘗試😼😼

去開旺角除左行街掃街之外，行到攰梗係要揾個地方抖抖食少少野啦~呢間嚮通菜街嘅小麻吉絕對係抵食之選呀。晚市套餐$65起就有交易，有齊紫菜湯、前菜、主菜、小食同飲品，真係抗通脹價格，難怪晚上9點仍然座無虛席啦。涼拌小黃瓜醃到酸酸甜甜，完全覆蓋青瓜本身嘅草青味，好開胃。肉燥麻醬乾拌麵麻醬麵真係每次去台灣必食架呢度d麻醬同青瓜絲份量好多， 夾麵時見到濃厚醬汁緊緊地掛嚮麵條上，食落好滿足。鹽酥雞全部都係雞柳，比較乾身，但喜歡啖啖肉有咬口嘅我覺得幾好味。炸粉唔厚，外面好多椒鹽，有夜市鹽酥雞嘅香味。甘香滷肉飯滷肉飯似乎係呢度嘅招牌菜（見好多張檯都有嗌），滷肉有梅頭肉同五花腩，肥瘦適中，煮到軟腍腍甜甜地，好適合送飯。香濃豬軟骨肉質好腍，中間軟骨食落黏黏地，滿滿的骨膠原感。台灣小香腸雖然冇夜市嘅碳烤味，但外層煎到脆脆地，而且已切開一半，細細條好易入口，味道都唔錯。胚芽珍珠奶茶睇我攞住隻杯影就知有幾大杯，唔太甜，珍珠粒粒好Q彈。

約左朋友去旺角睇戲，點知佢突然要𝖮𝖳最後食得飯嚟就趕唔切睇戲啦～於是就去左小麻吉食個又快又抵食嘅晚餐🥣之前見其他人食過蜂蜜芥末黃金雞扒幾好今次就點左嚟試一試，果然唔錯雞扒炸得酥鬆，蘸上滿滿蜂蜜芥末醬，甜甜地咁，食落無咁膩～店員推介豬軟骨炆得夠腍，同行友人生左兩粒痱滋，梗係食呢個餸啦～豬軟骨真係問得好腍好腍，而且夠晒入味份量亦都唔算少，大食嘅應該都夠餸食！小食方面我覺得一定要嗌豬耳，炆得超級好食！滷水恰到好處，又無一般嘅雪氣味🤩至於兩個湯麵湯底都唔錯，鍾意食辣嘅應該要揀肉燥麻辣牛湯麵，又其實佢都唔算好辣，不過都幾開胃咁啦～仙草凍簡直係台灣最愛小食第一位食晚餐加配珍珠紅豆仙草凍（小碗）只係$6配料相當之豐富，仙草凍嘅話，喺度食完飯，再食埋個甜品真係飽到不得了小麻吉嘅台式定食有$65起，有齊：湯品＋前菜＋飯/麵＋主食＋小食食物質素喜出望外，而且份量又夠多，小店嘅招呼亦都非常之有禮貌！去開旺角想食一個快手嘅晚餐，小麻吉我覺得都非常之唔錯😎。・゜・゜・。。・゜・゜・。📌 小麻吉滷肉飯 (旺角)📍 旺角通菜街2A-2P鴻光大廈地下2C號舖。・゜・゜・。。・゜・゜・。今日order 📝1）定食 $7

一個套餐有五樣嘢揀 湯，前菜，飯/麵 主食，仲有小食 超抵食 都係$65 ！仲有一杯台式飲品🧋正👍🏻😋 一定會再試👏🏻👏🏻我覺得蜂蜜芥末配鹽酥雞同香濃豬軟骨最啱我口味👍🏻😍湯係紫菜湯，前菜有小黃瓜🥒同蕃茄仔揀 主食有甘香滷肉飯同肉燥乾伴麵⋯⋯⋯等等超多選擇！👏🏻

