影片
更多
2021-07-10
663 浏览
呢兩年路經通菜街都會發現有唔少食肆🍴望落幾吸引仲有唔少人係門口等位，相信如果認真上黎逐間幫襯仲要唔係每日食一間，應該都要一年半載先試得完🙈.今次介紹既呢間台灣餐廳🇹🇼絕對值得推介，因為佢既CP值真係好高‼️一份定食套餐65蚊已經有齊湯品🥣、前菜🥬、飯🍚/麵🍜 +主食🥘同埋小食🧆，如果好似我咁揀呢樣個樣，再加杯野飲🧋加碗仙草凍🍨，食到捧住個肚離開🤰🏻，人均都係90零蚊左右🤩所以當日平日夜晚8、9點去到，食店依然座無虛席要係門口等位👭🏻，價錢咁親民又難怪會咁旺場🔥******************************🥢定食套餐 ($83)✨紫菜湯🥣細細一碗都有一撮紫菜，飲到紫菜既鹹鮮而唔係死鹹既味道😌-✨鹽漬小蕃茄🍅 (前菜)前菜係小蕃茄同小黃瓜2選1，醃過既小蕃茄雖然外皮已經變腍，不過內裡依然多汁💦-✨甘香滷肉飯🍚呢度既滷肉🐷肥瘦適中唔肥膩，味道略帶甘甜，五香粉味唔會太重，個人認為呢種唔太濃既味道就岩岩好，幾適合平時飲食清淡既人士🤔不過如果閣下想要濃味d而又食得辣🌶既，可以考慮加4蚊揀呢度作為全港首創既大仔麻辣滷肉飯🌟，相信味道應該都唔錯😬-✨逢甲鹽酥雞🐔(主菜)落單時好猶豫到底要揀
呢兩年路經通菜街都會發現有唔少食肆🍴望落幾吸引仲有唔少人係門口等位，相信如果認真上黎逐間幫襯仲要唔係每日食一間，應該都要一年半載先試得完🙈.
今次介紹既呢間台灣餐廳🇹🇼絕對值得推介，因為佢既CP值真係好高‼️
一份定食套餐65蚊已經有齊湯品🥣、前菜🥬、飯🍚/麵🍜 +主食🥘同埋小食🧆，如果好似我咁揀呢樣個樣，再加杯野飲🧋加碗仙草凍🍨，食到捧住個肚離開🤰🏻，人均都係90零蚊左右🤩所以當日平日夜晚8、9點去到，食店依然座無虛席要係門口等位👭🏻，價錢咁親民又難怪會咁旺場🔥
******************************
🥢定食套餐 ($83)
✨紫菜湯🥣
細細一碗都有一撮紫菜，飲到紫菜既鹹鮮而唔係死鹹既味道😌
-
✨鹽漬小蕃茄🍅 (前菜)
前菜係小蕃茄同小黃瓜2選1，醃過既小蕃茄雖然外皮已經變腍，不過內裡依然多汁💦
-
✨甘香滷肉飯🍚
呢度既滷肉🐷肥瘦適中唔肥膩，味道略帶甘甜，五香粉味唔會太重，個人認為呢種唔太濃既味道就岩岩好，幾適合平時飲食清淡既人士🤔
不過如果閣下想要濃味d而又食得辣🌶既，可以考慮加4蚊揀呢度作為全港首創既大仔麻辣滷肉飯🌟，相信味道應該都唔錯😬
-
✨逢甲鹽酥雞🐔(主菜)
落單時好猶豫到底要揀鹽酥雞🐔定係香酥炸豬排🐷，店員就話鹽酥雞比較受歡迎🔥，所以最後揀左佢🤩
呢度既鹽酥雞係用雞柳黎整，由於無乜脂肪，肉質會比較乾，但又不至於又鞋又硬食到牙都軟既個種😛
不過都想讚下👍🏻雞件炸粉唔會好厚，夠乾身又唔油膩，食落仲係台灣夜市食到既個陣炸野味，係正宗既台灣味道💯
-
✨台灣小香腸🌭 (小食) (+$6)
每次係台灣夜市必食既台灣腸，呢度小食轉配價都只係加6蚊，咁抵食又點可以錯過😌
兩條小香腸分左做四件，香腸肥瘦比例適中唔會有太多肥膏，外皮香脆，味道甜甜地，大人細路都岩食😋
-
✨凍珍珠百香綠茶🍹 (加配+$12)
雖然知道大部分台飲都係用糖漿沖調而成，但本人對於百香果綠茶真係無乜免疫力😆 好彩呢杯百香綠茶唔會過甜，珍珠夠彈牙👄而且仲好大杯，岩晒食飯時飲😌
-
🥢定食套餐 ($98)
✨涼拌小黃瓜🥒 (前菜)
小黃瓜口感爽脆，味道酸酸甜甜幾開胃，個人認為比小蕃茄更加吸引😝
-
✨肉燥麻辣牛湯麵🍜 (+$4)
為左怕大家會擺烏龍，menu上特別註明左呢度既牛湯麵不含牛肉，只係牛湯底😆
幾令人意外既係呢度碗麻辣牛湯麵會拍得住川菜館，湯頭有好大陣麻香🌶，仲幾夠味😳 雖然對於唔太食得辣既我黎講佢會有少少辣🤏🏻，不過都並非辣到入唔到口既😌
麵條既口感唔會太腍，掛湯能力亦唔錯，而且份量唔細，男士🧑🏻🦱黎食都無問題👌🏻
-
✨紅燒牛筋腩🐮 (主菜) (+$5)
牛腩同牛筋大約各有3件，兩樣都炆到好夠腍，牛筋食落仲好有膠質🤓
另外仲有幾舊紅白蘿蔔🥕同樣炆到好腍，整體黎講唔會好濃味，不過有比較之下個人就認為鹽酥雞吸引d🤣
-
✨麻辣豬腸🐷 (小食) (+$6)
本來點麻辣豬耳點知黎到變左做豬腸，為怕麻煩就費事更換啦🙈
個人認為呢度既麻辣🌶味道真係幾到位，食落好惹味😋 而豬腸既味道同樣突出(唔係臭呀😂)，夠晒肥美所以入口即溶🤤
接受到豬腸既朋友應該會覺得幾正，對於唔食既人黎講應該會難頂🤣
-
✨凍珍珠茉香奶綠🧋 (加配+$12)
相比百香果綠茶，呢杯奶綠飲落就比較水，奶🥛同綠茶🍵味道唔太明顯，感覺珍珠奶茶既茶味可能會更突出🤔
建議珍珠奶茶控都係揀返珍珠奶茶🧋，價錢仲平d添🙈
-
✨珍珠紅豆仙草凍🍮 (加配+$6)
食完正餐食返碗甜品係正常不過既事，係呢度加6蚊就有碗加左煉奶既珍珠紅豆仙草凍🥣，一人份量可以自私食😌
甜品中既珍珠比飲品飲到既更加煙韌彈牙，雖然仙草味道唔太食得出，不過作為一碗飯後甜品而且只需6蚊，個人就認為好抵食👍🏻******************************
👧🏻人均消費：$90-$100
😋味道指數：3.8/5
💰抵食指數：4/5
🪑環境指數：3/5
💁🏻♀️服務指數：3.8/5
👍🏻再訪指數：4/5
-
📍小麻吉滷肉飯
地址：旺角通菜街2A-2P鴻光大廈地下2C號舖
⏰營業時間：11:30–22:30 (Mon–Sun)
(📍大埔亦有分店，營業時間或會有所不同)
张贴
