小麻吉滷肉飯 (已結業)

入到尼間餐廳，牆身貼有台灣夜巿同101大樓牆紙，好掛住台灣🥲雖然台灣餐廳滿街都是，不過尼間有啲特別，佢地賣既係石鍋滷肉飯，將台灣同韓國菜mix 埋一齊，好期待😍石鍋玉子滷肉飯（$68）：韓式石頭飯裡面配上台式滷肉，係好新穎既配搭。熱辣辣上枱，聽到打啦打啦既聲就已經好興奮😂尼款滷肉偏瘦得黎又夠林，比平日既滷肉飯少咁啲油膩感，又保留到滷肉既口感同香味。滷肉汁好足夠，岩哂無汁不歡既我。尼個韓、台既配搭少見得黎又match到野食既味道，為平實、純樸既台灣加了一點特式。石鍋玉子燒燒豚肉飯（$72）：佢既豬肉有啲似薄切肥牛，每塊都係半肥瘦，一咬就食到香濃既小肥豬，落埋燒汁更加惹味。配菜有菠菜、蘿蔔、芽菜、秋葵同雞蛋。私心覺得菠菜煮得正，每條菠菜都爆水好juicy，撈埋一齊食超級滿足🥳趁熱炒下飯底，陣間就有埋飯焦食。特別推介尼度既烏梅汁，酸酸甜甜，飲完勁開胃。聽說烏梅可以防癌、增加能量、消除疲勞同便秘，，，鍾意酸野既朋友一定要試😂