極力推介呢間餐廳，我同朋友食完之後都好滿足😌真係有去左台灣嘅感覺，而且重點係超級抵食🤘🏻我哋兩個人一人一個定食，定食有湯、前菜、飯或者麵、主食同小食，咁多嘢都係$65咋🤭湯係紫菜湯，我哋揀咗前菜醃漬小蕃茄🍅涼拌小黃瓜🥒肉燥乾拌麵，肉燥牛湯麵🍜主食揀咗蜂蜜芥末配鹽酥雞同香濃豬軟骨，小食就揀咗滷水豬腸同台灣小香腸。紫菜湯有好多紫菜，而且仲好濃味。小黃瓜酸酸甜甜好開胃，兩個麵嘅份量都好多，我哋係食唔晒架，拌麵加上佢哋秘製嘅肉燥真係好好食，減緊肥嘅我都忍唔住食咗一大半🤭佢哋嘅蜂蜜芥末真係好出色配埋外脆內軟嘅鹽酥雞真係不得了🤤我食完一舊又食一舊，朋友個豬軟骨都好腍好入味，而且份量重好大碟滷水豬大腸好好食，滷水味濃郁👍🏻又係好入味，小香腸係我食台灣野必點嘅，熱辣辣，好有誠意，平時好多都只係微暖，我哋仲加咗嘢飲，芋香牛奶同百香果綠茶，真係超級大滿足，捧住個肚走啊🤣🤣真心推介，下次去開旺角會再食🤘🏻順帶一提店員好細心，因為當時係lunch時間其實都好多人，我只係望咗佢一眼就知道我要叫野😁但其實我已經落咗order，能夠喺咁忙嘅時候都咁細心，值得👍🏻👍🏻

🍻 啤酒🐷食評 🍖 💁🏻‍♀️｜小麻吉滷肉飯｜💁🏻‍♂️琴晚豬生又出馬，帶大家去食台灣野🤤今次我地又黎左旺角通菜街呀，唔知豬生係咪想試混曬呢條街嘅野食呢去到先知原來咁岩係上次間大叻越南餐廳嘅隔離🙈見入面都就黎坐滿，都幾有人氣，見餐牌啲滷肉好似幾吸引🤤好想快啲食到呀·—·—·—·—·—·—·—·—·—·—·#🍻🍖 質素：🍱呢到晚市有個台灣定食餐，跟會有｜紫菜湯·前菜·飯/麵·主食·小食｜$65起除左湯之外，每樣都有好多選擇，不過有啲要再另加錢。🥗前菜｜涼拌小王瓜前菜我地都揀左醃過既小王瓜，酸酸甜甜，而且好脆口🍚飯/麵｜甘香滷肉飯豬生揀左最受歡迎嘅滷肉飯😌滷肉飯都幾大碗，食完都飽左一半🙈而且滷肉夠軟滑，煮得夠爛之餘都仲食到粒粒肉🤤真心幾正🍜飯/麵｜肉燥乾拌麵｜+$3拌麵份量麵算大碗，肉燥份量相對少，拌麵嘅醬汁幾入味，不過麵質好似冧左啲，下次想試個特別少少既肉燥口水拌麵多啲🙈🍖主食｜鹽酥雞鹽酥雞都炸得算ok，唔會好厚粉，雞肉肉質幾滑，同樣份量好多🤩🍖主食｜香濃豬軟骨｜+$5豬軟骨肥瘦適中，食落肉質好軟冧冧，啲軟骨位食落會有啲黏黏地，有骨膠原😍正呀，女人至愛🥠小食｜台灣小香腸｜+$6豬生叫左佢最中

想平平哋食一餐呢度真係一個好選擇價錢抵而且食物豐富晚餐都係$65起～有湯品、前菜、飯或麵主食及小食。第一個餐我哋揀咗醃漬小蕃茄，揀咗肉燥乾拌麵、鹽酥雞、滷水雞腎～肉操畔麵有好多肉燥，麵嘅份量都好多！鹽酥雞好多一小件，新鮮炸起，有油分，又脆！第二個餐揀涼拌小黃瓜🥒肉燥牛湯面、炸豬扒、滷水豬耳～湯麵湯底都幾濃郁，炸豬扒大大塊，金黃香脆！滷水豬耳夠入味幾爽口！飲品熱檸檬紅茶☕️凍珍珠奶茶🧋唔錯呀！！

有次等舊同學放工食個飯，見到依間無咩人等位就入咗去。Dinner set有前菜，飯/麵，主食，小食同湯！湯無得揀嘅，而且味道就有啲咸。至於碗麵嘅湯又好清⋯鹽酥雞都炸得幾酥脆唔會好油膩。茄子同生菜都比得幾多。總體嚟講食物味道就不過不失，加上價錢真心好抵！只係$70左右，一個晚餐嚟講係大件夾抵食！係旺區嚟講平靚正！而且當晚因為無咩人，晚餐係到坐下都幾舒服唔會太嘈。聚舊傾下計食下飯都唔錯！而且老闆人好好，好有禮貌。

今日下午經過旺角就搵野食😛一個人又唔知食咩好就周圍行下點知行行下見到呢間小麻吉既台灣餐廳就入左去了入到去環境尚可 下午時間都唔洗等位環境唔嘈 好多位可以簡黎坐員工服務態度都唔錯😁餐廳音樂都好柔和好熟悉既流行歌曲🚩甘香滷肉飯配熱紅茶 $43因為一個人既關係，我點既野食唔多，點完大概十分鐘就到餐，滷肉飯味道尚好，比起台灣還是差一點點，不過都幾唔錯，份量都適中，對於我黎講都叫大碗，最後都食唔哂。而今次我點左熱紅茶☕️，整體黎講對得上個價錢，不過不失。

🍲台灣定食 ($65) + 飲品 ($6)🍲🥦通菜街出名多野食, 今次就黎試下台灣野. 📜一望餐牌見價錢幾實惠, 🍽晚餐定食$65起, 有包湯品 + 前菜 + 飯/麵 + 主食 + 小食, 係幾抵既. 🥣我呢個餐就叫左紫菜湯, 醃漬小番茄, 🍚甘香滷肉飯, 黃金雞排同滷水雞腎. 😲食物上檯個陣比佢個分量嚇親, 每碟都好多, 😝而個滷肉飯幾好食, 個汁夠曬惹味, 餸飯一流!😎🍜台灣定食 ($73) + 飲品 ($6)🍜🤗另外一個定食就試左肉燥麻醬乾拌麵, 蜂蜜芥末配脆香雞翼同🍆肉燥小茄子. 🐥我覺得最好食就係雞翼, 大大隻炸到熱辣辣漲卜卜, 🍯點埋蜂蜜芥末醬係滋味既! 👏🏻個乾拌麵都唔錯, 但真心好大碗, 食完要飽到捧住個肚走👅😋總體 (味道, 性價比, 環境, 服務態度) : 8/10——————————————————————————————🍲Set meal ($65) + Drink ($6)🍲🥦Tung Choi Street have a lot of good restaurant and this time lets try some Taiwan food! 📜The

今日下午時間經過諗住食d野都有一排無去，見佢換左個餐牌 發現價錢同早幾個月相比貴左好多 以前一個人70內就可以 而家食要8x幾 所以野個加配價都加左 而食物方面愈來愈差 食物一般都偏鹹 ,以接近90呢個價位 旺角有大把選擇唔需要揀佢佢嘅質素唔值

呢兩年路經通菜街都會發現有唔少食肆🍴望落幾吸引仲有唔少人係門口等位，相信如果認真上黎逐間幫襯仲要唔係每日食一間，應該都要一年半載先試得完🙈.今次介紹既呢間台灣餐廳🇹🇼絕對值得推介，因為佢既CP值真係好高‼️一份定食套餐65蚊已經有齊湯品🥣、前菜🥬、飯🍚/麵🍜 +主食🥘同埋小食🧆，如果好似我咁揀呢樣個樣，再加杯野飲🧋加碗仙草凍🍨，食到捧住個肚離開🤰🏻，人均都係90零蚊左右🤩所以當日平日夜晚8、9點去到，食店依然座無虛席要係門口等位👭🏻，價錢咁親民又難怪會咁旺場🔥******************************🥢定食套餐 ($83)✨紫菜湯🥣細細一碗都有一撮紫菜，飲到紫菜既鹹鮮而唔係死鹹既味道😌-✨鹽漬小蕃茄🍅 (前菜)前菜係小蕃茄同小黃瓜2選1，醃過既小蕃茄雖然外皮已經變腍，不過內裡依然多汁💦-✨甘香滷肉飯🍚呢度既滷肉🐷肥瘦適中唔肥膩，味道略帶甘甜，五香粉味唔會太重，個人認為呢種唔太濃既味道就岩岩好，幾適合平時飲食清淡既人士🤔不過如果閣下想要濃味d而又食得辣🌶既，可以考慮加4蚊揀呢度作為全港首創既大仔麻辣滷肉飯🌟，相信味道應該都唔錯😬-✨逢甲鹽酥雞🐔(主菜)落單時好猶豫到底要揀